जगातील सर्वात जुन्या जहाजाचा शोध; समुद्राच्या तळाशी ३३०० वर्षांचा खजिना

समुद्राच्या तळाशी जगातील सर्वात जुनं जहाज सापडलं अनेक मडकी ३३०० वर्षांपूर्वीचा खजिना हाती लागला आहे.

जेरुसलेम: समुद्राच्या आत अनेक रहस्ये दडलेली असतात. अनेक जलचर जे आपल्याला माहित नाहीत. अनेक पानवनस्पती ज्यांच्या प्रजाती आपल्याला माहित पण नाहीत. आणि समुद्रात खजिना सापडणं यात काही नवल नाही. याआधीसुद्धा समुद्रात बऱ्याच वेळा खजिना सापडण्याचा घटना घडल्या आहेत. समुद्राच्या तळाशी खूप जून जहाज सापडलं आहे. या जुन्या जहाजाच्या अवशेषांमध्ये मडकी सापडली आहेत. जी या खजिन्याचा भाग आहेत.

समुद्राच्या पोटात दडलेला 3300 वर्षांपूर्वीचा खजिना सापडला आहे. समुद्रात खोलवर एका खूप जुन्या जहाजाचे अवशेष सापडले आहेत. हे जहाज इजराइलच्या समुद्र किनाऱ्यापासून उत्तरेला तब्बल 2000 मीटर खोल समुद्रात सापडले आहे. या जहाजाच्या ढिगाऱ्यात खजिना सापडला आहे. अशा प्रकारच्या जहाजाला एम्फोरा नावाने ओळखले जाते. इफोरा हे एक विशेष प्रकारचे जहाज आहे.यामध्ये वाइन किंवा तेल सारखे द्रव ठेवता येते. यामध्ये दोन्ही बाजूंना धरण्यासाठी हँडल देखील असतात. भारतात पुडुचेरी (अरिकामेडू) येथे भूमध्य प्रदेशातदेखील एम्फोरा सारखी जहाजे सापडली आहेत.इजराइलच्या समुद्र किनाऱ्यापासून 90 किमी लांब हे जहाज सापडलं आहे. याचा जहाजाचा आकार 40 फूट असल्याची माहिती आहे. हे जहाज कांस्य युगातील असल्याची माहिती आहे.

या जहाजाला गेल्यावर्षी एका गॅस कंपनीने समुद्रात रोबॉटच्या मदतीने सी स्कॅनिंगदरम्यान शोधले होते. सीस्कॅन हे हलके वजनाचे स्वयं-चालित ROV वाहन आहे. हे तपासणी मोहिमांना समर्पित आहे आणि नौदलांद्वारे खाण काउंटर ऑपरेशनमध्ये वापरले जाते. भूमध्य समुद्रात इतक्या खोलवर सापडलेले हे सर्वात जुने जहाज आहे. या युगाच्या पूर्वीच्या जहाजांचे तुकडे याआधी कधीही जमिनीपासून इतक्या लांब आढळून आलेले नाही. त्यामुळे प्राचीन नाविक इतिहासकार मानतात त्यापेक्षा जास्त हे जहाज खोल समुद्रात यात्रा करण्यास सक्षम होते, हे दिसून येते.

जहाज कशामुळे बुडालं ?

हे जहाज समुद्री वादळ किंवा कुठल्या तरी समुद्री चाच्यांच्या हल्ल्यात बुडाला असावं अशी शक्यता शोधकर्त्यांनी वर्तवली आहे. तरी हा शोध खूप महत्त्वाचा ठरणार आहे. हा जागतिक स्तरावर इतिसाहाला बदलणारा शोध असू शकतो. हे जहाज संकटात असताना बुडाल्याचं दिसून येत आहे. हे एकतर वादळामुळे बुडाले असेल किंवा चाचेगिरीच्या प्रयत्नांमुळे बुडालं असावं, कांस्ययुगाच्या उत्तरार्धात हे खूप प्रसिद्ध होतं. या जहाजाचे अवशेष जमिनीपासून 90 किमी अंतरावर अजूनही पाण्याखाली आहेत. हे एम्फोरा जहाज समुद्रातून तेल, मद्य आणि फळं वाहून नेण्यासाठी वापरले जात असे.