भारत विरुद्ध कतार : भारताचा फुटबॉल संघाचा माझी कर्णधार सुनील छेत्रीच्या निवृत्तीनंतर भारताचा संघ पहिल्यांदाच कतारचा सामना करणार आहे. FIFA विश्वचषक 2026 पात्रता फेरीमधील भारत आणि कुवेत यांच्यामध्ये सामना पार पडला. या सामन्यामध्ये कोणत्याही संघाचा एकही गोल न झाल्यामुळे सामना अनिर्णित राहिला. सुनील छेत्रीच्या निवृत्तीनंतर संघाचे कर्णधारपद गोलरक्षक गुरप्रीत सिंग संधूकडे सोपवण्यात आले आहे. क्वालिफायरच्या दुसऱ्या टप्प्यातील शेवटच्या सामन्यात आज भारताचा सामना कतारशी होणार आहे.

[read_also content=”पॅरिस ऑलिम्पिक २०२४ मध्ये भारताकडून रोहन बोपण्णा आणि सुमित नागल खेळणार https://www.navarashtra.com/sports/rohan-bopanna-and-sumit-nagal-will-play-for-india-in-paris-olympics-2024-546323.html”]

भारतीय संघाचा नवा कर्णधार गुरप्रीत सिंग संधूने सोशल मीडियावर व्हिडीओ शेअर करून भारताकडून पाठिंबा मागितला आहे कारण हा सामना जिंकून भारताची पुढील टप्प्यासाठी पात्रता मिळवण्याची शक्यता वाढेल. व्हिडीओमध्ये गुरप्रीत सिंग संधू म्हणाला की, “नमस्कार भारत, प्रत्येक वेळी प्रमाणे आम्हाला तुमच्या पाठिंब्याची गरज आहे. आमचा पुढचा सामना कतारविरुद्ध असेल, जो विश्वचषक पात्रतेच्या दृष्टिकोनातून खूप महत्त्वाचा आहे. हे स्वप्न पूर्ण होऊ द्या. आम्हाला जगण्याचा प्रयत्न करा आमचा सामना रात्री 9:15 वाजता सुरू होईल, चला एकत्र इतिहास घडवूया.

भारत पुढच्या टप्प्यात प्रवेश करणार का?

एएफसी पात्रता फेरीच्या दुसऱ्या फेरीत भारताचा अ गटात समावेश आहे. सध्या हा संघ ५ गुणांसह गटात दुसऱ्या स्थानावर आहे, पण अफगाणिस्तानचेही तेवढेच गुण आहेत. या गटातील टॉप-2 संघ सौदी अरेबियात होणाऱ्या 2027 AFC आशियाई चषक स्पर्धेसाठी पात्र ठरणार आहेत. कतार आधीच पुढच्या टप्प्यासाठी पात्र ठरला आहे आणि जर भारत आज जिंकला तर पुढच्या टप्प्यात जाण्याची शक्यता वाढेल. पण पराभव झाल्यास गोल फरक जास्त राहणार नाही याची काळजी भारताला घ्यावी लागेल. भारत हरला तर अफगाणिस्तान आणि कुवेत यांच्यातील सामन्यावर अवलंबून राहावे लागेल.

गुरप्रीत सिंह संधू : भारताच्या संघाचा कर्णधार सुनील छेत्रीने आंतरराष्ट्रीय निवृत्तीची घोषणा केली होती. त्यानंतर त्याने भारत विरुद्ध कुवेत यांच्यामधील शेवटचा सामना ६ जून रोजी खेळला. नुकतीच भारतीय संघाच्या नव्या कर्णधाराची घोषणा करण्यात आली आहे. संघाचा नवा कर्णधार कतार विरुद्ध 2026 फिफा विश्वचषक पात्रता सामन्यापासून संघाची जबाबदारी स्वीकारेल आणि हा सामना मंगळवार, 11 जून रोजी होणार आहे. आता संघाची कमान गुरप्रीत सिंग संधूकडे सोपवण्यात आली असून तो भारतीय संघाचा गोलरक्षकही आहे.

[read_also content=”सचिनपासून सेहवागपर्यंत, भारताच्या विजयावर दिग्गजांनी सोशल मीडियावर केला आनंद व्यक्त https://www.navarashtra.com/sports/from-sachin-to-sehwag-legends-took-to-social-media-to-celebrate-india-victory-545565.html”]

भारतीय फुटबॉल संघाचा पुढील सामना कतारविरुद्ध रंगणार आहे. भारताच्या संघासाठी हा सामना महत्वाचा असणार आहे. भारताला मंगळवारी ११ जून रोजी जस्सिम बिन हमाद स्टेडियमवर हा सामना आयोजित करण्यात आला आहे. या सामन्यासाठी भारतीय संघ शनिवारी ८ जून रोजी रात्री दोहाला पोहोचला. हा सामना जिंकून भारतीय फुटबॉल संघ प्रथमच विश्वचषक पात्रता फेरीच्या तिसऱ्या टप्प्यात प्रवेश करू शकतो. भारतीय फुटबॉल संघाचा कर्णधार सुनील छेत्रीच्या निवृत्तीनंतरचा पहिला सामना असणार आहे. त्यामुळे आता फुटबॉल चाहत्यांच्या नजरा गुरप्रीत सिंग संधूकडे असणार आहेत.

भारताचे फुटबॉल संघाचे प्रशिक्षक स्टीमॅक यांनी गुरप्रीत सिंग संधूच्या कर्णधार पदावर म्हंटले की, भारतीय फुटबॉल संघाचा गुरप्रीत हा सर्वात अनुभवी खेळाडू आहे. त्यामुळे त्याच्याकडे कर्णधारपद सोपवणे अवघड काम नव्हते. गुरप्रीतने त्यांच्या कारकिर्दीमध्ये आतापर्यत ७१ सामाने खेळले आहेत. गेल्या ५ वर्षांत गुरप्रीतने सुनील आणि संदेशसोबत काही सामन्यांमध्ये कर्णधारपदाची जबाबदारी पार पाडली आहे. त्यामुळे तो स्वाभाविकपणे त्याला पात्र होता, असे प्रशिक्षक स्टिमॅक यांनी सांगितले.

प्रशिक्षक स्टिमॅक यांनी कतारविरुद्धच्या सांगितले की, भारताचा पराभव झाला तर हा संघ विश्वचषकाच्या तिसऱ्या टप्प्यातील पात्रता फेरीतून बाहेर पडेल. भारत पाच गुणांसह कतारनंतर दुसऱ्या स्थानावर आहे. अफगाणिस्तान पाच गुणांसह तिसऱ्या तर कुवेत तीन गुणांसह चौथ्या स्थानावर आहे. सध्या कतार आघाडीवर आहे.

सुनील छेत्री हे फुटबॉलमधील अत्यंत नावाजलेले नावा. मात्र गुरूवारी मैदानावर सर्वांना भावूक करत सुनील छेत्रीने निवृत्ती स्वीकारली. कुवेत विरुद्ध फिफा विश्वचषक 2024 क्वालिफायर सामन्यात अनिर्णित खेळून भारताने आपला तुफानी स्ट्रायकर सुनील छेत्रीला निरोप दिला. भारत जिंकला असता, तर छेत्रीसाठी ही निवृत्ती अधिक अविस्मरणीय ठरली असती. मात्र हा सामना अनिर्णित राहिल्याने त्याच्या क्वालिफायरच्या तिसऱ्या फेरीत पोहोचण्याच्या शक्यतांना मोठा धक्का बसला आहे. 

हा सामना अनिर्णित राहिल्याने भारताचे आता पाच गुण झाले आहेत. त्यामुळे 11 जून रोजी शेवटचा सामना आशियाई चॅम्पियन कतारविरुद्ध खेळला जाणार आहे. कुवेतचे चार गुण झाले असून त्याच दिवशी अफगाणिस्तानविरुद्ध सामना होणार आहे. (फोटो सौजन्य – Instagram)

सुनील छेत्रीची कारकीर्द 

भारतीय फुटबॉलची ओळख असलेल्या 39 वर्षीय छेत्रीने या सामन्यासह आपल्या 19 वर्षांच्या आंतरराष्ट्रीय कारकिर्दीला अलविदा केला. त्याने भारतासाठी 94 गोल केले. पोर्तुगालचा सुपरस्टार क्रिस्टियानो रोनाल्डो (128), इराणचा दिग्गज अली दाई (108) आणि अर्जेंटिनाचा करिष्माई खेळाडू लिओनेल मेस्सी (106) नंतर तो आंतरराष्ट्रीय फुटबॉलमध्ये सर्वाधिक गोल करणाऱ्यांच्या यादीत चौथ्या स्थानावर आहे. सुनील छेत्रीमुळे पुढची पिढी अधिक प्रेरित झाल्याचेही दिसून येते. 

उत्तम कामगिरी करणारा खेळाडू

The word ‘Legend’ is not enough to describe you ?

Thank you for everything, #SunilChhetri! "https://t.co/9dcZoCniER">pic.twitter.com/9dcZoCniER

— KolkataKnightRiders (@KKRiders) June 6, 2024

भारतासारख्या देशाच्या खेळाडूसाठी ही मोठी कामगिरी आहे आणि 16 मे रोजी जेव्हा त्याने आंतरराष्ट्रीय फुटबॉलमधून निवृत्ती जाहीर केली तेव्हा फिफानेही त्याच्या कामगिरीचे कौतुक केले. छेत्रीला निरोप देण्यासाठी हजारो प्रेक्षक स्टेडियमवर पोहोचले होते. सॉल्ट लेक स्टेडियमची क्षमता 68000 प्रेक्षकांची आहे आणि संपूर्ण स्टेडियम खचाखच भरले होते. वडील खरगा आणि आई सुशीला आणि पत्नी सोनम भट्टाचार्य यांच्याशिवाय अनेक अधिकारी आणि माजी खेळाडूंचाही त्यात समावेश होता.

[read_also content=”सुनील छेत्रीचा शेवटचा सामना https://www.navarashtra.com/sports/farewell-to-indian-football-captain-sunil-chhetri-cristiano-ronaldo-534019/”]

शेवटच्या सामन्यात एकही गोल नाही 

मात्र, शेवटच्या आंतरराष्ट्रीय सामन्यात छेत्रीला एकही गोल करता आला नाही, याची खंत प्रेक्षकांच्या मनात नक्कीच राहिली आहे. यानंतर सुनील छेत्री क्लब फुटबॉल खेळणे सुरूच ठेवणार आहे. इंडियन सुपर लीग संघ बेंगळुरू एफसीसोबत पुढील वर्षापर्यंत त्याचा करार आहे. छेत्रीने 12 जून 2005 रोजी क्वेटा येथे पाकिस्तानविरुद्ध पहिला आंतरराष्ट्रीय सामना खेळला. तो सामना १-१ असा बरोबरीत संपला. त्या सामन्यात छेत्रीने एक गोल केला होता पण गुरुवारी शेवटच्या सामन्यात तो ही कामगिरी करू शकला नाही. 

भारत विरुद्ध कुवेत : आजचा दिवस भारतीय फुटबॉल विश्वासाठी त्याचबरोबर भारतासाठी सुद्दा ऐतिहासिक दिवस आहे. आज भारताचा फुटबॉल संघ गुरुवारी ६ जून रोजी कुवेतविरुद्ध ( India vs Kuwait) मैदानात उतरणार आहे. हा सामना टीम इंडियाचा कर्णधार सुनील छेत्रीचा (Sunil Chhetri) शेवटचा सामना असणार आहे. कर्णधार सुनील छेत्रीने त्यांच्या निवृत्तीची घोषणा सोशल मीडियाच्या माध्यमातून दिली होती. हा सामना कोलकात्याच्या सॉल्ट लेक स्टेडियमवर होणार आहे. भारतासाठीही हा सामना खूप महत्त्वाचा आहे. कारण या सामन्यातील विजयामुळे टीम इंडियाची FIFA विश्वचषक-2026 पात्रता फेरीच्या पुढील फेरीत जाण्याची शक्यता आणखी मजबूत होईल. (फोटो सौजन्य – जिओ सिनेमा इंस्टाग्राम अकाउंट)

[read_also content=”Breaking: ओमानची बिकट अवस्था, ऑस्ट्रेलियाने मिळवला 39 धावांनी विजय https://www.navarashtra.com/sports/t20-world-cup-aus-vs-oman-10th-match-group-b-australia-won-by-39-runs-543435.html”]

भारताच्या संघाने याआधी कुवेतविरुद्ध सामना खेळाला होता. त्यांनतर भारताने अफगाणिस्तानविरुद्ध सामना खेळाला हा सामना अनिर्णयीत राहिला. आता हा संघ कुवेतविरुद्धचा पराभव सहन करू शकत नाही. संघालाही आपल्या कर्णधाराला विजयी निरोप द्यायचा आहे. ही टीम इंडिया आव्हानात्मक स्थितीत आहे. सहा सामने खेळल्यानंतर फक्त दोनच संघ तिसऱ्या फेरीत जाणार आहेत. या सामन्याचा ऐतिहासिक सामना कधी आणि कुठे पाहायचा यासंदर्भात आम्ही तुम्हाला सांगणार आहोत.

कुठे आणि कधी पाहायचा भारत विरुद्ध कुवेत सामना?

भारत आणि कुवेत यांच्यातील ऐतिहासिक सामना गुरुवार, ६ जून रोजी होणार आहे. हा सामना कोलकाता येथील सॉल्ट लेक स्टेडियमवर होणार आहे. हा सामना संध्याकाळी ७ वाजता सुरू होणार आहे. स्पोर्ट्स 18 चॅनलवर टीव्हीवर या सामन्याचा आनंद घेता येईल. त्याचबरोबर या सामन्याचे ऑनलाईन स्ट्रीमिंग जिओ सिनेमा ॲपवर तुम्ही भारत आणि कुवेत मॅचचे लाईव्ह स्ट्रीमिंग पाहू शकता

बुधवारी 29 मे रोजी फोर्ट लॉडरडेल, फ्ला येथे अटलांटा युनायटेड विरुद्ध इंटर मियामी यांच्यामध्ये सामना पाहायला मिळाला. या सामन्यांमध्ये अटलांटा युनायटेडने इंटर मियामी यांच्यावर 3-1 असा विजय मिळवला. कालचा विजय मिळवून नऊ विजयासह मालिकेचा शेवट केला. या सामन्याची संध्या सोशल मीडियावर चांगलीच चर्चा सुरु आहे. 31 मार्च रोजी शिकागो फायरवर 3-0 ने विजय मिळविल्यानंतर अटलांटाला पहिला विजय मिळवून देण्यासाठी ब्रॅड गुझानच्या जागी जोश कोहेनने चार सेव्ह केले.

[read_also content=”T-20 विश्वचषकात सर्वाधिक ‘प्लेअर ऑफ द मॅच’ जिंकणारा भारताचा विराट कोहली अव्वल स्थानावर https://www.navarashtra.com/sports/indias-virat-kohli-tops-the-list-with-most-player-of-the-match-awards-in-t-20-world-cup-540324.html”]

अटलांटा युनायटेड गुणतालिकेत सध्या 12 व्या स्थानावर आहेत तर इंटर मियामी सध्या अव्वल स्थानावर आहेत. अटलांटा युनायटेडची मागील वर्षभरातमध्ये त्याची कामगिरी चांगली नव्हती. त्याचबरोबर त्यांना मागील आठवड्यामध्ये त्यांना लॉस एन्जेलिसकडून 1-0 असा पराभव पत्करावा लागला होता.

मेस्सीचा यंदाच्या सीझनमध्ये 11 वा गोल होता. लुईस सुआरेझने संघाला आघाडी मिळवून दिली. इंटर मियामीचा संघ 34 गुणांसह अव्वल स्थानावर आहे तर सिनसिनाटी 33 गुणांसह दुसऱ्या स्थानावर आहे. बुधवारी रात्री सिनसिनाटीला नॅशव्हिलकडून पराभव पत्करावा लागला, त्यामुळे अव्वल स्थान मिळवण्याची संधी हुकली. थियारेने 73व्या मिनिटाला वायलीचा क्रॉस दारातून फिरवून अटलांटाला दोन गोलचा फायदा मिळवून दिला आणि विजय मिळवला.

सुनील छेत्री : भारतीय संघाचा कर्णधार 2005 मध्ये करिअरला सुरुवात केली होती. सुनील छेत्रीने (Sunil Chhetri) मार्चमध्ये गुवाहाटी येथे अफगाणिस्तानविरुद्ध भारतासाठी 150 वा सामना खेळला. त्या सामन्यात त्याने एक गोल केला आणि तो सामना भारताने 1-2 ने गमावला. सोशल मीडिया प्लॅटफॉर्म X वर एक पोस्ट शेअर करण्यात आली आहे. त्यामध्ये भारतीय फुटबॉल संघाचा स्टार खेळाडू आणि कर्णधार सुनील छेत्रीने आंतरराष्ट्रीय फुटबॉलमधून निवृत्तीची घोषणा केली आहे. कुवेतविरुद्धच्या फिफा विश्वचषक पात्रता फेरीनंतर तो आंतरराष्ट्रीय फुटबॉलला कायमचा निरोप देणार आहे असे त्याने व्हिडीओमध्ये सांगितले आहे.

कर्णधार सुनील छेत्रीने आतापर्यंत भारतासाठी 150 सामने खेळले आहेत आणि त्याच्या 20 वर्षांच्या कारकिर्दीत २६ मार्चपर्यत 94 गोल केले आहेत. सुनीलने 9 मिनिटे 51 सेकंदांच्या व्हिडिओमध्ये निवृत्ती घेण्याच्या निर्णयाबद्दल सांगितले. X वर शेअर केलेल्या या व्हिडिओमध्ये सुनीलने लिहिले की, मला तुम्हाला काही सांगायचे आहे.. असे त्याने त्याच्या पोस्टमध्ये लिहिले आहे आणि व्हिडीओ शेअर केला आहे.

[read_also content=”T20 विश्वचषकाचा दावेदार कोण? हरभजन सिंहची भविष्यवाणी https://www.navarashtra.com/sports/who-are-the-contenders-for-the-t20-world-cup-predictions-of-harbhajan-singh-533884.html”]

आंतरराष्ट्रीय फुटबॉलमध्ये सर्वाधिक गोल करण्याच्या यादीमध्ये सुनील छेत्री चौथ्या स्थानावर आहे. सर्वाधिक आंतरराष्ट्रीय गोल करण्याच्या बाबतीत पोर्तुगालचा ख्रिस्तियानो रोनाल्डो पहिल्या स्थानावर आहे. रोनाल्डोने आतापर्यंत 206 सामने खेळले असून एकूण 128 गोल केले आहेत. यानंतर इराणचा माजी खेळाडू अली दाई आहे, ज्याने 148 सामन्यांत 108 गोल केले आहेत. अर्जेंटिनाचा कर्णधार लिओनेल मेस्सीने 106 गोल केले आहेत आणि त्याने आतापर्यत 180 सामने खेळले असून तो तिसऱ्या स्थानावर आहे. आंतरराष्ट्रीय फुटबॉलमध्ये सर्वाधिक गोल करणारा सुनील छेत्री हा दुसरा आशियाई खेळाडू आहे. या बाबतीत इराणचा अली दाई पहिल्या क्रमांकावर आहे.

प्रीमियर लीग : आज मँचेस्टर युनायटेड (Manchester United) आणि न्यूकॅसल युनायटेडची (Newcastle United) लढत पाहायला मिळाली. या लढतीत त्यांनी मँचेस्टर युनायटेडचे ​​व्यवस्थापक एरिक टेन हॅगने बुधवारी ओल्ड ट्रॅफर्ड येथे न्यूकॅसल युनायटेडचा 3-2 असा पराभव केला. या पराभव पाहून सर्वच थक्क आले. पराभव केल्याने एक दुर्मिळ चांगला दिवस फुटबॉल चाहत्यांना अनुभवला मिळाला आणि हा दयनीय हंगाम संपण्यापूर्वी तो आणखी काही गोष्टींची फुटबॉल चाहते आशा करू शकतात. व्यवस्थापक डचमनच्या स्थानाभोवती वादविवाद आणि अटकळ फिरत आहे. परंतु मॅन युनायटेडने जवळजवळ तीन महिन्यांत केवळ तिसऱ्यांदा प्रीमियर लीगचा खेळ जिंकला.

[read_also content=”T20 विश्वचषकाचा दावेदार कोण? हरभजन सिंहची भविष्यवाणी https://www.navarashtra.com/sports/who-are-the-contenders-for-the-t20-world-cup-predictions-of-harbhajan-singh-533884.html”]

मॅन युनायटेडच्या कोबी माइनू , अमाद डायलो आणि रॅस्मस होजलंड या तीन तरुण खेळाडूंच्या गोलमुळे हे यश प्राप्त झाले आहे. त्याचबरोबर टेन हॅगला ब्रुनो फर्नांडिस, मार्कस रॅशफोर्ड आणि लिसांद्रो मार्टिनेझचे दुखापतीतून पुनरागमन करण्यातही यश आले. एक खेळ शिल्लक असताना विजयाने मॅन युनायटेडच्या पहिल्या सातमध्ये स्थान मिळवण्यात यशस्वी झाले आहेत तर युरोपियन स्पर्धेसाठी पात्र होण्याच्या आशा जिवंत ठेवल्या आहेत. महिन्याच्या शेवटी मँचेस्टर सिटी विरुद्ध एफए असा अंतिम सामना संपुष्टात येईल अशी आशाही यामुळे निर्माण झाली आहे.

यावेळी टेन हॅग म्हणाला की, ‘हा विजय आहे आणि मी संघाच्या कामगिरीवर खूश होतो. न्यूकॅसलविरुद्ध खेळणे नेहमीच कठीण असते, ते खूप शारीरिक असतात, पण आम्ही चांगला फुटबॉल खेळलो, चांगले गोल केले, विशेषत: पहिला. हा एक चांगला सांघिक गोल होता. आम्हाला काही खेळाडू परत मिळाले, आमच्याकडे आता आणखी खेळाडू उपलब्ध आहेत आणि तुम्ही एक खंडपीठ आहे असे त्याने सांगितले.

पुणे : गुरू तेगबहादुर फाऊंडेशन यांच्या वतीने आयोजित 22व्या गुरू तेगबहादुर गोल्ड कप फुटबॉल स्पर्धेत ज्युनियर डिव्हिजन गटात उपांत्यपूर्व फेरीत हायलँडर एफसी, इन्फंट्स एफसी यांनी तर सुपर डिव्हिजन गटात थंडरकॅटस एफसी या संघांनी आपापल्या प्रतिस्पर्धी संघाचा पराभव करून उपांत्य फेरीत प्रवेश केला.

खडकी येथील रेंजहिल्स स्पोर्ट्स मैदानावर सुरू असलेल्या या स्पर्धेत जुनियर डिव्हिजन गटात उपांत्यपूर्व फेरीत हायलँडर एफसी संघाने अशोका एफसी संघाचा टायब्रेकरमध्ये 5-3 असा पराभव करून उपांत्य फेरी गाठली. विजयी संघाकडून तनिश सोनवणे, साई देशमुख, अर्जुन सुपे, आयुष दिवार, कौस्तुभ शिंदे यांनी सुरेख कामगिरी केली., तर पराभूत संघाकडून स्वराज येवलेला गोल करण्यात अपयश आले.

दुसऱ्या सामन्यात स्टीफन काटे(35 मि) याने नोंदवलेल्या एकमेव गोलाच्या जोरावर इन्फंट्स एफसी संघाने सिटी एफसी पुणे संघाचा 1-0 असा पराभव करून उपांत्य फेरीत धडक मारली. याआधीच्या उप-उपांत्यपूर्व फेरीत पुणेरी वॉरियर्स संघाने सनी डेज एफसी संघाचा 4-2 असा पराभव केला. पुणेरी वॉरियर्स संघाकडून पियुश कुलकर्णी(28,51 मि.)ने दोन गोल तर, विकास गुप्ता(35मि.), राहुल कड(55 मि.)यांनी प्रत्येकी एक गोल केला.

सुपर डिव्हिजन गटात उपांत्यपूर्व फेरीत थंडरकॅटस एफसी संघाने संगम यंग वन्स संघाचा 3-2 असा पराभव करून उपांत्य फेरीत धडक मारली. निर्धारित वेळेत सामना गोलशून्य बरोबरी सुटल्यामुळे टायब्रेकरपद्धतीचा अवलंब करण्यात आला. टायब्रेकरमध्ये थंडरकॅटस संघाकडून क्षितिज कोकाटे, आरोह जोधवानी, ऋषी कराळे यांनी गोल केले. तर, संगम यंग वन्सच्या मार्शल एमसी, गौरव मोरे यांनी मारलेले चेंडू थंडरकॅटस एफसीचा गोलरक्षक प्रतीक स्वामीने अफलातून बचाव करत संघाच्या विजयात मोलाचा वाटा उचलला.

निकाल : जुनियर डिव्हिजन: उप-उपांत्यपूर्व फेरी
पुणेरी वॉरियर्सः 4 (पियुश कुलकर्णी 28मि.पास – राहुल कड, विकास गुप्ता 35मि. पास – प्रवीण कवडे, पियुश कुलकर्णी 51मि. पास -अविनाश भंडारी, राहुल कड 55 मि. पास- विकास गुप्ता) वि.वि.सनी डेज एफसी: 2(सुजित जाधव 50मि. पास – एडविन नाडर, एडविन नाडर 58 मि.पास – सोहेल शेख);

उपांत्यपूर्व फेरी :
हायलँडर एफसी: 5 (तनिश सोनवणे, साई देशमुख, अर्जुन सुपे, आयुष दिवार, कौस्तुभ शिंदे) टायब्रेकरमध्ये वि.वि.अशोका एफसी: 3 (रोहित राऊत, श्रीराज व्हीआर, रविकिरण एमएम) (गोल चुकविला: स्वराज येवले); पूर्ण वेळ: 0-0;

इन्फंट्स एफसी : 1 (स्टीफन काटे 35 मि. यश लोणेरे पास)वि.वि.सिटी एफसी पुणे: 0;

सुपर डिव्हिजन : उपांत्यपूर्व फेरी :
थंडरकॅटस एफसी: 3(क्षितिज कोकाटे, आरोह जोधवानी, ऋषी कराळे)(गोल चुकविला: यश काळे, याया शेख)टायब्रेकरमध्ये वि.वि.संगम यंग वन्स:2(रोशन नायर, नरसीमा मोघम)(गोल चुकविला-मार्शल एमसी, गौरव मोरे); पूर्ण वेळ: 0-0

| Heat Moments
Powered by – Igor Stimac #INDPAK pic.twitter.com/C8SomOTPPZ

— All About Indian Football (@Indian_Footbal1) June 21, 2023

जगप्रसिद्ध फुटबॉलपटू ख्रिस्तियानो रोनाल्डोचा काही दिवसांपूर्वीच मँचेस्टर युनायटेडसोबतचा करार संपल्यानंतर आता तो कोणत्या क्लबकडून खेळणार याबाबत अनेक चर्चा सुरु होत्या. मात्र आता ख्रिस्तियानो रोनाल्डोने सौदी अरेबियाच्या अल नासर या क्लबसोबत अडीच वर्षांचा करार केला आहे. युरोपमध्ये अनेक वर्षे खेळल्यानंतर तो आता आशियाई क्लबकडून खेळणार असून यासोबत तो जगातील सर्वाधिक कमाई करणारा खेळाडू बनला आहे.

37 वर्षीय रोनाल्डोने 2025 पर्यंत अल नसरशी करार केला आहे. त्यांनी 200 दशलक्ष युरो म्हणजे रु. 1775 कोटी पेक्षा जास्त किंमतीचा करार केला आहे. फुटबॉल क्लब अल नसरने कराराचा तपशील उघड केला नाही, परंतु वृत्तसंस्थाच्या मते, रोनाल्डोने “200 दशलक्ष युरो (US$ 214.04 दशलक्ष)” साठी करार केला आहे.

 

View this post on Instagram

 

A post shared by نادي النصر السعودي (@alnassr_fc)

रोनाल्डोच्या येण्यामुळे अल नासरचा संघ मजबूत होईल. क्लबने नऊ सौदी प्रो लीग विजेतेपदे जिंकली आहेत आणि दहाव्या ट्रॉफीकडे लक्ष असेल. हा क्लब शेवटचा 2019 मध्ये लीगचा चॅम्पियन बनला होता. अल नासरच्या संघाला आता प्रथमच एएफसी चॅम्पियन्स लीग जिंकण्याची आशा असेल.

ब्राझील- जगभरातून दु:खद बातमी समोर येत आहे. जगात सर्वांत लोकप्रिय असलेला खेळ म्हणजे फुटबॉल, आणि या खेळातील महान फुटबॉलपटू ब्राझीलचे पेले यांचे निधन झाल्याची बातमी समोर आली आहे. जगभरातील महान व प्रसिद्ध खेळाडू आहेत, त्यामध्ये पेले यांचा आवर्जून उल्लेख होतोय. ब्राझीलला ३ वेळा फुटबॉल विश्वचषक जिंकून देणारे महान फुटबॉलपटू पेले यांचे ८२ व्या वर्षी गुरुवारी मध्यरात्री निधन झाले. ते कर्करोगाने आजारी होते. त्यांच्या निधनाची वार्ता त्यांची कन्या यांनी दिली आहे. पेले यांची कन्या यांनी निधनाची अधिकृत बातमी दिली आहे. त्यामुळं पेले यांच्या चाहत्यावर तसेच जगभरातील फूटबॉलप्रेमीवर शोककळा पसरली आहे.

[read_also content=”पंतप्रधान नरेंद्र मोदी यांच्या मातोश्री हिराबेन मोदी यांचे निधन; वयाच्या १०० व्या वर्षी घेतला अखेरचा श्वास https://www.navarashtra.com/india/prime-minister-narendra-modi-mother-hiraben-modi-passes-away-357946.html”]

पेले यांची कन्या म्हणाल्या की, ‘बाबा, आमचे अस्तित्वच तुमच्यामुळे आहे. तुमच्यावर कायम प्रेम असेल.’ पेलेंनी ४ वर्ल्डकप खेळले, पैकी ३ जिंकले. १९७१ मध्ये ब्राझील राष्ट्रीय संघातून निवृत्ती पत्करणाऱ्या पेलेंची कारकीर्द २१ वर्षांची होती. पेलेंना श्रद्धांजली वाहताना ब्राझीलचा नेमार म्हणाला, ‘पेलेंच्या आधी १० हा फक्त एक क्रमांक होता. त्यांनी त्याला कलेत बदलले, असं म्हटलंय तर जगभरातून अनेक खेळाडू तसेच दिग्गजांनी पेले यांना श्रद्धाजंली वाहिली आहे.

पेले यांचा प्रवास…

पेले यांचा जन्म 23 ऑक्टोबर 1940 रोजी, तर मृत्यू 29 डिसेंबर 2022 रोजी झाला. पेले ९ वर्षांचे असताना त्यांनी वडिलांना रेडिओवर कॉमेंट्री ऐेकताना बघितले. ब्राझील पराभूत झाल्याने वडील रडायला लागले. त्यांचे अश्रू पुसत पेले म्हणाले, रडू नका, मीही वर्ल्डकप जिंकेन. बालपणी आर्थिक परिस्थिती हलाखीची असल्याने ते सॉक्समध्ये कागद भरून त्याचा बॉल बनवून खेळायचे. त्यांनी वेटरचेही काम केले होते. पण नंतर पेले यांनी तीन वेळा आपल्या देशाला विश्वचषक जिंकून दिला होता. आजही पेले यांचे विक्रम अबाधित आहेत.

पेले यांचे जागतिक विक्रम

• पेलेंच्या नावे एकूण १३६३ सामन्यांत १२७९ गोल आहेत, त्याची गिनीज बुक ऑफ वर्ल्ड रेकॉर्डमध्ये नोंद आहे.
• वयाच्या १५ व्या वर्षीच पेले यांना सँटोस एफसीने करारबद्ध केले होते.
• पेलेंनी १७ व्या वर्षीच फिफा वर्ल्डकप जिंकला होता. हा सर्वात कमी वयात वर्ल्डकप जिंकण्याचा एक विक्रम आहे.
• पेले हे ब्राझीलच्या राष्ट्रीय संघाकडून सर्वाधिक गोल करणारे खेळाडू होते.
• १९७० च्या वर्ल्डकप फायनलमध्ये इटलीविरुद्ध पेलेंनी १०० वा वर्ल्डकप गोल केला. १९९३ मध्ये त्यांना फेमच्या राष्ट्रीय फुटबॉल हॉलमध्ये समाविष्ट करण्यात आले हाेते.
• पेलेंनी ३ वेळा फिफा वर्ल्डकप (१९५८, १९६२, १९७०) जिंकले, तो आजही एका वैयक्तिक फुटबॉलपटूसाठी विक्रम आहे.

मुंबई : फुटबॉल जगतातील महान फुटबॉलपटू पेले यांची प्रकृती चिंताजनक असून ती सातत्याने खालावत असल्याची माहिती मिळत आहे. ब्राझीलचे महान फुटबॉलपटू पेले हे कर्करोगाशी झुंज देत आहेत.

जगप्रसिद्ध खेळाडू पेले यांची सप्टेंबर 2021 मध्ये कोलन ट्यूमर काढण्यात आली. त्यानंतर त्यांची केमोथेरपी झाली. पेले यांना यापूर्वीही अनेकदा रुग्णालयात दाखल करण्यात आले होते.काही दिवसांपूर्वी पेले यांना रुटीन चेकअप करीता रुग्णालयात दाखल करण्यात आले होते. पेले यांना कर्करोगासोबत हृदयविकाराचा देखील आजार असल्यामुळे त्यांना चेकपनंतर घरी न पाठवता रुग्णालयातच दाखल करण्यात आले होते.

View this post on Instagram

A post shared by Edson Nascimento{Principe Guerreiro?} (@warriorprince_ny)

रुग्णालयाने दिलेल्या माहितीनुसार, 82 वर्षीय माजी फुटबॉलपटू पेले यांची विशेष काळजी घेण्यात येत आहे. पेले यांचा मुलगा एडसन चोल्बी नॅसिमेंटो शनिवारी रुग्णालयात दाखल झाला, अशी माहिती एपी वृत्तसंस्थेने दिली. पेले यांची मुलगी केली नॅसिमेंटोही रुग्णालयात आहे. पेलेच्या मुलाने इंस्टाग्रामवर एक भावनिक पोस्ट पोस्ट केली, ज्यामध्ये त्याने, “पापा… माझी ताकद तुम्ही आहात.” असं लिहीलं आहे. पेले यांची प्रकृती सातत्याने खालावत चालली असून, त्यांच्या किडनी आणि हृदयावर परिणाम होत आहे.

ब्राझीलला तीन वेळा बनवलं चॅम्पियन

पेलेने आपला देश ब्राझीलला तीन वेळा वर्ल्ड चॅम्पियन बनवले आहे. त्यांच्या नेतृत्वाखाली ब्राझीलने 1958, 1962 आणि 1970 मध्ये विश्वचषक जिंकला होता. 1958 च्या विश्वचषक फायनलमध्ये सुदान विरुद्ध दोन गोल केले. पेलेन यांनी आपल्या व्यावसायिक कारकिर्दीत एकूण 1363 सामने खेळले आणि 1281 गोल केले. त्यांनी ब्राझीलसाठी 91 सामन्यात 77 गोल केले आहेत.

मुंबई : कतार येथे आयोजित केलेल्या फिफा विश्वचषक २०२२ मध्ये मेस्सीच्या अर्जेंटिना संघाने विश्वचषकावर आपले नाव कोरले. ३६ वर्षानंतर देशाला फुटबॉल मध्ये विश्वविजेता बनवण्याचे मेस्सीचे स्वप्न यंदा पूर्ण झाले. यावेळी मेस्सी आपल्या कुटुंबासोबत मैदानावर आनंद साजरा करताना दिसला. मात्र असे असतानाच लिओनेल मेस्सीने मात्र त्याचा लहान मुलगा किरोला सावत्र वागणूक दिल्याचे नेटकऱ्यांनी म्हंटले आहे. सध्या या क्षणाचा एक व्हिडीओ सोशल मीडियावर व्हायरल होत आहे.

