भारताच्या संघाने महाराष्ट्र क्रिकेट असोसिएशन स्टेडियमवर आतापर्यंत ७ सामने खेळले असून या कालावधीत ४ सामने जिंकले आहेत.
भारत विरुद्ध बांग्लादेश : भारत आणि बांग्लादेश यांच्यातील वनडे वर्ल्ड कपच्या सामना पुण्यात होणार आहे. येथील महाराष्ट्र क्रिकेट असोसिएशन स्टेडियम आतापर्यंत भारतीय खेळाडूंसाठी चांगले असल्याचे सिद्ध झाले आहे. विराट कोहली आणि केएल राहुल यांनी पुण्यामध्ये एकदिवसीय शतके झळकावली आहेत. आता पुन्हा एकदा हे खेळाडू मैदानात उतरणार आहेत. पण विशेष म्हणजे भारत आणि बांग्लादेश यांच्यात येथे प्रथमच एकदिवसीय सामना खेळवला जाणार आहे.
भारताच्या संघाने महाराष्ट्र क्रिकेट असोसिएशन स्टेडियमवर आतापर्यंत ७ सामने खेळले असून या कालावधीत ४ सामने जिंकले आहेत. त्याला ३ सामन्यांत पराभवाचा सामना करावा लागला आहे. भारताने आपला शेवटचा सामना २०२१ मध्ये इंग्लंडविरुद्ध येथे खेळला होता. भारताच्या संघाने त्याचा ७ धावांनी पराभव केला. याआधी इंग्लंडने ६ विकेट्सने पराभव केला होता. पुण्यातही भारताने न्यूझीलंडचा पराभव केला आहे. मात्र त्याला इंग्लंडसह ऑस्ट्रेलियाविरुद्धही पराभवाचा सामना करावा लागला आहे. ऑक्टोबर २०१३ मध्ये भारताचा ऑस्ट्रेलियाकडून ७२ धावांनी पराभव झाला होता.
भारत आणि बांग्लादेश यांच्यातील एकूण सामन्यांवर नजर टाकल्यास रोहित शर्माच्या नेतृत्वाखालील संघाचा वरचष्मा दिसतो. भारताने आतापर्यंत ३१ सामन्यांत बांग्लादेशचा पराभव केला आहे. त्याला ८ सामन्यांत पराभवाचा सामना करावा लागला आहे. भारत आणि बांग्लादेश यांच्यातील शेवटचा एकदिवसीय सामना कोलंबो येथे खेळला गेला. सप्टेंबर २०२३ मध्ये झालेल्या सामन्यात भारताला ६ धावांनी पराभव स्वीकारावा लागला होता. या सामन्यात बांगलादेशने प्रथम फलंदाजी करत २६५ धावा केल्या. प्रत्युत्तरात टीम इंडिया २५९ धावा करून ऑलआऊट झाली.
भारतीय खेळाडूंचा पुण्यात चांगला रेकॉर्ड आहे. विराट कोहलीने येथे दोन वनडे शतके झळकावली आहेत. केएल राहुलने शतक झळकावले. कोहलीची सरासरी ६४.०० आहे. केएल राहुलची सरासरी ६१.६६ आहे. हार्दिक पांड्याची सरासरी ४२.५० आहे. रोहित शर्माची सरासरी २४.५० आहे.
Loading ...