काँग्रेस पक्ष जागरूक असून राज्यघटनेच्या संरक्षणाची जबाबदारी कायम पार पाडू  : माजी केंद्रीय गृहमंत्री सुशीलकुमार शिंदे यांचा निर्धार

राज्यघटनेत अलिकडच्या काळात छेडछाडीचे काही प्रयत्न होत आहेत. काँग्रेस पक्ष जागरूक असून, राज्यघटनेत कोणताही बदल आम्ही होऊ देणार नाही.

    पुणे: महाराष्ट्र विद्यार्थी सहायक मंडळाचे दिवंगत सचिव डॉ. विकास आबनावे यांच्या स्मृतिनिमित्त स्थापन करण्यात आलेल्या ‘डॉ. विकास आबनावे फाउंडेशन’चे उद्घाटन  माजी मुख्यमंत्री आणि केंद्रीय गृहमंत्री सुशीलकुमार शिंदे यांच्या हस्ते झाले. यावेळी प्रमुख पाहुणे म्हणून बोलताना शिंदे यानी सांगितले की, सर्व जातीधर्माना समानतेची वागणूक देणाऱ्या भारतीय राज्यघटनेत अलिकडच्या काळात छेडछाडीचे काही प्रयत्न होत आहेत. काँग्रेस पक्ष जागरूक असून, राज्यघटनेत कोणताही बदल आम्ही होऊ देणार नाही. टिळक रस्त्यावर संस्थेच्या अशोक विद्यालयात झालेल्या कार्यक्रमासाठी काँग्रेसचे ज्येष्ठ नेते उल्हास पवार, वात्रटीकाकार रामदास फुटाणे, संस्थेचे मानद अध्यक्ष माजी आमदार मोहन जोशी, सचिव प्रसाद आबनावे, सल्लागार व ज्येष्ठ पत्रकार अरुण खोरे आदी उपस्थित होते. या वेळी शिंदे यांच्या हस्ते फाउंडेशनच्या बोधचिन्हाचे अनावरण आणि संकेतस्थळाचे लोकार्पण करण्यात आले.

    शिक्षणाद्वारे पिढी घडविण्याचे मोलाचे कार्य
    वंचित समाजासाठी आबनावे परिवाराने शैक्षणिक संस्था उभारून शिक्षणाचे दालन खुले केले. डॉ. विकास आबनावे यांनी या संस्थेला नावारूपाला आणले. ही संस्था स्वातंत्र्यपूर्व काळापासून जातीच्या पलीकडे जाऊन शिक्षणाद्वारे पिढी घडविण्याचे मोलाचे कार्य करीत आहे. आता फाउंडेशनच्या रूपात लावलेले हे रोपटे एक दिवस वटवृक्ष होईल, असा विश्वासही सुशीलकुमार शिंदे यांनी व्यक्त केला. टिळक रस्त्यावर संस्थेच्या अशोक विद्यालयात झालेल्या कार्यक्रमासाठी काँग्रेसचे ज्येष्ठ नेते उल्हास पवार, वात्रटीकाकार रामदास फुटाणे, संस्थेचे मानद अध्यक्ष माजी आमदार मोहन जोशी, सचिव प्रसाद आबनावे, सल्लागार व ज्येष्ठ पत्रकार अरुण खोरे आदी उपस्थित होते.

    बोधचिन्हाचे अनावरण आणि संकेतस्थळाचे लोकार्पण
    या वेळी शिंदे यांच्या हस्ते फाउंडेशनच्या बोधचिन्हाचे अनावरण आणि संकेतस्थळाचे लोकार्पण करण्यात आले. ‘एका संस्थेत चार पिढ्या श्रद्धेने कार्यरत आहेत, हे कौतुकास्पद आहे. डॉ. विकास आबनावे यांच्या संकल्पना साकारण्यासाठी संस्थेने घेतलेले कष्ट मोलाचे आहेत,’ असे उल्हास पवार म्हणाले. रामदास फुटाणे, प्रसाद आबनावे यांनी मनोगत व्यक्त केले.