लिओनेल मेस्सीला थियागो, मातेओ आणि किरो अशी 3 मुलं आहेत. सेलिब्रेशन सुरु असताना मेस्सी त्याचा दुसरा मुलगा मातेओला मांडीवर घेऊन बसलेला दिसतोय. मातेओ यामध्ये फार खूश दिसून येतोय. त्याच्याच मागे किरो (Ciro Messi) हा शांतपणे बसला आहे. किरोकडे कोणीच बघत नसतं. आपल्याकडे लक्ष नाही म्हणून तो लिओनेलला बोलावून काहीतरी दाखवण्याचाही प्रयत्न करतो. मात्र पुन्हा काही कारणाने मेस्सी किरोकडे दुर्लक्ष करतो.

View this post on Instagram

A post shared by Just Hasley Things (1.5M)"https://s.w.org/images/core/emoji/17.0.2/72x72/26a1_V_png--1280x720-4g.webp" alt="⚡" class="wp-smiley" style="height: 1em; max-height: 1em;" /> (@just.hasley.things)

किरोचा हा व्हिडीओ पाहून अनेक नेटकरी भावुक झाले आहेत. मेस्सी आपल्याच लहानग्या मुलासोबत असं का वागतोय, असा प्रश्न अनेकांच्या मनात आला आहे. अनेकांनी या व्हिडिओवर मिम्स देखील बनवले आहेतं.

अर्जेंटिनाच्या जनतेचा जल्लोष अखंड सुरू आहे. राजधानी ब्यूनर्स आयर्सला तसं उत्सवाचंच स्वरूप प्राप्त झालं आहे. आकाशी आणि पांढऱ्या पट्ट्यांची जर्सी परीधान करून देशवासीय राष्ट्रध्वजासह नाचत आहेत, गात आहेत. बहुतेकांकडे त्यांचा नायक लिओनेल मेसीचं छायाचित्रं, पोस्टर आहेत, तर काहींकडे विश्वचषकाची प्रतिकृती. रविवारी रात्री आशा-निराशेचे हिंदोळे अनुभवल्यानंतर अखेरीस शेवट एखाद्या परीकथेप्रमाणे गोड झाला. त्यामुळे या विजयानंदाची गोडी अधिक तीव्र. सोमवारी हा अश्वमेध देशात आला, तेव्हा त्यांच्या स्वागतासाठी पुन्हा तोच गर्दीचा महापूर. राष्ट्रगीताचं सुरात गायन आणि मेसी नामाचा जयघोष हा देशाच्या कानाकोपऱ्यापर्यंत पसरलेला. याला कारणही तसंच होतं, तब्बल ३६ वर्षांनंतर देशातील सर्वात आवडत्या खेळातलं विश्वविजेतपद मिळालं होतं.

या विशाल आनंदलाटेत गहिरं दु:ख विसरण्याचं सामर्थ्य होतं. अर्जेंटिना आर्थिक मंदीच्या लाटेत होरपळत आहे. महागाईनं सर्वसामान्यांचा जीव मेटाकुटीस आला आहे. गेल्या आठवड्यात उपाध्यक्ष आणि माजी अध्यक्ष क्रिस्टिना फर्नांडीझ डी किर्चनर यांना एक अब्ज डॉलरच्या भ्रष्टाचाराच्या आरोपाखाली सहा वर्षांच्या तुरुंगवासाची शिक्षा ठोठावण्यात आली आहे. या निर्णयानं राजकीय धुमश्चक्री अधिक वेगानं सुरू आहे. कोरोना कालखंडात ब्यूनस आयर्समध्येच सर्वात प्रदीर्घ कालावधीचा लॉकडाऊन लागू करण्यात आला होता. विश्वचषकाच्या अंतिम अंतिम लढतीप्रमाणेच अर्जेंटिनाच्या नागरिकांचा जगण्याशी संघर्ष सुरू आहे. त्यामुळेच दुष्काळग्रस्त भागाला पावसानं दिलासा द्यावा, तसंच हे यश देशाच्या अस्थैर्यात संजीवनी देणारं ठरलं.

सौदी अरेबियाविरुद्धच्या सलामीच्या लढतीत अर्जेंटिनानं धक्कादायक पराभव पत्करला, तेव्हा आता फुटबॉलमधूनही काही अपेक्षा करता येणार नाही. हा संघ साखळीतच गारद होणार, अशी सर्वांचीच समजूत झाली होती. पण अर्जेंटिना आणि मेसीचा खेळ उत्तरोत्तर बहरत गेला आणि विश्वचषकाची प्रतीक्षा संपुष्टात आली. या वाटचालीत नेदरलँड्स, क्रोएशिया आणि फ्रान्सविरुद्धचे विजय संस्मरणीय होते. हे यश अर्जेंटिनाचा महानायक दिएगो मॅराडोनासारखंच मेसीच्या मोठेपणावर शिक्कामोर्तब करणारं. समकालिन ख्रिस्तियानो रोनाल्डो आणि नव्यानं उदयास आलेल्या किलियन एम्बापेपेक्षा श्रेष्ठत्व सिद्ध करणारं. याचप्रमाणे पेले, मॅराडोना या सार्वकालिक सर्वोत्तम फुटबॉलपटूंच्या (गोट : ग्रेटेस्ट ऑफ ऑल टाइम) यादीत स्थान मिळवून देणारं. १९८६च्या विश्वचषकाला मॅराडोनाच्या पराक्रमामुळे गाजला. तसंच ‘हँड ऑफ गॉड’ ही आख्यायिका झाली. पुढच्या विश्वचषकात जगज्जेतेपदाची पुनरावृत्ती करण्याची संधी अर्जेंटिनाकडे पुन्हा चालून आली. पण यावेळी पश्चिम जर्मनीनं मॅराडोनाच्या संघाला उपविजेतेपदापर्यंतच मर्यादित राखलं.

स्कलोनीचं मार्गदर्शन

रशियातील २०१८च्या विश्वचषकात अर्जेंटिनाचा संघ उपउपांत्यपूर्व फेरीत गारद झाल्यानंतर लिओनेल स्कलोनी यांच्याकडे अर्जेंटिनाचं प्रशिक्षकपद आश्चर्यकारकरीत्या सोपवण्यात आलं. खेळाडू आणि प्रशिक्षक म्हणून आंतरराष्ट्रीय आणि क्लब स्तरावर कोणतंही मोठेपण न मिळवलेला हा स्कलोनी काय यश मिळवून देणार? अशा शब्दांत त्याची प्रतारणा केली जायची. त्यात २०१९च्या कोपा अमेरिका चषकाच्या उपांत्य फेरीत ब्राझीलकडून झालेला पराभव अर्जेंटिनासाठी धोक्याची घंटा ठरला. पण स्कलोनी यांच्यावर संघ व्यवस्थापनानं विश्वास ठेवला. राखेततून पुनर्जन्म घेणाऱ्या चातकाप्रमाणे अर्जेंटिनानं कात टाकली. गतवर्षी अर्जेंटिनानं कोपा अमेरिका चषक जिंकून दाखवला. त्यानंतर सलग ३६ सामन्यांत हा संघ अपराजित राहिला. स्कलोनी यांनी संघाला जिंकण्याचा मार्ग दाखवताना टिकाकारांना उत्तरही दिलं.

महानायक मेसी

< काही दशकांनंतर अर्जेंटिनावासीयांचा दुसरा महानायक मेसीनं आपल्या जादुई खेळानं फुटबॉलजगताला मंत्रमुग्ध केलं. काहींना त्याच्यात मॅराडोनाचीच झलक दिसत होती.

< २०१४ मध्ये मेसीच्या नेतृत्वाखाली अर्जेंटिनानं अंतिम फेरीपर्यंत मजल मारली होती. पण त्यावेळी जर्मनीच्याच अडथळ्यानं त्यांचं स्वप्न अधुरं राहिलं. तेव्हा अतिरिक्त वेळेत जर्मनीनं बाजी मारली.

< परंतु तरीही मेसीचा निर्धार पक्का होता. पुन्हा नेतृत्व मेसीकडेच होतं. जर्मनीनं साखळीतच गाशा गुंडाळल्यानं तीही भीती नव्हती. अर्जेंटिनानं फ्रान्सला पेनल्टी शूटआऊटमध्ये नामोहरम केलं आणि तिसऱ्यांदा जगज्जेतेपदावर मोहोर उमटवली.

< ‘फिफा’कडून दिला जाणारा सर्वोत्तम फुटबॉलपटूचा ‘गोल्डन बॉल’ पुरस्कार मेसीनं पटकावला, तसा २०१४मध्येही त्यानं तो मिळवला होता.

< पण यावेळी विश्वविजेतेपदानं तो आनंद द्विगुणित झाला. विक्रमी सात बलून डीओर पुरस्कार, विक्रमी सहा युरोपियन गोल्डन शूज पुरस्कार, २०२०मध्ये बलून डीओर स्वप्नवत संघ पुरस्कार यामुळे मेसीची कारकीर्द झळाळणारी आणि समृद्ध होती.

< २०२१पर्यंत मेसीची संपूर्ण व्यावसायिक कारकीर्द ही बार्सिलोनाकडून गाजली. क्लबच्या विक्रमी ३५ जेतेपदांमध्ये मेसीचं योगदान महत्त्वाचं. यात १० ला लीगा, सात कोपा डेल रे आणि चार चॅम्पियन्स लीग विजेतेपदांचा समावेश.

< आंतरराष्ट्रीय आणि क्लब स्तरावर मेसीच्या खात्यावर ७५०हून अधिक गोल जमा आहेत. यापैकी अर्जेंटिनासाठी सर्वाधिक १७२ सामन्यांत सर्वाधिक ९८ गोल त्यानं नोंदवले आहेत. पण विश्वविजेतेपदाचं अधुरेपण मेसीनं संपुष्टात आणलं.

उद्योगजगतात एकत्रित लक्ष्य हे कंपनीच्या यशात महत्त्वाची भूमिका बजावते. तसंच खेळाडूंमधील मजबूत बंध हे अर्जेंटिनाच्या यशाचं प्रमुख सूत्र होतं. सौदी अरेबियानं पहिल्याच लढतीत अस्मान दाखवल्यामुळे वास्तवाची जाणीव झालेल्या अर्जेंटिनाचा मार्ग सोपा मुळीच नव्हता. साखळी, बाद फेरी आणि नंतर अंतिम सामना या मार्गातील असंख्य आव्हानं झुगारताना एकीचं बळ प्रकर्षानं दिसून आलं. त्यांच्या सांघिकतेचं लक्ष्य एकच होतं, ते म्हणजे तीन तपांनंतर विश्वविजेतेपद पुन्हा जिंकणं.

देशाच्या विविध भागातील आणि लीग व्यासपीठावरही विविध क्लबचं प्रतिनिधित्व करणाऱ्या खेळाडूंनी या एकलक्ष्यासाठी आपल्यातील क्षमता आणि अहंकार हे सर्वप्रथम बाजूला ठेवले. देशासाठी खेळतानाचा अभिमान आणि देशवासियांना विश्वविजेतेपदाचा आनंद मिळवून देण्याचा निर्धार यामुळे अर्जेंटिनाच्या मैदानावरील वावरात मेसी नव्हे, तर संघच अधोरेखित होत होता. अर्जेंटिनाच्या मैदानावरील एकजुटीला देशातील नागरिकांचंही मोठं पाठबळ मिळू लागलं. प्रत्येक सामन्यांना चौकाचौकात, रस्त्यारस्त्यांवर गर्दी होऊ लागली. विश्वविजेतेपद जिंकायचंच हा नारा बुलंद होऊ लागला. मेसी अमुचा नायक ही आशा अधिक तीव्र होत गेली.

प्रशांत केणी

prashantkeni@gmail.com

तब्बल ३६ वर्षांनंतर अर्जेंटीनाला पुन्हा एकदा फिफा विश्वचषक जिंकून दिल्यामुळे लिओनेल मेस्सीचा जगभरात डंका वाजत आहे. अर्जेंटिना फुटबॉल संघ विश्वविजेता झाल्यामुळे लिओनेल मेस्सीची लोकप्रियता अधिकच वाढली आहे. अशातच मेस्सीच्या चाहत्यांना एक मोठं सरप्राईज मिळणार आहे. अर्जेंटिना सरकार लवकरच देशात चलनात येणाऱ्या पैशांच्या नोटेवर मेस्सीचा फोटो छापणार असल्याची माहिती समोर येत आहे.

फिफा विश्वचषक ट्रॉफीसह संपूर्ण अर्जेंटिना संघ मायदेशी पोहोचल्यावर, त्यांचं तेथे जोरदार स्वागत करण्यात आलं. जवळपास ४ लाख नागरिक त्याठिकाणी उपस्थित होते. इतकंच नाही, तर मेस्सी त्याच्या गावी पोहोचल्यानंतरही त्याचं जोरदार स्वागत करण्यात आलं. अर्जेंटिना सरकार आपल्या नोटेवर (Argentina Currency) मेस्सीचा फोटो लावण्याच्या मनस्थितीत असल्याचं वृत्त समोर आलं आहे.

BREAKING: Argentina are considering putting Lionel Messi on their banknotes ??

Officials of their financial governing body are looking to mark their nation’s historic World Cup triumph ?

Via El Financiero newspaper. pic.twitter.com/SJGxpltVrX

— SPORTbible (@sportbible) December 21, 2022

अर्जेंटिना सरकारनं (Argentina Government) आपली कल्पना अंमलात आणून तेथील नोटेवर मेस्सीचा फोटोही छापला आहे. विश्वचषक जिंकल्यानंतर एखाद्या खेळाडूच्या फोटोला देशाच्या चलनावर स्थान मिळण्याची ही बहुधा पहिलीच वेळ आहे. विश्वचषकाच्या आनंदात देशाला सर्वात मोठा सन्मान किंवा सर्वात मोठा पुरस्कार मिळतो, हे आपण पाहिलंय. पण, हा प्रकार नक्कीच पहिल्यांदाच पाहायला मिळणार आहे. मात्र, अद्याप याला अजूनही अधिकृत दुजोरा मिळालेला नाहीय.

फिफा विश्वचषक 2022 च्या अंतिम फेरीत अर्जेंटिनानं फ्रान्सचा पराभव करून तिसऱ्यांदा विश्वचषक जिंकला. यापूर्वी त्यांनी 1978 आणि 1986 मध्ये हे विजेतेपद पटकावलं होतं. त्या जगप्रसिद्ध फुटबॉलपटू लिओनेल मेस्सीचे हे पहिलेच विश्वचषक विजेतेपद होते.

मुंबई : फिफा विश्वचषक 2022 (FIFA World Cup) मधील अर्जेंटिना विरुद्ध भारत यांच्यात विश्वविजेता होण्यासाठी झालेला फायनल मुकाबला अवघ्या जगाने पाहिला. कतार येथील लुसेल स्टेडियमवर ८८ हजार प्रेक्षकांनी प्रत्यक्ष या सामन्याचा आनंद लुटला. तर करोडो प्रेक्षकांनी टीव्ही तसेच ऑनलाईन माध्यमातून हा अंतिम सामना पाहिला. श्वास रोखून धरणारा अखेरच्या क्षणापर्यंतचा हा सामना प्रत्येक फुटबॉल प्रेमीने आपल्या डोळ्यात साठवला. भारतासह जगभरात हा सामना प्रत्येकांपर्यंत मोफत पोहोचवण्याचे काम Jio Cinema ने चोखपणे केले. यावेळी जवळपास 110 मिलियन पेक्षा जास्त प्रेक्षकांनी हा सामना Jio Cinema वर पाहिला.

कतारमध्ये अत्यंत चुरशीच्या झालेल्या या सामन्यात अर्जेंटिनाने पेनल्टी शूटआऊटमध्ये फ्रान्सचा पराभव केला. कतारमध्ये झालेला हा वर्ल्ड कप भारतात आतापर्यंत सर्वाधिक प्रेक्षक लाभलेला आणि पाहिलेला वर्ल्ड कप होता. पहिल्यांदाच टीव्हीपेक्षा डीजिटल प्रेक्षकांची संख्या सर्वाधिक होती. स्पोर्ट्स 18 आणि स्पोर्ट्स 18 एचडी चॅनेलवरून प्रसारण होत होते तर जिओ सिनेमा अॅपवर फिफा वर्ल्ड कपमधील सामने लाइव्ह पाहता येत होते.

अर्जेंटिना विरुद्ध फ्रान्सचा सामना सुरू होण्याआधी रेकॉर्डब्रेक Jio Cinema अप डाऊनलोड करण्यात आले. तीन तास चाललेला हा थरार सामना लोकांनी Jio Cinema वर पाहिला. जवळपास 110 मिलियन प्रेक्षकांनी हा सामना Jio Cinema वर पाहिला. याआधी आयपीएल आणि वर्ल्डकपचे सामने हे मोबाईलवर पाहता आले. पण अर्जेंटिना आणि फ्रान्सचा सामना हा क्रिकेट सामन्यांपेक्षा मोठ्या संख्येने पाहिला गेला. Jio Cinema 20 नोव्हेंबरपासून आयओएस आणि अँड्रॉइड अशा दोन्ही सिस्टिमवर तीन आठवड्यात सर्वाधिक डाऊनलोड केलेलं फ्री अॅप ठरलं आहे.

मुंबई : कतार येथे संपन्न झालेल्या फिफा विश्वचषक स्पर्धेततील अंतिम सामन्यात अर्जेंटिनाने फ्रान्सवर विजय मिळवून विश्वविजेता होण्याचा बहुमान पटकावला. तर २०१८ फुटबॉल विश्वचषकाचा विजेता ठरलेल्या फ्रान्स संघाला पुन्हा एकदा विश्वविजेता होण्यापासून रोखले. अंतिम सामन्यात पेनल्टी शूटआऊटमध्ये गमावलेला सामना फ्रान्स संघाच्या जिव्हारी लागला आहे. अशातच फ्रान्सच्या एका स्टार खेळाडूने आंतरराष्ट्रीय फुटबॉलमधून निवृत्ती जाहीर केली आहे.

स्टार फुटबॉलर करीम बेन्झिमा (Karim Benzema) याने आंतरराष्ट्रीय फुटबॉलमधून निवृत्तीचा निर्णय जाहीर केला आहे. आपल्या अधिकृत ट्वीटरवरुन बेन्झिमाने ही माहिती एक भावनिक संदेश लिहित दिली असून सोबत फ्रान्सच्या जर्सीतील एक फोटोही पोस्ट केला आहे. यंदाच्या विश्वचषकात दुखापतीमुळे तो संघाचा भाग नव्हता आणि आता फ्रान्सनं विश्वचषक गमावल्यानंतर दुसऱ्याच दिवशी बेन्झिमानं आंतरराष्ट्रीय फुटबॉलमधून निवृत्ती घेतली आहे.

J’ai fait les efforts et les erreurs qu’il fallait pour être là où je suis aujourd’hui et j’en suis fier !
J’ai écrit mon histoire et la nôtre prend fin. #Nueve pic.twitter.com/7LYEzbpHEs

— Karim Benzema (@Benzema) December 19, 2022

बेन्झिमाने त्यांची मातृभाषा फ्रेन्चमध्ये पोस्ट लिहित निवृत्ती जाहीर केली आहे. त्याने लिहिलं आहे, ‘आज मी जिथं आहे, तिथे पोहचण्यासाठी मी प्रयत्न केले, माझ्याकडून चूकाही झाल्या आणि मला या सर्वाचा अभिमान आहे! मी माझी कथा लिहिली आहे आणि आता ती कथा संपत आहे.’

फुटबॉल या जगप्रसिद्ध खेळातील सर्वात मानाचा पुरस्कार म्हणजे ‘बलॉन डी’ओर (Ballon d’Or Award). तो यंदा करीम बेन्झिमा (Karim Benzema) यानेच मिळवला होता. वर्षभरात सर्वोत्तम खेळ करणाऱ्या फुटबॉलपटूला दिला जाणारा हा प्रतिष्ठीत पुरस्कार बेन्झिमाने जिंकत इतिहास रचला. 30 टॉप खेळाडूंना नॉमिनेट करण्यात आलं होतं. ज्यामध्ये बेन्झिमाने बाजी मारली. त्यानं चॅम्पियन्स लीगमध्ये कमाल कामगिरी केली. 46 सामन्यात त्यानं 44 गोल केले होते. विशेष म्हणजे फ्रान्सचा जादूगार फुटबॉ़लर जिदाने याने 1998 मध्ये बलॉन डी’ओर पुरस्कार मिळवला होता, ज्यानंतर थेट 24 वर्षांनी बेन्झिमाने हा मान मिळवला. पण आता हा फ्रान्सचा स्टार खेळाडू आंतरराष्ट्रीय सामना खेळणार नाही. असं असलं तरी प्रसिद्ध क्लब रिअल माद्रीदकडून तो नक्कीच मैदानात उतरेल.

फ्रान्ससोबत अटीतटीच्या फुटबॉल वर्ल्ड कपच्या (Fifa World Cup 2022) अंतिम सामन्यात जिंकल्यानंतर फुटबॉल वर्ल्ड कपच्या इतिहासात अर्जेंटिनाचं (Argentina) नाव सुवर्णाक्षरानी कोरलं गेलं आहे. लिओनेल मेस्सीच्या नेतृत्वाखाली अर्जेंटिनाच्या फुटबॉल टीमने पेनल्डी शुटआऊटनंतर विजयश्री खेचून आणली. कतारच्या लुसैल स्टेडियमवर या सामन्याचं आयोजन करण्यात आलं होतं. मॅच संपल्यानंतर फटाक्यांनी स्टेडियमचा परिसर दणाणून गेला होता. अर्जेंटीनाची राजधानी ब्यूनस आयर्समध्ये (Buenos Aires) तर नागरिकांच्या आनंदाला उधाण आलं होतं.

Unbelievable, joyous and emotional celebrations in Buenos Aires. Just look what Argentina’s World Cup win means.???

"https://t.co/5oek57Ux45">pic.twitter.com/5oek57Ux45

— Ben Jacobs (@JacobsBen) December 18, 2022

[read_also content=”कार्यालयासाठी ठाकरे आणि शिंदे गटात जुंपली, सेना कार्यालय शिंदे गटाला, उद्धव ठाकरे गटाची स्वतंत्र सोय https://www.navarashtra.com/maharashtra/vidarbha/nagpur/dispute-over-possession-of-shivsena-office-in-nagpur-assembly-session-main-office-to-eknath-shinde-group-separate-office-for-uddhav-thackeray-group-354875/”]

ट्वीटरवर सध्या ब्यूनस आयर्समधील विजयोत्सवाचा व्हिडिओ व्हायरल होत आहे. या व्हिडिओत हजारो फुटबॉलप्रेमी रस्त्यावर जमा झालेले दिसत आहेत. व्हिडिओ ड्रोनने शूट करण्यात आला आहे. त्यामुळे हे दृश्य आणखी सुंदर दिसत आहे. लोकांनी अर्जेंटीनाची जर्सी घातलेली आहे. काहींनी राष्ट्रध्वज हातात घेतला आहे आणि तो ते डौलाने फडकवत आहेत.हा व्हिडिओ आत्तापर्यंत लाखो लोकांनी बघितला आहे. विजयी टीमचं आणि मेस्सीच्या फुटबॉल कौशल्याचं खूप कौतुक होत आहे.

गेल्या वर्षी ऑगस्टमध्ये काही ऑनलाइन वेबसाइटवर टिश्यू पेपरचा तुकडा विकला जात होता. किंमत होती एक दशलक्ष डॉलर्स म्हणजे सुमारे ८ कोटी रुपये (Lionel Messi Tissue Sale One Million Dollar). वर्णनात असा दावा केला आहे की हा तोच टिश्यू आहे ज्याने लिओनेल मेस्सीने त्याचे अश्रू पुसले होते.

८ ऑगस्ट २०२१ रोजी मेस्सीने पत्रकार परिषदेत बार्सिलोना क्लब सोडण्याचा आपला इरादा जाहीर केला. तो क्षण सर्व फुटबॉल चाहत्यांसाठी खूप भावनिक आणि धक्कादायक होता. खुद्द मेस्सीही बोलताना भावूक झाला. त्यानंतर मेस्सीची पत्नी अँटोनेला रोकुझो हिने त्याला टिश्यू पेपर दिला ज्याने त्याने आपले अश्रू आणि नाक पुसले. त्या टिश्यू पेपरची बोली कोटयवधी रुपयांमध्ये लागेल याचा अंदाजही मेस्सीला त्यावेळी आला नसेल. मीडिया रिपोर्ट्समध्ये असे म्हटले आहे की त्या निमंत्रित व्यक्तीने तो टिश्यू पेपर ठेवला आणि नंतर तो ऑनलाइन विकला.

इंडियन एक्सप्रेसच्या रिपोर्टनुसार, त्यावेळी जाहिरातीचे स्क्रीनशॉट व्हायरल झाले होते. टिश्यू पेपर एवढ्या महागड्या किमतीत विकणाऱ्या माणसाने या किमतीच्या टिश्यूमध्ये मेस्सीचे “जेनेटिक मटेरियल” असल्याचा दावा करून उच्च किंमतीचे समर्थन केले. ते म्हणतात,

“खरेदीदारांना पैशाच्या बदल्यात मॅसीचे जीन्स मिळतील. भविष्यात मेस्सीलाही या जनुकातून क्लोन केले जाऊ शकते, जेव्हा आपल्याकडे तसे करण्यासाठी योग्य विज्ञान आणि तंत्रज्ञान असेल.”

त्यानंतर अनेक युजर्सनी टिश्यूच्या अस्सलतेबद्दलही शंका उपस्थित केली होती. त्या काळात अश्रू असलेल्या टिश्यू पेपरच्या अनेक प्रतीही विकल्या जात असल्याचे काही रिपोर्ट्समध्ये सांगण्यात आले होते. मात्र, तो टिश्यू कोणत्याही चाहत्याने विकत घेतला होता की नाही, याची माहिती अद्याप मिळालेली नाही.

[read_also content=”विचार करा मगच…मुलाने उभ्या असलेल्या स्कूटरला दिला ॲक्सिलेटर आणि त्याचे बाबा काही फुटांवर जाऊन पडले; सोशल मिडियावर झाला एकच गदारोळ https://www.navarashtra.com/viral/scooter-crashed-as-kid-accelerate-shocking-video-viral-on-social-media-nrvb-354808.html”]

टिश्यू पेपरवर केला करार

वयाच्या १३ व्या वर्षी मेस्सीने टिश्यू पेपरवर करार करून कारकिर्दीची सुरुवात केली. हा दावा त्या व्यक्तीचा आहे ज्याने बार्सिलोनासाठी लिओनेल मेस्सीची प्रतिभा ओळखली. कार्लेस रेक्साच असे त्याचे नाव आहे जो त्यावेळी बार्सिलोनामध्ये काम करत होता. तो स्वतः १९६६ ते १९८१ पर्यंत बार्सिलोनाकडून खेळला. सप्टेंबर २००० मध्ये, मेस्सी क्लबसोबत चाचणी खेळण्यासाठी आला.

कार्लेसने द गार्डियनला दिलेल्या मुलाखतीत सांगितले की, त्याला माहित आहे की मेस्सी खूप प्रतिभावान आहे आणि तो मेस्सीला कोणत्याही परिस्थितीत जाऊ द्यायचा नाही. त्याने सांगितले की काही मिनिटांतच त्याला कळले की मेस्सी खास आहे. या कारणास्तव, त्याने मेस्सीला केवळ टिश्यूवर करारावर स्वाक्षरी करायला लावली होती.

मुंबई : ‘विक्रमांचा बादशाह’, ‘फुटबॉलचा जादूगार’ अशा अनेक नावांनी संबोधला जाणारा जगप्रसिद्ध फुटबॉलपटू लिओनेल मेस्सीने रविवारी आपल्या अर्जेंटिना संघाला फुटबॉलचा विश्वविजेता बनवण्याचे स्वप्न पूर्ण केले. मेस्सीमुळे तब्ब्ल ३६ वर्षानंतर अर्जेंटिनाने फिफा फुटबॉल विश्वचषकावर आपले नाव कोरले. या विश्वचषकासह मेस्सीच्या अर्जेंटिना संघाने तिसऱ्यांदा विश्वचषक पटकावून इतिहास रचला. फुटबॉल जगतावर आपल्या खेळीने ठसा उमटवणाऱ्या लिओनेल मेस्सीची कारकीर्द ही खरोखरच नेत्रदीपक आहे, त्याच्या कारकिर्दीवर टाकुयात एक नजर

मध्यमवर्गीय कुटुंबात जन्माला मेस्सी :

२४ जून १९८७ रोजी अर्जेंटीनातील रोझारियो येथील एका मध्यमवर्गीय कुटुंबात लिओनेल आंद्रेस मेस्सी म्हणजे लिओनेल मेस्सी याचा जन्म झाला. लिओनेल मेस्सीचे वडील एका कारखान्यात काम करत असत. तर आई क्लिनर म्हणून काम करत होती. मात्र, त्याचे वडील एका क्लब मध्ये प्रशिक्षक म्हणूनही नोकरी करीत असल्याने त्याच्या घरात करीत देखील फुटबॉलचे वातावरण होते. अशा परिस्थितीत लिओनेल मेस्सी स्वतः वयाच्या ५ व्या वर्षी एका क्लबमध्ये सहभागी झाला. तेथे तो या खेळाच्या मूलभूत गोष्टी शिकला. पुढे वयाच्या ८ व्या वर्षी मेस्सीने आपला क्लब बदलला आणि तो नेवेल ओल्ड बॉईज क्लबमध्ये गेला. पण काही काळाने अशी घटना घडली, ज्यामुळे सगळ्यांनाच आश्चर्याचा धक्का बसला.

मेस्सीला लहानपणीच जडला होता ‘हा’ गंभीर आजार :

वयाच्या ११ व्या वर्षी लिओनेल मेस्सीला ग्रोथ हार्मोन डेफिशियन्सी नावाचा आजार जडला. या आजारात कोणत्याही व्यक्तीची प्रगती थांबते. त्याचा हा आजार वाढत गेला असता तर त्याची वयाच्या ११ व्या वर्षी जेवढी उंची होती ती तेवढीच राहिली असती. हा आजार झालेला असताना मेस्सीच्या कुटुंबाकडे पुरेसे पैसे देखील नव्हते. याच दरम्यान मेस्सीचे नशीब बदलले. फुटबॉल क्लब बार्सिलोना त्यावेळी खेळाडू म्हणून लहान मुलांवर लक्ष ठेवून होते. टॅलेंट हंट अंतर्गत, लहान शहरे, शाळा, महाविद्यालये आणि विविध क्लबमध्ये हे केले जात होते. बार्सिलोना फुटबॉल क्लबचे स्पोर्टिंग डायरेक्टर कार्लेस रझाक यांना लिओनेल मेस्सीबद्दल माहिती मिळाली. क्लबने मेस्सीला साइन केले. यासोबतच औषधांचा आणि आजारावरील उपचारांचा संपूर्ण खर्च देण्यास क्लब तयार झाला. अट एवढीच होती की मेस्सीला अर्जेंटिना सोडून बार्सिलोनाला जावे लागेल. कुटुंबाने हे मान्य केले आणि अशा प्रकारे लिओनेल मेस्सीची व्यावसायिक फुटबॉल कारकीर्द सुरू झाली.

सन २००४-५ मध्ये वयाच्या १७ व्या वर्षी लिओनेल मेस्सीने बार्सिलोना क्लबमध्ये पदार्पण केले. बार्सिलोनाकडून फुटबॉल खेळणारा तो तिसरा सर्वात तरुण खेळाडू ठरला. लिओनेल मेस्सीने १ मे २००५ रोजी वरिष्ठ संघासाठी पहिला गोल केला.तसेच लिओनेल मेस्सीने २४ जून रोजी एक वरिष् खेळाडू म्हणून बार्सिलोनासोबत करार केला. तो जवळपास दोन दशके या क्लबकडून खेळला. या दरम्यान त्याने अनेक विक्रम आपल्या नावे केले. त्याने बार्सिलोनाकडून एकूण 672 गोल केले आहेत. त्याने या क्लबकडून खेळताना युइएफए चॅम्पियन्स लीगच्या उपांत्यपूर्व सामन्यांत 28 गोल केले आहेत.

विक्रमांचा बादशाह ‘मेस्सी’ :

मेस्सीने 2016मध्ये आंतरराष्ट्रीय स्तरावरून निवृत्ती घेतली होती, मात्र तो परत संघात परतला. त्याने संघाला 2018च्या फिफा विश्वचषकासाठी पात्र होण्यास महत्वाची भुमिका बजावली. त्याचबरोबर त्याने 2021मध्ये कोपा अमेरिका स्पर्धा जिंकली. ज्यामध्ये तो गोल्डन बॉल आणि गोल्डन शूजचा मानकरी ठरला.
क्लब आणि देशासाठी एका वर्षात सर्वाधिक गोल (91 गोल 2012मध्ये) करण्याचा विक्रम गिनिस वर्ल्ड रेकाॅर्डमध्ये मेस्सीने आपल्या नावावर केला आहे. एक वर्षात देशासाठी सर्वाधिक गोल्स (12) चा विक्रम पण त्याने आपल्या नावावर केला आहे. त्याने अर्जेंटिनाकडून आतापर्यंत सर्वाधिक असे 171 सामने खेळताना सर्वाधिक 96 गोल केले आहेत. याबरोबर तो आजच्या घडीला सर्वाधिक आंतरराष्ट्रीय गोल करणाऱ्या फुटबॉलपटूंमध्ये मेस्सी तिसऱ्या स्थानावर आहे.

मेस्सीचे चॅम्पियन्स लीग रेकॉर्ड :

सर्वाधिक चॅम्पियन्स लीग ग्रुप स्टेज गोल: 80 (बार्सिलोनासाठी 71)
सर्वाधिक चॅम्पियन्स लीग फेरीतील १६ गोल: २९
एका क्लबसाठी सर्वाधिक चॅम्पियन्स लीग गोल: 120 (बार्सिलोना)
चॅम्पियन्स लीगमधील सर्वाधिक सलग सीझन स्कोअरिंग: 18

मेस्सीचे लीगा रेकॉर्ड :

सर्वाधिक लिगा गोल: 474
एका हंगामात सर्वाधिक लीगा गोल: 50 (2011/12)
सर्वाधिक लिगा हॅट्ट्रिक्स: ३६
परदेशी खेळाडूंनी जिंकलेली सर्वाधिक लीगा खिताब: 10

मेस्सीचा वैयक्तिक सन्मान :
सर्वाधिक बॅलन डी’ओर पुरस्कार: 7
सर्वाधिक ESM गोल्डन शूज: 6

अर्जेंटिना संघाचा कर्णधार असलेला जगप्रसिद्ध फुटबॉलपटू लिओनेल मेस्सीचे चाहते जगभरात आहेत. मेस्सीने नुकतेच आपल्या अर्जेंटिना संघाला फिफा विश्वचषक जिंकून देत आपले स्वप्न पूर्ण केले आहे. यामुळे सध्या मेस्सीच्या फॅन्समध्येही आनंदाचे वातावरण आहे. फिफा विश्वचषकाच्या अंतिम सामन्यात केलेल्या धडाकेबाज कामगिरीमुळे हा खेळाडू पुन्हा एकदा प्रकाशझोतात आला आहे. तेव्हा या जगप्रसिद्ध खेळाडूबद्दल सध्या सोशल मीडिया तसेच सर्च इंजिन्सवर लोक अधिकाधिक माहिती जाणून घेण्यास इच्छुक आहेत. अशातच आम्ही लिओनेल मेस्सी वापरत असलेल्या 24 कॅरेट सोन्याच्या फोन विषयी काही इंटरेस्टिंग माहिती घेऊन आलो आहोत.

