Wandering exhausted to get an oxygen cylinder; Finally I slept under the Pimple tree and

एकीकडे विज्ञान सांगते की पृथ्वीवरील जीवन झाडे आणि वनस्पतीशिवाय शक्य नाही तर दुसरीकडे शास्त्रात मात्र काही झाडे दैवी आणि चमत्कारी मानली जातात. धार्मिक श्रद्धांच्या आधारे अशी झाडे आहेत जी पूजा करण्यासाठी अत्यंत महत्वाची मानली जातात. आज अशाच पाच झाडांबद्दल जाणून घेऊया. असं म्हणतात की या 5 झाडांची पूजा केल्यास तुम्ही श्रीमंत आणि समृद्ध जीवन जगू शकता. ही पाच झाडे कोणती, हे आज आपण जाणून घेऊया.

    एकीकडे विज्ञान सांगते की पृथ्वीवरील जीवन झाडे आणि वनस्पतीशिवाय शक्य नाही तर दुसरीकडे शास्त्रात मात्र काही झाडे दैवी आणि चमत्कारी मानली जातात. धार्मिक श्रद्धांच्या आधारे अशी झाडे आहेत जी पूजा करण्यासाठी अत्यंत महत्वाची मानली जातात. आज अशाच पाच झाडांबद्दल जाणून घेऊया. असं म्हणतात की या 5 झाडांची पूजा केल्यास तुम्ही श्रीमंत आणि समृद्ध जीवन जगू शकता. ही पाच झाडे कोणती, हे आज आपण जाणून घेऊया.

    ​शमी वृक्ष

    शमीचे झाड शास्त्रात उपयोगी मानले जाते. दररोज संध्याकाळी शमीच्या झाडाखाली तिळाच्या तेलाचा दिवा लावल्यास घरात संपत्ती आणि व्यवसायात वृद्धी होते. दररोज संध्याकाळी देवघरात दिवाबत्ती केल्यावर शमीच्या झाडाखालीदेखील दिवा लावा. घराबाहेर शमीचे झाड अशा दिशेने लावले पाहिजे की जेव्हा तुम्ही घराबाहेर पडता तेव्हा ते तुमच्या उजवीकडे असले पाहिजे. शमी झाडाची लागवड केलेली जागा स्वच्छ व नीटनेटकी ठेवा. शनिवारी किंवा विजयादशमीच्या दिवशी शमीच्या झाडाखाली दिवा लावणे चांगले मानले जाते. शमीच्या झाडाखाली दर शनिवारी मोहरीच्या तेलाचा दिवा लावण्यामुळे शनिच्या ग्रहदशेपासून आराम मिळतो.

    पिंपळ

    पिंपळाचे झाड 24 तास ऑक्सिजन देणारे झाड आहे असे म्हटले जाते. अशाप्रकारे, हे झाड केवळ आरोग्याच्या दृष्टीकोनातूनच नव्हे तर धार्मिक दृष्टिकोनातून देखील अतिशय विशेष मानले जाते. धर्मग्रंथात असे सांगितले गेले आहे की पूर्वजांचा पिंपळाच्या झाडावर वास असतो. पिंपळाच्या झाडाची पूजा करून, तुमच्या प्रार्थना थेट त्यांच्यापर्यंत पोहोचल्या म्हणजे आपल्याला त्यांचे आशीर्वाद मिळतात. पिंपळाच्या झाडाजवळ प्रत्येक शनिवारी दिवा लावल्याने शनिच्या ग्रहदशेतही लाभ होतो.

    मनी प्लांट

    नी प्लांट वास्तुनुसार खूप खास मानला जातो. दिसायला सुंदर असणारे हे झाड आपल्याला सकारात्मक उर्जा देणारे असते असे मानले जाते. तुमची इच्छा असल्यास, तुम्ही मनी प्लांट घराच्या आत देखील लावू शकता किंवा जर ते घरात लावणे शक्य नसेल तर ते बाटलीमध्ये पाण्यात ठेवा. या झाडाला फक्त पहिले तरी तुमच्यात सकारात्मक उर्जेचा प्रवाह निर्माण होतो असेही मानले जाते.

    ​केळीचे झाड

    केळीच्या झाडाला हिंदू धर्मात विशेष महत्त्व आहे. गुरुवारी केळीच्या झाडाची पूजा करणे अत्यंत शुभ मानले जाते. केळीच्या झाडाची पूजा केल्यास गुरू बळकट होतो, तर भगवान विष्णूसुद्धा तुमच्यावर प्रसन्न होतात. दर गुरुवारी केळीच्या झाडाची चण्याची डाळ व गूळ घालून पूजा केली जाते. गुरुवारी व्रत ठेवणारे केळीच्या झाडाची पूजा करतात आणि पाणी अर्पण करतात.

    ​तुळशी

    तुळशी वनस्पती विष्णूला प्रिय आहे असे मानले जाते. तसेच ती देवी लक्ष्मीचे रूप आहे. तुळशी जवळ रोज तुपाचा दिवा लावल्याने तुमच्या घरात श्रीमंती वाढते आणि देवी लक्ष्मीसुद्धा तुमच्यावर प्रसन्न होते. तुळशीच्या रोपाला दररोज पाणी द्यावे. रविवारी तुळशीच्या रोपाला पाणी दिले जात नाही. तसेच एकादशीला तुळशीची पाने तोडू नये.