प्रजासत्ताक दिनाच्या परेडमध्ये फक्त स्वदेशी शस्त्रांचा समावेश, 105 mm भारतीय फील्ड गनने 21 तोफांची सलामी, ब्रह्मोस-आकाश क्षेपणास्त्रांचेही होणार दर्शन

स्वदेशी बनावटीचे लाइट कॉम्बॅट हेलिकॉप्टर प्रचंड हे देखील हवाई दलाच्या फ्लायपास्टचा भाग असेल अशी माहिती त्यांनी दिली. त्याचबरोबर ॲडव्हान्स्ड लाइट हेलिकॉप्टर ध्रुव आणि ॲडव्हान्स्ड लाइट हेलिकॉप्टर रुद्र हे देखील डिस्प्लेचा भाग असतील.

    या प्रजासत्ताक दिनाच्या परेडमध्ये (Republic Day Parade) फक्त मेड इन इंडिया (Made In India) म्हणजेच स्वदेशी शस्त्रे (Swadeshi Weapons) दाखवली जातील. दारूगोळाही स्वदेशी असेल. भारतात बनवलेल्या १०५ मिमी भारतीय फील्ड गनने (105mm Indian Field Gun) २१ तोफांची सलामी दिली जाईल. नव्याने सामील झालेले अग्निवीर देखील परेडचा भाग असतील. त्याचबरोबर बीएसएफच्या उंट तुकडीचा भाग म्हणून महिला सैनिक सहभागी होणार असून नौदलाच्या तुकडीतील १४४ सैनिकांच्या नेत्याही महिला असतील.

    अनेक स्वदेशी बनावतीच्या शस्त्रांचे होणार प्रदर्शन

    दिल्ली एरिया चीफ ऑफ स्टाफ मेजर जनरल भाविश कुमार यांनी सांगितले की, ‘आत्मनिर्भर भारत’ अंतर्गत लष्कर अनेक स्वदेशी उपकरणे प्रदर्शित करेल. या परेडमध्ये K-9 वज्र हॉविट्झर्स, MBT अर्जुन, नाग अँटी-टँक गाइडेड क्षेपणास्त्र, ब्रह्मोस सुपरसॉनिक क्रूझ क्षेपणास्त्र, आकाश हवाई संरक्षण क्षेपणास्त्र आणि क्विक रिॲक्शन फायटिंग व्हेइकल्स यांचा समावेश असेल.

    स्वदेशी बनावटीचे लाइट कॉम्बॅट हेलिकॉप्टर प्रचंड हे देखील हवाई दलाच्या फ्लायपास्टचा भाग असेल अशी माहिती त्यांनी दिली. त्याचबरोबर ॲडव्हान्स्ड लाइट हेलिकॉप्टर ध्रुव आणि ॲडव्हान्स्ड लाइट हेलिकॉप्टर रुद्र हे देखील डिस्प्लेचा भाग असतील. एक हलके लढाऊ हेलिकॉप्टर प्रचंड फॉर्मेशनचे नेतृत्व करेल, तर दोन अपाचे हेलिकॉप्टर आणि दोन प्रगत हलके हेलिकॉप्टर एमके-IV विमाने तीर फॉर्मेशनचे नेतृत्व करतील.

    पहिल्यांदाच एक महिला अधिकारी मोटरसायकल स्वार ‘डेअरडेव्हिल्स’च्या टीमचे नेतृत्व करणार आहे.
    सीमा सुरक्षा दलाच्या उंट दलात प्रथमच महिलांचा समावेश करण्यात आला आहे. त्याचबरोबर कॉर्प्स ऑफ सिग्नल्सच्या ‘डेअरडेव्हिल्स’ या मोटरसायकल स्वारांच्या टीमचेही एक महिला अधिकारी नेतृत्व करेल. हे देखील प्रथमच असेल.

    परेडमध्ये 3 परमवीर चक्र विजेते, 3 अशोक चक्र विजेत्यांचा असणार समावेश

    भारतीय लष्कराने एक निवेदन जारी करून म्हटले आहे की परेडचे प्रमुख पाहुणे इजिप्तचे राष्ट्राध्यक्ष अब्देल फताह अल-सिसी असतील आणि इजिप्शियन सैन्याचा तुकडाही परेडमध्ये मार्चपास्ट करेल. या वर्षी लष्कराचे प्रतिनिधित्व 61 घोडदळांचे माउंटेड कॉलम्स, 9 मेकॅनाइज्ड कॉलम्स, 6 मार्चिंग कंटीजंट्स आणि आर्मी एव्हिएशनच्या हेलिकॉप्टरद्वारे फ्लाय पास्ट केले जातील. 3 परमवीर चक्र पुरस्कार विजेते आणि 3 अशोक चक्र पुरस्कार विजेते देखील यावर्षी परेडमध्ये सहभागी होणार आहेत.

    सशस्त्र दल, केंद्रीय निमलष्करी दल, दिल्ली पोलीस, NCC, NSS, पाईप्स आणि ड्रम्स बँड यांच्या 16 मार्चिंग तुकड्या असतील. विविध राज्ये, विभाग आणि सशस्त्र दलांद्वारे 27 झलक सादर केल्या जातील. DRDO या वर्षी ‘प्रभावी पाळत ठेवणे, कम्युनिकेशन आणि न्यूट्रलायझिंग थ्रेटससह सुरक्षित राष्ट्र या शीर्षकाची एक झलक प्रदर्शित करेल.