रिपोर्टनुसार लियोनेल मेसी iPhone Xs Max हा फोन वापरतो. हा फोन त्याने कस्टमाइज केला आहे. फोन घेतल्यावर त्याने त्यात बदल केला आहे. या फोनसाठी तो कस्टमाइज गोल्ड केस वापतो.या गोल्ड केसच डिझाइन iDesign Gold ने तयार केली आहे. जेव्हा घेतला त्यावेळी हा फोन सगळ्यात महागडा होता. त्यावर गोल्ड कोटींग लावल्याने त्याची व्हॅल्यू अजूनच वाढली. ही केस २४ कॅरेट गोल्ड पासून बनवण्यात आली आहे.

iDesign Gold ने ही केस डिझाइन केली. फोनच्या पाठीमागे त्याचं नाव आणि जर्सी नंबर आहे. याशिवाय त्याच्या पत्नीचं आणि मुलाचंपण नाव यावर टाकलेलं आहे. याबरोबरच डिव्हाइच्या मागे बार्सिलोना आणि अर्जेंटीनाचे बॅजपण बघयाला मिळतात. या फोनच्या किंमतीचा अंदाज लावायचा झाला तर iPhone Xs Max ची गेल्ड केस सहित किंमत साधारणपणे तब्ब्ल २१ हजार डॉलर्स किंवा १७ लाख रुपये इतकी आहे. आता कदाचित त्याच्या कडे लेटेस्ट iPhone 14 Pro Max असू शकतो. पण याविषयी कोणताही नवीन रिपोर्ट अद्याप आलेला नाही.

मुंबई : सध्या कतार येथे संपन्न झालेल्या फिफा विश्वचषक २०२२ ची जगभरात चर्चा सुरु आहे. मेस्सीचा अर्जेंटिना संघ आणि २०१८ चा विश्वविजेता झालेला फ्रान्स संघ यांच्यात रविवारी झालेल्या रोमहर्षक सामन्यात अर्जेंटिना संघाचा विजय झाला. अर्जेंटिनाने पेनल्टी शूटआऊटमध्ये फ्रान्सवर ४-२ ने विजय मिळवला आणि फ्रान्सला लागोपाठ दुसऱ्यांदा विश्वविजेता होण्यापासून रोखले. या रोमांचक मुकाबल्या दरम्यान मेस्सीच्या अर्जेंटीनाला काटेकीटक्कर देणाऱ्या अवघ्या २३ वर्षीय किलियन एम्बाप्पे या फुटबॉलपटूची बरीच चर्चा झाली. किलियन एम्बाप्पेचा खेळातील ग्राफ पाहून त्याची तुलना जगप्रसिद्ध फुटबॉल खेळाडू लिओनेल मेस्सी सोबत केली जात आहे. तेव्हा हा तरुण फुटबॉलपटू नक्की कोण आहे आणि त्याची इतकी चर्चा का होतेय हे आपण जाणून घेऊयात…

किलियन एमबाप्पे या अवघ्या २३ वर्षांच्या फ्रेंच फुटबॉलपटूने खूपच कमी कालावधीत अविश्वसनीय ट्रॅक रेकॉर्ड बनवला आहे. एक खेळाडू म्हणून एमबाप्पेने अनेक पुरस्कार आणि विजेतेपद पटकावले असून तो सध्या PSG क्लबकडून खेळतो आहे. या क्लबमध्ये ब्राझीलचा नेमार ज्युनियर आणि अर्जेंटिनाचा लिओनेन मेस्सीसारखे स्टार खेळाडू आहेत. एमबाप्पे विश्वचषकात गोल करणारा सर्वात तरुण फ्रेंच खेळाडू आहे. २०१८ च्या विश्वचषक फायनलमध्ये एमबाप्पेने गोल करुन पेलेची बरोबरी केली होती. किलियन एमबाप्पे चा जन्म पॅरिसपासून ११ किलोमीटर अंतरावर असलेल्या बोंडी उपनगरात झाला. त्याने वयाच्या १४व्या वर्षी मोनॅको क्लबकडून खेळायला सुरुवात केली. त्यानंतर त्याने मागे वळून पाहिले नाही. एम्बाप्पेची आई हँडबॉल खेळाडू आहे तर त्याचे वडील फुटबॉलपटू आहेत.

Eight goals, the adidas Golden Boot and a tournament for the ages "https://twitter.com/hashtag/FIFAWorldCup">#FIFAWorldCup #Qatar2022

— FIFA World Cup (@FIFAWorldCup) December 19, 2022

एमबाप्पे सध्या जगातील सर्वोत्तम फुटबॉल खेळाडूंपैकी एक आहे. तो इतक्या वेगाने चेंडूवर झेपावतो की जगभरातील बचावपटूंना त्याला रोखणे कठीण होते. कायलियन एमबाप्पे जगातील सर्वात जलद धावणाऱ्या फुटबॉलपटूंमध्ये गणले जाते. २०१९ मध्ये २३.६१ किलोमीटर प्रतितास या वेगाने धावून त्याने बरीच चर्चा मिळवली होती. फिफा विश्वचषक २०२२ मध्ये त्याने सर्वाधिक दहा गोल करून यंदाच्या विश्वचषकातील ‘गोल्डन बूट’ पुरस्कार पटकावला आहे. यात त्याने सात गोल केलेल्या लिओनेल मेस्सीला मागे टाकले आहे.

अंतिम सामन्यात एका मिनिटात दोन गोल; केला मोठा विक्रम

अर्जेंटिना विरुद्ध फ्रान्स यांच्यात रंगलेला अंतिम सामना पूर्णपणे अर्जेंटिनाच्या बाजूने झुकताना दिसत असताना किलियन एमबाप्पेने मोठा उलटफेर घडवून आणला. सामन्याच्या 79 व्या मिनिटापर्यंत 2 – 0 ने आघाडीवर असलेल्या अर्जेंटिनाला किलियन एम्बाप्पेने अवघ्या एका मिनिटात जमिनीवर आणले. त्याने 80 व्या मिनिटाला पेनाल्टीवर गोल करत फ्रान्सचे खाते उघडले. आणि पुढच्याच मिनिटाला दुसरा गोल करत सामना एका मिनिटाच बरोबरीत आणला. याचबरोबर एम्बाप्पेने मोठ्या विक्रमाला देखील गवसणी घातली. तो आता फिफा वर्ल्डकपमध्ये 10 गोल करणारा सर्वात तरूण खेळाडू (23 वर्षे आणि 363 दिवस) ठरला आहे. त्याने गेरड मुलर यांचा (24 वर्षे 226 दिवस) विक्रम मोडला.

एमबाप्पे फुटबॉल जगतातील मौल्यवान खेळाडू

एमबाप्पे हा सध्या फुटबॉल जगतातील सर्वात मौल्यवान खेळाडू आहे. त्याची मार्केट व्हॅल्यू 1270 कोटी रुपये आहे. 2017 मध्ये फ्रान्ससाठी पहिला आंतरराष्ट्रीय सामना खेळणाऱ्या एम्बाप्पेने 63 सामन्यांमध्ये 32 गोल केले आहेत. तो 2017 पासून पीएसजीकडून खेळत आहे. त्याने आतापर्यंत 221 सामन्यात 176 गोल केले आहेत. पीएसजीने एम्बाप्पेला मोनॅको फुटबॉल क्लबकडून सुमारे 1400 कोटी रुपयांना विकत घेतले होते.

लिओनेल मेस्सीने FIFA विश्वचषक 2022 स्पर्धेच्या फायनलमध्ये अर्जेंटिना संघाला प्रतिष्ठित विजय मिळवून दिला. तब्ब्ल ३६ वर्षानंतर अर्जेंटिना संघाला विश्वविजेतेपद मिळून देण्याचे मेस्सीचे (Lionel Messi) स्वप्न अखेर पूर्ण झाले. अर्जेंटिनाच्या विजयानंतरच्या काही क्षणांमध्ये मेस्सी आणि त्याची आई सेलिया मारिया कुसिटिनी यांच्यातील एका भावनिक क्षणाचा व्हिडीओ सध्या व्हायरल होत आहे.

#Messi‘s mother comes and hugs him.

Best Moment "https://twitter.com/hashtag/FIFAWorldCup">#FIFAWorldCup #Argentina #WorldCupFinal

#LionelMessi"https://t.co/xmwBGrOuws">pic.twitter.com/xmwBGrOuws

— Pooja Dubey (@poojadubey888) December 18, 2022

विश्वचषक जिंकल्यानंतर मेस्सीची आई सेलिया मेस्सीला शुभेच्छा देण्यासाठी खेळपट्टीवर धावत आली. आणि तेव्हा मेस्सी तिच्याकडे पाहण्यासाठी वळला तो क्षण कॅमेऱ्यांनी टिपला. मेस्सी आईला घट्ट मिठी मारून आपल्या भावनांना वाट मोकळी केली. दोघेही या प्रसंगी भावुक झालेले पहायला मिळाले. काही वेळानंतर मेस्सीची पत्नी आणि मुले देखील मैदानावर आली. सध्या सोशल मीडियावर मेस्सीने त्याच्या आईला मारलेल्या भावनिक मिठीचा व्हिडीओ सोशल मीडियावर व्हायरल होत आहे. मेस्सीचे चाहते या व्हिडिओवर लाईक्स आणि कॉमेंट्सचा वर्षाव करीत आहेत.

मुंबई : कतार मध्ये सुरु असलेला फिफा विश्वचषक २०२२ रविवारी अर्जेंटिनाच्या विजयानंतर संपन्न झाला. अर्जेंटिना विरुद्ध फ्रान्स यांच्या लढतीत मेस्सीच्या अर्जेंटिना संघाने विजयी गोल करत सामना जिंकला. तब्बल ३६ वर्षांनी अर्जेंटीनाला फुटबॉलचे विश्वविजेतेपद मिळवण्यात यश मिळालं. लिओनेल मेस्सीचं आपल्या संघाला विश्वचषक जिंकून देण्याचं स्वप्न अखेर सत्यात उतरलं. विश्वचषक जिंकल्यानं मेस्सीने मीडियाशी बोलताना आपल्या निवृत्तीबाबत मोठं विधान केलं.

यंदाच्या फुटबॉल विश्वचषकानंतर जगप्रसिद्ध खेळाडू लिओनेल मेस्सी (Lionel Messi) हा आंतरराष्ट्रीय फुटबॉल मधून निवृत्ती घेणार असल्याच्या चर्चा रंगल्या होत्या. त्यामुळे यंदाचा फिफा विश्वचषक २०२२ हा मेस्सीची शेवटची स्पर्धा असणार असे देखील बोलले जात होते. अर्जेंटिना संघाने सुरुवातीपासूनच स्पर्धेत चांगली कामगिरी करून एक एक टप्पा पार करत अंतिम फेरी गाठली. रविवारी झालेल्या अंतिम सामन्यात पेनल्टी शूट आऊटवर त्यांनी फ्रान्सवर 4-2 अशी मात करून विश्वविजेतेपद पटकवलं. या विजयानंतर मेस्सीने आपल्या निवृत्तीबाबत मोठी घोषणा केली. मेस्सीने त्याच्या चाहत्यांना सुखद धक्का दिला. मेस्सीने तो अर्जेंटिनातून निवृत्त होणार नाही असे सांगितले. मेस्सीने TyC स्पोर्ट्सला सांगितले की, ”तो अर्जेंटिनासाठी आणखी काही काळ खेळत राहण्याचा मानस आहे.” , मी अर्जेंटिना राष्ट्रीय संघातून निवृत्त होणार नाही. मला चॅम्पियन म्हणून खेळणे सुरू ठेवायचं आहे, आहे.

कोल्हापूर : कतारमध्ये सुरू असणाऱ्या फुटबॉल विश्वचषकाची क्रेझ ही कोल्हापुरातही पहायला मिळाली. अर्जेंटिना विरुद्ध फ्रान्स संघांदरम्यानचा अंतिम सामना केवळ पाहण्यासाठीच नाही, तर त्याचा अनुभवण्यासाठी देखील कोल्हापूर शहरात विविध ठिकाणी मोठमोठ्या स्क्रीन उभारण्यात आल्या होत्या. अंतिम सामन्यात मेस्सीने अर्जेंटिना संघाला विजयी आघाडी मिळवून दिली. शूटआऊट राऊंडमध्ये अर्जेंटिना संघाने विजयी गोल करताच कोल्हापुरात उत्साहाचा महापूर आला.

Football Crazy Kolhapur. Messi Fans Are Simply Uncontrollable. Cherish The Moment.
Courtesy: Unknown Kolhapurkar. pic.twitter.com/K6KvmQyxge

— Abhijeet Patil (@abhijeetpTOI) December 18, 2022

Kolhapur on fire "https://t.co/dpkBiT5c3x">pic.twitter.com/dpkBiT5c3x

— Gorakh Pathave (@pathave_gorakh) December 19, 2022

विश्वचषक स्पर्धेला सुरुवात होण्याआधीपासूनच शहरभरामध्ये फुटबॉलचे रंग पसरू लागले होते. चौकाचौकात, गल्लीबोळातून देखील आवडत्या संघासह खेळाडूंचे भले मोठे बॅनर आणि पोस्टर लावण्यात आले होते. स्पर्धा पुढे जाईल तशी चुरस वाढली. अखेर विश्वविजेता ठरण्याचा दिवस आल्याने फुटबॉल प्रेमींनी सामन्याचे साक्षीदार होण्यासाठी स्क्रीन उभारल्या, बैठक व्यवस्था केली, साउंड सिस्टमने माहोल तयार केला. अंतिम सामना पाहण्यासाठी संपूर्ण कोल्हापूर सजल होत. अर्जेंटिनाने सामना जिंकल्यानंतर कोल्हापुरात एकाच जल्लोष करण्यात आला त्याचे फोटो आणि व्हिडीओ सोशल मीडियावर व्हायरल होत आहेत.

कतार येथे सुरु असलेली फिफा विश्वचषक स्पर्धा (FIFA World Cup) रविवारी संपन्न झाली. अर्जेंटिना विरुद्ध फ्रान्स यांच्यात झालेल्या अंतिम लढतीत मेस्सीच्या अर्जेंटिना संघाने रोमहर्षक विजय मिळवला. या विजयासह अर्जेंटिना संघाने तब्बल ३६ वर्षांनंतर फिफा विश्वचषक जिंकण्याचा बहुमान पटकावून एक नवीन इतिहास घडवला. या विजयासह अर्जेंटिना संघाने तिसऱ्यांदा फुटबॉल विश्वचषक जिंकण्याचा मान मिळवला. तेव्हा या ऐतिहासिक क्षणाची आठवण कायम स्मरणात रहावी म्हणून अर्जेंटिना संघाने ‘A piece of history’ म्हणून गोल कोस्टची नेट फाडून ती सोबत घेतली.

अंतिम सामन्यात पेनेल्टी शूटआऊटमध्ये 4-2 अशा फरकानं अर्जेंटिनाने फ्रान्सवर विजय मिळवला. त्यात फ्रान्सकडून किलियन एम्बापेनं पहिला गोल केला. फ्रान्सला आघाडीवर नेल. पण त्यानंतर फ्रान्सच्या दोन खेळाडूंना गोल करता आला नाही. दुसरीकडे मेसीसेनेनं सलग तीन गोल केले होते. आणि पेनेल्टी शूटआऊटवर आपला ताबा मिळवला होता.

A piece of history "https://s.w.org/images/core/emoji/17.0.2/72x72/2702_V_png--1280x720-4g.webp" alt="✂" class="wp-smiley" style="height: 1em; max-height: 1em;" /> #FIFAWorldCup #Qatar2022 pic.twitter.com/R0QsY38xGP

— FIFA World Cup (@FIFAWorldCup) December 19, 2022

चौथी किक फ्रान्सच्या रान्डाल कोलो माओनीनं मारली, गोलही केला. या अटीतटीच्या सामन्यात अर्जेंटिनाच्या गोन्झालो मॉन्टिएलनं गोल केला आणि अर्जेंटिनाने तिसऱ्यांदा विश्वचषकावर नाव कोरले. तेव्हा विजयानंतर अर्जेंटिना संघाने ‘A piece of history’ म्हणून गोल कोस्टची नेट फाडून ती एक आठवण म्हणून आपल्या सोबत घेऊन गेले. अनेक खेळाडूंनी या गोल कोस्टच्या नेटसोबतचे फोटो आपल्या सोशल मीडियावर टाकले असून त्याला ‘A piece of history’ म्हणून संबोधले आहे.

फिफा विश्वचषक 2022 (FIFA World Cup) स्पर्धेचा शेवट अतिशय रोमांचक पद्धतीनं झाला. जगप्रसिद्ध फुटबॉलपटू लिओनेल मेस्सीच्या (Messi) अर्जेंटिना संघाने शूटआऊटमध्ये फ्रान्स (France) संघावर मात करून फुटबॉलचे विश्वविजेतेपद पटकावले. तब्बल ३६ वर्षांच्या प्रतीक्षेनंतर अर्जेंटिना संघाला तिसऱ्यांदा फिफा विश्वचषक जिंकता आला. दोन महिने सुरु असलेलया फिफा विश्वचषकात अनेक फुटबॉलपटूंनी उत्तम कामगिरी केली. अशा फुटबॉलपटूंना World Cup Awards ने गौरविण्यात आले.

गोल्डन बूट 

फ्रान्सचा खेळाडू कायलियन एमबाप्पे याने अंतिम सामन्यात मेस्सीला मागे टाकून सर्वाधिक गोल करणाऱ्या खेळाडूला दिला जाणारा ‘गोल्डन बूट’ या बक्षीसावर नाव कोरले. त्याने संपूर्ण विश्वचषकात सर्वाधिक आठ गोल केले. त्याखालोखाल अर्जेंटिनाचा कर्णधार मेस्सीने सात गोल करून सिल्व्हर बूट पटकावला. तर ऑलिव्हियर गिरौडने सहा गेममध्ये चार वेळा गोल करून ब्राँझ बूट मिळवला.

गोल्डन बॉल

मेस्सीने विश्वचषकातील सर्वोत्कृष्ट खेळाडूसाठी गोल्डन बॉलवर दावा केला. मेस्सीने यापूर्वी 2014 मध्ये आणि आता २०२२ मध्ये असे दोन वेळा हा पुरस्कार पटकावला, त्यामुळे मेस्सी दोनदा गोल्डन बॉल हा पुरस्कार जिंकणारा पहिला फुटबॉलपटू बनला आहे. फ्रान्सचा खेळाडू कायलियन एमबाप्पे सिल्व्हर बॉल वर आपले नाव कोरले. तर क्रोएशियाचा प्लेमेकर लुका मॉड्रिक याला कांस्य चेंडू देण्यात आला.

गोल्डन ग्लोव्ह 

एमिलियानो मार्टिनेझ याची खेळी अंतिम फेरीत निर्णायक ठरला, त्याने अतिरिक्त वेळेत उशिराने शानदार थांबा देऊन शूट-आऊटमध्ये पेनल्टी वाचवून अर्जेंटिनाला ट्रॉफी जिंकण्यात मदत केली. त्याला फिफा विश्वचषक २०२२ मध्ये गोल्डन ग्लोव्ह पुरस्कार देऊन सन्मानित करण्यात आले.

यंग प्लेअर ऑफ द टूर्नामेंट

एन्झो फर्नांडीझने विश्वचषकाची सुरुवात बेंचवर केली, परंतु सौदी अरेबियाकडून झालेल्या पराभवानंतर त्याला लिओनेल स्कालोनीने ड्राफ्ट केले आणि त्वरीत प्रभाव पाडला. बेनफिका मिडफिल्डरने मेक्सिकोविरुद्ध ग्रुप स्टेजमध्ये अप्रतिम गोल केला आणि बाद फेरीत प्रत्येक मिनिटाला खेळ केला. एन्झो फर्नांडीझने फिफा विश्वचषक २०२२ चा यंग प्लेअर ऑफ द टूर्नामेंट चा खिताब पटकावला.

कतार येथे सुरु असलेला फिफा विश्वचषक 2022 ला आता पूर्ण विराम लागला आहे. रविवारी अर्जेंटिना विरुद्ध फ्रान्स यांच्यात खेळवण्यात आलेल्या अंतिम सामन्यात मेस्सीच्या अर्जेंटिना संघाने शूटआऊट मध्ये फ्रान्सवर मात करून थरारक विजय मिळवला. तब्ब्ल 36 वर्षांनंतर अर्जेंटिनानं फिफा विश्वचषकावर नाव कोरलं असून सोबतच मेस्सीचे संघाला विश्वविजेता बनवण्याचे स्वप्न साकार पूर्ण झाले आहे.

90 मिनिटांच्या खेळात दोन्ही संघांनी दोन-दोन गोल केल्यामुळे अंतिम सामना अतिरिक्त वेळात गेला. त्यात मेसीच्या जादुई गोलच्या जोरावर अर्जेंटिनाने फ्रान्सला 3-2 अशा गोलफरकानं मागे टाकले. पण, 118 मिनिटाला किलियन एम्बापे नावाचं वादळं पुन्हा धडकलं आणि फ्रान्सनं तिसरा गोल केला. त्यामुळे निर्धारित वेळ संपली आणि सामना पेनेल्टी शूटआऊटवर गेला.

पेनेल्टी शूटआऊटमध्ये 4-2 अशा फरकानं अर्जेंटिनाने फ्रान्सवर विजय मिळवला. त्यात फ्रान्सकडून किलियन एम्बापेनं पहिला गोल केला. फ्रान्सला आघाडीवर नेल. पण त्यानंतर फ्रान्सच्या दोन खेळाडूंना गोल करता आला नाही. दुसरीकडे मेसीसेनेनं सलग तीन गोल केले होते. आणि पेनेल्टी शूटआऊटवर आपला ताबा मिळवला होता. चौथी किक फ्रान्सच्या रान्डाल कोलो माओनीनं मारली, गोलही केला. त्यानंतर अर्जेंटिनाच्या गोन्झालो मॉन्टिएलनं गोल केला आणि अर्जेंटिनाने तिसऱ्यांदा विश्वचषकावर नाव करून इतिहास घडवला.

मुंबई : कतार येथे आज फिफा विश्वचषकासाठी अंतिम लढत होणार आहे. अर्जेंटिना विरुद्ध फ्रान्स यांच्यात आज अंतिम सामना रंगणार असून यापैकी कोण विश्वचषकावर नाव कोरणार हे पाहणं औसुक्याच ठरणार आहे. अशातच बॉलिवूडचा सुपरस्टार अभिनेता शाहरुख खान (Shah Rukh Khan)याने त्याचा आवडता फुटबॉल संघ कोणता आणि तो अंतिम सामन्यात कोणाला सपोर्ट करतोय याविषयी सांगितले आहे.

जगातील सर्वात मोठी फुटबॉल स्पर्धा असणारा फिफा विश्वचषकाचा अंतिम सामना पाहण्यासाठी सर्वच उत्साहित आहेत. शाहरुख खान देखील फुटबॉलचा मोठा चाहते आहे. नुकतेच शाहरुखने #AskSRK चा ट्रेंड सुरू केला होता. यात चाहत्यांच्या प्रश्नांना शाहरुख उत्तर देत होता. दरम्यान, एका चाहत्याने फिफा वर्ल्ड कपशी संबंधित प्रश्न विचारला. त्याने विचारले, ‘वर्ल्ड कप फायनलमध्ये तुम्ही कोणाला सपोर्ट करत आहात?’ याला उत्तर देताना शाहरुखने लिहिले, ‘अरे यार, मन सांगतंय की मेस्सी? पण एमबाप्पेचा खेळही पाहण्यासारखा आहे.

Screen shot Lelo bhai aap lucky ho ?

— इश्क में हारा हुआ परिंदा (@MemHara) December 17, 2022

प्रश्नोत्तरादरम्यान एका यूजरने शाहरुखला विचारले की, पोर्तुगाल संघाचा स्टार खेळाडू ख्रिस्तियानो रोनाल्डो लिओनेल मेस्सीपेक्षा सरस का? याला शाहरुखनेही आपल्या शैलीत उत्तर दिले. किंग खान म्हणाला, ‘एक सल्ला देतो कि सर्वोत्कृष्ट काय याच्या शोधात राहू नका… यामुळे चांगल्या गोष्टीचाही नाश होतो.’

आज रविवारी १८ डिसेंबर रोजी फिफा विश्वचषकात अर्जेंटिना विरुद्ध फ्रान्स यांच्यात अंतिम सामना होणार आहे. भारतीय वेळेनुसार रात्री ८:३० वाजता या सामन्याला सुरुवात होईल.

मुंबई : कतार येथे सुरु असलेल्या फिफा विश्वचषक स्पर्धेचा (FIFA World Cup 2022) आज समारोप होणार आहे. जगातील सर्वात मोठी फुटबॉल स्पर्धा असलेली फिफा विश्वचषक स्पर्धा ही जगातील सर्वात श्रीमंत स्पर्धा देखील आहे. असे असताना ही स्पर्धा जिंकणाऱ्या संघाला बक्षीस म्हणून किती रक्कम मिळत असेल या विषयी सर्वांनाच उत्सुकता असते. आज रविवारी अर्जेंटिना विरुद्ध फ्रान्स (Argentina Vs France) या संघांमध्ये फिफा विश्वचषकाचा अंतिम सामना रंगणार आहे. या स्पर्धेत विजेता संघ जरी एक असला तरी उपविजेत्या ठरलेल्या तीन संघांवर देखील पैशांचा पाऊस पडणार आहे.

[read_also content=”आज फिफा विश्वचषक 2022 चा अंतिम मुकाबवला! अर्जेंटिना की फ्रान्स कोण होणार विश्वविजेता? https://www.navarashtra.com/sports/fifa-world-cup-2022-final-match-today-argentina-or-france-who-will-be-the-world-champion-354471.html”]

फुटबॉल विश्वचषक 2022 मधील एकूण प्राइज मनीचा आकडा ऐकून डोळे पांढरे होतील. बक्षिसापोटी फिफा विश्वचषकात संघांमध्ये 3568 कोटी रुपये देण्यात येणार आहेत. फुटबॉल विश्वचषक 2022 जिंकणाऱ्या संघाला 344 कोटी रुपये मिळणार आहेत. तर उपविजेत्या संघाला 245 कोटी रुपये इनामी रक्कम मिळणार आहे. फुटबॉल वर्ल्ड कपमध्ये तिसऱ्या नंबरवर राहणाऱ्या टीमला 219 कोटी रुपये आणि चौथ्या नंबरवरील टीमला 202 कोटी रुपये मिळतील. फीफा वर्ल्ड कपमधून पहिल्या राऊंडमधून बाहेर होणाऱ्या टीमना 72 कोटी रुपये मिळणार आहेत.

मुंबई : कतार येथे सुरु असलेली फिफा विश्वचषक 2022 स्पर्धेचा अंतिम सामना आज पारपडणार आहे. रविवारी रात्री ८:३० वाजता हा सामना होणार असून यापूर्वी फिफा विश्वचषक 2022 (FIFA World Cup 2022) चा समारोप सोहोळा पारपडणार आहे. या समारोप सोहळ्यासाठी जय्यत तयारी करण्यात आली असून उदघाटन समारंभ प्रमाणेच हा सोहळा दैदिप्यमान होणार आहे.

कतारच्या दोहा येथील लुसेल स्टेडियमवर अर्जेंटिना विरुद्ध फ्रान्स (Argentian VS France) यांच्यात अंतिम सामना खेळवण्यात येणार आहे. या आधी म्हणजेच भारतीय वेळेनुसार सायंकाळी ७ वाजता फिफा विश्वचषक २०२२ च्या समारोप सोहोळ्याला सुरुवात होईल. 88 हजार प्रेक्षक संख्येची क्षमता असणाऱ्या लुसेल स्टेडियमवर या समारोप सोहोळ्याची जय्यत तयारी करण्यात आली आहे. यामध्ये 29 दिवस सुरु असलेल्या फिफा विश्वचषक आधारित कविता आणि गाणी सादर केली जाणार आहेत.

‘अ नाईट टू रिमेंबर’ या थीमवर आधारित, 15 मिनिटांच्या या समारोपीय समारंभात अनेक जागतिक कलाकारांचे सादरीकरण ते अधिकृत फिफा विश्वचषक 2022  साउंडट्रॅकमधील गाण्यांच्या मॅशअपचा समावेश असेल. फिफा विश्वचषक 2022 च्या समारोप समारंभात भारतीय चाहत्यांसाठी बॉलीवूड स्टार नोरा फतेही बालकीस, रहमा रियाद आणि मनाल यांसारख्या जागतिक स्टार्ससोबत रंगमंचावर थिरकणार आहे. सर्व-महिला लाइनअप ‘लाइट द स्काय’ टू लाइव्ह परफॉर्म करतील – स्पर्धेचे अधिकृत थीम साँग. नायजेरियन गायक डेव्हिडो आणि कतारची स्वतःची आयशा ‘(हय्या हय्या) बेटर टुगेदर’ गातील, तर प्वेर्तो रिकन स्टार ओझुना आणि कॉंगोलीज रॅपर गिम्स अधिकृत वर्ल्ड कप साउंडट्रॅकमधील आणखी एक हिट गाणे अर्हबो सादर करण्यासाठी सहयोग करणार आहेत.

फिफा विश्वचषक 2022 चा समारोप सोहळा आणि अंतिम सामना भारतातील Sports18 आणि Sports18 HD टीव्ही चॅनेलवर थेट प्रक्षेपित केला जाणार आहे तर चाहत्यांना लाइव्ह स्ट्रीमिंग Jio Cinema अॅप आणि वेबसाइटवर हा सामना विनामूल्य पाहता येईल.

मुंबई : जगातील सर्वात मोठी फुटबॉल स्पर्धा असलेल्या फिफा विश्वचषक 2022 स्पर्धेचा आज 18 डिसेंबर रोजी समारोप होणार आहे. रविवारी होणाऱ्या अंतिम सामन्यात एका बाजूला लिओनेल मेस्सीचा बलाढ्य अर्जेंटिना संघ असून दुसऱ्या बाजूला 2018 फिफा विश्वचषकाचा विजेता संघ फ्रान्स असणार आहे. अर्जेंटिना आणि फ्रान्स या दोन संघात विश्वविजेत्याचा खिताब पटकावण्याची अटीतटीची झुंज पाहायला मिळणार आहे. फ्रान्स हा FIFA विश्वचषक 2018 चा विजेता संघ असल्याने त्यांच्याकडे 60 वर्षे जुना विक्रम मोडण्याची संधी आहे.

फिफा विश्वचषक स्पर्धा यंदा प्रथमच कतार येथे खेळवण्यात आली. फिफा विश्वचषक 2022 स्पर्धेत अनेक रोमांचक आणि स्पर्धेत उलटफेर करतील असे सामने पहायला मिळाले. 2018 चा चॅम्पियन संघ असणाऱ्या फ्रान्सने अंतिम फेरीत क्रोएशियाचा 4-2 असा पराभव केला होता. आता फ्रान्सचा संघ सलग दुसऱ्यांदा चॅम्पियन बनणारा 60 वर्षांतील पहिला संघ बनण्याच्या जवळ आहे. तर दुसरीकडे मेस्सीचा अर्जेंटिना संघ फ्रान्सला विजेता होण्यापासून रोखण्याचा प्रयत्न करेल

कुठे पहाल सामना ?

कतार येथील लुसेल स्टेडियमवर फिफा विश्वचषकाचा अंतिम सामना रंगणार असून हे स्टेडियम अंतिम सामन्यासाठी सजवण्यात आले आहे. भारतीय वेळेनुसार रात्री 8:30 च्या सुमारास या सामन्याला सुरुवात होणार आहे. FIFA विश्वचषक 2022 चा अंतिम सामना भारतातील Sports18 आणि Sports18 HD टीव्ही चॅनेलवर थेट प्रक्षेपित केला जाणार आहे तर चाहत्यांना लाइव्ह स्ट्रीमिंग Jio Cinema अॅप आणि वेबसाइटवर हा सामना विनामूल्य पाहता येईल.

मुंबई : कतार येथे सुरु असलेल्या फुटबॉल विश्वचषकाचा अंतिम सामना आज पारपडणार आहे. त्याआधी म्हणजेच शनिवारी विश्वचषकाच्या क्रमवारीत तिसरे स्थान पटकावण्याची क्रोएशिया आणि मोरोक्को यांच्यात सामना खेळवण्यात आला. या सामन्यात क्रोएशिया संघाने मोरोक्कोवर २-१ ने विजय मिळवून विश्वचषकातील क्रमवारीत तिसऱ्या स्थानावर झेप घेतली.

क्रोएशियाचे (Croatia) विश्वविजेतेपदाचे स्वप्न अधुरे राहिले असले, तरी तिसऱ्या क्रोएशियाने काल चा सामना जिंकला आणि फिफा विश्वचषक २०२२ मधील कांस्यपदकावर नाव कोरले. क्रोएशियाचा कर्णधार ल्युका मॉड्रिचचा (Luka Modric) हा विश्वचषकातील अखेरचा सामना होता. कारण त्याने निवृत्ती घेणार असल्याचे स्पष्ट संकेत दिले आहेत. गेल्या विश्वचषकात क्रोएशिया उपविजेता ठरला होता. यावेळी त्याला उपांत्य फेरीत लिओनेल मेस्सीच्या अर्जेंटिना संघाकडून ३-० पराभव पत्करावा लागला.

मोरोक्कचा (Morocco) संघ उपांत्य फेरीत पोहोचणारा पहिला आफ्रिकन संघ होता. उपांत्य फेरीत मोरोक्कोला फ्रान्सकडून पराभव पत्करावा लागला. आता तिसऱ्या स्थानसाठी झालेल्या सामन्यात क्रोएशियाकडून मोरोक्कोचा पराभव झाला आहे. या विश्वचषकात मोरोक्कोचा संघ चौथ्या क्रमांकावर राहिला. क्रोएशियाच्या संघानं सामन्याच्या पूर्वार्धात दोन गोल करत 2-1 अशी आघाडी घेतली. क्रोएशियाच्या मिस्लाव ओरसिकने 42 व्या मिनिटाला गोल करत आपल्या संघाला मोरोक्कोवर 2-1 अशी आघाडी मिळवून दिली. आज फिफा फुटबॉल विश्वचषक स्पर्धेचा अंतिम सामना होणार असून अर्जेंटिना विरुद्ध फ्रान्स अशी लढत आज होणार आहे. हा सामना जिंकून विश्वचषकावर कोण नाव कोरणार हे पाहणं महत्वाचं ठरणार आहे.

मुंबई : बहुचर्चित फिफा विश्वचषक आता अंतिम टप्प्यात पोहोचला असून अर्जेंटिना विरुद्ध फ्रान्स यांच्यात १८ डिसेंबर रोजी अंतिम लढत होणार आहे. मात्र यंदा फुटबॉल विश्वचषकात तिसरे स्थान पटकावण्यासाठी क्रोएशिया आणि मोरोक्को यांच्यात आज सामना रंगणार आहे. पहिल्या उपांत्य फेरीत क्रोएशियाला अर्जेंटिनाकडून 0-3 असा सामना गमवावा लागला. तर, फ्रान्सनं मोरोक्कोचा 2-0 असा पराभव केला.

फिफा विश्वचषक स्पर्धेतील तिसऱ्या स्थानासाठी खलिफा आंतरराष्ट्रीय स्टेडियमवर सामना खेळवला जाणार असून हा सामाना भारतीय वेळेनुसार रात्री 8.30 वाजता सुरू होईल. या सामन्याचे थेट प्रक्षेपण स्पोर्ट्स 18 1 (Sports18 1) आणि स्पोर्ट्स 18 एचडी (Sports18 1HD) वर केलं जाईल. मॅचचे लाईव्ह स्ट्रिमिंग जिओ सिनेमा आणि एमटीव्ही एचडी अॅपवरही उपलब्ध असेल.

