प्रजासत्ताक दिनी नीरज चोप्राचा परम विशिष्ट सेवा पदकाने होणार सन्मान, टोक्यो ऑलिम्पिकमध्ये सुवर्णपदक मिळवून वाढवली भारताची शान

प्रजासत्ताक दिनानिमित्त (Republic Day 2022) राष्ट्रपतींच्या हस्ते हे शौर्य पुरस्कार देण्यात येणार आहेत. यामध्ये १२ शौर्य चक्र, २९ परम विशिष्ट सेवा पदके, ४ उत्तम युद्ध सेवा पदके, ५३ अति विशिष्ट सेवा पदके, १३ युद्ध सेवा पदकांचा समावेश आहे. यावेळी भालाफेकपटू नीरज चोप्रा (Param Vishisht Seva Medal To Neeraj Chopra) याला आता परम विशिष्ट सेवा पदकाने सन्मानित करण्यात येणार आहे.

    टोक्यो ऑलिम्पिकमध्ये (Tokyo Olympics) सुवर्णपदक जिंकणारा भालाफेकपटू नीरज चोप्रा (Param Vishisht Seva Medal To Neeraj Chopra)  याला आता परम विशिष्ट सेवा पदकाने सन्मानित करण्यात येणार आहे. प्रजासत्ताक दिनाच्या (Republic Day 2022) एक दिवस आधी केंद्र सरकारने ३८४ जणांना शौर्य पुरस्कार देण्याची घोषणा केली आहे. या पुरस्कारार्थींच्या यादीत नीरज चोप्राचेही नाव आहे.

    प्रजासत्ताक दिनानिमित्त राष्ट्रपतींच्या हस्ते हे शौर्य पुरस्कार देण्यात येणार आहेत. यामध्ये १२ शौर्य चक्र, २९ परम विशिष्ट सेवा पदके, ४ उत्तम युद्ध सेवा पदके, ५३ अति विशिष्ट सेवा पदके, १३ युद्ध सेवा पदकांचा समावेश आहे.

    नीरजने टोक्यो ऑलिम्पिकमध्ये भालाफेकच्या अंतिम स्पर्धेत ८७.५८ मीटर लांब भाला फेकत ट्रॅक अँड फील्डमध्ये देशासाठी पहिले पदक जिंकले होते. ऑलिम्पिकमध्ये सुवर्णपदक जिंकणारा नीरज हा भारताचा दुसरा खेळाडू आहे. त्याच्या आधी नेमबाज अभिनव बिंद्राने २००८च्या बीजिंग ऑलिम्पिक स्पर्धेत सुवर्णपदक मिळवले होते.

    हे सुद्धा वाचा

    भारतीय लष्करात नायब सुभेदार असणाऱ्या नीरजने आपल्या कारकिर्दीत आतापर्यंत पाच मेगा क्रीडा स्पर्धांमध्ये सुवर्णपदके जिंकली आहेत. त्याने आशियाई खेळ, राष्ट्रकुल खेळ, आशियाई चॅम्पियनशिप, दक्षिण आशियाई खेळ आणि जागतिक कनिष्ठ स्पर्धेत सुवर्ण पदके जिंकली आहेत.