भाजी विक्रीची गाडी पेटली, भाजी विक्रेत्याचा मृत्यू

शाहू नगर मधील नीलसागर हॉटेलच्या मागे रघुनाथ ताटे हे भाजीपाला व्यवसायिक वास्तव्यास होते. सध्या कोरोनामुळे लॉकडाऊन असल्याने ते गाडीतून शहर आणि परिसरात भाजीपाला विक्री करत होते. आज (दि. ७) सोमवारी पहाटे साडेपाचच्या दरम्यान नेहमीप्रमाणे रघुनाथ ताटे यांनी त्यांच्या गाडीमध्ये (क्र. एमएच ०१ व्ही २४०९) भाजीपाल्याचा माल भरला. त्या नंतर हा माल विक्रीसाठी घेवून जाण्यासाठी ते गाडीत बसले.

    सांगली : आधीच कोरोनामुळे सगळे व्यवसाय बंद पडले असताना विट्याच्या शाहू नगरमध्ये आज भीषण घटना घडली. भाजी विक्रीकरून आपल्या कुटुंबाचा उदरनिर्वाह करणाऱ्या एका व्यक्तीचा गाडीने पेट घेतल्याने गाडीतच भाजून मृत्यू झाला.

    रघुनाथ रामचंद्र ताटे (वय ५० रा. शाहूनगर, विटा) हे भाजीपाला व्यवसायीक त्यांच्या चारचाकी गाडीत बसले. गाडी सुरू करण्यासाठी त्यांनी स्टार्टर मारला. पण अचानक ठिणग्या उडून गाडीने पेट घेतला. क्षणार्धात गाडीसह रघुनाथ ताटे हे जळून खाक झाले. या भीषण घटनेने परीसरात हळहळ व्यक्त केली जात आहे.

    याबाबत विटा पोलिसांनी सांगितले की, शाहू नगर मधील नीलसागर हॉटेलच्या मागे रघुनाथ ताटे हे भाजीपाला व्यवसायिक वास्तव्यास होते. सध्या कोरोनामुळे लॉकडाऊन असल्याने ते गाडीतून शहर आणि परिसरात भाजीपाला विक्री करत होते. आज (दि. ७) सोमवारी पहाटे साडेपाचच्या दरम्यान नेहमीप्रमाणे रघुनाथ ताटे यांनी त्यांच्या गाडीमध्ये (क्र. एमएच ०१ व्ही २४०९) भाजीपाल्याचा माल भरला. त्या नंतर हा माल विक्रीसाठी घेवून जाण्यासाठी ते गाडीत बसले. दरवाजा बंद केला. ताटे यांनी स्टार्टर मारला मात्र अचानक ठिणग्या उडू लागल्या आणि गाडीने अचानक पेट घेतला. क्षणार्धातच गाडी पूर्णपणे जळाली. रघुनाथ यांना घाडीतून बाहेर पडण्याची संधीही मिळाली नाही आणि त्यांचा गाडीत होरपळून मृत्यू झाला.

    गाडीला लागलेली आग पाहून रघुनाथ यांच्या मुलाने आरडाओरडा केला. त्यांना बाहेर काढण्याचा प्रयत्न केला. मात्र, तोपर्यंत रघुनाथ यांचा गाडीत होरपळून मृत्यू झाला. पोलिस उपनिरीक्षक बळवंत कान्हेरे अधिक तपास करीत आहेत.