कोणता संघ पडणार दुसऱ्यावर भारी?

२०२२ च्या विश्वचषक स्पर्धेतील उपविजेत्या क्रोएशियानं यंदाच्या विश्वचषक स्पर्धेतही चमकदार कामगिरी केली. क्रोएशियाच्या संघात लुका मॉड्रिक, पेरिसिक, क्रेमरिच आणि लावरान सारखे अनेक स्टार खेळाडू आहेत. या फुटबॉल विश्वचषकात क्रोएशिया आणि मोरोक्कोचं संघ एकाच गटात होते. दोघांमधील सामना 0-0 असा बरोबरीत सुटला. या सामन्यात क्रोएशियानं 57% बॉल आपल्या जवळ ठेवला. तर, गोल अटेम्प्ट करण्याच्या प्रयत्नात मोरोक्कोनं बाजी मारली होती. क्रोएशियानेही मोरोक्कोच्या गोलपोस्टवर सहा वेळा आक्रमण केलं. गेल्या सामन्यात क्रोएशियाने 592 पास पूर्ण केले. तर, मोरोक्कन संघाला 290 पास पूर्ण करता आले. क्रोएशियाचा अनुभवी खेळाडू लुका मॉड्रिचचाही हा शेवटचा विश्वचषक सामना असेल. अशा स्थितीत क्रोएशिया आपल्या स्टार खेळाडूला विजयासह विश्वचषकाचा निरोप देऊ इच्छितो.

मुंबई : कतार येथे सुरु असलेलया फिफा विश्वचषक स्पर्धेतील (FIFA World Cup) अंतिम सामान १८ डिसेंबर रोजी रंगणार आहे. अर्जेंटिना आणि फ्रान्स यांच्यात अंतिम लढत रंगणार असून विजेता संघ फिफा विश्वचषकाच्या ट्रॉफीवर आपले नाव कोरणार आहे. विश्वविजेत्या संघाला ही चमचमती ट्रॉफी मिळणार असून या ट्रॉफीचे क्रेझ अवघ्या फुटबॉल विश्वावर आहे. मात्र फिफा विश्वचषकाची ही ट्रॉफी इतकी खास का असते? याबद्दल काही इंट्रेस्टिंग गोष्टी जाणून घेऊयात.

फिफा विश्वचषक ट्रॉफी ही जगातील सर्वात महागडी क्रीडा ट्रॉफी आहे. या ट्रॉफीची एकूण किंमत सुमारे १४४ कोटी रुपये इतकी आहे. जेव्हा फिफा विश्वचषक तयार करण्यात आला तेव्हा त्याची किंमत $५०,००० होती, परंतु आता त्याची किंमत अंदाजे १४४ कोटी रुपये आहे. फिफा विश्वचषकात देण्यात आलेल्या ट्रॉफीबद्दल सांगायचे तर त्याची रचना प्रसिद्ध इटालियन कारागीर सिल्व्हियो गझानिगा यांनी बनवली होती. हा विश्वचषक ३७ सेंटीमीटर (१४ इंच) पेक्षा कमी उंचीचा असून यात दोन मानवी आकृत्या एका ग्लोबला धरून ठेवल्या आहेत. या ट्रॉफीचे एकूण वजन ६. १७५ किलो आहे.

फिफा विश्वचषक ट्रॉफीचे वैशिष्ट्य म्हणजे ही ट्रॉफी १८ कॅरेट सोन्याची बनलेली आहे आणि याचे वजन सुमारे 6 किलो (13 पौंड) आहे. १९७० पर्यंत, फिफाची ट्रॉफी FIFA चे माजी अध्यक्ष ज्युल्स रिमे ट्रॉफी म्हणून ओळखली जात होती.

मुंबई : कतार येथे सुरु असलेला फिफा विश्वचषक २०२२ आता अंतिम टप्प्यात येऊन पोहोचला आहे. १८ डिसेंबर रोजी अंतिम सामना होणार असून यात मेस्सीचा अर्जेंटिना संघ आणि फ्रान्सचा संघ अंतिम सामन्यात पोहोचले आहेत. दोन्हीही संघ आता अंतिम लढत जिंकण्यासाठी कसून सराव करीत आहेत. अशातच आता अर्जेंटिना संघासमोर एक मोठी अडचण निर्माण झाली आहे. कारण संघाचा कर्णधार आणि आघाडीचा खेळाडू लिओनेल मेस्सी ( Lionel Messi ) दुखापतग्रस्त झाल्याची माहिती समोर येत आहे.

क्रोएशियाविरोधातील सामन्यातच मेस्सी (lionel messi) हॅमस्ट्रिंगमुळं काहीसा अडचणीत असल्याचं पाहायला मिळालं. त्यातच गुरुवारी संपूर्ण संघ सराव करत असताना मेस्सी मात्र त्यात कुठेच दिसला नाही. त्यामुळे तो हॅमस्ट्रिंगच्या दुखापतीमुळे त्रस्त असल्याचं उघड झालं. आता तो अंतिम सामना खेळणार की नाही? असा प्रश्न चाहत्यांच्या मनाला घोर लावत आहेत. दरम्यान, एकिकडे मेस्सीचे चाहते आणि सर्वच फुटबॉलप्रेमी चिंतेत असताना तज्ज्ञांच्या मते मेस्सी अंतिम सामन्यातून बाहेर जाण्याची शक्यता फार कमी असल्याची माहिती देखील मिळत आहे. या दुखापतीतून सावरत मेस्सी अंतिम सामन्यात मैदानावर उतरतो की नाही हे पाहणं औसुक्याच ठरणार आहे.

मुंबई : कतार येथे सुरु असलेली फिफा विश्वचषक स्पर्धा आता अंतिम टप्प्यात येऊन पोहोचली आहे. फिफा विश्वचषक २०२२ चा अंतिम सामना येत्या १८ डिसेंबरला होणार असून यात अर्जेंटिना विरुद्ध फ्रान्स या संघानमध्ये लढत होणार आहे. दोन्हीही संघ यंदाचा विश्वचषक नावावर करून घेण्यासाठी प्रयत्न करणार असून खेळाडूंमध्येही यंदाचा ‘गोल्डन बूट’ पटकावण्यासाठी चुरस पहायला मिळत आहे. फिफा विश्वचषकात ‘गोल्डन बूट’ हा अवॉर्ड स्पर्धेत सर्वाधिक गोल करणाऱ्या खेळाडूला दिला जातो.

फुटबॉलमधील गोल्डन बूट हा पुरस्कार अधिकृतपणे १९८२ साली सुरू झाला. आधी त्याचे नाव गोल्डन शू होते पण २०१० मध्ये ते बदलून गोल्डन बूट करण्यात आले. गोल करण्याच्या बाबतीत, दुसऱ्या क्रमांकावर असलेल्या खेळाडूला सिल्व्हर बूट आणि तिसऱ्या क्रमांकावर असलेल्या खेळाडूला कांस्य बूट मिळतो. २०१० मध्ये गोल्डन बूट जर्मनी थॉमस मुलर, २०१४ कोलंबिया जेम्स रॉड्रिग्ज, २०१८ इंग्लैंड हैरी केन यांनी पटकावला होता.

यंदा फिफा विश्वचषक २०२२ मध्ये गोल्डन बुटच्या रेसमध्ये एम्बाप्पे आणि लिओनेल मेस्सी यांच्यात काटे की टक्कर आहे. मात्र या दोघांनाही त्यांच्या देशातूनच स्पर्धा निर्माण झाली आहे. फिफा वर्ल्डकपमध्ये फ्रान्सच्या एम्बाप्पेने सर्वाधिक ५ गोल मारले आहेत. तो सध्या गोल्डन बूट पटकावण्याच्या रेसमध्ये आहे. दुसरीकडे फ्रान्ससोबत फायनल खेळणाऱ्या अर्जेंटिनाचा कर्णधार लिओनेल मेस्सी देखील ५ गोल मारून आपली भक्कम दावेदारी सादर करत आहे. जरी मेस्सी आणि एम्बाप्पे गोल्डन बूटच्या रेसमध्ये आघाडीवर असले तरी अर्जेंटिनाच जुलियन अल्वारेझ देखील या दोघांना मागे टाकून गोल्डन बूट पटकावू शकतो. त्याने आतापर्यंत वर्ल्डकपमध्ये 4 गोल केले आहेत. अल्वारेझ सोबतच फ्रान्सचा गिरूडने देखील यंदाच्या वर्ल्डकपमध्ये 4 गोल केले आहेत. त्यामुळे तो देखील गोल्डन बूटसाठी अंतिम सामन्यात आपली दावेदारी ठोकू शकतो.

दोहा: गतविजेत्या फ्रान्सने बुधवारी 2022 फिफा विश्वचषक स्पर्धेच्या उपांत्य फेरीत मोरोक्कोचा 2-0 असा पराभव करून सलग दुसऱ्यांदा फिफा विश्वचषकाच्या अंतिम फेरीत धडक मारली. अल् बाईत स्टेडियमवर झालेल्या दुसऱ्या उपांत्य फेरीत थियो हर्नांडेझने पाचव्या मिनिटाला फ्रान्सचा पहिला गोल केला, तर कोलो मुआनीने ७९व्या मिनिटाला गोल केला.फ्रान्सपूर्वी मोरोक्कोविरुद्ध कोणत्याही संघाने गोल केला नव्हता परंतु या दोन गोलांमुळे मोरोक्कोची विश्वचषक मोहीम संपुष्टात आली.

सलग दुसऱ्यांदा वर्ल्ड चॅम्पियन बनण्यासाठी फ्रान्सचा आता अंतिम फेरीत लिओनेल मेस्सीच्या अर्जेंटिनाचा सामना होईल, तर कांस्यपदकासाठी मोरोक्कोचा सामना क्रोएशियाशी होईल. सामन्याच्या पाचव्या मिनिटाला फ्रान्सने प्रभावी खेळ दाखवत मोरोक्कनच्या बॉक्समध्ये प्रवेश मिळवला. Kylian Mbappe गोलवर एक शॉट घेतो पण त्याचा प्रयत्न हर्नांडेझच्या पुढे गेला. मोरोक्कनचा गोलरक्षक यासिन बोनो चेंडू पकडण्यासाठी पुढे आला पण हर्नांडेझने त्याला चीतपट करत चेंडू नेटमध्ये पाठवला.

मोरोक्कोने मात्र एका गोलने पिछाडीवर असतानाही आक्रमक खेळ सुरूच ठेवला, तर त्यांचे चाहते त्यांच्या संघाला उत्साहाने पाठिंबा देत राहिले. सामन्याच्या ४५व्या मिनिटाला जवाद अल यामिकने पेनल्टी कॉर्नरचा प्रयत्न केला, मात्र गोलरक्षक ह्युगो लोरिसने वेळोवेळी उडी मारून चेंडू दूर ठेवला. हाफ टाईमच्या आधी, हकीम झायेचने फ्रीकिक घेतली, पण यावेळी पुन्हा लॉरिसने बॉलला धरून फ्रान्सला आघाडीवर ठेवले.

प्रथमच विश्वचषक उपांत्य फेरी गाठणाऱ्या मोरोक्कोने उत्तरार्धात अनेकवेळा फ्रेंच बॉक्समध्ये प्रवेश केला परंतु गोलवरील शॉट्स चुकले. सामन्याच्या 76व्या मिनिटाला हमदल्लाहला गोल करण्याची संधी होती मात्र त्याला गोल पोस्टवर मारण्यास उशीर झाला. 79व्या मिनिटाला पर्यायी खेळाडू म्हणून फ्रान्सने मुआनीवर दबाव आणला आणि त्याने 44 सेकंदात ही कामगिरी केली.

मोरोक्कन भागात बचावपटूंनी वेढलेल्या एमबाप्पेने गोलच्या जवळ उभ्या असलेल्या मुआनीकडे पास केला, ज्याने फ्रान्सची आघाडी दुप्पट करण्यासाठी चेंडू नेटमध्ये पाठवण्यात वेळ वाया घालवला. मुआनीच्या गोलने स्टेडियममध्ये उपस्थित मोरोक्कन चाहत्यांमध्ये शांतता पसरली. अतिरिक्त वेळेत फ्रेंच बॉक्समध्ये अॅझेडिन ओनाहीला गोल करण्याची संधी होती पण फ्रेंच बचावफळीने चेंडू गोलजाळ्यात जाण्यापासून रोखला. फिफा विश्वचषकाच्या उपांत्य फेरीत पोहोचणारा मोरोक्को हा पहिला आफ्रिकन संघ ठरला. त्यांना शनिवारच्या सामन्यात क्रोएशियाला हरवून तिसरे स्थान मिळवण्याची संधी असेल, तर फ्रान्स आणि अर्जेंटिना रविवारी त्यांचा दुसरा विश्वचषक जिंकण्यासाठी स्पर्धा करतील.

दोहा: अर्जेंटिनाचा कर्णधार लिओनेल मेस्सी याने पुष्टी केली आहे की, कतारमध्ये रविवारी होणाऱ्या अंतिम फेरीत अर्जेंटिनाचा फ्रान्स किंवा मोरोक्कोविरुद्ध सामना होईल तेव्हा तो आपला शेवटचा फिफा विश्वचषक सामना खेळणार आहे. मेस्सीच्या नेतृत्वाखाली अर्जेंटिनाने मंगळवारी उपांत्य फेरीत क्रोएशियावर 3-0 असा विजय मिळवला आणि रविवारी त्याचा 172 वा सामना खेळला जाईल. 1986 नंतर देशाला पहिला विश्वचषक मिळवून देण्यासाठी तो जीवाची बाजी लावणार आहे.

मेस्सीने अर्जेंटिनाच्या मीडिया आउटलेट डायरियो डेपोर्टिवो ओलेला सांगितले – येथे पोहोचल्यानंतर मला खूप आनंद होत आहे. अंतिम सामन्यात माझा शेवटचा सामना खेळून माझा विश्वचषक प्रवास संपवणार आहे. अर्जेंटिनाचा कर्णधार म्हणाला – पुढील विश्वचषकासाठी बराच वेळ आहे. मला वाटत नाही की मी ते पुन्हा करू शकेन. त्यामुळे हे असे समाप्त करणे चांगले आहे.

डिएगो मॅराडोना आणि जेवियर मास्चेरानो (४-४ विश्वचषक) यांना मागे टाकून ३५ वर्षीय खेळाडू फिफा विश्वचषक स्पर्धेत आपला ५वा विश्वचषक खेळत आहे. कतारमधील त्याच्या पाचव्या गोलसह, त्याने विश्वचषकातील सर्वकालीन गोलरक्षक म्हणून गॅब्रिएल बतिस्तुटाला मागे टाकले. विश्वचषकाच्या इतिहासातील हा त्याचा 11वा गोल होता, तर गॅब्रिएलने 10 गोल केले होते.

मेस्सी म्हणाला- हे विक्रम सर्व चांगले आहेत पण महत्त्वाची गोष्ट म्हणजे संघाचे ध्येय साध्य करण्यात सक्षम असणे अस्व्ह्यक असून ती सर्वात सुंदर गोष्ट आहे. कठोर परिश्रम केल्यानंतर, आम्ही जेतेपदापासून फक्त एक पाऊल दूर आहोत आणि यावेळी ते प्रत्यक्षात आणण्यासाठी आम्ही सर्वकाही करण्यास तयार आहोत. मंगळवारच्या विजयानंतर हजारो चाहत्यांनी अर्जेंटिनाच्या रस्त्यांवर जल्लोष केला. अंतिम फेरीत त्यांची लढत फ्रान्स आणि मोरोक्कोच्या विजेत्याशी होईल.

कतार – फीफा वर्ल्ड कप 2022 चा विश्वविजेता लवकरच मिळणार आहे. कारण आता फक्त फुटबॉल विश्वविजेता ठरण्यासाठी काही तास बाकी राहिले आहेत. दरम्यान, आज अर्जेंटिना Vs क्रोएशिया तर उद्या फ्रान्स Vs मोरोक्को यांच्यात उपांत्य फेरीचा सामना होणार आहे. आज रात्री 12.30 वाजता अर्जेंटिना-क्रोएिशया, तर उद्या 14 डिसेंबरच्या रात्री फ्रान्स-मोरोक्को यांच्यात उपांत्य फेरीतील सामना होईल. यांच्यातील दोन विजयी संघ अंतिम सामन्यात भिडतील. उपांत्यपूर्व फेरीतील सामन्यात बलाढ्य पोर्तुगील व ब्राझील या संघाना बाहेर पडावे लागले आहे. आणि प्रथमच मोरोक्को हा संघ फुटबॉल विश्वचषक स्पर्धेत उपांत्य फेरीत पोहचला आहे. 18 डिसेंबरला अंतिम सामना होईल. त्यामुळं नवा विश्वविजेता कोण ठरणार याची उत्सुकता जगभरातील फुटबॉलप्रेमीना लागली आहे.

दरम्यान, प्रथमच गतविजेता (फ्रान्स) व गतउपविजेता (क्रोएशिया) संघांचा उपांत्य फेरीत मुकाबला होईल. कमकुवत समजल्या जाणाऱ्या मोरोक्कोविरुद्ध एकही संघ गोल करू शकला नाही. त्यांच्याविरुद्ध त्यांच्याच खेळाडूकडून एक गोल झाला होता. क्रोएशियाही अद्याप हरलेला नाही. त्यामुळे फ्रान्स, अर्जेंटिनाचा मार्ग खडतर आहे. तर दुसरीकडे आजच्या सामन्यात प्रसिद्ध खेळाडू लिओनेल मेस्सीच्या खेळीकडे सर्वांचा नजरा लागल्या आहेत. 20 नोव्हेंबर रोजी विश्वचषक स्पर्धेस प्रारंभ झाला. 24 दिवस झाले असून एकूण 32 संघांमध्ये 60 सामने झाले. आता 4 संघ रिंगणात उरले आहेत.

आज रात्री 12.30 वाजता अर्जेंटिना-क्रोएिशया यांच्यात सामना होईल, क्रोएिशया यांच्या तुलनेता अर्जेटिनाचा संघ तुल्यबळ व सरस वाटतो. कारण या संघात जगप्रसिद्ध खेळाडू मेस्सी असल्यामुळं या संघाचे पारडे जड वाटते. तर उद्या 14 डिसेंबरच्या रात्री फ्रान्स-मोरोक्को यांच्यात उपांत्य फेरीतील सामना होईल. यांच्यातील दोन विजयी संघ अंतिम सामन्यात भिडतील. आतापर्यंत सर्वाधिक 159 गोल झालेत. स्पर्धा सुरू झाली तेव्हा ब्राझील 40% सह उपांत्यफेरीचा दावेदार होता. परंतु तो बाहेर गेला.

मुंबई : कतार येथे सुरु असलेली फिफा विश्वचषक स्पर्धा (FIFA World Cup)  आता अंतिम टप्प्यात येऊन पोहोचली आहे. उपांत्यपूर्व फेरीतील सामने ११ डिसेंबर पर्यंत खेळवण्यात आले असून यातून विजयी झालेल्या संघांमध्ये आता फायनल गाठण्यासाठी चुरस रंगणार आहे. अर्जेंटिना – क्रोएशिया आणि फ्रान्स – मोरोक्को यांसंघानंमध्ये १४ आणि १५ डिसेंबर रोजी उपांत्य फेरीतील सामने होणार आहेत. यातील विजेत्या दोन संघांमध्ये रविवारी १८ डिसेंबर रोजी फायनल सामना खेळवण्यात येईल.

क्रोएशिया संघाने सलग दुसऱ्यांदा विश्वचषकाची उपांत्य फेरी गाठली आहे. याआधी क्रोएशियाला १९९८ मध्ये तिसऱ्या क्रमांकावर समाधान मानावे लागले होते. २०१८मध्ये हा संघ उपविजेता ठरला. फ्रान्स संघाने १९९८ मध्ये पहिल्यांदा विश्वचषक पटकावला होता. त्यानंतर २०१८ मध्ये रशिया येथे झालेल्या विश्वचषकात त्याने दुसऱ्यांदा यश मिळवले. आता फ्रान्सचा संघ तिसऱ्यांदा विश्वचषक जिंकण्यासाठी पर्यंत करणार आहे.

[read_also content=”फिफा विश्वचषकाला गालबोट! कतारमध्ये दोन पत्रकारांचा मृत्यू https://www.navarashtra.com/sports/fifa-world-cup-two-journalists-suddenly-died-in-qatar-352820.html”]

मोरोक्को हा आफ्रिका खंडातील देश असून या संघाने पोर्तुगालला हरवत विश्‍वकरंडकाची उपांत्य फेरी गाठली आहे.आता अंतिम फेरीत पोहोचण्याचे ध्येय त्यांचे असेल. तर दोन वेळा विश्वचषक जिंकण्याची किमया करणारा अर्जेंटिना संघाला १९८६नंतर त्यांना एकदाही ही स्पर्धा जिंकता आलेली नाही. लिओनेल मेस्सीलाही विश्‍वकरंडक जिंकून देता आलेला नाही. मात्र यंदा मेस्सी त्याचे हे स्वप्न पूर्ण करणार का? हे पाहणं औसुक्याच ठरणार आहे.

मुंबई : कतार (Qatar) येथे होत असलेली फिफा विश्वचषक स्पर्धा (FIFA World Cup) पुन्हा वादाच्या भोवऱ्यात अडकली आहे. काही दिवसांपूर्वीच अमेरिकन पत्रकार ग्रँट वहल यांचा मृत्यू झाला होता. त्याच्या मृत्यूला ४८ तास उलटत नाहीत तोवर पुन्हा एकदा पत्रकाराच्या मृत्यूने कटरमध्ये खळबळ उडाली आहे. रविवारी गल्फ टाइम्सने दिलेल्या माहितीनुसार खालिद अल-मिसलाम कतार फोटो पत्रकाराचा अचानक मृत्यू झाला. या दोन पत्रकारांच्या मृत्यूने फिफा विश्वचषकला गालबोट लागले आहे.

कतरी आउटलेटने दिलेल्या वृत्तानुसार, ‘कतार 2022 फिफा विश्वचषक कव्हर करत असताना अल-मिसलाम यांचा अचानक मृत्यू झाला. अल-मिसलामच्या मृत्यूच्या आजूबाजूची परिस्थिती अस्पष्ट आहे. तो कतारी न्यूज चॅनल अल कास टीव्हीसाठी काम करत होता. कतारमधील विश्वचषक स्पर्धेत अमेरिकन पत्रकार ग्रँट वहल यांचे निधन झाल्यानंतर अवघ्या 48 तासांत ही बातमी समोर आली आहे. प्रतिष्ठित लुसेल स्टेडियमवर उपांत्यपूर्व फेरीत अर्जेंटिनाच्या नेदरलँड्सविरुद्धच्या लढतीत अल-मिसलाम अचानक कोसळला. त्याला जवळच्या रुग्णालयात नेण्यात आले मात्र त्याचा मृत्यू झाला.

A second journalist dies in Qatar whilst covering the #WorldCup. Photojournalist Khalid al-Misslam from Qatari news channel Al Kass TV passed away on Saturday; a day before that, US soccer journalist Grant Wahl, 48, collapsed at the match between Argentina and the Netherlands. pic.twitter.com/yy7tXdQl8B

— Monica Grayley (@MonicaGrayley) December 11, 2022

याआधी कतारमध्ये एका अमेरिकन पत्रकाराचा मृत्यू झाला होता. ग्रँट हा तोच पत्रकार आहे ज्याने काही दिवसांपूर्वी वृत्त दिले होते की समलिंगी समुदायाचे समर्थन करणारा शर्ट परिधान केल्याबद्दल त्याला कतारमध्ये ताब्यात घेण्यात आले होते. या घटनेनंतर काही दिवसांनी त्यांचा मृत्यू झाला. त्याच्या अचानक झालेल्या मृत्यूमुळे आता विविध अर्थ काढले जात आहेत.

जी शोकांतिका चार वर्षांपूर्वी रशियात फुटबॉलजगतानं अनुभवली, त्याचीच पुनरावृत्ती कतारमध्ये झाली. जपानकडून सलामीच्या सामन्यातील पराभव आणि स्पेनशी बरोबरीनंतर कोस्टा रिकाविरुद्धचा विजय जर्मनीला तारू शकला नाही. यंदाची शोकांतिका अधिक वेदनादायी. कारण यावेळी त्यांचं नशीब अन्य संघांच्या कामगिरीवर ठरलं.

अखेरच्या साखळी लढतीत स्पेननं जपानकडून पराभव पत्करल्यानंतर जर्मनीच्या आव्हानापुढे पूर्णविराम मिळाला. गेल्या दोन विश्वचषकांमधील गटसाखळीतच गाशा गुंडाळणाऱ्या जर्मनीची गतवर्षी युरो स्पर्धेतील वाटचाल उपउपांत्यपूर्व फेरीपर्यंतच मर्यादित राहिली होती. म्हणजेच गेल्या काही वर्षांतील कामगिरीनुसार जर्मनीची आता बलाढ्य संघ म्हणून गणना केली जात नाही, हेच सत्य यंदाच्या विश्वचषकानं अधोरेखित केलं.

गौरवशाली इतिहास

जर्मनीच्या कामगिरीचे तीन कालखंडांत विभाजन होतं. जर्मनी (नाझी युग), पश्चिम जर्मनी आणि एकत्रित जर्मनी. विश्वविजेतेपदाला चार वेळा (१९५४, १९७४, १९९०, २०१४) गवसणी, उपविजेतेपद (१९६६, १९८२, १९८६, २००२) आणि तिसरे स्थानसुद्धा चारदा आणि चौथे स्थान एकदा अशी जर्मनीची गौरवशाली कामगिरी. युरोपियन अजिंक्यपद स्पर्धेत १९७२, १९८०, १९९६ अशी तीन विजेतेपदं आणि तीन उपविजेतेपदे, याशिवाय कॉन्फेडरेशन चषकावर २०१७मध्ये वर्चस्व. इतकेच नव्हे, तर पूर्व जर्मनीनं १९७६मध्ये ऑलिम्पिक सुवर्णपदकही पटकावलेलं.

ही जर्मनीच्या खात्यावरील ‘यशोचषकं’. २०१० ते २०१२ या कालखंडात सलग १५ स्पर्धात्मक सामन्यांमधील विजयांचा विश्वविक्रम. हासुद्धा जर्मनीचा पराक्रम. त्यामुळेच ब्राझीलनंतर सर्वाधिक यशस्वी संघ म्हणून जर्मनीचा उल्लेख फुटबॉल इतिहासात अभिमानानं केला जातो.

लो कालखंडातील यशापयश

लो हे जर्मनीचे माजी फुटबॉलपटू. २००६ ते २०२१ अशी १५ वर्षे ते जर्मनीचे प्रशिक्षक (मॅनेजर) होते. युरोपियन देशांमधील हा सर्वात प्रदीर्घ कालखंड. त्याआधीची दोन वर्षे ते सहाय्यक प्रशिक्षक होते. त्यांच्या कालखंडाचं दोन भागांत विभाजन होतं. पहिल्या भागात म्हणजेच २०१७पर्यंत जर्मनीनं यशाची फळे रसाळ गोमटी अनुभवली. २०१४चं जगज्जेतेपद आणि २०१७चं कॉन्फेडरेशन चषकाचं जेतेपद ही यातील यशोशिखरं.

२०१४च्या विश्वचषकाच्या उपांत्य फेरीत जर्मनीनं ब्राझिलला ७-१ असं नामोहरम केलं. दुखापतग्रस्त नेमार आणि निलंबित थियागो सिल्व्हा यांच्याशिवाय खेळणाऱ्या ब्राझिलचा हा विश्वचषक इतिहासातील सर्वात मानहानीकारक पराभव ठरला. मग अंतिम सामन्यात मारिओ गोत्झाने अतिरिक्त वेळेत साकारलेल्या गोलच्या बळावर जर्मनीनं अर्जेंटिनाला धूळ चारून जेतेपद काबीज केलं.

याच वर्षी लो यांना ‘फिफा’नं जगातील सर्वोत्तम प्रशिक्षकाचा वार्षिक पुरस्कार देऊन सन्मानित केलं. परंतु २०१७नंतरच्या चार वर्षांत जर्मनीची कामगिरी अनपेक्षितरीत्या खालावली. विश्वचषकातील गटसाखळीतच पराभूत होणं आणि युरोपियन स्पर्धेतीलही अपयश यामुळे मार्च २०२१मध्ये लो यांनी पदाचा राजीनामा दिला.

आलेख का खालावला?

फिलिप लॅम, पेर मेर्टेसॅकर आणि मिरोस्लाव्ह क्लोज यांच्यासारखे २०१४च्या विश्वविजेत्या संघातील महारथी तारे जर्मनीच्या क्षितिजावरून पुढील दोन वर्षांतच लुप्त झाले. त्यानंतरच्या काही वर्षांत बॅस्टियन श्वेनस्टॅगर, टॉनी क्रूस, मेस्युट ओझिल हे आणखी काही महारथी निवृत्त झाल्यानं त्यांचा आलेख खालावला. २०१७मधील अखेरच्या यशानंतर या संघामागे साडेसाती लागली.

२०१८ च्या विश्वचषक मोहिमेला प्रारंभच जर्मनीनं मेक्सिकोकडून पराभवानं केला. मग दुसऱ्या सामन्यात स्वीडनवर त्यांनी विजय मिळवला. पण अखेरच्या साखळी सामन्यात दक्षिण कोरियाकडून पराभवामुळे जर्मनीचा प्रवास खंडित झाला. गटसाखळी पद्धती १९५०पासून विश्वचषकात लागू करण्यात आल्यानंतर प्रथमच पहिल्या फेरीत जर्मनीवर हे संकट ओढवलं. ही मालिका पुढे चालू राहिली.

युरो स्पर्धेमधील अपयशाची नैतिक जबाबदारी स्वीकारून लो यांनी पदत्याग केला. मग मे २०२१मध्ये जर्मनीनं हॅन्सी फ्लिक यांच्याकडे सहाय्यक प्रशिक्षकपदाची जबाबदारी सोपवली. यंदाच्या नेशन्स लीगमध्येही जर्मनीला गटात तिसऱ्या क्रमांकावर समाधान मानावं लागलं, तर विश्वचषकात गोलफरकामुळे बाद फेरीची संधी हुकली.

काय चुकलं?

लो युग संपल्यानंतर फ्लिक युगारंभ या संक्रमण काळातून सध्या जर्मनीचा संघ जातो आहे. या संघात काही वयस्क खेळाडू आहेत, तर काही अननुभवी. जर्मनीच्या मध्यवर्ती आक्रमणाची (सेंटर फॉरवर्ड) धुरा विश्वचषकाच्या काही दिवसांआधी पदार्पण करणारा २९ वर्षीय निक्लास फ्युएलक्रूग किंवा स्पर्धेतील सर्वात युवा खेळाडू यौसुफा मॉकोकोनं सांभाळली.

जर्मनीच्या बचाव फळीचं ढिसाळपण गेल्या काही महिन्यांत सिद्ध झालं होतं. फ्लिक हे कोणत्याही स्पर्धेत बचाव फळी कायम ठेवत नाहीत. परंतु संघाला प्रेरणा देऊ शकेल आणि कठीण स्थितीत तारू शकेल, अशा महानायकाची उणीव जर्मनीला तीव्रतेनं भासते आहे. फ्रँझ बेकनबूर, लोथार मथायस आणि बॅस्टियन श्वेनस्टेगर या महानायकांनी जर्मनीच्या वर्चस्वमालिकेत महत्त्वाची भूमिका बजावली.

२०१४च्या यशाचा शिल्पकार आणि गोल्डन ग्लोव्हज पुरस्काराचा मानकरी मॅन्युएल न्यूअरकडे जर्मनीचं नेतृत्व होतं. सर्वाधिक सलग चार विश्वचषकांत खेळणारा न्यूअर हा एकमेव गोलरक्षक. पण ३६ वर्षीय न्यूअरच्या कामगिरीतील रूबाब आता पूर्वीसारखा राहिला नाही.

याशिवाय इकाय ग्युएंडोगान आणि जोशुआ किमिश सातत्यानं मध्यरक्षकाची भूमिका पार पाडण्यात कमी पडले. ३३ वर्षांच्या थॉमस म्युलरची जादूसुद्धा आता ओसरल्याचं सिद्ध झालं. २०१०च्या विश्वचषकात ‘गोल्डन बूट’ आणि २०१४च्या विश्वचषकात ‘सिल्व्हर बूट’ ही म्युलरची कर्तबगारी.

२०१९मध्ये लो यांनी म्युलरला वगळलं. परंतु गतवर्षी युरो चषकासाठी त्याचं पुनरागमन झालं. इतकेच नव्हे, तर कतार विश्वचषकातही त्यानं संघातील स्थान टिकवलं. पण म्युलरची पाटी यंदा कोरीच राहिली.

निष्कर्ष

गेल्या १० सामन्यांपैकी (स्पर्धेतील) फक्त तीन विजय, ही जर्मनीची आकडेवारी त्यांच्या कामगिरीवर भाष्य करते. संघबांधणी आणि प्रशिक्षक हे मुद्दे या पराभवानंतर ऐरणीवर आहेत. काही जुन्या खेळाडूंची निवृत्ती क्रमप्राप्त ठरते. परंतु संघ आणि संघटना या दोन्ही पातळ्यांवर बदलाची नितांत आवश्यकता जर्मनीला आहे, हे झाले तरच त्यांना आपली पत पुन्हा मिळवता येईल. अन्यथा, तीच रडकथा कायम राहील!

प्रशांत केणी

prashantkeni@gmail.com

मुंबई : कतार येथे सुरु असलेली फिफा विश्वचषक स्पर्धा आता अंतिम टप्प्यात प्रवेश करीत आहे. उपउपांत्यपूर्व फेरीच्या लढती मंगळवारी मध्यरात्री संपल्या असून आता शुक्रवारपासून उपांत्यपूर्व फेरीच्या लढतींना सुरुवात होणार आहे. या स्पर्धेच्या उपांत्यपूर्व फेरीत नऊ देशांचे संघ पोहोचले असून यात उपांत्य फेरीत पोहोचलेल्या संघांमध्ये क्रोएशिया, नेदरलँड्स, पोर्तुगाल, इंग्लंड, फ्रान्स, ब्राझील, अर्जेंटिना, दक्षिण अमेरिका, मोरोक्को यांचा समावेश आहे. उपांत्यपूर्व फेरीचे सामने ९ डिसेंबर ते १० डिसेंबर पर्यंत होणार आहेत.

फिफा विश्वचषकाच्या उपांत्यफेरीत गेलेल्या देशांपैकी पाच देश हे युरोप खंडातील आहेत. यामध्ये क्रोएशिया, नेदरलँड्स, पोर्तुगाल, इंग्लंड आणि फ्रान्स या बलाढ्य देशांचा समावेश आहे. तर उरलेले दोन देश हे दक्षिण अमेरिकेतील आहेत. ब्राझील व अर्जेंटिना या देशांचा त्यामध्ये समावेश आहे. आफ्रिका खंडातील एकमेव देश मोरोक्कोच्या रूपात या वेळी दिसत आहेत. मोरोक्कोचे यश कौतुकास्पद आहे.

