marriage

एका अल्पवयीन अनाथ तरुणीने दुसऱ्या धर्माच्या अनाथ मुलासोबत लग्न केले. या लग्नामुळे तरुणीचे चुलते आणि नातेवाईक इतके नाराज झाले, की त्यांनी सोमवारी सकाळी या तरुणीला मारहाण केली. इतकेच नाही तर तिचे मुंडण केले. यानंतर याच अवस्थेत तरुणीला काही वेळ घराच्या आसपास फिरविण्यात आले. तरुणीसोबत झालेल्या या अमानुष कृत्याची बातमी पसरताच गावातील लोकांनी याला विरोध केला. ही घटना उत्तर प्रदेशच्या बाराबंकी जिल्ह्यातील फतेहपूर कोतवाली क्षेत्रातील एका गावातली आहे. घटनेची माहिती मिळताच गावात पोहोचलेले पोलिस तरुणीला कोतवाली येथे घेऊन आले. घटनेत सामील असलेल्या तरुणीच्या सख्ख्या, चुलत चुलत्याला आणि चुलत भावाला अटक करण्यात आली आहे.

    लखनौ : एका अल्पवयीन अनाथ तरुणीने दुसऱ्या धर्माच्या अनाथ मुलासोबत लग्न केले. या लग्नामुळे तरुणीचे चुलते आणि नातेवाईक इतके नाराज झाले, की त्यांनी सोमवारी सकाळी या तरुणीला मारहाण केली. इतकेच नाही तर तिचे मुंडण केले. यानंतर याच अवस्थेत तरुणीला काही वेळ घराच्या आसपास फिरविण्यात आले. तरुणीसोबत झालेल्या या अमानुष कृत्याची बातमी पसरताच गावातील लोकांनी याला विरोध केला. ही घटना उत्तर प्रदेशच्या बाराबंकी जिल्ह्यातील फतेहपूर कोतवाली क्षेत्रातील एका गावातली आहे. घटनेची माहिती मिळताच गावात पोहोचलेले पोलिस तरुणीला कोतवाली येथे घेऊन आले. घटनेत सामील असलेल्या तरुणीच्या सख्ख्या, चुलत चुलत्याला आणि चुलत भावाला अटक करण्यात आली आहे.

    काय आहे प्रकरण?

    फतेहपूर कोतवाली क्षेत्रातील एका गावात मिथून नावाचा एक कामगार युवक राहातो. त्याच्या आई-वडिलांचे निधन झाले आहे. तर, आपल्या आई-वडिलांच्या मृत्यूनंतर घटनेतील तरुणीही आपल्या आजी-आजोबांसोबत राहात होती. काही दिवसांपासून त्यांच्यामध्ये प्रेमसंबंध सुरू होते. रविवारी सकाळी गावातीलच एका धार्मिक स्थळी जात दोघांनीही फेरे घेऊन विवाह केला. यानंतर तरुणी स्वतःच्या इच्छेने आणि आनंदात आपल्या पतीच्या घरी गेली.

    काकाने काढली धिंड

    अतिरिक्त पोलिस अधीक्षक अवधेश सिंह यांनी सांगितले की, मुलीने तिच्या काकासह इतर नातेवाईकांसह सोमवारी रात्री तिच्या घरात घुसून जबरदस्तीने तिच्या माहेरी नेल्याचा आरोप केला. त्यानंतर त्याला खूप मारहाण केली गेली. त्याचबरोबर मुंडन केल्यानंतर तिला गावोगावी फिरवण्यात आले.

    8 जणांवर गुन्हा दाखल, 3 जणांना अटक

    पोलिस अधिकाऱ्याने सांगितले की, मुलीच्या तक्रारीवरून आठ जणांविरुद्ध गुन्हा दाखल करण्यात आला आहे. ज्यामध्ये तीन जणांना अटक करण्यात आली आहे तर अन्य आरोपींचा शोध सुरू आहे. पोलिस या प्रकरणाचा तपास करत आहेत. मुलगी म्हणते की, तिला कोणतेही पालक नाहीत. ती तिच्या आजी-आजोबांसह राहते आणि मुलाचेही पालक नाहीत. मुलगा मजूर म्हणून काम करतो.