टंगळमंगळ करण्यासाठी बैठका घेतल्या जातात का?;  मराठा आरक्षणावर उदयनराजे यांचा संतप्त सवाल

महाराष्ट्रात बहसंख्येने असलेल्या मराठा समाजाचा फक्त मतांसाठी वापर करणाऱ्यांनी शेकडो वर्षे समाजाच्या प्रश्नांना झुलवत ठेवले आहे. मराठा समाजातील तरुणांना गृहित धरुन शेकडो वर्षे सत्तेच्या पदांवर बसणाच्यांनी आरक्षणाचा प्रश्न लोंबकळत ठेवला. इतर समाजांना आरक्षण देताना गांभीर्याने विधाने करणारे व कायदेशीर बाज पुरेपूर लावून धरणारे सत्ताधारी मराठा समाजाच्या आरक्षणाच्या प्रश्नामध्ये मात्र मेखा मारुन बसले आहेत.

    सातारा: मराठा समाजाला आरक्षण देण्याची राज्य सरकारची इच्छा दिसत नाही. मराठा आरक्षणाबाबतच्या बैठकांमध्ये गांभीर्यही दिसत नाही. टंगळमंगळ करण्यासाठी बैठका घेतल्या जातात का? असा संतप्त उद्वेग खासदार उदयनराजे भोसले यांनी प्रसिध्दी पत्रकाद्वारे व्यक्त केला आहे . मराठा समाजातील लाखो तरुण विपरित परिस्थितीत आहेत . आरक्षणाचा प्रश्न आता सुटला नाही तर तो कधीच सुटू शकत नाही याची जाणीव मराठा समाजातील तरुणांना झाली असून, सरकारने गांभीर्याने घेतले नाही तर मराठा समाजातील तरुण टोकाचे पाऊल उचलू शकतात असा इशाराही उदयनराजे यांनी दिला .

    मराठा आरक्षणाच्या विषयावर खासदार उदयनराजे भोसले यांचे मुंबईत सातत्याने गाठीभेटींचे सत्र सुरू आहे . राष्ट्रवादी अध्यक्ष शरद पवार यांच्यासह अनेक दिग्गजांना उदयनराजे यांनी मराठा आरक्षणाच्या संदर्भात वेळोवेळी भूमिका मांडली . मराठाआरक्षणाच्या संदर्भात कोणतेही ठोस चित्र स्पष्ट होत नसल्याने उदयनराजे यांनी आपला संताप परखड शब्दात व्यक्त केला आहे .

    जल मंदिर येथून प्रसिद्ध झालेल्या पत्रकात नमूद आहे की आम्हाला मराठा आरक्षण तरी द्या अन्यथा विष पिऊन मरू द्या, अशी मानसिकता मराठी तरुणाची झाली आहे. महाराष्ट्रात बहसंख्येने असलेल्या मराठा समाजाचा फक्त मतांसाठी वापर करणाऱ्यांनी शेकडो वर्षे समाजाच्या प्रश्नांना झुलवत ठेवले आहे. मराठा समाजातील तरुणांना गृहित धरुन शेकडो वर्षे सत्तेच्या पदांवर बसणाच्यांनी आरक्षणाचा प्रश्न लोंबकळत ठेवला. इतर समाजांना आरक्षण देताना गांभीर्याने विधाने करणारे व कायदेशीर बाज पुरेपूर लावून धरणारे सत्ताधारी मराठा समाजाच्या आरक्षणाच्या प्रश्नामध्ये मात्र मेखा मारुन बसले आहेत. अलिकडे होत असणाऱ्या बैठकांमध्येही मला फारसे गांभीर्य दिसत नाही, असेही उदयनराजे यांनी म्हटले आहे.

    आजपर्यंत ४० पेक्षाही जास्त मराठा बांधवांनी आरक्षणाच्या प्रश्नासाठी बलिदान दिले आहे. आरक्षणासाठीचा रस्त्यावरचा संघर्ष देशाने पाहिला आहे. गुरं-ढोरं, बायका-मुलांसह मराठा समाज क्रांती मोर्चा दरम्यान रस्त्यावर उतरला होता. न्यायालयात कायद्याला स्थगिती दिल्यानंतर राज्य सरकारने जी पावले उचलायला हवी होती, ती पावले का उचलली नाहीत? या कायद्याला स्थगिती दिल्यानंतर सरकारने केलेली कार्यवाहीही सदोष होती, कायद्याला मिळालेली स्थगिती उठवायची असेल तर आदेशाच्याविरोधात रिव्ह्युव पिटिशन का दाखल केले नाही? मात्र, राज्य सरकारने सुधारित अर्ज का दाखल केला? जेव्हा अर्ज सर्वोच्च न्यायालयात सुनावणीस आला तेव्हा कोणतीही बाजू न मांडता आम्हाला सुनावणी घटनापीठासमोर करायची असल्याचे राज्य सरकारने न्यायलयाला का सांगितले? त्यानंतर जेव्हा घटनापीठासमोर सुनावणी सुरु झाली तेव्हा आपली तयारी नसल्याचे सांगून सरकारने तथारीसाठी वेळ का मागितला? हा घटनाक्रम पाहिला तर राज्य सरकारमध्ये बसलेले मराठा आरक्षणासंदर्भात किती उदासिन आहेत हे लक्षात येते. त्यामुळे राज्यकत्तयांबावत मराठा समाजातील तरुणांमध्ये नैराश्य निर्माण झाले आहे. उद्या या तरुणांनी कायदा हातात घेतला, संहार घडवला, रक्तपात केला तर त्याला जबाबदार कोण? असा सवालही खा. उदयनराजे यांनी केला आहे.