उपांत्यपूर्व फेरीचे वेळापत्रक :

९ डिसेंबर – ब्राझील विरुद्ध क्रोएशिया – ८:३० रात्री
१० डिसेंबर – नेदरलँड विरुद्ध अर्जेंटिना – १२:३० रात्री
१० डिसेंबर – मोरोक्को विरुद्ध पोर्तुगाल – ८: ३० रात्री
११ डिसेंबर – इंग्लंड विरुद्ध फ्रान्स – १२:३० रात्री

मुंबई : जगभरातील फुटबॉल चाहत्यांना सध्या फिफा विश्वचषकाने वेड लावले आहे. दररोज एकापेक्षा एक होणारे रोमांचक सामने फिफा विश्वचषकाची रंगत अधिकच वाढवत आहेत. परंतु पोलंड येथील एका चाहत्याने तर कहरच केला. त्याला फुटबॉल पाहण्याचा मोह न आवरल्यामुळे त्याने ऑपेरेशन सुरु असताना देखील पोलंड संघाचा फिफा विश्वचषकातील सामना पाहिला.

Hey @FIFAcom Don’t you think this gentleman deserves some kind of trophy…"https://t.co/ub2wBzO5QL">https://t.co/ub2wBzO5QL

— anand mahindra (@anandmahindra) December 8, 2022

पोलंडमधील या व्यक्तीचे स्पाइनल ऍनेस्थेसियाचे ऑपरेशन सुरु होते. त्यावेळी या व्यक्तीने डॉक्टरांकडे फुटबॉल सामना पाहण्याचा हट्ट धरला. तेव्हा डॉक्टरांनी आणि रुग्णालयाच्या वैद्यकीय कर्मचाऱ्यांनी त्याची ती इच्छा पूर्ण केली. किल्समधील एसपी झॉझेड एमएसडब्ल्यूआयए या रुग्णालयाने संबधित व्यक्तीचा फोटो शेअर केला आहे. तर भारतीय उद्योजक आनंद महिंद्रा यांनी त्यांच्या अधिकृत ट्वीटरवरुन हा फोटो शेअर करत फिफाकडे या व्यक्तीला एखादा खास पुरस्कार द्या अशी मजेशीर मागणी केली आहे.

मुंबई : बेल्जियम फुटबॉल संघाचा कर्णधार ईडन हेजर्डनं (Eden Hazard) आंतरराष्ट्रीय फुटबॉलमधून निवृत्तीची घोषणा केली. फिफा विश्वचषक २०२२ नंतर ईडन हॅजर्डने हा निर्णय घेतला आहे. फुटबॉल विश्वचषक स्पर्धेत बेल्जियमच्या संघाला गट टप्प्यातून बाहेर पडावं लागलं. फिफा विश्वचषकात बेल्जियमच्या संघानं निराशाजनक कामगिरी केली.

हेजर्डनं 2008 मध्ये आंतरराष्ट्रीय क्रिकेटमध्ये पदार्पण केले आणि 126 सामन्यांमध्ये 33 गोल केले आहेत. बेल्जियमचा संघ 2018च्या विश्वचषकाच्या उपांत्य फेरीत पोहचला होता, त्यात हेजर्डचा मोलाचा वाटा होता, जिथे बेल्जियमच्या संघाला फ्रान्सकडून पराभव स्वीकारावा लागला. प्लेऑफमध्ये बेल्जियमच्या संघानं प्लेऑफमध्ये तिसऱ्या क्रमांकाच्या इंग्लंडचा पराभव केला होता.

ईडन हेजर्डनं निवृत्ती जाहीर करताना म्हंटले, “मी माझी आंतरराष्ट्रीय कारकीर्द संपवण्याचा निर्णय घेतला आहे. आज एक पान उलटले… तुमच्या प्रेमाबद्दल धन्यवाद. तुमच्या अतुलनीय पाठिंब्याबद्दल धन्यवाद. 2008 पासून शेअर केलेल्या आनंदाच्या क्षणाबद्दल सर्वांचं धन्यवाद… मला तुमची आठवण येईल.”

फिफा विश्वचषकाच्या ग्रुप एफमध्ये बेल्जियमच्या संघाचा समावेश करण्यात आला होता. गट फेरीतील पहिल्या सामन्यात बेल्जियमच्या संघानं कॅनडा पराभव केला. या सामन्यात ईडन हॅजर्डला एकही गोल करता आला नाही. बेल्जियमला त्यांच्या दुसऱ्या सामन्यात मोरोक्कोकडून पराभव स्वीकारावा लागला. त्यानंतर तिसरा आणि अखेरचा सामना बरोबरीत सुटल्यानं बेल्जियमच्या संघ गुणतालिकेत तिसऱ्या स्थानावर राहिला.

कतार येथे फिफा विश्वचषक 2022 (Fifa World Cup 2022) स्पर्धा सुरु असताना आता फुटबॉल जगतातून एक काळजीची बातमी समोर येत आहे. कर्करोगाशी झुंज देणारे ब्राझीलचे माजी फुटबॉलपटू पेले यांना कोरोनाची बाधा झाल्याची माहिती समोर येत आहे. कोविड संसर्गाच्या उपचारासाठी मंगळवारी त्यांना रुग्णालयात दाखल करण्यात आले होते. कोविडमुळे वाढलेल्या श्वसन संसर्गाच्या उपचारासाठी पेले यांना रुग्णालयात दाखल करण्यात आले होते. ८२ वर्षीय पेले यांच्या प्रकृतीला आता अधिक धोका नसल्याचे शनिवारी रुग्णालयाकडून सांगण्यात आले.

हॉस्पिटलने शनिवारी सांगितले की पेले उपचारांना चांगला प्रतिसाद देत आहेत आणि गेल्या २४ तासांत त्यांची प्रकृती बऱ्यापैकी सुधारली आहे. पेले यांनी इन्स्टाग्रामवर एक पोस्ट शेअर केली आहे. ही पोस्ट शेअर करताना त्यांनी कॅप्शनमध्ये लिहिले आहे की, “माझ्या मित्रांनो, मला सर्वांना शांत आणि पॉझिटिव्ह सकारात्मक ठेवायचे आहे. मी आशावादी असून नेहमीप्रमाणे माझ्या उपचारांचं पालन करत आहे.” दरम्यान पेले यांची मुलगी केली नॅसिमेंटो हिने मीडियाला दिलेल्या माहितीत सांगितले की, “ते आजारी आहेत, ते वृद्ध असून आता कोरोनाच्या संसर्गामुळे ते इथे आहेत. त्यांना बरं वाटायला लागलं. की ते लवकरच पुन्हा घरी जाणार आहेत.

मुंबई : आमची विजयाची भूक कायम आहे. आम्हाला मैदानावरील चुका महागात पडल्या, अशा शब्दांत एफसी गोवाचे मुख्य प्रशिक्षक कार्लोस पेना (Carlos Pena) यांनी मुंबई सिटी एफसी (Mumbai City FC) विरुद्धच्या पराभवाचे विश्लेषण केले आहे.

मुंबईतील मुंबई स्पोर्ट्स अरेना (Mumbai Sports Arena) येथे गुरुवारी रात्री झालेल्या लढतीत एफसी गोवाला (FC Goa) त्यांच्या अति बचावात्मक पावित्र्यामुळे १-४ अशा मोठ्या पराभवाला सामोरे जावे लागले. हीरो इंडियन सुपर लीग (आयएसएल) २०२२-२३ हंगामातील त्यांची चौथी हार आहे. या सामन्यानंतर गोव्याचे मुख्य प्रशिक्षक कार्लोस पेना यांनी उत्तरार्धाच्या सुरुवातीला संघाच्या मूडने संघर्षाचे भवितव्य कसे ठरवले याबद्दल खुलासा केला.

“मला वाटते की, आमच्या संघाने पहिल्या हाफमध्ये खूप चांगला खेळ केला. दुसऱ्या हाफच्या सुरुवातीला त्यात सातत्य राखू शकलो नाही. आमच्याकडून चुका झाल्या आणि मुंबई सिटी एफसी सारख्या फॉर्मात असलेल्या संघाविरुद्ध तुम्हाला त्याची किंमत मोजावी लागते,” ते म्हणाले.

“आम्ही ड्रेसिंगरूममध्ये चर्चा केली होती की, पहिल्या हाफप्रमाणे दुसऱ्या हाफला सुरुवात केली. मात्र, आमचे फटके स्वैर गेले. त्यावेळी. दोन्ही संघांना सामन्यावर पकड मजबूत करण्याची समान संधी होती.

पण दुसऱ्या हाफमध्ये प्रतिस्पर्धी मुंबई सिटीने पहिल्या १० मिनिटांत आमच्या चुकांचा फायदा उठवत गोल केले. त्यानंतर, आम्ही सामन्यात पुनरागमन करू शकलो नाही,” असे ३८ वर्षीय पेना म्हणाले.

त्याच वेळी, पेना यांनी गौर्सची विजयाची भूक संपल्याचा दावाही फेटाळून लावला. “पराभवाला विजयाच्या भुकेची कमतरता कारणीभूत? मी असहमत. मला वाटतं आम्ही हरलो. कारण उत्तरार्धात आम्ही दोन सुरुवातीचे गोल स्वीकारले, आम्ही दोन मोठ्या चुका केल्या आणि हेच कारण होते. मला वाटत नाही की संघाची भूक कमी आहे. जिंकण्याची भूक आणि ध्यास घेऊन आम्ही इथे आलो. आमच्यासमोर खडतर आव्हान होते, हे आम्हाला सामन्याआधीच ठाऊक होते. परंतु, व्यावसायिक स्तरावर खेळताना त्या-त्या दिवशी आधीची नव्हे तर त्यावेळची कामगिरी महत्वाची ठरते. आम्हाला आमच्या सर्वोत्तम स्तरावर राहण्याची गरज आहे आणि १० मिनिटांचा ढिसाळ खेळ आम्हाला महागात पडला,” असे मत पेना यांनी व्यक्त केले.

मुंबई सिटी एफसीने आक्रमक खेळ करताना सुरुवातीला आघाडी घेतली. मात्र, पाहुणा संघ दडपणाखाली आला नाही. २२ व्या मिनिटाला इकर ग्वारोटक्सेनाने बरोबरी साधली तेव्हा गौर्सने पुनरागमनाची चिन्हे दर्शविली होती. मुंबई सिटीकडे मात्र इतर योजना होत्या कारण त्यांनी गेमला बरोबरीत आणण्यासाठी आणखी तीन वेळा गोल केले.

एफसी गोवाची पुढील लढत आता १० डिसेंबर रोजी ओडिशा एफसी विरुद्ध होमग्राऊंडवर आहे. पीजेएन स्टेडियमवर होणार्‍या या सामन्यात सर्वोत्कृष्ट खेळ करण्यासाठी एफसी गोवाला मुंबई सिटी एफसी विरुद्धचा मानहानीकारक खेळ विसरून आणि मागील चुका टाळून खेळावे लागेल.

फिफा विश्वचषक स्पर्धेत काल रंगलेल्या अटीतटीच्या सामन्यात कॅमेरुन संघाने ब्राझील संघाचा पराभव केला. या सामन्यात कॅमेरुनं संघाने १-० अशा फरकाने सामना जिंकला असून यावेळी कॅमेरुनचा कॅप्टन विन्सेंट अबुबकर याच्या गोलमुळे संघाला विजय प्राप्त झाला.

CAMEROON BEAT BRAZIL! "https://t.co/5fkrrx7zZu">pic.twitter.com/5fkrrx7zZu

— 433 (@433) December 2, 2022

What a moment for Vincent Aboubackar? Congrats Abubakar for making Africa proud.

LMAO the Ref dapped him up before sending him off he really is THAT DAWG.

It is what it is? That’s the coolest red card I’ve ever seen

Absolutely iconic behaviour pic.twitter.com/uttLKmLK84

— "https://twitter.com/PanAfricology/status/1598896033806749702">December 3, 2022

शुक्रवारी रात्री उशिरा 12.30 वाजता (3 डिसेंबर) झालेल्या ब्राझील विरुद्ध कॅमेरुन यांच्यात रोमांचक सामना पहायला मिळाला. यावेळी विजयी गोल केल्यानंतर कॅप्टन विन्सेंटने त्याच टी-शर्ट काढून शर्टलेस होत विजयाचं सेलिब्रेशन केलं. परंतु त्याच्या कृतीमुळे रेफरीने त्याला यलो कार्ड दिलं. सामन्यातील त्याचं हे दुसरं यलो कार्ड असल्याने त्याचं रेड कार्डमध्ये रुपांतर झालं आणि त्याला मैदानाबाहेर जावं लागलं. पण यावेळी रेफरीनेही विन्सेंट याचं कौतुक करत नियम म्हणून त्याला यलो कार्ड दिलं. विश्वचषकात ब्राझीलला मात देणारी कॅमेरुन हा पहिला आफ्रिकन संघ ठरला.

कतार येथे सुरु असलेल्या फुटबॉल विश्वचषक (FIFA World Cup) सामन्यात पुन्हा उलटफेर पहायला मिळाला. पोर्तुगाल विरुद्ध दक्षिण कोरिया यांच्या झालेल्या सामन्यात बलाढ्य पोर्तुगाल संघावर दक्षिण कोरियाने २-१ ने मात करून रोमहर्षक विजय मिळवला. या विजयानंतर दक्षिण कोरियाचे चार गुण झाले आहेत. तर, पोर्तुगालचा (Portugal) संघ सहा गुणांसह अव्वल स्थानावर आहे. पोर्तुगालनं आतापर्यंत तीन सामने खेळले आहेत.

Huge win for #KOR, but they must now wait for #GHA v #URU to finish… @adidasfootball | #FIFAWorldCup

— FIFA World Cup (@FIFAWorldCup) December 2, 2022

दक्षिण कोरियाविरुद्ध (South Korea) पोर्तुगालने दमदार सुरुवात केली. पोर्तुगालच्या संघानं सामन्याच्या पाचव्या मिनिटालाच पहिला गोल करत १-० अशी आघाडी घेतली. रिकार्डो होर्टानं पोर्तुगालसाठी हा गोल केला. यानंतर दक्षिण कोरियानं शानदार पुनरागमन करत २७ व्या मिनिटाला पहिला गोल केला. दक्षिण कोरियासाठी किम युंग ग्वॉननं हा गोल केला. त्याचवेळी कोरियन संघानं निर्धारित ९० मिनिटांनंतर इंज्युरी टाइममध्ये आघाडी घेतली. अशाप्रकारे दक्षिण कोरियानं हा सामना २-१ ने जिंकला.

[read_also content=”आमिर खानने कुटुंबासोबत घेतला फिफा विश्वचषकाचा आनंद; फोटो व्हायरल https://www.navarashtra.com/sports/aamir-khan-enjoyed-the-fifa-world-cup-with-his-family-350492/”]

मुंबई : जगातील सर्वात लोकप्रियअसणाऱ्या फुटबॉल खेळाची जगातील सर्वात मोठी फिफा विश्वचषक स्पर्धा सध्या कतार मध्ये खेळवली जात आहे. फुटबॉल खेळाचे असंख्य चाहते असून विश्वचषकातील रोमांचक सामने पाहण्यासाठी हजारो प्रेक्षक कतारला भेट देत आहेत. बॉलिवूडचा प्रसिद्ध अभिनेता आमिर खान (Amir Khan) याने आपली विभक्त पत्नी किरण राव आणि मुलासोबत फिफा विश्वचषकातील फुटबॉल सामने पाहण्यासाठी आला होता.

स्टेडियममध्ये चाहत्यासोबत सेल्फी काढत असलेल्या अभिनेत्याचा फोटो सोशल मीडियावर मोठ्या प्रमाणात शेअर केला जात आहे. वरवर पाहता आमिर खान फुटबॉलचा प्रचंड उत्साही आहे आणि लिओनेल मेस्सीचाही चाहता आहे. काहीच दिवसांपूर्वी आमिर खानच्या पहिल्या विभक्त पत्नीची मुलगी इरा खान हीचा साखरपुडा पारपडला. त्यानंतर मुलां सोबत काहीवेळ घालवण्यासाठी आमिर खान कतारला गेला आहे. आमिर खानचे फिफा विश्वचषकातील हे फोटो सोशल मीडियावर वायरल होत आहे.

यंदा कतार मध्ये सुरु असलेला फिफा विश्वचषक अनेक कारणांमुळे चर्चेत राहिला. फुटबॉल सामन्यावेळी महिलांनी कोणते कपडे परिधान करावेत यावर देखील बंधने आली या निर्णयावर मोठयाप्रमाणात टीका देखील झाली. मात्र आता कतारने या टीकेला फाटा देत फिफा विश्वचषक स्पर्धेसाठी तीन महिला रेफरींची नेमणूक केली आहे. इतकेच नव्हे तर त्यांच्या सहायक रेफरीही महिलाच आहेत.

कुठल्याही स्पर्धेचे सामने सुरळीतपणे पार पाडण्याची जबाबदारी ही रेफरींची असते. 2022 मध्ये कतार येथे होणार्‍या विश्वचषक फुटबॉल स्पर्धेसाठी ‘फिफा’ने रेफरी, सहाय्यक रेफरी आणि व्हिडिओ सामनाधिकारी यांची घोषणा नुकतीच केली. यावेळी पहिल्यांदाच महिला रेफरींचीही नियुक्ती करण्यात आली आहे.

स्टेफनी फ्रापार्ट (फ्रान्स), सलीमा मुकानसांगा (रवांडा) आणि योशिमी यामाशिता (जपान) यांचा समावेश आहे. या तिघींशिवाय नुजा बेक (ब्राझील), कॅरेन डायझ मेडिना (मेक्सिको) आणि कॅथरीन नेस्बिट (अमेरिका) यांन सहाय्यक पंच म्हणून निवडण्यात आले आहे.

कतार येथे सुरु असलेल्या फिफा फुटबॉल विश्वचषक स्पर्धेत( FIFA World Cup) इराण विरुद्ध अमेरिका यांच्यात सामना खेळवण्यात आला. या फुटबॉल सामन्यात अमेरिकेने इराणचा परभाव केला असून त्याच सोबत इराणचे फिफा विश्वचषकातील आव्हान संपुष्टात आले. परंतु यावेळी इराणचा एक चाहता स्वतःच्या संघाच्या पराभवाचा आनंद साजरा करीत होता. यावेळी संबंधित नागरिकांचे कृत्य हे देशविरोधी आहे असे समजून सुरक्षा रक्षकांनी त्या व्यक्तीला गोळ्या घालून ठार मारले.

मेहरान समक असे या व्यक्तीचे नाव असून तो २७ वर्षांचा होता. इराण संघाचा पराभव होताच त्याने आपल्या गाडीचा हॉर्न आनंदाने जोरजोराने वाजवण्यास सुरुवात केली. इराणचा अमेरिकेविरुद्ध पराभव झाला. या लढतीकडे राजकीय दृष्टिकोनातूनही पाहिले जात होते.

कतारमध्ये खेळल्या जाणार्‍या फिफा विश्वचषक 2022 दरम्यान एक निराशाजनक बातमी समोर आली आहे. ब्राझीलचा माजी महान फुटबॉलपटू पेले यांना रुग्णालयात दाखल करण्यात आले असून ते कर्करोगाशी झुंज देत आहेत. पेले यांची मुलगी नॅसिमेंटोने इन्स्टाग्राम पोस्टद्वारे ही माहिती दिली आहे.

ब्राझीलमध्ये एका वृत्त पत्रात लिहिले आहे की, पेले यांना सूज आल्याने अल्बर्ट आइनस्टाईन रुग्णालयात दाखल करण्यात आले. त्यांच्या प्रकृतीची तपासणी करण्यात आली आहे. यानंतर पेलेची मुलगी केली नॅसिमेंटो हिने इंस्टाग्रामवर पोस्ट करत सत्य सांगितले. तिने लिहिले, आज माझ्या वडिलांच्या प्रकृतीबद्दल मीडियामध्ये खूप बातम्या येत आहेत. ते नियमित तपासणीसाठी रुग्णालयात गेले आहेत. कोणतीही आपत्कालीन परिस्थिती नाही.

सात महिन्यांपूर्वीही पेले यांना रुग्णालयात दाखल करण्यात आले होते. त्यानंतर नियमित तपासणी करून तो बाहेर आले. सप्टेंबर 2021 मध्ये 82 वर्षीय पेले यांच्या कोलन ट्यूमर काढण्यात आला होता. तेव्हापासून नियमित रुग्णालयात जातो आहे. ईएसपीएन ब्राझीलने नोंदवले की पेले यांना हृदयविकाराचा त्रास होता आणि त्यांच्या केमोथेरपी उपचारांना चांगला प्रतिसाद मिळत नसल्याबद्दल त्यांच्या वैद्यकीय कर्मचार्‍यांनी चिंता व्यक्त केली. यानंतर त्यांना रुग्णालयात नेण्यात आले.

पेलेने ब्राझील तीन वेळा विश्वविजेता बनवले आहे. त्यांच्या नेतृत्वाखाली ब्राझीलने 1958, 1962 आणि 1970 मध्ये विश्वचषक जिंकला होता. पेलेने आपल्या व्यावसायिक कारकिर्दीत एकूण 1363 सामने खेळले आणि 1281 गोल केले. त्याने ब्राझीलसाठी 91 सामन्यात 77 गोल केले.

फिफा विश्वचषकातील रंगत आता अधिकच वाढली आहे. काल बुधवारी फ्रान्स विरुद्ध ट्युनिशिया यांच्यात फुटबॉलचा सामना खेळवण्यात आला. या सामन्यात विश्वविजेत्या फ्रान्सचा ट्युनिशियाने १-० असा पराभव केला. फ्रान्सचा हा २०१४ नंतरचा वर्ल्डकपमधील पहिलाच पराभव असल्याने सर्वांच्याच भुवया उंचावल्या आहेत. परंतु ट्युनिशियाने फ्रान्सला पराभवाचा धक्का दिला असला तरी त्यांना बाद फेरी मात्र गाठता आली नाही.

फ्रान्स आणि ट्युनिशिया यांच्यातील सामना पहिल्या हाफपासूनच चुरशीचा राहिला. बलाढ्य फ्रान्सने ट्युनिशियाच्या गोलपोस्टवर आक्रमक चढाया केल्या. मात्र फ्रान्सला पहिल्या हाफमध्ये गोल करता आला नाही. दुसऱ्या हाफमध्ये ट्युनिशियाने फ्रान्सवर पहिला गोल करत विश्वविजेत्यांना मोठा धक्का दिला. वाहबी खाझरीने 58 व्या मिनिटाला लौडोनीच्या सहाय्याने गोल डागला. यानंतर खडबडून जाग्या झालेल्या फ्रान्सने आपली अव्वल फळी मैदानात उतरवली एम्बाप्पे आणि ग्रीझमन मैदानात आले. मात्र या दोघांनाही ९० मिनिटापर्यंत बरोबरीचा गोल करता आला नाही.

दरम्यान, स्टॉपेज टाईंमच्या १० व्या मिनिटाला ग्रीझमवने गोल केला खरा मात्र रेफ्रीने हा गोल VAR नंतर अवैध ठरवला. यामुळे अखेच्या क्षणी पराभवाची नामुष्की टाळण्याचा फ्रान्सचा प्रयत्न देखील फेल गेला. फ्रान्सचा हा वर्ल्डकपमधील सलग सहा विजयानंतरचा पहिला पराभव ठरला.

नवी दिल्ली : भारतातील आघाडीची मल्टिप्लेक्स चेन आयनॉक्स लीझर लिमिटेडने (Multiplex Chain INOX Leisure Limited आज जाहीर केले की, जगातील सर्वांत मोठी फुटबॉल स्पर्धा फिफा वर्ल्ड कप कतार 2022 (Fifa World Cup Qutar) मधील सामने आपल्या 15 शहरांतील 22 मल्टिप्लेक्सेसमधून दाखवण्याची संपूर्ण तयारी झाली आहे.

फुटबॉलचे चाहते आता मुंबई, दिल्ली, गुरगाव, कोलकाता, पुणे, गोवा, भुवनेश्वर, जयपूर, सिलिगुरी, सुरत, इंदोर, बडोदा, धनबाद व त्रिसूरमधील आयनॉक्स मल्टिप्लेक्सेसमध्ये सामन्यांचे थेट प्रक्षेपण बघू शकतात.

लाइव्ह सामने दाखवण्यासाठी आयनॉक्सने घेतलेल्या पुढाकारामुळे फुटबॉल चाहत्यांना स्टेडियममध्ये असते तसे चैतन्य उत्सवी वातावरणात आपल्याच सारख्या चाहत्यांच्या साथीने अनुभवण्याची मुभा मिळेल. सिनेमा थिएटर्समधील धांदल व चैतन्यामुळे चाहत्यांची गर्दी वाढेल आणि सिनेमा लॉबींमध्ये केलेल्या उत्सवी सजावटीमुळे फुटबॉलप्रेमींना वर्ल्डकपच्या काही अविस्मरणीय स्मृती मिळू शकतील.

सिनेमाहॉलमधील आरामदायी वातावरण तसेच वैयक्तिक स्वच्छता व सुरक्षिततेची घेतली काळजी यांमुळे चाहत्यांचा फुटबॉल बघण्याचा अनुभव अधिक चांगला होईल आणि ते आपल्या आवडत्या टीमसाठी चीअर करू शकतील. या अजोड ऊर्जेच्या जोडीने चाहत्यांना आयनॉक्सच्या भव्य अशा फूड-कॉम्बोजचा आणि चविष्ट गोर्मे खाद्यपदार्थांचाही आस्वाद घेता येणार आहे. लाइव्ह सामने बघणाऱ्या चाहत्यांसाठी मल्टिप्लेक्सेस हे सर्व उपलब्ध करून देणार आहेत.

फिफा वर्ल्ड कप कतार 2022 ही स्पर्धा 20 नोव्हेंबर रोजी सुरू झाली आहे, तर राउंड ऑफ 16 डिसेंबरपासून सुरू होत आहे. या स्पर्धेतील अंतिम सामना (फायनल) 18 डिसेंबर रोजी होणार आहे. मागील वर्ल्ड कप स्पर्धा 2018 मध्ये रशियात झाली होती. त्यानंतर चार वर्षे फुटबॉलप्रेमी या स्पर्धेची प्रतीक्षा करत होते.

आंतरराष्ट्रीय संघांपैकी 32 सर्वोत्तम संघांना वर्ल्ड कप स्पर्धेमध्ये भाग घेण्याची संधी मिळाली असून, ते या प्रतिष्ठेच्या विजेतेपदासाठी झुंजत आहेत. फुटबॉलचे चैतन्य साजरे करण्यासाठी फिफा वर्ल्ड कपला समर्पित सॉकरशी निगडित घटक असलेला लोगो विकसित करून चाहत्यांना वैशिष्ट्यपूर्ण अनुभव देण्यासाठी आयनॉक्स सज्ज आहे. आयनॉक्स सिनेमा लॉबींमध्येही फुटबॉलप्रेमींसाठी अनोखे अनुभवात्मक उपक्रम विकसित करणार आहे. जेणेकरून, चाहते त्यांच्या आवडत्या संघाला जोशात पाठिंबा देऊ शकतील.

आयनॉक्स लीझर लिमिटेडचे चीफ एग्झिक्युटिव ऑफिसर (मुख्य कार्यकारी अधिकारी) अलोक टंडन म्हणाले, “काही विशिष्ट गोष्टी आपल्या देशातील लोकांना नेहमीच एकत्र आणतात आणि क्रीडा ही त्यातील एक गोष्ट आहे. फिफा वर्ल्ड कप कतार 2022 ही अशीच एक बहुप्रतिक्षित क्रीडास्पर्धा आयनॉक्समधील आमच्या मोठ्या सिनेमा स्क्रीन्सवर आणणे आमच्यासाठी थरारक अनुभव आहे. या उपक्रमाच्या माध्यमातून आम्ही आमच्या प्रेक्षकांना अविस्मरणीय अनुभव व स्मृती मनात साठवण्याची संधी देण्याचे उद्दिष्ट ठेवले आहे. त्याचप्रमाणे स्टेडियममध्ये सामना बघत असल्याचा रोमहर्षक अनुभवही आम्ही त्यांना देणार आहोत. आमचा कॉण्टेण्टमधील नवोन्मेषाचा प्रवास या ऐतिहासिक स्क्रीनिंगच्या माध्यमातून पुढे नेता आला याचा आम्हाला अभिमान वाटतो. आम्ही आमच्या पाहुण्यांचे स्वागत करण्यास आणि त्यांना आयनॉक्समध्ये फुटबॉल बघण्याच्या अनुभवात बुडून जाण्याची संधी देण्यास आम्ही उत्सुक आहोत.”

भारतात क्रीडाप्रकारांचे स्क्रीनिंग व प्रमोशन करण्यात आयनॉक्स कायमच अग्रेसर राहिले आहे. अलीकडेच या सिनेमा चेनने अनेकविध क्रीडास्पर्धांना सहाय्य करण्यासाठी करार केले आहेत. यांमध्ये क्रिकेट, टेबल टेनिस, फुटबॉल, बॅडमिंटन, बास्केटबॉल आदी क्रीडाप्रकारांतील विविध संघ तसेच लीग्जचा समावेश होतो. प्रभावी प्रमोशनल उपक्रमांच्या माध्यमातून लोकांमध्ये जागरूकता निर्माण करण्याचाही आयनॉक्सचा प्रयत्न आहे. आयनॉक्स भारतीय ऑलिम्पिक संघटनेचे अधिकृत प्रायोजक आहेत. अलीकडेच आयनॉक्सने आशिया कप स्पर्धेतील सामन्यांचे तसेच आयसीसी टी20 मेन्स वर्ल्ड कप 2022मधील सामन्यांचे थेट प्रसारण करून चाहत्यांना तसेच खऱ्याखुऱ्या क्रिकेटप्रेमींना क्रिकेट बघण्याचा अजोड अनुभव देण्यासाठी आपल्या सिनेमा थिएटर्समध्ये एकत्र आणले होते.

ठळक वैशिष्ट्ये :

चाहते आयनॉक्स सिनेमांमध्ये त्यांच्या आवडत्या संघांमधील थरार उलगडताना बघू शकतील आणि त्यांच्यासाठी चीअरही करू शकतील.

स्टेडियममध्ये असते तशी चाहत्यांची गर्दी आणि रोमांचक फूड-कॉम्बोज व गॉर्मे खाद्यानुभवासह फुटबॉल बघण्याचा अजोड अनुभव आयनॉक्स देऊ करत आहे.

आयनॉक्स आपल्या लोगोमध्ये सॉकरशी निगडित घटकाची भर घालून वर्ल्ड कपचे स्वागत करत आहे.

कतार येथे सुरु असलेल्या फिफा विश्वचषकाची रंगत आता वाढू लागली आहे.यंदाच्या फुटबॉल विश्वचषकात अनेक उलटफेर झालेले पहायला मिळत असून अनेक छोट्या संघांनी आपल्या स्फोटक खेळाने अनेक बड्या दिग्गजांची बोलती बंद केली आहे. फिफा विश्वचषक जगातील सर्वात मोठी स्पर्धा असल्याने हे सामने पाह्ण्यासाठी क्रीडा प्रेमी दूर देशातून कतार मध्ये दाखल होत आहेत. मात्र प्रथमच कतार मध्ये होत असलेल्या विश्वचषकाच्या दृष्टिकोनातून अनेक नियम आणि कायदे तयार करण्यात आले आहेत. मात्र काहीजण हे नियम मान्य करायला तयार नाहीत.

 

View this post on Instagram

 

A post shared by Ivana Knöll (@knolldoll)

इव्हाना नॉल ही माजी मिस क्रोएशिया आहे. इव्हाना क्रोएशिया मोरोक्कोविरुद्धच्या सलामीच्या सामन्यासाठी अल-बायत स्टेडियममध्ये गेली होती. तिने तिच्या देशाच्या आयकॉनिक लाल आणि पांढऱ्या पॅटर्नमध्ये कपडे घातले होते. मात्र कतारच्या कायद्यानुसार हे कपडे योग्य नव्हते. हे नियमांचे स्पष्ट उल्लंघन असून मॉडेलला तुरुंगवासाची शिक्षा भोगावी लागू शकते, असे बोलले जात आहे.

 

View this post on Instagram

 

A post shared by Ivana Knöll (@knolldoll)

काय आहेत नियम?

“पुरुषांनी तसेच महिलांनी सार्वजनिक ठिकाणी उत्तेजक कपडे घालणे टाळावे आणि स्थानिक संस्कृतीचा आदर करणे अपेक्षित आहे,” असे कतार पर्यटन प्राधिकरणाने विश्वचषकापूर्वी सांगितले. “सामान्यत: पुरुष आणि स्त्रियांना त्यांचे खांदे आणि गुडघे झाकलेले आहेत याची खात्री करण्याची शिफारस केली जाते, परंतु आता असे म्हटले जात आहे की मॉडेल इव्हानाने सर्व नियमांचे उल्लंघन केले. असे मानले जाते की नॉलला सभ्यतेचे कायदे मोडण्यासाठी अधिक गंभीर दंड भोगावा लागेल. फिफा विश्वचषकादरम्यान उघड कपडे परिधान केल्याबद्दल तिला तुरुंगवासही होऊ शकतो. सोशल मीडियावर अनेकांनी त्यांच्यावर टीका केली आहे.

फिफा विश्वचषकातील सामन्यांत उलटफेराची मालिका सुरूच आहे. सोमवारी फिफा विश्वचषक स्पर्धेत घाना विरुद्ध दक्षिण कोरिया या संघांमध्ये सामना रंगला होता. या सामन्यात फिफा रँकिंगमध्ये ६१ व्या स्थानी असणाऱ्या घाना संघाने २८ व्या रँकिंगवर असणाऱ्या दक्षिण कोरिया संघाला ३-२ ने पराभूत केले.

दक्षिण कोरियाविरुद्धच्या विजयानंतर घाना संघाच्या राउंड ऑफ-१६ मध्ये जाण्याच्या अशा अजूनही आहेत. दक्षिण कोरियाचा संघ सामन्याच्या सुरुवातीपासूनच आक्रमकपणे खेळत होता. मात्र घानानं उत्तम पद्धतीनं डिफेंड करत दक्षिण कोरियाला गोल डागण्याची एकही संधी दिली नाही. अशातच २४ व्या मिनिटाला संधी साधत घानाच्या मोहम्मद सलिसूनं एक गोल डागत संघाला सामन्यात आघाडी मिळवून दिली. त्यापाठोपाठ ३४ व्या मिनिटाला मोहम्मद कुदुसनं गोल डागला. त्यानंतर सुरुवातीपासूनच आक्रमकपणे खेळत असलेल्या दक्षिण कोरियानं तीन मिनिटांत दोन गोल डागत सामन्या बरोबरीत आणला. दक्षिण कोरियानं ५८ व्या आणि ६१ व्या मिनिटाला गोल केले. दक्षिण कोरियाचे दोन्ही गोल चो ग्युसांगनं हेडरवर केले. त्यापाठोपाठ घानानं आणखी एक गोल डागत विजयाला गवसणी घातली.

असा आहे फिफा विश्वचषक २०२२ चा फॉरमॅट :

ग्रुप स्टेजमध्ये, प्रत्येक संघ त्यांच्या गटातील इतर तीन संघांविरुद्ध एक सामना खेळेल. प्रत्येक गटातील टॉप २ संघ राऊंड ऑफ १६ च्या फेरीत प्रवेश करतील. जिथून बाद फेरीचे सामने सुरू होतील. म्हणजेच विजयी संघ पुढे जातील आणि पराभूत संघ विश्वचषकातून बाहेर पडतील. राऊंड ऑफ १६ मध्ये आठ सामने होतील, ज्यामध्ये १६ पैकी आठ संघ सामना जिंकून उपांत्यपूर्व फेरीत पोहोचतील. उपांत्यपूर्व फेरीत चार सामने होणार असून विजयी चार संघ उपांत्य फेरीत प्रवेश करतील. उपांत्य फेरीनंतर अंतिम सामना १८ डिसेंबरला खेळवला जाईल.

