प्रेम विवाह केल्याची भयानक शिक्षा! नातवाचे प्रेत बाजूला पडले असताना पोटच्या मुलीवर बापाने बलात्कार केला आणि त्यानंतर…

वेगवेगळ्या समाजातील मुला-मुलीने पळून जाऊन लग्न केल्याची धक्कादायक शिक्षा तरुण दाम्पत्याला भोगावी लागली आहे(Terrible punishment for love marriage in bhopal ). यात या पती-पत्नीसह लहानग्या मुलाचाही जीव गेला आहे. या तरुणीसोबत तिच्या पित्यानेच बलात्कार करुन, हत्या केल्यानंतर, दुखी झालेल्या या तरुणानेही आत्महत्या केली आहे. मध्य प्रदेशातील भोपाळमध्ये अंगावर शहारा येईल अशी ही घटना घडली आहे. या तरुणाच्या आत्महत्येनंतर, त्या ठिकाणी कोणतीही सुसाईड नोटही मिळालेली नाही.

    भोपाळ : वेगवेगळ्या समाजातील मुला-मुलीने पळून जाऊन लग्न केल्याची धक्कादायक शिक्षा तरुण दाम्पत्याला भोगावी लागली आहे(Terrible punishment for love marriage in bhopal ). यात या पती-पत्नीसह लहानग्या मुलाचाही जीव गेला आहे. या तरुणीसोबत तिच्या पित्यानेच बलात्कार करुन, हत्या केल्यानंतर, दुखी झालेल्या या तरुणानेही आत्महत्या केली आहे. मध्य प्रदेशातील भोपाळमध्ये अंगावर शहारा येईल अशी ही घटना घडली आहे. या तरुणाच्या आत्महत्येनंतर, त्या ठिकाणी कोणतीही सुसाईड नोटही मिळालेली नाही.

    नेमके काय घडले

    सीहोरचा राहणाऱ्या या २१ वर्षीय तरुणाने दीड वर्षांपूर्वी पांगरी गावातील का तरुणीशी पळून जाऊन लग्न केले होते. १५ नोव्हेंबरला या तरुणीची तिच्या पित्याने बलात्कार करुन हत्या केली. त्यानंतर हा तरुण दुखी होता. हा तरुण रायपूरमध्ये काम करीत होता. शुक्रवारी दुपारी त्याने राहत्या घरात आत्महत्या केली.

    जंगलात सापडले होता पत्नी आणि मुलाचा मृतदेह, मुलीच्या पित्याने दिली हत्येची कबुली

    काही दिवसांपूर्वी समसगड येथील जंगलात पोलिसांना एका तरुणीचा आणि एका लहान मुलाचा मृतदेह सापडला होता. तपासानंतर ही तरुणी बिलकीसगंज येथील रहिवासी असल्याचे समोर आले. या प्रकरणात तपास केल्यानंतर या मुलीचा पिता कमल याने तिची हत्या केल्याचे कबूल केले. या तरुणीचा पिता शेतकरी आहे, आपल्या समाजाला सोडून इतर समाजातील मुलाशी पळून जाऊन लग्न केल्याने हा बाप संतापलेला होता.

    मुलीचा बदला घेण्याचा होता मनात विचार

    ही तरुणी दुसऱ्या जातीतील तरुणा,सोबत दीड वर्षांपूर्वी रायपूरला पळून गेली होती. त्यानंतर तिच्या वडिलांची त्यांच्या समाजात बरीच बदनामी झाली. त्यामुळे या मुलीचा बदला घ्यायचा असे तिच्या वडिलांच्या मनात होते. दिवाळीच्या दिवशी या तरुणीच्या मोठ्या बहिणीने वडिलांना फोन करुन सांगितले की पळून गलेली मुलगी तिच्या आठ महिन्यांच्या मुलासह घरी आले आहेत आणि त्यात लहान बाळाचा मृत्यू झाला आहे. यानंतर त्या मुलींचे वडील आपल्या मुलासह तिच्या घरी पोहचले. एकूण सर्व परिस्थितीचा अंदाज घेऊन, वडिलांनी लहान मुलीला सांगितले की आता बाळाचा मृतदेह पुरायला हवा. यासाठी बाईकवरुन पिता, त्यांचा मुलगा, त्यांची लहान मुलगी हे बाळाचा मृतदेह घेऊन जंगलात गेले.

    जंगलात गेल्यावर या नराधम पित्याने त्याच्या मुलाला रस्त्यावर उभे केले. त्यानंतर त्याने मुलीला आणि बाळाच्या मृतदेहाला आत एका नाल्याजवळ नेले. यावेळी तो सतत तू पळून का गेलीस, अशी विचारणा या मुलीला करीत होता. बाळाचा मृतदेह बाजूला ठेऊन त्याने आपल्या सख्ख्या मुलीवर बताल्कार केला आणि तिची गळा दाबून हत्या केली. त्यानंतर दोन्ही मृतदेह नाल्याच्या बाजूला फेकून तो आणि त्याचा मुलगा घरी परत आले. घरी आल्यावर त्याने आपल्या मोठ्या मुलीला, लहान मुलीची हत्या केल्याचेही त्याने निर्लज्जपणे सांगितले.

    मारण्यात आलेल्या तरुणीच्या बाळाचा मृत्यू निमोनियामुळे झाला. हे बाळ आजारी होते आणि दिवाळीच्या दिवशीच त्याचा मृत्यू झाला. याच मुलाच्या अंत्यसंस्कारासाठी मोठ्या बहिणीने वडील आणि भावाला बोलवले होते. त्यावेळी या नराधम बापाने आपल्या सख्ख्या मुलीचाच घात केला.