घोडेगाव पोलीस ठाण्यात अनुसूचीत जाती व जमाती कायदा अंतर्गत गुन्हा दाखल

                                                                                      

                                                                                                                                                                                                                        भिमाशंकर :  गंगापुर खुर्द (ता. आंबेगाव) येथील व्यक्तिला जातीवाचक शिवीगाळ व दमदाटी केल्याने अनुसूचीत जाती आणि जमाती अधिनियम कायदयाखाली सहा व्यक्तिंविरोधात घोडेगाव पोलीस ठाण्यात दि. ९ रोजी गुन्हा दाखल करण्यात आला, असल्याची माहिती घोडेगाव पोलीस ठाण्याचे सहायक पोलीस निरीक्षक प्रदिप पवार यांनी दिली.  

घोडेगाव पोलीस ठाण्यामध्ये याबाबतची तक्रार मच्छिंद्र विठ्ठल साबळे यांनी दिली आहे. गंगापूर खुर्द येथील चौकामध्ये दि. ८ रोजी नित्यानंद येवले, निलेश येवले, पप्पू बोनवटे, निलेश बोनवटे, अलका येवले, सुवर्णा फदाले व इतर अनोळखी व्यक्तिंनी दुपारी झालेल्या बाचाबाचीच्या व शेतातील जाणेच्या रोडच्या कारणावरून रात्री ९ चे सुमारास साबळे यांच्या घरासमोर येऊन शिवीगाळ दमदाटी करून नित्यानंद येवले याने त्याच्या हातातील लाकडी काठी माझे डोक्यात मारली. तसेच पत्नी, आई, वडील यांना निलेश येवले, पप्पू बोनवटे यांनी लाकडी काठीने व लाथाबुक्क्यांनी मारहाण केली. तर इतर व्यक्तिंनी शिवीगाळ केली.    

तसेच आंम्हाला जाणेकरिता रस्ता नाही दिला तर गावात जाऊ देणार नाही आणि जातीवाचक शिवीगाळ केली असल्याचे, मच्छिंद्र साबळे यांनी आपल्या तक्रारीमध्ये म्हटले आहे. पुढील तपास पोलीस उपविभागीय अधिकारी गजानन टोंम्पे करत आहे.