फिफा विश्वचषक स्पर्धेत (FIFA World Cup) रोमांचक सामन्यांची मालिका सुरूच आहे. मोरोक्को संघाने बेल्जियम संघाला धुळ चारल्यानंतर आता कॉस्टारिका संघाने जपानचा पराभव केला आहे.

अहमद बिन अली स्टेडियमवर झालेल्या लढतीत फुलर याने ८१व्या मिनिटास गोल नोंदवून कॉस्टारिकाला आघाडी मिळवून दिली. गोलक्षेत्राच्या बाहेर त्याला सहकारी येल्तसिन तेदेडा याने चेंडू पास केला. कॉस्टारिकाच्या मध्यरक्षकाच्या डाव्या पायाचा फटका जपानचा गोलरक्षक शुईची गोन्दा याने अडविण्याचा आटोकाट प्रयत्न केला. चेंडू त्याच्या बोटांना चाटून गोलनेटमध्ये गेला. कॉस्टारिकाचा हा सामन्यात लक्ष्याच्या दिशेने पहिलाच प्रयत्न होता. दोन सामन्यांत मिळून कॉस्टारिकाने पहिल्यांदाच शॉट ऑन टार्गेट मारला व त्यात यश प्राप्त केले.

कॉस्टारिकाचा स्पेनने पहिल्या लढतीत ७-० असा पराभव केला होता. तुलनेत त्यांनी रविवारी सुधारित खेळ केला. त्यामुळे जपानची आक्रमणे यशस्वी ठरली नाहीत. उत्तरार्धात दोन वेळा जपानी संघाला गोलक्षेत्राबाहेरून फ्रीकिक फटका मिळाला; पण दोन्ही वेळेस फटक्यात भेदकता दिसली नाही. त्यामुळे पहिल्या लढतीत जर्मनीला २-१ फरकाने पराजित केलेल्या आशियाई संघाला यावेळी गोल नोंदविता आला नाही. जपानला सामन्यात पाच कॉर्नर्स मिळाले, तुलनेत कॉस्टारिकाला एकही कॉर्नर मिळाला नाही. कोस्टारिकाच्या विजयानंतर आता ई गटात चुरस वाढली आहे.

कतार येथे सुरु असलेल्या यंदाच्या फुटबॉल विश्वचषक स्पर्धेत मोठे उलटफेर पहायला मिळत आहेत. फिफा विश्वचषकात (FIFA World Cup 2022)  झालेल्या सामन्यात मोरोक्को संघाने जागतिक क्रमवारीत दुसऱ्या स्थानी असलेल्या बेल्जियमवर २-० ने सनसनाटी विजय मिळवला. या कामगिरीसह उत्तर आफ्रिकेतील संघ ‘फ’ गटात अव्वल बनला आहे.

अल थुमामा स्टेडियमवर रविवारी झालेल्या लढतीत मोरोक्कोने सुनियोजित खेळ केला. ४५+२व्या मिनिटास त्यांच्या हकीम झियेश याचा थेट फ्रीकिक गोल ‘व्हीएआर’ पडताळणीनंतर ऑफसाईड ठरला, मात्र उत्तरार्धात त्यांनी दोन गोल करून बाद फेरी गाठण्याची शक्यता प्रबळ केली. ७३व्या मिनिटास अब्देलहमीद साबिरी याचा फ्रीकिक फटका थेट गोलनेटमध्ये गेला. यावेळी बेल्जियमच्या गोलनेटसमोर चार बचावपटूंचा पहारा होता, पण त्यांना ताकदवान फटक्याचा अंदाज अजिबात आला नाही. नंतर ९०+२ व्या मिनिटास झकारिया अब्दुख्लाल याने बेल्जियमचा अनुभवी गोलरक्षक थिबाऊ कोर्टोईस याला चकवा देत मोरोक्कोच्या विजयावर शिक्कामोर्तब केला.

मोरोक्कोने गटसाखळीतील पहिल्या लढतीत क्रोएशियाला गोलशून्य बरोबरीत रोखले होते. आता त्यांचे दोन लढतीनंतर चार गुण झाले असून बेल्जियमपेक्षा त्यांचा एक गुण जास्त आहे. गटसाखळीतील शेवटची लढत कॅनडाविरुद्ध होईल, तेव्हा मोरोक्कोला बरोबरीचा एक गुण पुरेसा असेल. बेल्जियम संघ पराभवामुळे संकटात सापडला आहे. त्यांना शेवटच्या लढतीत बलाढ्य क्रोएशियाला सामोरे जायचे आहे. गटसाखळीतील आणखी एका सामन्यात क्रोएशियाने कॅनडास नमविल्यास बेल्जियमची वाटचाल अधिक खडतर ठरू शकते.

मोरोक्कोचा हा विश्वकरंडक फुटबॉल स्पर्धेतील १८ लढतींपैकी तिसराच विजय ठरला. यापूर्वी १९९४ मधील विश्वकरंडक स्पर्धेत त्यांना बेल्जियमकडून हार पत्करावी लागली होती. मात्र कतारमध्ये मोरोक्कोने जबरदस्त खेळ करत बलाढ्य प्रतिस्पर्ध्यांना धक्का देण्याची किमया साधली आहे.

कतारमध्ये सध्या सुरू असलेल्या फिफा विश्वचषकाच्या सामन्यात रविवारी मोरोक्कोने बेल्जियमवर विजय मिळवल्या त्यानतंर हार सहन न झाल्याने बेल्जियममधील लोकांचा राग अनावर झाला. यानंतर राजधानी ब्रसेल्समध्ये लोकांनी रस्त्यावर येत चांगलाच राडा केला. आंदोलकांनी कार आणि काही इलेक्ट्रिक स्कूटर पेटवल्या. अनेक ठिकाणी दंगली झाल्या. लोकांना नियंत्रित करण्यासाठी पोलिसांनी पाण्याच्या तोफगोळ्या आणि अश्रुधुराच्या नळकांड्याचा वापर करावा लागला.

[read_also content=”चीनमध्ये Zero-Covid Policy चा विरोध, ‘शी जिनपिंग पद सोडा’ अशा घोषणा देत नागरिक रस्त्यावर https://www.navarashtra.com/world/opposition-to-zero-covid-policy-in-china-nrps-348838.html”]

बेल्जियमच्या दणदणीत पराभवानंतर उसळलेल्या हिसांचारात लोकांनी अनेक ठिकाणी तोडफोड केली. मोरोक्कोकडून हारल्यानंतर बेल्जियमच्या  मोरोक्कन वंशाच्या काही नागरिकांनी त्यांच्या विजयाचा आनंद साजरा करण्यास सुरुवात केली, त्यानंतर हिंसाचार उसळला.

[read_also content=”गुजरातमधील नरेंद्र मोदी स्टेडिअमचा विश्वविक्रम! BCCI ने ट्विट करून दिली माहिती https://www.navarashtra.com/sports/the-world-record-of-narendra-modi-stadium-in-gujarat-bcci-tweeted-the-information-348988.html”]

या हिसांचारानंतर पोलिसांना अनेक भागात कडेकोट नाकाबंदी केली. यावेळी लोकांना पांगवण्यासाठी अश्रुधुराचा आणि पाण्याचा वापर करावा लागला. मोरोक्कोविरुद्धच्या अनपेक्षित पराभवामुळे संतप्त झालेल्या लोकांनी वाहनांमध्ये आग लावली आणि गाड्यांवर दगडफेक केली. पोलिसांनी किती जणांना ताब्यात घेतले आहे, याची माहिती अद्याप मिळालेली नाही.

कतारमध्ये सुरू असलेली FIFA विश्वचषक 2022 स्पर्धा आता रंगू लागली आहे. मात्र आता त्याच्याच स्पर्धेवर एक मोठं संकट घोंगावू लागलं आहे. कतारमध्ये मध्ये ‘कॅमल फ्लू’ (Camel Flu) किंवा मिडल इस्ट रेस्पिरेटरी सिंड्रोम (MERS) नावाच्या घातक आजाराच्या प्रसाराबाबत जागतिक आरोग्य संघटनेच्या (WHO) तज्ञांनी चिंता व्यक्त केली आहे. २० नोव्हेंबरपासून सुरू झालेला फिफा विश्वचषक स्पर्धा ही संपूर्ण जगाला आखाती राष्ट्र कतारकडे आकर्षित करत आहे. न्यू मायक्रोब्स अँड न्यू इन्फेक्शन्स या जर्नलमध्ये प्रकाशित झालेल्या अभ्यासानुसार, शास्त्रज्ञांना असे आढळून आले आहे की, मार्की इव्हेंटमध्ये मोठ्या प्रमाणात मेळाव्यामुळे संभाव्य संसर्गजन्य रोगाचा जलद प्रसार होण्याचा धोका निर्णाण होण्याची शक्यता आहे. याशिवाय कार्यक्रमासाठी आलेल्या प्रेक्षकांमध्ये इतर संभाव्य रोग लेशमॅनियासिस, मलेरिया, डेंग्यू, रेबीज, गोवर, हिपॅटायटीस ए आणि बी आणि ट्रॅव्हलर्स डायरिया आदी रोगांची लागण होण्याची भीती आहे.

यंदा FIFA विश्वचषक २०२२ ही स्पर्धा कटरमध्ये होत असून या स्पर्धेने सुमारे १.२ दशलक्ष चाहते आकर्षित केले आहेत. ही स्पर्धा आंतरराष्ट्रीय फुटबॉलचे शिखर मानली जाते आणि ती जगभरात पाहिली जाते. अहवालात असा दावाही करण्यात आला आहे की, कतार अशा कोणत्याही परिस्थितीसाठी तयार आहे, परंतु प्रेक्षकांनी सतर्क राहणे आणि संसर्गाबद्दल जागृत राहणे महत्त्वाचं ठरणार आहे.

वर नमूद केलेल्या जोखीम कमी करण्यासाठी, स्पर्धांना भेट देणाऱ्यांनी त्यांच्या नियमित लसीकरणासह अद्ययावत असले पाहिजे आणि खाण्यापिण्याच्या सुरक्षित वापरासाठी नियमांचे पालन केले पाहिजे. स्पर्धेसाठी कतारला जाणार्‍या व्यक्तींना उंटांना स्पर्श करण्यापासून परावृत्त करण्यास सांगितले आहे, जे प्राणघातक संसर्गाचे मूळ असल्याचे मानले जात आहे. विशेष म्हणजे, कतारचा शेजारी देश असलेल्या सौदी अरेबियामध्ये २०१२ मध्ये MERS चे पहिले प्रकरण समोर आले होते.

भारताचे माजी क्रिकेटपटू आणि भाजप पक्षाचे विद्यमान खासदार गौतम गंभीर (Gautam Gambhir) आपल्या विधानामुळे नेहमीच चर्चेत राहता. अनेकदा कार्यक्रमात अथवा समालोचन करीत असताना ते एखाद्या विषयाची स्पष्ट मते मांडतात. मात्र अनेकदा त्यांच्या वक्तव्यामुळे वाद देखील निर्माण होतो. गौतम गंभीरने नुकतेच आयपीएल बाबत देखील एक धक्कादायक विधान केले आहे.

गौतम गंभीर हा टी-२० विश्वचषक 2007 आणि एकदिवसीय विश्वचषक 2011 जिंकणाऱ्या भारतीय संघाचा सदस्य होता. तसेच गंभीरच्या नेतृत्वाखाली कोलकाता नाईट रायडर्सने दोनदा आयपीएल ट्रॉफी जिंकली आहे. भारताचा माजी सलामीवीर गौतम गंभीर असे मानतो की, गेल्या काही वर्षांत भारतीय क्रिकेटमध्ये घडलेली सर्वात चांगली गोष्ट म्हणजे आयपीएलची (IPL) ओळख.

गौतम गंभीर म्हणाला, ‘मला असे म्हणायचे आहे की आयपीएल ही भारतीय क्रिकेटमध्ये घडलेली सर्वोत्कृष्ट गोष्ट आहे, परंतु प्रत्येक वेळी जेव्हा भारतीय खेळाडू क्रिकेटमध्ये चांगली कामगिरी करत नाहीत तेव्हा सर्व जबाबदारी आयपीएलवर येते जी योग्य नाही. जर आम्ही आयसीसी स्पर्धांमध्ये चांगली कामगिरी केली नाही, तर खेळाडूंना दोष द्या, त्यांच्या कामगिरीसाठी त्यांना जबाबदार धरा, परंतु आयपीएलकडे बोट दाखवू नका.

पुढे गौतम गंभीर म्हणाला, “आयपीएलमध्ये आल्याने खेळाडूंना आर्थिक सुरक्षिततेची जाणीव झाली आहे. एक खेळाडू वयाच्या 35-36 पर्यंत कमवू शकतो. आयपीएल त्याला आर्थिक सुरक्षा प्रदान करते जे महत्त्वाचे आहे. जे तळागाळातील अधिक खेळाडूंच्या विकासासाठी मदत करत आहे.’ आयपीएल मध्ये भारतीय प्रशिक्षक घेण्याबाबत गंभीर म्हणाला, ‘मी लखनऊ सुपर जायंट्सचा मेंटर आहे. मला एक गोष्ट बदलायची आहे की मला सर्व भारतीय प्रशिक्षकांना आयपीएलमध्ये पाहायचे आहे. कारण बिग बॅश किंवा इतर कोणत्याही परदेशी लीगमध्ये कोणत्याही भारतीय प्रशिक्षकाला संधी मिळत नाही. भारत क्रिकेटमध्ये महासत्ता आहे, पण आमच्या प्रशिक्षकांना कुठेही संधी मिळत नाही. सर्व परदेशी येथे येतात.

कतार येथे प्रथमच पार पडत असलेली फुटबॉल विश्वचषक स्पर्धा अनेक कारणांमुळे वादाच्या भोवऱ्यात अडकली आहे. कधी सामना पहायला आलेल्या महिला आणि पुरुषांच्या कपड्यांवर बंधने घालण्यात आली तर कुठे प्रेक्षकगृहात मद्यपानावर ही बंदी घालण्यात आली. आतातर फिफा विश्वचषकातील नामवंत संघांपैकी एक असलेल्या इंग्लंड संघाला हे कृत्य केल्यामुळे स्पर्धेबाहेर काढण्यात येण्याची धमकी देण्यात आली आहे.

झाले असे की, कतारमध्ये समलैंगिक लोकांच्या हक्कांचे उल्लंघन होत असल्याने याला विरोध दर्शवण्यासाठी इंग्लंडच्या खेळाडूंनी सामन्यादरम्यान समलैंगिकांना पाठिंबा दर्शविणारे आर्मबँड घातले होते. मात्र इंग्लंड संघाच्या या भूमिकेवर आता फिफा कडून आक्षेप घेतला गेला असून इंग्लंड संघाने जर हे आर्मबँड पुन्हा परिधान केले तर त्यांना पिवळे कार्ड दाखवले जाईल किंवा त्यांच्यावर काही सामन्यांची बंदी घालण्यात येईल अशी धमकीच फिफाने इंग्लंडच्या फुटबॉल संघटनेला दिली आहे.

इंग्लिश फुटबॉल संघटनेचे मुख्य कार्यकारी अधिकारी मार्क बुलिंगहॅम म्हणाले की ,‘समलैंगिक लोकांना पाठिंबा दर्शविणारे आर्मबँड खेळाडूंनी घातले, तर त्यांच्यावर कारवाई करण्यात येईल, अशी धमकी देणे म्हणजे संपूर्ण मानवतेच्या विरोधातच जाण्यासारखे आहे. कतारमध्ये समलैंगिक लोकांच्या हक्कांचे उल्लंघन होत आहे. याचा निषेध करण्यासाठी वेल्स, बेल्जियम, डेन्मार्क, जर्मनी, नेदरलँड, स्वित्झर्लंड आणि आमच्या देशातील खेळाडूंनी हे आर्मबँड घालण्याचे ठरवले होते. आमचा हा निर्णय आम्ही फिफाच्या अधिकाऱ्यांना कळवला होता. मात्र त्यांची काहीच प्रतिक्रिया आली नाही. आम्ही या विषयावर फिफाशी काही बैठकासुद्धा घेतल्या. नंतर अमेरिकाविरुद्धच्या सामन्याअगोदर आम्ही हा बँड घालणार असल्याचे ठरवले होते. आम्हाला याकरिता फिफाकडून परवानगी मिळाली नव्हती; परंतु सामन्याच्या दोन तास आगोदर त्यांच्या अधिकाऱ्यांनी येऊन आम्हाला समलैंगिकांना पाठिंबा दर्शविणारा बँड घातल्यास कडक निर्बंधांना सामोरे जावे लागेल, अशी धमकी दिली.

फिफा विश्वचषक २०२२ (FIFA World Cup 2022) स्पर्धेतील पहिल्या सामन्यात मेस्सीच्या (Messi) अर्जेंटिना संघाला सौदी अरेबियाकडून मिळालेल्या पराभवानंतर दुसऱ्या सामन्यात अर्जेंटिना संघाने मॅक्सिकोला धूळ चार्ली आहे. ‘करो या मरो’च्या सामन्यात अर्जेंटिनाच्या संघाने मेक्सिकोचा २-० ने पराभव केला. पुढील फेरी गाठण्याच्या अर्जेंटिना संघाच्या आशा आता जिवंत झाल्या आहेत. लिओनेल मेस्सी (Lionel Messi) आणि एन्झो फर्नांडिस (Enzo Fernandez) हे दोघे अर्जेंटिनाच्या विजयाचे शिल्पकार ठरले. दोघांनीही या सामन्यात प्रत्येकी एक-एक गोल केला.

सौदी अरेबियाविरुद्ध पहिला सामना गमावल्यानंतर अर्जेंटिनाच्या संघाचं या स्पर्धेतील आव्हान खडतर झालं होतं. मॅक्सिकोविरुद्धचा सामना अर्जेंटिनासाठी करो या मरोचा होता. मेस्सीचा संघ मॅक्सिकोविरुद्ध हरला असता तर त्यांच्यासाठी राऊंड ऑफ १६ चे दरवाजे पूर्णपणे बंद झाले असते. हा सामना अर्निणित ठरला असता तरी अर्जेंटिनाच्या संघाला स्पर्धेबाहेर पडावं लागलं असतं. परंतु, या सामन्यात मेस्सीची जादू चालली आणि अर्जेंटिनानं महत्त्वाचा सामना जिंकला.

सामन्याच्या सुरुवातीला मेक्सिकोचा संघाचं पारडं जड दिसत होतं. पहिल्या हाफमध्ये मॅक्सिकोच्या संघानं काही चांगल्या संधी निर्माण केल्या. परंतु, त्यांना एकही गोल करता आला नाही. दुसऱ्या हाफमध्ये अर्जेंटिनाच्या संघानं जबरदस्त सुरुवात केली. अर्जेंटिनाच्या फॉरवर्ड लाइनने गोलवर आक्रमण करण्याचा प्रयत्न सुरूच ठेवला. दरम्यान, ६४ व्या मिनिटाला मेस्सीनं अर्जेंटिनासाठी अप्रितिम गोल केला. या गोलनंतर मेक्सिकोच्या संघानं बरोबरी साधण्यासाठी खूप प्रयत्न केला. मात्र, ते अपयशी ठरले.८७ व्या मिनिटाला एन्झो फर्नांडिसनं अर्जेंटिनाच्या संघासाठी गोल करत संघाला २-१० आघाडी मिळवून दिली. या विजयासह अर्जेंटिनाचा संघ ग्रुप सीच्या गुणतालिकेत दुसऱ्या क्रमांकावर पोहचलाय.

इराणचे राष्ट्रगीत सुरू झाले, तेव्हा संघातील सर्वच खेळाडू एका रेषेत उभे होते… त्यांनी एकमेकांच्या खांद्यावर हात ठेवले होते… त्यांच्या चेहऱ्यावर अस्वस्थता दिसत होती, पण तरीही ते शांत होते… एकाही फुटबॉलपटूच्या मुखी राष्ट्रगीत नव्हते… म्हणजेच खेळाडूंनी एकत्रितपणे घेतलेला हा निर्णय होता… हा एक निषेध होता.

आंतरराष्ट्रीय सामन्यांमध्ये खेळाडूंकडून निषेध किंवा अभिवादन करणे हल्ली बऱ्याचदा घडते. ‘ब्लॅक लिव्हज मॅटर’ या चळवळीलाही अनेकांनी विधायक मार्गाने पाठिंबा दर्शवल्याचे दिसून आले आहे. परंतु जगातील सर्वात लोकप्रिय खेळ असे बिरूद मिरवणाऱ्या फुटबॉलच्या विश्वचषक स्पर्धेत म्हणजेच जागतिकपीठावर हा मूकनिषेध कशासाठी होता, हे समजून घेणे महत्त्वाचे ठरते. काही वर्षांपूर्वी याच संघावर सत्ताधीशांची बाजू घेतल्याबद्दल चाहत्यांकडून टीका झाली होती.

या घटनेचे तात्कालिन कारण होते, ते म्हणजे १६ सप्टेंबरला कुर्दीश वंशाची २२ वर्षीय महिला माशा अमिनीचा कोठडीतील संशयास्पद मृत्यू. हिजाब चुकीच्या पद्धतीने परीधान केल्याचा ठपका ठेवून अमिनीला अटक झाली. इस्लामिक रिपब्लिकच्या महिलांसाठीच्या पोशाख कायद्याचा तिच्याकडून भंग झाला. अमिनीला तेहरानच्या रुग्णालयात दाखल करावे लागले. कारण तुरुंगात तिला चक्कर आल्यापासून ती कोमात होती. तिला हृदयविकाराचा झटका बसल्याचाही दावा प्रशासनाकडून केला जात आहे. अमिनीसह ताब्यात घेतलेल्या महिला मात्र वेगळेच वास्तव मांडतात. अमिनीला अनेकदा जबर मारहाण करण्यात आली. त्यामुळे पोलिसांच्या क्रौर्यामुळे तिचा मृत्यू झाल्याचे या महिलांनी नमूद केले आहे. अर्थात इराणी पोलीस अधिकाऱ्यांनी हे आरोप बिनबुडाचे असल्याचा दावा केला. वैद्यकीय अहवाल आणि स्वतंत्र निरीक्षकांनी अमिनीला मेंदूचा रक्तस्त्राव किंवा हृदयविकाराचा झटका यामुळे मृत्यू झाल्याचे स्पष्ट केले.

अमिनीचा मृत्यू झाला की हत्या? याबाबत संशय कायम राहिल्याने निषेध, मोर्चे यांचा देशभर उद्रेक सुरू आहे. २००९, २०१७ आणि २०१९ यापेक्षा मोठ्या प्रमाणात या आंदोलनाची व्याप्ती आहे, असा दावा ‘सीएनएन’ने केला आहे. ‘द न्यूयॉर्क टाइम्स’नेही गेल्या दोन दशकांतील सर्वात मोठे आंदोलन असल्याचे म्हटले आहे. निषेध म्हणून काही महिलांनी हिजाब उतरवला, काहींनी जाळला, तर काहींनी सार्वजनिक ठिकाणी केशकर्तन केले. नोव्हेंबरच्या पहिल्या सप्ताहात इराण मानवी हक्क आयोगाने दिलेल्या अहवालानुसार, देशभरातील निषेध करणाऱ्या किमान ३०४ नागरिकांना सुरक्षा दलाने ठार केले आहे. इराणच्या सुरक्षा दलाकडून आंदोलकांच्या जमावावर अंदाधुंद गोळीबार केला जातो, तर काही ठिकाणी स्वैर लाठीमार केला जातो, असा दावा ‘एम्नेस्टी इंटरनॅशनल’ने केला आहे. १९७९मध्ये इराणी क्रांतीनंतरच्या अशांततेचा हा सर्वात मोठ्या प्रमाणात झालेला उद्रेक आहे, असेही ताशेरे याबाबत ओढले जात आहेत.

१९७९ च्या क्रांतीनंतर महिन्याभरातच महिलांच्या पोशाखासंदर्भात अनिवार्य नियम लागू करण्यात आला. इराणचे पहिले राष्ट्राध्यक्ष रुहोल्ला मुसाही खोमेनी यांनी महिलांना कामाच्या ठिकाणी किंवा सरकारी कार्यालयात हिजाब (म्हणजेच डोके झाकणारे कापड) बंधनकारक केले. ते नसल्यास ‘नग्न’ असा ठपका ठेवण्याचे फर्मान काढण्यात आले. खोमेनी यांचे उत्तराधिकारी अली खोमेनी यांनीही हिजाब हा सामाजिक, राजकीय आणि शैक्षणिक कार्यांना विरोध करीत नसल्याचे मांडत पाठराखण केली. १९८३मध्ये हिजाब नियमाला कायद्याचे स्वरूप प्राप्त झाले. सार्वजनिक ठिकाणी हिजाबशिवाय वावरणाऱ्या महिलेला ७४ चाबकांचे फटके मारण्याची शिक्षा केली जायची. अनेक महिलांना या कायदेभंगामुळे तुरूंगवासही भोगावा लागला. त्यामुळे आंतरराष्ट्रीय सांस्कृतिक कार्यक्रम किंवा क्रीडा स्पर्धांमध्येही इराणच्या महिला हिजाबसह दिसून येतात. मात्र गेल्या काही वर्षांत इराणी समाजातील पोशाखांतही आमूलाग्र बदल झाले. तेथील आजच्या स्त्रीला हिजाबच्या जोखडातून मुक्त व्हायचे आहे. परंतु तेथील प्रशासन अशा महिलांना ताकीद देते, शिक्षा देते आणि हिजाबच्या सूचना देत कायदा पाळण्यासाठी धमकावते.

इतकेच नव्हे, तर हिजाबचे पालन करीन असे प्रतिज्ञापत्रावर लिहून घेतल्यावरच संबंधित स्त्रीला कुटुंबासमवेत जाण्याची परवानगी दिली जाते. महिलांकडून २०१९-२०मध्ये अनिवार्य हिजाबविरोधात महिलांकडून निषेधमोर्चा काढण्यात आला. यावेळी आंदोलनकर्त्यांनी पोलिसांच्या गाडीवर हल्ला चढवत ताब्यात घेतलेल्या दोन महिलांची मुक्तता केली. काही दिवसांपूर्वी न्यायालयाने हिजाबविरोधात आंदोलन केल्याच्या आरोपाखाली सहा जणांना जन्मठेपेची शिक्षा सुनावली.

इराण संघाचे प्रशिक्षक कार्लोस क्वेरोझ यांनी खेळाडूंना निषेध करण्यास परवानगी दिल्याचे सांगितले. सामन्याच्या पूर्वसंध्येला कर्णधार एहसान हजसाफीने आंदोलनात मृत्यू झालेल्यांसाठी श्रद्धांजली वाहिली. इतकेच कशाला, सप्टेंबरमध्ये सेनेगलविरुद्ध झालेल्या मैत्रीपूर्ण सामन्याआधी काही खेळाडूंनी राष्ट्रगीत गायनास नकार दिला, तर काही खेळाडूंनी गणवेशावर काळ्या रंगाचे जॅकेट परीधान केले. इराणच्या कृतीचा मथिथार्थ जरी योग्य असला तरी यामुळे ‘फिफा’च्या नियमांचे उल्लंघन झाले का किंवा अन्य कोणता ठपका त्यांच्यावर ठेवण्यात येईल, हे लवकरच स्पष्ट होईल. नोव्हेंबरच्या पूर्वार्धात इराणच्या वॉटरपोलो संघानेही आशियाई अजिंक्यपद स्पर्धेतील भारताविरुद्धच्या सामन्यात राष्ट्रगीत गायनास नकार दर्शवला होता.

कतारबाबतचे निषेध

समलैंगिकतेविरोधातील धोरण आणि स्टेडियमच्या बांधकामासाठी स्थलांतरित मजुरांना दिलेली वागणूक याबाबत यजमान कतारची परदेशी चाहत्यांकडून निर्भत्सना केली जात आहे. या पडसाद काही सामन्यांमध्ये प्रेक्षागृहातही उमटत आहेत. जिब्राल्टरविरुद्धच्या विश्वचषक पात्रता सामन्यात नॉर्वेच्या संघाने ‘मानवी हक्क… मैदानावर आणि मैदानाबाहेर’ अशी वाक्ये रेखाटलेल्या जर्सी परीधान केल्या होत्या. जर्मनीच्या संघानेही आईसलँडविरुद्धच्या पात्रता सामन्यात अशाच प्रकारे निषेध नोंदवला होता. कतारकडून मानवी हक्कांचे उल्लंघन केल्याबाबत भूमिका स्पष्ट करण्यासाठी डेन्मार्कच्या खेळाडूंनी ‘टोन-डाऊन’ हे शब्द असलेल्या जर्सी घातल्या होत्या. ऑस्ट्रेलियातूनही समलैंगितेच्या कतारच्या धोरणाविषयी टीका करणारी चित्रफित जारी केली आहे. फ्रान्समध्ये सार्वजनिक ठिकाणी विश्वचषक सामन्यांचे प्रक्षेपण केले जाणार नसल्याचे स्पष्ट करण्यात आले आहे.

असाही निषेध

१९६०च्या दशकात अमेरिकेमध्ये सामर्थ्यशाली नागरी हक्क चळवळ उदयास आली. वांशिक भेदभाव संपुष्टात आणण्यासाठी ‘द ब्लॅक पॉवर सॅल्यूट’ आंदोलन सरसावले. १९६८च्या ऑलिम्पिकमध्ये, पुरुषांच्या २०० मीटर शर्यतीत अमेरिकेच्या सुवर्णपदक विजेत्या टॉमी स्मिथ आणि कांस्यविजेत्या जॉन कार्लाेस यांना पदके प्रदान करण्यात आली. अमेरिकेचे राष्ट्रगीत वाजत असताना काळे हातमोजे घातलेल्या या दोन कृष्णवर्णीय खेळाडूंनी ‘ब्लॅक पॉवर सॅल्युट’मध्ये त्यांच्या मुठी उंचावल्या. त्यांच्यावर त्वरित कारवाई करून मायदेशी धाडण्यात आले.

प्रशांत केणी

prashantkeni@gmail.com

थिरुअनंतपुरम – केरळमधील (Kerala) एका मुस्लिम संघटनेने राज्यातील फुटबॉल-वेड्या तरुणांवर आक्षेप घेतला आहे. सध्या सुरू असलेल्या विश्वचषकात (Footbal World Cup) सहभागी होणाऱ्या त्यांच्या संघांच्या समर्थनार्थ स्टार खेळाडूंचे कटआऊट (Star Players Cutouts) लावणे, फुटबॉलच्या कटआउट्सची पूजा करणे हे इस्लामविरोधी (Pooja Against Islam) आहे. तसेच अनेक देशांची वाताहत करणाऱ्या पोर्तुगालचा (Portugal) त्यांनी झेंडा फडकवू नये, असे या संघटनेने सांगितले.

केरळ जाम-इय्याथुल उलामाशी संबंधित कुतुबा समितीचे (Khutbah Committee) सरचिटणीस नसर फैझी कूदाथयी यांनी फुटबॉल चाहत्यांनी अर्जेंटिनाचा लिओनेल मेस्सी, पोर्तुगालचा क्रिस्टियानो रोनाल्डो आणि ब्राझीलचा नेमार जूनियर यांच्या कटआउटवर मोठ्या प्रमाणावर पैसा खर्च केल्याबद्दल चिंता व्यक्त केली. कतारमधील खेळांमुळे विद्यार्थ्यांची अभ्यासातील आवड कमी होत आहे, असे ते म्हणाले.

मौलवी नसर फैझी कूदाथयी म्हणाले, अनेक देशांची वाताहत करणाऱ्या पोर्तुगालचा ध्वज फडकवणे योग्य नाही. खेळाडूच्या दृष्टीकोनातून खेळाकडे पाहिले पाहिजे. फुटबॉल हा ताप बनत चालला असून त्याचे लोकांना व्यसन होत आहे. शारीरिक हालचालींना प्रोत्साहन देणारा खेळ म्हणूनच खेळाचा प्रचार व्हायला हवा. त्याऐवजी, चाहते क्रीडा-तारकांची पूजा करण्यात मग्न आहेत. आज हे लोक इतर देशांच्या झेंड्यांचा आदर करत आहेत आणि इतर देशांचे झेंडे फडकवत आहेत, असा त्यांनी आक्षेप घेतला.

कतार मध्ये होत असलेली फिफा विश्वचषक स्पर्धा दिवसागणिक अतिशय रंगू लागली आहे. यजमान कतार संघाचा सामना काल सेनेगल संघा विरुद्ध खेळवण्यात आला होता. मात्र या सामन्यात सेनेगल संघाने कतारचा पराभव केला. स्पर्धेत सलग दुसऱ्यांदा पराभूत झाल्यामुळे कतारचा संघ आता फिफा विश्वचषकातून बाहेर पडला आहे. सेनेगलने कतारला ३-१ ने हरवले आहे.

सामन्याच्या सुरुवातीपासूनच सेनेगलने कतारवर दबाव टाकण्यास सुरुवात केली आणि पहिल्या १० मिनिटांत आक्रमक खेळी करत २-३ वेळा गोल करण्याचा प्रयत्न केला. पहिल्या अर्ध्या तासामध्ये सेनेगलचा संघ अधिक वरचढ होता. सेनेगलने कतारला आक्रमणासाठी खूप कमी संधी दिल्या. ४१ व्या मिनिटाला पहिला गोल करताना सेनेगललाही आक्रमण सुरू ठेवलं. कतारच्या गोलरक्षकाला बॉल क्लिअर करता आला नाही आणि स्ट्रायकर बुलाये डियाने स्विफ्ट झेल घेत गोल केला.

दुसऱ्या उत्तरार्धाच्या सुरुवातील सेनेगलने दुसरा गोल करत कतारच्या अडचणी वाढवल्या. कतारने दुसऱ्या हाफमध्ये १५ मिनिटांनंतर गोलसाठी दोन उत्तम संधी निर्माण केल्या, पण दोन्ही वेळा ही संधी हुकली. कतारने ७८व्या मिनिटाला गोल करत सामना रोमांचक केला. इस्माईल मोहम्मदच्या क्रॉसवर मोहम्मद मुंतारीने शानदार हेडरद्वारे कतारसाठी हा गोल केला. यानंतर पाचव्या मिनिटाला सेनेगने तिसरा गोल केला आणि सामन्यात ३-१ ने विजय मिळवला.

कतारच्या नावावर नकोसा विक्रम :

फिफा विश्वचषकांच्या इतिहासात यजमान कतारने नकोसा विक्रम आपल्या नावे केला आहे. कतार असा पहिला यजमान देश आहे, जो सलग दोन सामन्यांमध्ये पराभूत झाला आहे. फिफा विश्वचषक २०२२ स्पर्धेत यजमान कतारचं आव्हान संपुष्टात आलं आहे. सेनेगलने कतार विरुद्धच्या सामन्या त्यांचा पहिला विजय मिळवला. यानंतर आता सेनेगल तीनही गट स्टेजमध्ये आपलं स्थान मिळवलं आहे. सेनेगलने एकापेक्षा जास्त गोलच्या फरकाने सामना जिंकण्याची ही पहिलीच वेळ आहे.

फिफा विश्वचषक २०२२ स्पर्धेत काल नेदरलँड विरुद्ध इक्वेडोर यांच्यात फुटबॉलचा सामना पारपडला. या सामन्यात दोन्ही संघांनी १-१ गोल करत चांगली खेळी केली. मात्र दोन्ही संघांनी समान गुण मिळवल्याने हा सामना ड्रॉ झाला. या सामन्यानंतर सध्या ग्रुप अ मध्ये नेदरलँड आणि इक्वेडोर दोन्ही संघ ४-४ पॉईंट्सह बरोबरीला आहेत.

