अखेरच्या कसोटीत खेळाडूंचे वजन घटले; बेन स्टोक्सचा खुलासा

इंग्लंडच्या अष्टपैलू खेळाडू बेन स्टोक्सने भारताविरुद्धच्या मालिकेतील चौथ्या आणि अखेरच्या कसोटी सामन्यात तो आणि त्याच्या साथीदारांचे वजन मोठ्या प्रमाणावर कमी झाल्याचा खुलासा केला. तो म्हणाला की, भारतील ४१ अंशाच्या उष्णतेमध्ये खेळल्यामुळे पोटांचे आजार उद्भवले.

    अहमदाबाद (Ahmedabad).  इंग्लंडच्या अष्टपैलू खेळाडू बेन स्टोक्सने भारताविरुद्धच्या मालिकेतील चौथ्या आणि अखेरच्या कसोटी सामन्यात तो आणि त्याच्या साथीदारांचे वजन मोठ्या प्रमाणावर कमी झाल्याचा खुलासा केला. तो म्हणाला की, भारतील ४१ अंशाच्या उष्णतेमध्ये खेळल्यामुळे पोटांचे आजार उद्भवले. मालिकेच्या अंतिम फेरीतील सामन्यात पाहुण्या संघाला मोठी हार सहन करावी लागली.

    इंग्लंडने चार कसोटी सामन्यांची मालिका १-३ अशी गमावली होती तर गेल्या आठवड्यातला अंतिम सामना एक डाव आणि २५ धावांनी गमावला होता. वृत्तसंस्थेशी बोलताना स्टोक्स म्हणाला की, काही खेळाडू मैदानावर आजाराने त्रस्त असल्याकारणाने संघर्ष करत होते. हे कोणत्याही प्रकारचे कारण नाही, आमच्यातील प्रत्येकजण खेळायला तयार होता, आणि विशेषत: भारत आणि रिषभ पंत यांनी अप्रतिम कामगिरी बजावली, आपलं सर्वस्व पणाला लावून फक्त इंग्लंड जिंकावा यासाठी खेळणाऱ्या खेळाडूंसाठी हॅट्स ऑफ, असे स्टोक्स म्हणाला.

    आपला कर्णधार, आपले प्रशिक्षक आणि आपले सहकारी यांची मते खरोखर महत्वाची असतात जी तुम्हाला एक चांगला संघ आणि एक चांगला खेळाडु म्हणून घडवितात.” स्टोक्स म्हणाला की, झालेल्या या पराभवामुळे संघातील तरुणांचा आत्मविश्वास उंचावण्यास मदत होईल. बर्‍याच जणांसाठी हा त्यांचा पहिला भारत दौरा होता आणि तो एक शिकवण ठरला आहे, परंतु या पातळीवर हा एक क्रिकेटपटू होण्याचा भाग आहे. या क्षणाला तुम्ही कसे समोरे जाता याची खरी चाचणी आहे, तो म्हणाला.