काल झालेल्या सामन्यात नेदरलँड्सने सामन्याची धडाकेबाज सुरुवात केली आणि सहाव्या मिनिटाला आघाडी घेतली. कोडी गकपोने सलग दुसऱ्या सामन्यात गोल केला. यानंतर इक्वेडोरने वारंवार आक्रमी खेळी करत नेदरलँड्सला अडचणीत आणण्याचा प्रयत्न केला, मात्र त्यात त्यांना अपयश आलं. एनर व्हॅलेन्सियाने ३२ व्या मिनिटाला शानदार गोल करण्याचा प्रयत्न केला, पण हा गोल नेदरलँडच्या गोलरक्षकाने वाचवला. पूर्वार्धाच्या अतिरिक्त वेळेत इक्वेडोरने गोल केला, पण गोल बाद ठरवण्यात आला. पहिल्या उत्तरार्धानंतर नेदरलँड्स संघ १-० ने आघाडीवर होता.

दुसऱ्या उत्तरार्धाच्या तिसऱ्या मिनिटाला इक्वेडोरचा गोल नेदरलँडच्या गोलरक्षकाने वाचवला, पण व्हॅलेन्सियाने रिबाऊंडवर गोल करत इक्वेडोरने सामना बरोबरीत आणला. यानंतरही व्हॅलेन्सियाने गोलसाठी प्रयत्न केले, पण त्यांना यश आलं नाही. दोन्ही संघांनी सातत्याने संधी निर्माण केल्या, पण तिसर्‍या अंतिम फेरीत कोणालाही यश मिळू शकलं नाही. नेदरलँड्सने स्कोअरलाइनचा बचाव करण्याचा प्रयत्न केला तर इक्वेडोरने सलग दुसरा गोल करण्याचा प्रयत्न केला.

सामन्याच्या शेवटच्या क्षणी इक्वेडोरचा कर्णधार व्हॅलेन्सिया दुखापतग्रस्त झाल्याने मैदानाबाहेर गेला. सामन्याचा नियमित वेळ संपल्यानंतर सहा मिनिटांचा अतिरिक्त वेळ देण्यात आला. या अतिरिक्त वेळेत इक्वेडोरने बहुतांश वेळ चेंडूवर ताबा ठेवला, मात्र त्यांना गोल करता आ #ला नाही आणि सामना १-१ ने अनिर्णित राहिला. आता इक्वेडोरचा शेवटचा सामना सेनेगलशी होणार असून नेदरलँडचा शेवटचा सामना कतारविरुद्ध होणार आहे.

फिफा विश्वचषक स्पर्धेत आज चार सामने खेळवले जाणार असून त्यातील दोन सामने हे अत्यंत चुरशीचे होणार आहेत. यात वेल्स विरुद्ध इराण, कतार विरुद्ध सेनेगल, नेदरलँड विरुद्ध इक्वेडोर आणि इंग्लंड विरुद्ध युएसए या सामन्यांचा समावेश असून राऊंड ऑफ १६ गाठण्यासाठी आजचे सर्व सामने महत्वाचे आहेत.

विश्वचषकात वरचढ समजल्याजाणाऱ्या इंग्लंड आणि नेदरलँडच्या संघांनी आपापले सामने जिंकल्यास ते पुढील फेरीतील त्यांचे तिकीट निश्चित करतील.

१. वेल्स विरुद्ध इराण : वेल्सचा शेवटचा सामना यूएसए विरुद्ध अनिर्णित राहिला, तर इराणचा इंग्लंडकडून पराभव झाला आहे. अशा परिस्थितीत आजचा हा सामना दोन्ही संघांसाठी महत्त्वाचा आहे. जर इराण हरला तर त्यांच्यासाठी पुढे जाण्याचा मार्ग बंद होईल, तर वेल्स संघाला पराभवाला सामोरे जावे लागले तर त्यांच्यासाठी राऊंड ऑफ १६ चा मार्ग आणखी कठीण होईल. दोन्ही संघ आज दुपारी ३:३० वाजता होईल.

२.कतार विरुद्ध सेनेगल: यजमान कतार आणि सेनेगल यांच्यातील सामना संध्याकाळी ६:३० वाजता सुरू होईल. दोन्ही संघांनी पहिला सामना गमावला आहे. अशा परिस्थितीत राऊंड ऑफ १६ मध्ये एन्ट्रीसाठी त्यांना कोणत्याही किंमतीवर आज विजय आवश्यक असेल. पराभूत संघाचं आव्हान संपुष्टात येऊ शकतं.

३. नेदरलँड विरुद्ध इक्वेडोर: हा सामना रात्री ९:३० वाजता होणार आहे. शेवटच्या सामन्यात नेदरलँडने सेनेगलचा तर इक्वेडोरने कतारचा पराभव केला होता. आजच्या सामन्यातील विजयी संघ पुढील फेरीतील आपले स्थान जवळपास निश्चित करेल.

४.इंग्लंड विरुद्ध युएसए: आज रात्री उशिरा इंग्लंड आणि युएसए अर्थात अमेरिका यांच्यात सामना होणार आहे. सामना १२:३० वाजता सुरू होईल. जर इंग्लंडने हा सामना जिंकला तर पुढील फेरीत ते आपलं स्थान जवळपास पक्क करतील इंग्लंडने गेल्या सामन्यात इराणचा ६-२ ने एकतर्फी पराभव केला होता. त्याचवेळी अमेरिकेचा सामना वेल्सविरुद्ध अनिर्णित राहिला.

भारतातील FIFA विश्वचषक २०२२ चे प्रसारण हक्क Viacom-18 कडे आहेत. ज्यामुळे स्पोर्ट्स-18 आणि स्पोर्ट्स-18 एचडी चॅनेलवर सामन्यांचं थेट प्रक्षेपण केलं जाईल. तसंच VOOT Select आणि Jio Cinema वर सामन्यांचं लाईव्ह स्ट्रीमिंग पाहता येईल.

कतार (Qatar)  येथे सुरु असलेल्या फिफा विश्वचषक स्पर्धेत (FIFA World Cup) ब्राझील विरुद्ध सर्बिया यांच्यात सामना खेळवण्यात आला. फिफा विश्वचषक २०२२ मधील संभाव्य विजेत्यांपैकी एक समजल्या जाणाऱ्या ब्राझील संघाने स्पर्धेत विजयी सुरुवात केली. ब्राझीलने सर्बियाचा २-० ने पराभव केला. तसेच या सामन्यात ब्राझीलच्या रिचार्लीसनने पहिली बायसिकल किक मारून एक उत्कृष्ट गोल केला. या गोलचा व्हिडिओ सध्या सोशल मीडियावर व्हायरल होत आहे.

सामन्याच्या फर्स्ट हाल्पमध्ये सर्बियाच्या डिफेन्सने चांगला खेळ दाखवला. ब्राझीलकडे नेमारसारखे स्टार फॉरवर्ड असूीन त्यांची सततची आक्रमणं सर्बियाच्या बचावपटूंनी रोखली. गोलकिपर मिलिंकोविकने देखील काही उत्कृष्ट सेव्ह केले. पण दुसऱ्या हाल्फमध्ये रिकार्लिसनने 62 व्या आणि 73 व्या मिनिटाला गोल करत ब्राझीलच्या विजयावर शिक्कामोर्तब केला.

सामन्यात, ब्राझीलने अधिक पजेशन स्वत:कडे ठेवलं, 53 टक्के पजेशन ब्राझीलकडे तर 34 टक्के पजेशन सर्बियाकडे होतं. ब्राझीलने सर्बियाच्या गोलपोस्टवर तब्बल 24 वेळा आक्रमणं केलं, दुसरीकडे, सर्बियाचे फॉरवर्ड्स केवळ 4 प्रयत्नच करू शकले. ब्राझीलच्या खेळाडूंनी 526 पास पूर्ण झाले, तर सर्बियन खेळाडूंनी 341 पासच पूर्ण केले. कॉर्नर आणि फ्री किक मिळवण्यातही ब्राझीलचा संघ पुढे होता. ब्राझीलला 6 कॉर्नर आणि 12 फ्री किक मिळाल्या. दुसरीकडे, सर्बियाला 4 कॉर्नर आणि 8 फ्री किक मिळाल्या. ब्राझील आणि सर्बियाचा संघ जी गटात आहे. स्वित्झर्लंड आणि कॅमेरूनचे संघही त्यांच्यासोबत आहेत. येथे ब्राझील पहिल्या तर स्वित्झर्लंड दुसऱ्या क्रमांकावर आहे.

बायसिकल किकचा व्हिडीओ व्हायरल :
फिफा विश्वचषकाच्या अधिकृत ट्वीटर अकाउंटवरून ब्राझीलच्या रिचार्लीसनने मारलेल्या बायसिकल किकचा व्हिडीओ शेअर करण्यात आला. २० सेकंदाचा व्हिडिओ व्हायरल होत असून कीक मारल्यानंतर ब्राझीलच्या संघाने केलेला जल्लोष या व्हिडिओमध्ये दिसत आहे.

जपान (Japan) हा देश अतिशय शिस्तप्रिय आहे. जपानच्या याच शिस्तप्रियत्याचे दर्शन कतार मध्ये होत असलेल्या फिफा विश्वचषक स्पर्धेतही पहायला मिळाले आहे. बुधवारी जर्मनी विरुद्ध जपान या दोन संघांमध्ये फुटबॉल सामान खेळवण्यात आला होता. यावेळी चार वेळा फुटबॉल विश्वकरंडक स्पर्धा जिंकलेल्या जर्मनीच्या संघाचा जपान संघाने २-१ ने पराभव केला. मात्र स्पर्धेच्या सुरुवातीलाच एवढा मोठा विजय मिळाल्यावर हुरळून न जाता जपानी संघाने शिस्तीचे पालन करून खेळाडूंनी आपल्या खोलीची स्वच्छता करून सगळ्यांसमोरच आदर्श ठेवला आहे. यानंतर फिफाने सामन्यानंतरच्या जपानच्या खोलीचा फोटो ट्विट करत जपानी भाषेतच त्यांचे (डोमो आरिगातो/ धन्यवाद) आभार मानले आहेत.

मोठा सामना जिंकल्यावर जपानच्या संघातील खेळाडू आपल्या खोलीमध्ये गेले आणि अस्ताव्यस्त पसरलेले सामान योग्य मांडणीत ठेवले. याबद्दल जागतिक फुटबॉल संघटनेने  जपानच्या खेळाडूंचे आभार मानत स्पर्धेत सहभागी झालेल्या सर्वच संघांनी त्यांचा आदर्श घ्यावा, असे ट्विट केले.

After an historic victory against Germany at the #FIFAWorldCup on Match Day 4, Japan fans cleaned up their rubbish in the stadium, whilst the @jfa_samuraiblue left their changing room at Khalifa International Stadium like this. Spotless.

Domo Arigato."https://t.co/NuAQ2xrwSI">pic.twitter.com/NuAQ2xrwSI

— FIFA.com (@FIFAcom) November 23, 2022

खलिफा मैदानावर झालेल्या जर्मनीविरुद्धच्या सामन्यानंतर जपानच्या फुटबॉल चाहत्यांनी सुद्धा प्रेक्षागृहातील स्वच्छता केली होती. त्यांचाच आदर्श घेऊन खेळाडूंनीपण आपल्या खोलीतील स्वच्छता केली आहे. जपानच्या या स्वच्छता मोहिमेबद्दल जगभरातील फुटबॉलप्रेमींकडून त्यांचे कौतुक होत आहे.

कतार येथे सुरु असलेल्या फिफा विश्वचषक स्पर्धेत (FIFA World Cup) काल पोर्तुगाल विरुद्ध घाना या दोन संघांमध्ये सामना पारपडला. पोर्तुगाल संघाचा विश्वचषकातील ही विजयी सुरुवात ठरली. पोर्तुगाल संघाने घाना संघाचा ३-२ ने पराभव केला.

फिफा क्रमवारीत पोर्तुगाल नवव्या क्रमांकावर असून घानाचा संघ तब्बल ६१ व्या स्थानी आहे. मात्र तरी देखील घाना संघाने रोनाल्डोच्या पोर्तुगाल संघाला कडवी झुंज दिली. विशेष म्हणजे सामना हाल्फ टाईमपर्यंत अगदी सामान्य दिसून येत होता. दोन्ही संघाना एकही गोल करता आला नव्हता. पण दुसऱ्या हाल्फमध्ये तब्बल ५ गोल झाले, यात पोर्तुगालने ३ तर घानाने दोन गोल केले. सर्वात आधी ६५ व्या मिनिटाला पोर्तुगालला पेनल्टी मिळाली जी कॅप्टन रोनाल्डोने घेत गोल केला आणि संघाला १-० अशी आघाडी मिळवून दिली. त्यानंतर लगेचच ७३ व्या मिनिटाला घानाने उत्कृष्ट खेळ दाखवला आणि त्यांचा कर्णधाराने गोल करत सामन्यात बरोबरी साधली.

७८ व्या मिनिटाला युवा स्टार खेळाडू फेलिक्सने ब्रुनो फर्नांडिसच्या जबरदस्त असिस्टव गोल करत पोर्तुगालची आघाडी वाढवली. ज्यानंतर काही मिनिटांतच म्हणजेच ८० व्या मिनिटाला पुन्हा ब्रुनोने दिलेल्या असिस्टवर लिओने गोल करत पोर्तुगालची आघाडी ३-१ अशी केली. ज्यानंतर पोर्तुगाल सहज जिंकेल असे वाचक होते. पण बुकारी याने ८९ व्या मिनिटाला घानासाठी गोल करत सामना अजून बाकी आहे हे दाखवून दिले, मग अधिकची ९ मिनिटं देण्यात आली, ज्यात दोन्ही संघानी आक्रमणं केली. पण अखेर एकही गोल झाला नाही आणि ३-२ ने पोर्तुगालने सामना जिंकला. विशेष म्हणजे आजच्या गोलच्या मदतीनं पाच वेगवेगळ्या विश्वचषकात गोल करण्याचा रेकॉर्ड रोनाल्डोने केला आहे.

कतार येथे सुरु असलेली फिफा विश्वचषक स्पर्धा अतिशय रंगतदार होत चालली आहे. फुटबॉल मधील जगप्रसिद्ध खेळाडू ख्रिस्तियानो रोनाल्डो (Cristiano Ronaldo) आज त्याच्या पोर्तुगाल संघाला घेऊन फिफा विश्वचषकातील पहिला सामना खेळणार आहे. यावेळी पोर्तुगाल संघासमोर घाना संघाचे आव्हान असणार असून या सामन्याकडे फुटबॉल प्रेमींचे लक्ष लागून राहिले आहे.

मंगळवारी मेस्सीच्या बलाढय अशा अर्जेंटिना संघाला सौदी अरेबियाकडून दारुण पराभव झाला होता. सौदी अरेबियाचा संघ अर्जेंटीनाला हरवू शकेल असे कोणालाही वाटले नव्हते. मात्र असे घडले आणि सौदी अरेबिया संघाने मेस्सीच्या अर्जेन्टिनाला २-१ ने मात दिली. त्यामुळे आता ख्रिस्तियानो रोनाल्डो स्पर्धेतील आपल्या संघाचे वर्चस्व कसे कायम ठेवतो हे पाहणं औसुक्याच ठरणार आहे. आज होणाऱ्या या सामन्याचा विचार केल्यास अर्थातच रोनाल्डोच्या पोर्तुगाल संघाचं पारडं जड आहे. सध्या फिफा क्रमवारीत पोर्तुगाल नवव्या क्रमांकावर आहे तर घानाचा संघ तब्बल ६१ व्या स्थानी आहे.

यंदाचा फिफा विश्वचषक ख्रिस्तियानो रोनाल्डोसाठी खूप महत्वाचा आहे. 37 वर्षीय रोनाल्डोचा हा या विश्वचषकानंतर निवृत्ती घेऊ शकतो अशी शक्यता वर्तवण्यात येत आहे. पोर्तुगाल संघातील रोनाल्डो सह बर्नार्डो सिल्वा (bernardo silva), ब्रुनो फर्नांडीस (bruno fernandes) या स्टार खेळाडूंच्या कामगिरीवर सर्वांची नजर असणार आहे.घानाकडे थॉमस पार्टी (thomas partey) आणि मोहम्मद कुदुससारखे (mohammed kudus) खेळाडू आहेत ज्यांनी युरोपियन क्लबसाठी चांगली कामगिरी केली आहे. त्यामुळे हा सामना अधिक रोमांचक ठरेल अशी अपेक्षा व्यक्त केली जात आहे.

कुठे पहाल सामना ?

आज रात्री ९:३० च्या दरम्यान हा सामना सुरु होणार आहे. दरम्यान Viacom-18 कडे भारतातील फिफा विश्वचषक 2022 चे प्रसारण हक्क आहेत. ज्यामुळे स्पोर्ट्स-18 आणि स्पोर्ट्स-18 एचडी चॅनेलवर सामन्यांचं थेट प्रक्षेपण केलं जाईल. तसंच VOOT Select आणि Jio TV वर सामन्यांचं लाईव्ह स्ट्रीमिंग पाहता येईल.

लंडन : फुटबॉल विश्वात सध्या अनेक उलटफेर सुरु आहेत. मंगळवारी झालेल्या फिफा विश्वचषकाच्या सामन्यात सौदी अरेबियाने मेस्सीच्या अर्जेंटिना संघाचा पराभव करून सर्वांनाच धक्का दिला होता. तर आता फुटबॉलमधील जगप्रसिद्ध खेळाडू ख्रिस्तियानो रोनाल्डोबद्दलही महत्वाची माहिती समोर येत आहे. रोनाल्डो याला मँचेस्टर युनायटेडने मुक्त केले आहे. त्यानंतर आता रोनाल्डो कोणत्या क्लबमध्ये जाणार याची चर्चा सुरु असून याचे उत्तर फिफा विश्वचषकाच्या शेवटीच मिळेल असे बोलले जात आहे.

काही दिवसांपूर्वीच ख्रिस्तियानो रोनाल्डोने एका मुलाखती दरम्यान मँचेस्टर युनायटेड क्लब विषयी नाराजी व्यक्त केली होती. यात रोनाल्डोने क्लबकडून आपला विश्वास घात झाल्याचे आणि क्लबमधील काही सदस्य त्याला संघातून बाहेर ठेऊ इच्छित असल्याचा गौप्यस्फोट केला होता. मँचेस्टरचे नवे व्यवस्थापक एरीक टेन हैग यांच्या सोबतही रोनाल्डोचे विशेष पटत नव्हते. रोनाल्डोने मँचेस्टरसाठी ३४६ सामने खेळत १४५ गोल केले होते.

मँचेस्टर युनायटेडसोबत परस्पर सामंजस्याने मी क्लब सोडण्यास तयार झालो आहे. क्लब आणि चाहत्यांचा मी नेहमीच आभारी राहीन. त्यांच्याविषयी असलेले माझे प्रेम कधीच कमी होणार नाही. पण नव्या आव्हानांचा शोध घेण्याची हीच योग्य वेळ असल्याचे वाटल्याने हा निर्णय घेतला असे ख्रिस्तियानो रोनाल्डो म्हणाला.

कतार मध्ये सुरु असलेल्या जगातील सर्वात मोठ्या फिफा विश्वचषक स्पर्धेत मोठे उलटफेर पहायला मिळत आहेत. जागतिक क्रमवारीत प्रथम स्थानावर असलेल्या बलाढ्य संघांना अनेक कमकुवत संघ धूळ चारत असून सामन्यांचे निकाल अनपेक्षित लागत आहेत. मंगळवारी सौदी अरेबियाने फुटबॉल मधील बलाढय संघ समजल्याजाणाऱ्या अर्जेंटिना संघाचा २-१ ने पराभव केला होता. या पराभवामुळे अर्जेंटीना आणि मेस्सीचे चाहते नाराज असले तरी सौदी अरेबियात मात्र हा विजय मोठ्या उत्साहात साजरा करण्यात आला. आपल्या संघाच्या कामगिरीवर खुश होऊन सौदी अरेबियाचे राजे सलमान यांनी बुधवारी देशातील सर्वच सरकारी, खाजगी कर्मचाऱ्यांना आणि देशातील विविध शैक्षणिक संस्थांना एक दिवसाची सुटी जाहीर केली होती.

[read_also content=”मेस्सीला धक्का! विश्वविजेत्या अर्जेंटिनाचा ४९व्या क्रमांकावरील सौदी अरेबियाकडून २-१ ने पराभव https://www.navarashtra.com/sports/messis-argentina-lost-2-1-to-saudi-arabia-347436.html”]

सलग ३६ आंतरराष्ट्रीय सामन्यांत अर्जेंटिनाचा संघ अपराजित राहिला होता. त्यामुळे सौदी अरेबियाचा फुटबॉल संघ त्यांना हरवू शकेल असे कोणालाही वाटत नव्हते. मात्र मंगळवारी झालेल्या सामन्यात जागतिक क्रमवारीत ५१ व्या स्थानावर असलेल्या सौदी अरेबिया संघाने त्यांचा पराभव केला. अशक्यप्राय वाटणारा विजय साकारल्याने सौदीच्या राजघराण्याने खुश होऊन बुधवारी देशाला एक दिवसाची सुटी दिली होती आणि आपल्या संघाचा विजय साजरा केला.

फिफा विश्वचषक २०२२ स्पर्धेत रोमांचक सामन्यांची मालिका सुरु झाली आहे. अर्जेंटिनाचा सौदी अरेबियाकडून धक्कादायक पराभव झाल्यानंतर बुधवारी तशाच प्रकारे जपान विरुद्ध जर्मनी यांच्यातील सामन्यात जपानने जर्मनीवर रोमहर्षक विजय मिळवला आहे. फीफा रँकिंगमध्ये ११ व्या स्थानी असणाऱ्या जर्मनीला २४ व्या स्थानावरील जपान संघाने धुळचारात सामना २-१ ने जिंकला आहे. त्यामुळे फुटबॉल विश्वात आता मोठे उलटफेर होताना दिसू लागले आहेत.

सामन्याचा विचार करता सामना सुरु होण्यापूर्वी जर्मनीचा यंदाचा स्कॉड पाहता ते सहज सामना जिंकतील असं वाटत होतं. त्यांनी सुरुवातीपासून चांगली पकड बनवली होती. सामन्यात तब्बल ७४ टक्के पजेशन जर्मनीकडे होतं. तर २६ टक्के पजेशनच्या जोरावर जपाननं दोन गोल करत सामनाही जिंकला. जर्मनीकडून इल्के गुंडोगन यानं ३३ व्या मिनिटाला पेनल्टीच्या मदतीनं पहिला गोल केला.

हाल्फ टाईमपर्यंत दोन्ही संघानी एकही गोल केला नाही. हाल्फ टाईमनंतरही दोन्ही संघाकडून प्रयत्न होत होते पण ते गोलमध्ये बदलत नव्हते. ७४ मिनिटं झाली तरी १-० स्कोर असल्याने जर्मनी जिंकणार असंच वाटत होतं. पण ७५ व्या मिनिटाला खेळाडूंनी जपानसाठी पहिला गोल करत सामन्यात बरोबरी साधली. ज्यानंतर मात्र जपाननं जोरदार आक्रमणं सुरु केली आणि ८३ व्या मिनिटाला जपानच्या टाकुमी मिनामिनो याने गोल करत जपानला २-१ अशी आघाडी मिळवून दिली. ज्यानंतर ९० मिनिटं होऊन अतिरिक्त वेळेतही जर्मनी गोल करु शकली नाही आणि त्यामुळे हा सामना जपानने २-१ ने जिंकला.

कतार येथे सुरु असलेल्या फिफा विश्वचषक २०२२ मध्ये स्पेन आणि कोस्टा रिका यांच्यात फ़ुटबॉलचा सामना पार पडला. या सामन्यात स्पेनच्या फुटबॉल संघाने विश्वचषकात धमाकेदार सुरुवात करून कोस्टा रिका संघाचा ७-० ने पराभव केला. या विजयासह स्पेननं फिफा विश्वचषकात तीन गुणांची कमाई केली असून या विश्वचषकातील स्पेनचे वजन चांगलेच वाढले आहे.

फिफाच्या जागतिक क्रमवारीत सहाव्या क्रमांकावर असलेल्या स्पेननं कोस्टा रिकाला सामन्याच्या सुरुवातीपासूनच गोल करण्याची एकही संधी दिली नाही. स्पेननं फर्स्ट हाफमध्येच तीन गोल केले. सामन्यातील पहिला गोल स्पेनच्या डॅनी ओल्मोनं (Dani Olmo) अकराव्या मिनिटालाच केला होता. यानंतर एकविसाव्या मिनिटाला दुसरा गोल डागला. स्पॅनिश खेळाडू मार्को एसेंसिओनंही (Marco Asensio) मिळवलं. त्यानंतर तिसरा गोलही स्पेनच्या फेरान टोरेसनं (Ferran Torres) ३१व्या मिनिटाला डागला आणि संघाला सामन्यात आघाडी मिळवून दिली.

सेकंड हाफमध्ये कोस्टा रिकाचा संघ काही खास कामगिरी करून दाखवेल असं वाटत होतं त्यांना ते शक्य झाले नाही. सेकंड हाफमध्येही स्पेनचा खेळाडू फेरान टोरेसने चौथा गोल केला. सामन्यातील त्याचा हा सलग दुसरा गोल ठरला. सामना संपायला काही मिनिटं शिल्लक असताना स्पेन संघाने आणखी तीन गोल केले. सामन्यात अतिरिक्त वेळ मिळाल्यावर, अल्वारो मोराटानं (Álvaro Morata) संघासाठी सातवा गोल केला. फिफा विश्वचषकातील पहिल्याच सामन्यात स्पेननं तब्बल ७ गोल डागत ऐतिहासिक विजय मिळवला.

नवी दिल्ली – फिफा विश्वचषकात मंगळवारी मोठा उलटफेर पहावयास मिळाला. त्यात विश्वचषकाचा प्रबळ दावेदार म्हणून पाहिल्या जाणाऱ्या अर्जेंटिनाचा ४९ व्या क्रमांकावर असणाऱ्या सौदी अरेबियाने २-१ असा धक्कादायक पराभव केला. या पराभवामुळे अर्जेंटिना ग्रुप-सी मध्ये शेवटच्या क्रमांकावर फेकल्या गेला आहे.

सौदी अरेबियाने दुसऱ्या हाफमध्ये आक्रमक खेळ करत २ गोल केले. पहिला गोल सामन्याच्या ४८ व्या मिनिटाला अल-शाहरानीलने डागला. त्यानंतर अवघ्या ५ मिनिटांत म्हणजे ५३ व्या मिनिटाला सलेम अल-दावसारीने दुसरा गोल केला. अर्जेंटिनाच्या लियोनल मेसीने १० व्या मिनिटाला पेनल्टीवर गोल केला होता. त्यानंतर त्याच्या संघाला एकही गोल करता आला नाही.

या पराभवामुळे अर्जेंटिनाचा सलग ३६ सामन्यांत विजयी होण्याची मालिका खंडीत झाली आहे. अर्जेंटिनाचे आतापर्यंत खेळण्यात आलेल्या ३६ सामन्यांपैकी २५ सामन्यांत विजय मिळवला होता. तर ११ सामने ड्रॉ झाले होते. आता २७ नोव्हेंबर रोजी अर्जेंटिनाचा सामना मेक्सिकोशी होईल. तर त्यानंतर ३० डिसेंबर रोजी तो पोलंडशी दोनहात करेल. सौदी अरेबियाचा विश्वचषकातील हा अवघा तिसरा विजय आहे.

कतार मध्ये सुरु असलेल्या फिफा विश्वचषक स्पर्धेत आज अर्जेंटिना विरुद्ध सौदी अरेबिया यांच्यात सामना रंगणार आहे. अर्जेंटिना संघाचे नेतृत्व करताना जगप्रसिद्ध फ़ुटबाँल खेळाडू लिओनल मेस्सी मैदानात उतरणार आहे. अर्जेंटिना संघ मागील अनेक काळापासून दमदार कामगिरीव करीत आहे. ते मागील ३६ सामन्यात विजय मिळवला असून यातील अनेक सामने त्यांनी एकतर्फी जिंकले आहेत. त्यामुळे सौदी अरेबिया विरुद्धच्या सामन्यात अर्जेंटिना संघाचं पारडं अधिक जड मानलं जात आहे.

यंदा विश्वचषक विजयाच्या दावेदारांमध्ये अर्जेंटिना आघाडीवर आहे. लिओनेल मेस्सीचाही हा शेवटचा विश्वचषक असल्याने जगभरातील मेस्सीचे चाहते यावेळी अर्जेंटिनाच्या विजयासाठी प्रार्थना करत आहेत. यासामन्यात अर्जेंटिनासाठी मेस्सी प्लेमेकरच्या भूमिकेत असणार आहे. त्याच्यासोबत एंजल डी मारिया, लिएंड्रो परेडेज आणि निकोलस ऑटोमेंडी या स्टार खेळाडूंवरही क्रीडा प्रेमींचे लक्ष असेल. तर सौदी अरेबियाचा संघ त्यांचा सेंटर बॅक खेळाडू अब्दुल्ला अल आमरी आणि लेफ्ट बॅक यासिर अल शाहरानी यांच्यावर अवलंबून असेल.

आजचा हा अर्जेंटिना विरुद्ध सौदी अरेबिया सामना भारतीय वेळेनुसार दुपारी ३:३० वाजता सुरु होणार आहे. दरम्यान Viacom-18 कडे भारतातील फिफा विश्वचषक 2022 चे प्रसारण हक्क आहेत. ज्यामुळे स्पोर्ट्स-18 आणि स्पोर्ट्स-18 एचडी चॅनेलवर सामन्यांचं थेट प्रक्षेपण केलं जाईल. तसंच VOOT Select आणि Jio TV वर सामन्यांचं लाईव्ह स्ट्रीमिंग पाहता येईल.

पोर्तुगालचा फुटबॉलपटू ख्रिस्टियानो रोनाल्डो हा जगातील महान फुटबॉलपटूंपैकी एक आहे. अशा या जगविख्यात रोनाल्डोने फ़ुटबाँलच्या मैदानावर विक्रमांचे डोंगर रचले आहे. रोनाल्डोने आता अजून एका विक्रमला गवसणी घातली आहे. मात्र यावेळी रोनाल्डोने फुटबॉलच्या मैदानावर नाही तर इंस्टाग्रामच्या मैदानावर हा विक्रम रचला आहे. ख्रिस्टियानो रोनाल्डो हा सोशल मीडियावर देखील बराच ऍक्टिव्ह असून त्याच्या इंस्टाग्राम अकाऊंटवर ५०० मिलियन फॉलोअर्सचा टप्पा पार केला आहे. इतके फॉलोअर्स असलेला तो जगातील पहिला व्यक्ती आहे.

रोनाल्डोने इंस्टाग्रामवर ५०० मिलियन म्हणजेच ५० कोटीं फॉलोअर्सचा टप्पा पार केला आहे. इंस्टाग्रामवर ५० कोटी फॉलोअर्स असलेला रोनाल्डो हा जगातील पहिला क्रीडापटू ठरला आहे. इंस्टाग्रामशिवाय रोनाल्डोचे ट्विटवर १०.५ कोटी व फेसबूकवर १५.४ कोटी फॉलोअर्स आहेत.

 

View this post on Instagram

 

A post shared by Cristiano Ronaldo (@cristiano)

ख्रिस्टियानो रोनाल्डो इन्स्टाग्रामवरील एका पोस्टसाठी १९.७१ कोटी रूपये घेतो . रोनाल्डोला ५०० मिलियन लोक फॉलो करीत असले तरी रोनाल्डो मात्र केवळ ५२३ लोकांनाच फॉलो करतो. फुटबॉल जगतात त्याचा कट्टर प्रतिस्पर्धी सजमला जाणारा अर्जेंटिनाचा लिओनेल मेस्सीचे ३७६ दशलक्ष फॉलोअर्स आहेत तर भारतीय क्रिकेट संघाचा सर्वोत्तम फलंदाज विराट कोहलीचे इंस्टाग्रामवर २२४ मिलियन फॉलोअर्स आहेत.

कतार येथे सुरु असलेल्या फिफा विश्वचषक स्पर्धेत दुसऱ्या दिवशी नेदरलँड विरुद्ध सेनेगल यांच्यात फुटबॉलचा सामना खेळवण्यात आला. या सामन्यात नेदरलँड संघाने सेनेगलवर २-० असा विजय मिळवून स[स्पर्धेतील पहिला सामना खिशात घातला. अतिशय रोमांचक सामन्यात पहिली ८५ मिनिटं दोन्ही संघांना एकही गोल करता आला नाही. मात्र त्यानंतर नेदरलँड संघाने तीन गोल करून आघाडी घेतली. सेनेगलच्या संघाने देखील यासामन्यात अतिशय झुंज दिली मात्र त्यांना कडवी झुंज दिली सेनेगलविरोधात दोन गोल करून नेदरलँडने विजय मिळवला.

सेनेगलचा संघ सामन्याच्या सुरुवातीपासूनच आक्रमक दिसत होता. सामन्याच्या पहिल्याच मिनिटात गोल डागण्याचा सेनेगलचा प्रयत्न हुकला. पण त्यानंतर मिळालेल्या कॉर्नर किकवरही सेनेगल काही करू शकला नाही. पहिल्या १५ मिनिटांमध्ये सामन्यात सेनेगलचं वर्चस्व दिसलं. या वेळेत सेनेगलनं फ्री किक्सही मिळवल्या, पण त्यांचा फारसा उपयोग झाला नाही. त्यानंतर नेदरलँड्सनं दोन प्रयत्न केले, पण दोन्ही प्रयत्न अपयशी ठरले. सामन्याच्या २७ व्या मिनिटाला व्हर्जिल व्हॅन डायकच्या हेडरनं नेदरलँड्स गोलच्या जवळ पोहोचला, पण हा प्रयत्नही हुकला.

सेकेंड हाफमध्ये सुमारे ४० मिनिटांच्या खेळात दोन्ही संघांनी गोल करण्याचा सातत्यानं प्रयत्न केला, मात्र त्यांना यश आलं नाही. नेदरलँड्सच्या विजयाचं श्रेय काही प्रमाणात त्यांच्या गोलरक्षकाला जाते. सेनेगलचा प्रयत्न धुळीस मिळवण्यात त्यानं महत्त्वाची भूमिका बजावली. नेदरलँडच्या गोलरक्षकानं दोन उत्कृष्ट सेव्ह केले नाहीतर सेनेगलला सामन्यात सहज आघाडी मिळाली असती. नेदरलँड्सनं अखेर ८५ व्या मिनिटाला डाव साधत सामन्यात आघाडी घेतली. सामन्याची वेळ संपल्यानंतर आठ मिनिटांचा अतिरिक्त वेळ जोडण्यात आला. ज्यामध्ये सेनेगलकडे स्कोअर बरोबरीत आणण्याची संधी होती. सेनेगल संघाने प्रयत्न केला मात्र तो अयशस्वी ठरला.

कतारमध्ये सुरु असलेल्या फिफा विश्वचषक स्पर्धेत सोमवारी इंग्लंड विरुद्ध इराण (England vs Iran) यांच्यात झालेल्या सामन्यात इंग्लंड संघाने विजय मिळवला. इंग्लंड संघ सुरुवातीपासूनच चांगल्या फॉर्मात असल्याने सामन्यात इंग्लंड संघाचे पारडे जड होते. प्रत्यक्ष सामन्यातही इंग्लंडने दमदार खेळाचे प्रदर्शन करत ६-२ अशा मोठ्या फरकाने इराणवर मात केली.

विश्वचषक स्पर्धेत इंग्लंडने १६ व्या वेळेस स्पर्धेत सहभाग मिळवला आहे. तर इराणचा संघ सहाव्यांदा स्पर्धेत सहभागी होत आहे. विशेष म्हणजे हे दोघेही पहिल्यांदाच मैदानात एकमेंकाविरुद्ध आमने-सामने आले होते. दरम्यान सामना इंग्लंडने जिंकल्याने हेड टू हेड रेकॉर्डमध्ये इंग्लंड १-० ने आघाडीवर पोहोचला आहे. सामन्यात ३५ व्या मिनिटाला जुड बेलिंगहमने गोल करत संघाचं खातं उघडलं. त्यानंतर ४३ व्या मिनिटाला साकाने गोल केला तर रहीम स्टर्लिंगने हाल्फ टाईमनंतर मिळालेल्या एक्स्ट्रा वेळेत गोल केल्यामुळे हाल्फ टाईमपूर्वी ३-० ची मोठी आघाडी घेतली.

हाल्फ टाईमनंतर ६५ व्या मिनिटाला इराणच्या मेहदी तरेमीने गोल केला. पण इराण आघाडी वाढवण्याचा प्रयत्न करणार तोवरच ७१ स्टार खेळाडू मार्कस रॅशफोर्डने गोल करत इंग्लंडची आघाडी वाढवली. ८९ व्या मिनिटाला जॅक ग्रेयलिशने आणखी एक गोल करत इंग्लंडने आघाडी घेत तब्बल ६ गोल केले. ज्यानंतर एक्स्ट्रा टाईममध्ये इराणकडून मेहदी तरेमीने पेनल्टीवर गोल केल्यामुळे इराणने ६-२ अशा फरकाने सामना गमावला. या विजयासह इंग्लंड संघाने ग्रुप ब मध्ये पहिला विजय मिळवत अव्वल स्थान मिळवलं आहे

कतार येथे जगातील सर्वात मोठी फुटबॉल स्पर्धा असणाऱ्या फिफा विश्वचषक स्पर्धेला काल पासून सुरुवात झाली आहे. रविवारी २० नोव्हेंबर रोजी स्पर्धेचा पहिला सामना यजमान कतार विरुद्ध इक्वेडोर त्यांच्यात खेळवण्यात आला. अल बायत स्टेडियममध्येहा सामना खेळवण्यात आला असून विश्वचषकातील पहिला सामना पाहण्यासाठी प्रेक्षकांची तुफान गर्दी होती. तर कतार येथे प्रत्यक्ष उपस्थित न राहू शकलेल्या फुटबॉल चाहत्यांनी हा सामना ओटीटी प्लॅटफॉर्म, टीव्ही तसेच जिओ टीव्ही इत्यादींच्या माध्यमातून पाहिला मुकेश अंबानींच्या मालकीच्या ‘रिलायन्स इंडस्ट्रीज’ कंपनीच्या ‘जिओ’ सिनेमा या मोफत अ‍ॅपवरुन थेट प्रक्षेपित करण्यात आला.

वेबसाईटवरही हा सामना मोफत दाखवण्यात आला. मात्र मोठ्या संख्येने हा सामना पाहण्यासाठी फुटबॉल चाहत्यांना या अ‍ॅप आणि वेबसाईटचा वापर केल्याने लाइव्ह स्ट्रीमींगचा दर्जा घसरल्याचं आणि अनेक तांत्रिक अडचणींचा वेगळाच सामना चाहत्यांना करावा लागाला. यासंदर्भात चाहत्यांनी सोशल मीडियावरुन थेट नाराजी व्यक्त करत रिलायन्स ‘जिओ’कडे आपली नाराजी व्यक्त केली आहे.

वेगवान इंटरनेट कनेक्शन असलेल्यांनाही हे सामने लाइव्ह पाहताना अडचणी आल्या अनेक चाहत्यांनी ट्विटरवरुन यासंदर्भातील नाराजी व्यक्त केली आहे. विश्वचषक पाहण्याचा सर्व उत्साह या गोंधळामुळे मावळल्याचं सांगत अनेकांनी या सेवेबद्दल नाराजी व्यक्त केली. ‘जिओ’नेही ट्वीटरवरुन या तक्रारींची दखल घेतल्याचं ट्विटरवर दिसून आलं. आमची टीम या तांत्रिक अडचणीवर काम करत असून बफरींगसंदर्भातील समस्या सोडवत आहोत असं सामना सुरु असताना पोस्ट केलं होतं. ‘जिओ’ने ट्विटरवरुन “प्रिय जिओसिनेमा चाहत्यांनो, तुम्हाला सामन्याचा आनंद घेता यावा म्हणून आम्ही सतत प्रयत्न करत आहोत. तुम्ही तुमचं अ‍ॅप अपडेट करुन फिफा विश्वचषक कतार २०२२ चा आनंद गेऊ शकता. तुम्हाला झालेल्या त्रासाबद्दल क्षमस्व,” अशी पोस्ट केली.

२० नोव्हेंबर पासून फिफा विश्वचषक स्पर्धेला सुरुवात झाली असून आज स्पर्धेच्या दुसऱ्या दिवशी इंग्लंड संघाचा सामना इराण संघाशी होणार आहे.इंग्लंड संघाचा फॉर्म पाहता इराणला आज विजयासाठी अतिशय उत्तम खेळ दाखवावा लागणार असून यासामन्यात इंग्लंड संघाचं पारडं अधिक जड मानलं जात आहे. विश्वचषक स्पर्धेचा विचार करता इंग्लंड १६ व्या वेळेस स्पर्धेत सहभागी होत आहेत. तर इरण संघ जा ६ व्यांदा स्पर्धेत सहभागी होत आहे. दोघेही पहिल्यांदाच मैदानात एकमेंकाविरुद्ध भिडणार असल्याने सामना पाहणं हे फुटबॉल प्रेक्षकांसाठी औत्सुक्याचं ठरणार आहे.

इंग्लंड संघाचा विचार करता सर्वांच लक्ष त्यांचा कर्णधार हॅरी केनवर असेल. त्याने पात्रता फेरीच्या सामन्यात तब्बल १२ गोल मारले आहेत. याशिवाय युवा फिल फोडेन यानेही बरेच असिस्ट केले आहेत. तर स्टर्लिंगवरही सर्वांच्या नजरा असतील. इराण संघात मेहदी तरेमी याने ५ गोल पात्रता फेरीत केल्याने तो त्यांचा महत्त्वाचा खेळाडू असेल. तर अली घोलीजादेह, होसेन कनान यांच्याकडूनही संघाला बऱ्याच अपेक्षा आहेत.

येथे पहा सामना :
आजचा हा इंग्लंड विरुद्ध इराण सामना भारतीय वेळेनुसार सायंकाळी ६ :३० मिनिटांनी सुरु होणर आहे. दरम्यान Viacom-18 कडे भारतातील FIFA विश्वचषक २०२२ चे प्रसारण हक्क आहेत. ज्यामुळे स्पोर्ट्स-१८ आणि स्पोर्ट्स-१८ एचडी चॅनेलवर सामन्यांचं थेट प्रक्षेपण केलं जाईल. तसंच VOOT Select आणि Jio TV वर सामन्यांचं लाईव्ह स्ट्रीमिंग पाहता येणार आहे.

कतार येथे २० नोव्हेंबर रोजी फिफा विश्वचषकाला सुरुवात झाली आहे. फिफा २०२२ चा नेत्रदीपक सोहळा काल पारपडला असून या सोहळ्यानंतर इक्वॉडोर विरुद्ध कतार या दोन संघात सामना पारपडला. या सामन्यात इक्वाडोरनं कतारवर दमदार मात करून फिफा २०२२ ची विजयी सुरुवात केली. पहिल्या सामन्यात इक्वाडोरने २-० अशी आघाडी घेऊन कतार संघाचा पराभव केला.

इक्वॉडोर विरुद्ध कतार सामन्याच्या तिसऱ्याच मिनिटाला इक्वाडोरनं गोल डागत कतारवर दबाव टाकण्याचा प्रयत्न केला. पण रेफरीनं VAR द्वारे गोल रद्द झाल्याचं घोषित केलं. हा गोल व्हॅलेन्सियानं केला होता. त्यानंतर याच सामन्याच्या १६व्या मिनिटाला पेनल्टी कॉर्नरचं गोलमध्ये रूपांतर करत संघाला १-० अशी आघाडी मिळवून दिली. ३१ व्या मिनिटाला व्हॅलेन्सियानं शानदार हेडर करत संघाला २-० अशी आघाडी मिळवून दिली. एनर व्हॅलेन्सियाने इक्वाडोरसाठी दोन्ही गोल केले आणि आपल्या संघाला सामना जिंकून देण्यात महत्त्वाची भूमिका बजावली. यासह व्हॅलेन्सिया विश्वचषकात चार गोल करणारा इक्वाडोरचा पहिला खेळाडू ठरला आहे.

मुंबई : आजपासून जगातील सर्वात मोठ्या फुटबॉल विश्वचषक स्पर्धेला सुरुवात होणार आहे. या स्पर्धेत जगाच्या कान्याकोपऱ्यातील अनेक देशांचे संघ एकमेकांशी फुटबॉलच्या मैदानावर भिडणार असून याची उत्सुकता आता फुटबॉल चाहत्यांना लागली आहे. प्रथमच कतार मध्ये यावर्षीची फिफा विश्वचषक स्पर्धा खेळवण्यात येणार आहे.

जगातील या सर्वात मोठ्या क्रीडा आयोजनात फिफाने महाराष्ट्राच्या नागपूरचे फुटबॉल प्रशिक्षक विजय बारसे यांची आठवण आवर्जून ठेवली आहे. स्लम सॉकरच्या माध्यमातून झोपडपट्टीतील मुलांना फुटबॉलपटू बनवण्याच काम गेले अनेक दशकं विजय  बारसे यांनी केलं आहे. अमिताभ बच्चन यांच्या झुंड चित्रपटाच्या माध्यमातून विजय बारसे यांची कहाणी सर्वांनी पाहिलीच आहे. आता फिफा ने विजय बारसे यांच्या कार्याची आठवण ठेऊन त्यांच्या एका शिष्याला विश्वचषक पाहण्यासाठी थेट कतारला येण्याचे आमंत्रण दिल आहे.

स्लम सॉकरच्या माध्यमातून फुटबॉलपटू बनलेला शुभम पाटील हा तरुण विजय बारसे यांच्या स्लम सॉकर चा प्रतिनिधित्व करत फिफा विश्वचषक पाहण्यासाठी कतारला गेला आहे. ”जरी फुटबॉल विश्वचषकाच आयोजन करणारी फिफा जगातील एकश्रीमंत संघटना असली, तरी फुटबॉल मुळात गरीबांचा खेळ आहे आणि फुटबॉलचा सर्वात मोठं आयोजन करताना फिफाने स्लम सॉकर खेळणाऱ्या गरीब मुलांची आठवण ठेवली आहे. हेच महत्त्वाचे आहे,” असे मत विजय बारसे यांनी व्यक्त केलं आहे. शुभम पाटील अत्यंत गरीब घरातून आला असून फुटबॉलच्या माध्यमातून त्याने आपले जीवन नव्याने उभारले आहे. आता तो विश्वचषक पाहण्यासाठी कतारला जाणार असून ही त्याच्यासह सर्वच भारतीयांसाठी अभिमानाची गोष्ट आहे.

जगातील सर्वात मोठी फुटबॉल स्पर्धा असणाऱ्या फिफा विश्वचषक स्पर्धेला आज २० नोव्हेंबर पासून सुरुवात होणार आहे. कतारमध्ये (Qatar) प्रथमच ही स्पर्धा होणार आहे. मात्र फिफा विश्वचषकापूर्वी कतार सरकारनं काही विचित्र नियमावली तयार केली असून ज्याचे पालन न केल्यास संबंधित व्यक्तीला तुरूंगात जावं लागणार आहे. कतार सरकारच्या नियमांमुळं खेळाडू आणि प्रेक्षकांसह सर्वानाच अनेक समस्यांचा सामना करावा लागू शकतो.

महिलांसाठी हे आहेत नियम :

इस्लामिक देश असल्यानं कतारमधील प्रत्येक महिला चाहत्यांना त्यांच्या शरीराचा वरचा भाग झाकून ठेवावा लागणार आहे. तसेच, त्यांना गुडघ्यापेक्षा वरचे कपडे घालण्याची परवानगी दिली जाणार नाही. कतारमध्ये सर्व महिला चाहत्यांना कोणत्याही प्रकारचे घट्ट कपडे घालण्यावर पूर्णपणे बंदी आहे.

पुरुषांसाठीचे नियम :

कतारमध्ये महिला चाहत्यांसह तसेच पुरुष चाहत्यांवरही अनेक बंधनं लावली गेली आहेत. चाहत्यांना स्टेडियममध्ये शर्ट काढण्याची परवानगी नाही. पुरुषांना लांब कार्गो पॅंट आणि त्यांचे गुडघे झाकणारे हलके चिनोज घालण्याची परवानगी देण्यात आलीय.

मद्यपान करण्यावर बंदी :

कतारमध्ये मद्यपानावर बंदी घालण्यात आली आहे. परंतु या स्पर्धेच्या पार्श्वभूमीवर सरकारनं विविध ठिकाणी फॅन झोन तयार केले आहेत. चाहते फक्त या ठिकाणी दारू खरेदी करू शकतात आणि पिऊ शकतात. सार्वजनिक ठिकाणी दारू सेवन करण्यास मनाई आहे. याशिवाय, पत्नी आणि पती व्यतिरिक्त इतर कोणत्याही स्त्री किंवा पुरुषाशी संबंध ठेवण्यास देखील मनाई आहे. कतारमध्ये समलैंगिकता हा गुन्हा आहे. अशा गुन्ह्यांसाठी परदेशी नागरिकांना सात वर्षांचा तुरुंगवासही होऊ शकतो.

जगातील सर्वात मोठी फ़ुटबाँल स्पर्धा असलेली फिफा विश्वचषक ही स्पर्धा येत्या २० नोव्हेंबर पासून सुरु होत आहे. यंदा ही स्पर्धा कतार येथे होणार असून रविवारी त्याचा उदघाटन सोहोळा मोठ्या उत्साहात पारपडणार आहे. फिफा विश्वचषक २०२२ या स्पर्धेच्या उदघाटन प्रसंगी कोरियन बँड ( K-pop Band ) बीटीएस ( BTS) मधील सदस्य जंगकूक हा परफॉर्म करणार आहे. याबाबत बीटीएसने त्यांच्या अधिकृत सोशल मीडिया अकाऊंटवरून एक निवेदन जारी केले आहे. त्यामुळे फुटबॉल रसिकांसह बीटीएस चाहत्यांचा उत्साह द्विगुणित झाला आहे.

बीटीएस सदस्य जंगकूक फिफामध्येही आपल्या गायकी आणि सादरीकरणाची जादू पसरवणार असून २० नोव्हेंबर रोजी रात्री ८:३० वाजल्यापासून भारतीय प्रेक्षकांना फिफा विश्वचषक उद्घाटन सोहळा पाहता येणार आहे. जंगकूक शिवाय फिफा ओपनिंग सेरेमनीला शकीरा, नोरा फतेही आणि दुआ लिपा देखील परफॉर्म करणार आहेत.

कोण आहेत BTS?
BTS हा एक दक्षिण कोरियाई (Republic of Korea) म्युझिकल बॉय बँड ग्रुप (Kpop Boy Band) आहे. बीटीएस (BTS) म्हणजेच बांगतान बॉईज् (Bangtan Sonyeondan or Beyond the Scene) हा दक्षिण कोरियातील सुप्रसिद्ध बँड आहे. या बँडने कोरियन संगीत आणि कोरियन पॉप (K Pop) संस्कृतीला जागतिक स्तरावर पोहोचवलं आहे. या बँडमध्ये सात सदस्य आहेत. त्यांची नावं किम सोकजिन (Jin Aka Kim Seok-Jin), मिन युंगी (Suga Aka Min Yoongi), जंग होसोक (J Hope Aka Jung Ho-seok), किम नामजून (RM Aka Kim Nam-Joon), पार्क जीमिन (Jimin Aka Park Jimin), किम तेह्युंग (V – Kim Tae-Hyung), आणि जीओन जंगकूक (Jungkook Aka Jeon Jung-kook) अशी आहेत..

जगातील सर्वात मोठी फुटबॉल स्पर्धा असलेल्या फिफा विश्वचषक २०२२ या स्पर्धेला २० नोव्हेंबर पासून सुरुवात होणार आहे. या स्पर्धेत जगभरातील ३२ संघ सहभागी होणार असून त्यांना आठ ग्रुपमध्ये विभागलं गेलं आहे. हा विश्वचषक कतार मध्ये रंगणार आहे. तर या स्पर्धेतील पहिला सामना कतार आणि इक्वाडोर (Qatar v Ecuador) यांच्यात होणार आहे. या फिफा विश्वचषकाचा फायनल सामना १८ डिसेंबर रोजी खेळला जाणार आहे.

फिफा विश्वचषक स्पर्धेत २० नोव्हेंबरपासून ते २ डिसेंबरपर्यंत एकूण ४८ ग्रुप सामने खेळले जाणार आहेत. प्रत्येक ग्रुपमधील दोन अव्वल संघाला राऊंड ऑफ १६ मध्ये प्रवेश करता येणार आहे. त्यानंतर ३ डिसेंबरपासून नॉकआऊट सामने खेळले जातील, त्यानंतर आघाडीवर असलेल्या संघांचा क्वार्टर फायनल आणि फायनलचा मध्ये जाण्याचा प्रवास सुरु होईल. या संपूर्ण स्पर्धेत एकूण ६४ सामने खळले जाणार आहेत.

फिफा विश्वचषक २०२२ मधील ग्रुप
ग्रुप-ए: कतार, इक्वेडोर, सेनेगल, नेदरलँड
ग्रुप-बी: इंग्लंड, इराण, अमेरिका, वेल्स
ग्रुप-सी: अर्जेंटिना, सौदी अरेबिया, मेक्सिको, पोलंड
ग्रुप-डी: फ्रान्स, ऑस्ट्रेलिया, डेन्मार्क, ट्युनिशिया
ग्रुप-ई: स्पेन, कोस्टारिका, जर्मनी, जपान
ग्रुप-एफ: बेल्जियम, कॅनडा, मोरोक्को, क्रोएशिया
ग्रुप-जी: ब्राझील, सर्बिया, स्वित्झर्लंड, कॅमेरून
ग्रुप-एच: पोर्तुगाल, घाना, उरुग्वे, कोरिया रिपब्लिक.

जगातील सर्वात लोकप्रिय खेळांपैकी एक असणाऱ्या फ़ुटबाँल या खेळाची विश्वचषक स्पर्धा आता काहीच दिवसात सुरु होणार आहे. २० नोव्हेंबर पासून फिफा वर्ल्डकपचे बिगुल वाजणार असून यंदाचा फुटबॉल विश्वचषक कतार येथे रंगणार आहे. २० नोव्हेंबर ते १८ डिसेंबर या कालावधीत ही स्पर्धा पार पडणार असून दररोज या स्पर्धेतील पहिला सामना रात्री 9.30 वाजता कतार आणि इक्वेडोर यांच्यात होणार आहे.

येथे पाहता येणार सामने :

फिफा वर्ल्डकपचे सर्व सामने कतारच्या वेगवेगळ्या आठ स्टेडियममध्ये खेळवले जातील. संपूर्ण विश्वचषकात ६४ सामने होणार आहेत. अंतिम-४ मध्ये पोहोचणारे संघ ७-७ सामने खेळतील. Viacom-18 कडे भारतातील FIFA विश्वचषक 2022 चे प्रसारण हक्क आहेत. ज्यामुळे स्पोर्ट्स-18 आणि स्पोर्ट्स-18 एचडी चॅनेलवर सामन्यांचं थेट प्रक्षेपण केलं जाईल. तसंच VOOT Select आणि Jio TV वर सामन्यांचं लाईव्ह स्ट्रीमिंग पाहता येईल.

असे असेल वेळापत्रक :
ग्रुप स्टेजचे सामने २० नोव्हेंबर ते २ डिसेंबर दरम्यान खेळवले जातील. पहिल्या दिवशी एक आणि त्यानंतर दररोज दोन ते चार सामने होतील. ३ ते ६ डिसेंबर दरम्यान राऊंड ऑफ-१६ चे सामने होणार आहेत. त्यानंतर ९ आणि १० डिसेंबरला उपांत्यपूर्व फेरी, १३ आणि १४ डिसेंबरला उपांत्य फेरी, १७ डिसेंबरला तिसऱ्या क्रमांकाची लढत आणि १८ डिसेंबरला अंतिम फेरी होईल. या सर्व सामन्यांसाठी 5 वेगवेगळ्या वेळा निश्चित करण्यात आल्या आहेत. सामने भारतीय वेळेनुसार रात्री ८:३०, ९:३०, 1१२:३०, दुपारी ३:३० आणि सायंकाळी ६: ३० वाजता सुरू होतील.

हे संघ असणार सहभागी :

ग्रुप A : कतार, इक्वेडोर, सेनेगल, नेदरलँड
ग्रुप B : इंग्लंड, इराण, अमेरिका, वेल्स
ग्रुप C : अर्जेंटिना, सौदी अरेबिया, मेक्सिको, पोलंड
ग्रुप D : फ्रान्स, ऑस्ट्रेलिया, डेन्मार्क, ट्युनिशिया
ग्रुप E: स्पेन, कोस्टा रिका, जर्मनी, जपान
ग्रुप F: बेल्जियम, कॅनडा, मोरोक्को, क्रोएशिया
ग्रुप G : ब्राझील, सर्बिया, स्वित्झर्लंड, कॅमेरून
ग्रुप H: पोर्तुगाल, घाना, उरुग्वे, कोरिया प्रजासत्ताक

इराकची राजधानी बगदादमध्ये फुटबॉल स्टेडियमजवळ भीषण स्फोट झाल्याची घटना घडली आहे. या दुर्घटनेत १० जणांचा मृत्यू झाला असून २० हून अधिक जण जखमी झाली आहेत.

बगदादमधील फुटबॉल स्टेडियम मध्ये फ़ुटबाँलचा खेळ सुरु असताना हा स्फोट झाल्याची माहिती आहे. त्यामुळे मृत आणि जखमींमध्ये फुटबॉल खेळणाऱ्या खेळाडूंचा समावेश आहे. रिपोर्टनुसार, स्टेडियमजवळ उभ्या असलेल्या गॅस टँकरमध्ये  हा स्फोट झाला. स्फोट इतका जोरदार होता की, आजूबाजूच्या घरांच्या खिडक्या आणि दरवाजे हादरू लागले. तसेच घटनास्थळाजवळ उभ्या असलेल्या अनेक वाहनांचंही नुकसान झाल आहे.

Iraq | At least eight people killed, over 20 wounded in an explosion in east Baghdad near a football stadium & a cafe. Cause of the explosion still unknown, reports Reuters

— ANI (@ANI) October 29, 2022

इराकचे राष्ट्राध्यक्ष अब्दुल लतीफ रशीद यांनी या घटनेच्या चौकशीचे आदेश दिले असून या दुर्घटनेला जबाबदार असणाऱ्यांना शिक्षा करण्याचे देखील आदेश देण्यात आले आहेत.

कतार पश्चिम आशियातील एक तेलसमृद्ध देश. आकाराने केवळ बारा हजार वर्ग किलोमीटर, म्हणजे आपल्या पुणे जिल्ह्याच्या क्षेत्रफळापेक्षाही कमी. लोकसंख्या २९ लाख. यातील स्थानिक अरब अवघे चार लाख. बाकी सर्व इतर देशातून आलेले लोक. यात भारत, पाकिस्तान, बांगलादेश, फिलिपिन्स, नेपाळ, इजिप्त या देशातील कामकरी लोकांची संख्या अधिक.

प्रदेश प्रामुख्याने वाळवंटी, त्यामुळे शेती किंवा इतर उद्योगधंद्यांचे प्रमाण तुलनेने अगदीच कमी. देशात राजेशाहीपद्धत पण आर्थिक सुबत्ता असल्याने स्थानिक लोकांना ही पद्धत फारशी न बोचणारी. तेल आणि नैसर्गिक वायूच्या निर्यातीतून मिळणारे उत्पन्न इतकं प्रचंड की कतारचं प्रतिमाणशी उत्पन्न अनेक युरोपीय देशांपेक्षाही जास्त. (अमेरिकेच्या दुप्पट तर स्वित्झर्लंडच्या दीडपट).

यावर्षी २० नोव्हेंबर रोजी सुरू होणाऱ्या फुटबॉल विश्वचषक सामन्यांचे यजमानपद कतारकडे आहे. आजवरच्या इतिहासात एका अरब देशानं आंतरराष्ट्रीय पातळीवरच्या एका मोठ्या कार्यक्रमाचे आयोजन करण्याची कदाचित ही पहिलीच वेळ.

भारतात ज्याप्रमाणे क्रिकेटचा चाहता वर्ग मोठा आहे, तसा युरोपीय, लॅटिन अमेरिकन देशांमध्ये फुटबॉलला मिळणारा प्रतिसाद प्रचंड मोठा असतो. फुटबॉल विश्वचषक स्पर्धेला त्यात मानाचे स्थान. विश्वचषक स्पर्धेचे आयोजन करायला मिळावं यासाठी देशादेशांमध्ये स्पर्धा लागलेली असते. एखाद्या देशाची निवड झाल्यावर विश्वचषकासाठी करावी लागणारी तयारी खूपच मोठी. यासाठी सुमारे १२ वर्षे आधीच अशी निवड जाहीर केली जाते. २०२२ च्या विश्वचषकासाठी कतारचे नाव २०१० मध्ये जाहीर करण्यात आले होते.

विश्वचषकाची तयारी

विश्वचषकासाठी निवड झाली त्यावेळी कतार मध्ये असणाऱ्या पायाभूत सोयी सुविधा मोठ्या प्रमाणावर येणाऱ्या प्रवाशांना सामावून घेण्यासाठी अगदीच अपुऱ्या होत्या. सामन्यांसाठी लागणारी मैदाने, प्रवाशांना राहण्याची सोय, फिरायसाठी वाहने, रस्ते, रेल्वे, मेट्रो लाईन, विमानतळ या सुविधांचा मोठ्या प्रमाणावर विस्तार करणे ही प्राथमिक गरज होती. वाळवंटी प्रदेशात इतक्या प्रचंड जनसंख्येसाठी लागणारे पाणी उपलब्ध करणं हेही तितकंच अवघड पण कतारनं शिवधनुष्य उचलायचं ठरवलं होतं आणि मग सुरू झाली एक स्पर्धा काळाबरोबर. कारण पायाभूत सुविधा उभ्या करणं हे अत्यंत वेळ काढू काम होतं.

२०१० साली कतारमध्ये होते अवघे एकच मैदान. आज आठ सुसज्ज मैदानं उभी करण्यात आली आहेत. वाळवंटातील तापमान उन्हाळ्यात ५० डिग्री सेल्सिअस पर्यंत पोहचते. साहजिकच अशा वातावरणात स्पर्धा घेता येणार नव्हत्या. त्यामुळे इतर वेळी जून-जुलैमध्ये होणाऱ्या स्पर्धा नोव्हेंबर- डिसेंबरमध्ये घेण्याचे ठरलं. या काळात तापमान साधारण २1 ते २४ डिग्री राहत असल्याने या काळात खेळासाठी वातावरण अनुकूल असतं. इतकं असूनही आठही मैदानांमध्ये वातानुकूलनाची व्यवस्था करण्यात आली आहे.

२५ हजार प्रेक्षकांची बसण्याची सुविधा असलेल्या मैदानासाठी असलेली वातानुकूलन यंत्रणा कितीतरी मोठी आणि यासाठी लागणारी वीज ही प्रचंड. वीज निर्मितीसाठी सौर यंत्रणा उभी करण्यात आली आहे. या मैदानांना अरबी संस्कृतीतील वस्तूंचे अथवा चिन्हांचे आकार देण्यात आले आहेत. काही मैदाने मुव्हेबल म्हणजे एका ठिकाणाहून दुसरीकडे नेण्यासारखी बनवली आहेत असं सांगितलं जातं. जसं एकदा विश्वचषक पार पडल्यावर इथे प्रेक्षकांना बसण्यासाठी केलेली व्यवस्था नंतर तितकीशी वापरली जाणार नाही त्यामुळे प्रेक्षागारातल्या सुमारे सव्वा लाख खुर्च्या तिसऱ्या जगातील देशांना मदत म्हणून दिल्या जाणार आहेत. ९७४ नावाचा मैदान बनलंय तेवढ्या संख्येच्या कंटेनरचा वापर करून. हे कंटेनर्स ही नंतर इतरत्र पाठवता येतील.

विश्वचषकाचा शेवटचा सामना होणार आहे लूसैल शहरात. २०१० पूर्वी मच्छीमारांची वस्ती असलेले हे छोटसं गाव होतं. आज इथं एक प्रचंड मोठं शहरच बांधण्यात आलं आहे. स्टेडियम व्यतिरिक्त निवासी, औद्योगिक, कार्यालयीन भाग करण्यात आले. पर्यटन आणि मनोरंजनासाठी स्वतंत्र भाग आहेच. ४५ अब्ज डॉलर इतका प्रचंड खर्च करून हे शहर बांधले असे म्हणतात. पाकिस्तान, श्रीलंका किंवा बांगलादेशासारख्या काही कोटींची लोकसंख्या असणाऱ्या देशाला ४५ अब्ज डॉलर्सची रक्कम आर्थिक गर्तेतून सहजी बाहेर काढू शकते.

इथे कतारने एक नवं शहर बांधण्यासाठी एवढी मोठी रक्कम खर्च केली आहे. यावरून येथे पुरवल्या जाणाऱ्या अत्याधुनिक सोयी सुविधां विषयीची कल्पना येईल. एकूण विश्वचषकासाठी २२५ अब्ज डॉलर्सचा खर्च झालाय. ही रक्कम भारताकडे असलेल्या परकीय गंगाजळीच्या सुमारे 35 टक्के झाली. असो. वेगवेगळी मैदानं आणि शहरं जोडण्यासाठी मेट्रोचे जाळं तयार आहेच तर काही ठिकाणी ट्रामचीही व्यवस्था. रस्त्यांची कामं मोठ्या प्रमाणावर झाली आहेत. याशिवाय विमानतळांचा विस्तार करण्यात आलाय.

विश्वचषकाला विरोध

फुटबॉलचे सामने फ्रान्समध्ये सार्वजनिक ठिकाणी मोठ्या पडद्यावर दाखवले जातात. एकाच वेळी शेकडो रसिक सामन्यांचा आनंद घेऊ शकतात. फ्रान्सने मात्र यावेळी असे सामने निषेध म्हणून दाखवले जाणार नाहीत असे जाहीर केले. ब्रूसेल्ससारख्या अनेक ठिकाणचे बारमालक त्यांच्या हॉटेलातून सामने दाखवणार नाही आहेत.

डेन्मार्क संघाच्या प्रायोजकाने खेळाडूंच्या शर्टवरील कंपनीचा लोगो निषेध म्हणून दिसणार नाही, असा फिका करण्याचं ठरवलंय. प्रामुख्याने युरोपीय देशातून विरोध होतोय. कतारमध्ये मानवी हक्कांची होणारी पायमल्ली आणि विश्वचषकाचा निसर्गावर होणारा वाईट परिणाम ही विरोधाची प्रमुख कारणे सांगितली जातात. कतारमध्ये स्त्रियांना, समलिंगी लोकांना फारसं स्वातंत्र्य नाही.

विश्वचषकासाठी पायाभूत सुविधा उभारताना अनेक कामगारांना रात्रंदिवस राबवं लागलं. वाळवंटातील दुपारच्या रणरणत्या उन्हात कामं करून घेतली गेली. कामाच्या ठिकाणी सुरक्षेविषयी पुरेशी काळजी न घेतली गेल्याने दहा वर्षात सहा हजार पेक्षा जास्त कामगारांचा बळी गेला असा आरोप केला जातो.

या खेळांसाठी वाळवंटात उभारण्यात आलेली व्यवस्था म्हणजे नैसर्गिक संसाधनांची उधळपट्टी आहे असं विरोधकांचं म्हणणं. या गोष्टींचा निषेध म्हणून विश्वचषकावर बहिष्कार घाला असा प्रचार सुरू झालाय. माध्यमं आणि समाज माध्यमातून होणारे आरोप इतक्या मोठ्या प्रमाणात होत आहेत की अलीकडेच खुद्द कतारच्या राजांनी याबाबत नाराजी व्यक्त केली.

विरोध ही स्वार्थ साधायची खेळी तर नव्हे?

युरोपिय देश सध्या इंधन तुटवण्याचा सामना करत आहेत. कारण रशियाने युरोपला केला जाणारा नैसर्गिक वायूचा पुरवठा थांबवलाय. कतार मोठ्या प्रमाणावर नैसर्गिक वायूंची निर्यात करतो. कतारने हा वायू भारतासारख्या आशियाई देशांना न देता युरोपला द्यावा अशी युरोपिय देशांची मागणी. पण कतारच्या तेलमंत्र्यांनी आशियाई देशांशी यापूर्वी झालेले करार मोडण्यास नकार दिलेला.

साहजिकच सगळे युरोपीय कतारवर नाराज. विश्वचषकावर बहिष्कार घालण्याची हाक हा कतारवर दबाव टाकायचा प्रयत्न असावा. मानवी हक्कांची पायमल्ली करण्याचा आरोप असलेल्या कतारमधील फुटबॉल सामना नको पण तेथील खनिज तेल मात्र हवे असा हा युरोपियन दुटप्पीपणा. असो. विश्वचषक यशस्वी करण्यासाठी कतारने कंबर कसली आहे.

पर्यटकांसाठी कायदेही सैल केलेत. सौदी अरेबियासारख्या सख्ख्या शेजाऱ्यांशी गेल्या काही वर्षात ताणले गेलेले संबंध परत पूर्व पदावर आणले आहेत. खनिज तेलाचं महत्व आज ना उद्या कमी होणार हे जाणूनच आज खनिज तेलाचा निर्यातीवर अवलंबून असणाऱ्या अर्थव्यवस्थेसाठी कतार नवे पर्याय शोधतो आहे. या विश्वचषकाचे आयोजन हा त्या प्रयत्नांचाच एक भाग.

आलेले प्रेक्षक राहणार कुठे?

विश्वचषकासाठी महिनाभरात सुमारे दहा लाख लोक कतारमध्ये येतील असा अंदाज आहे. पण या सर्वांना राहण्यासाठी तितक्या हॉटेलमधील खोल्याच उपलब्ध नाहीत. यासाठी मग नवीन हॉटेल्स बांधली जात आहेतच; जोडीला दोहा बंदरावर दोन मोठी जहाजे नांगरून ठेवली जाणार आहेत.

या जहाजांमध्ये सुमारे ४००० खोल्यांची व्यवस्था करण्यात आलेली असेल. वाळवंटात तंबू उभारले जात आहेत. तर कतारच्या रहिवाशांनी येणाऱ्या पाहुण्यांसाठी आपल्या घरात जागा करून द्यावी असेही आवाहन करण्यात आले आहे. काही प्रवासी आजूबाजूच्या देशातील दुबई, अबुधाबी या महत्त्वाच्या शहरात राहतील अशा अंदाजाने त्यांना येण्या-जाण्यासाठी विमानसेवा उपलब्ध करून देण्यात आली आहे. इतकं करूनही जागा कमी पडतील असं बोललं जातं, पण सरकार याबाबत आशावादी आहे.

सचिन करमरकर

purvachebaba@gmail.com

गुरुवारी संध्याकाळच्या सुमारास मिलानमधील एका शॉपिंग मॉल मध्ये एक धक्कादायक घटना घडली. आर्सेनलचा फुटबॉलपटू पाब्लो मारीसह (Pablo Mari) पाच जणांवर चाकूने हल्ला करण्यात आला. या हल्ल्यात एकाचा मृत्यू झाला असून चार जणांना रुग्णालयात दाखल करण्यात आले आहे.

स्थानिक चॅनलच्या रिपोर्टनुसार, ४६ वर्षीय व्यक्तीने दुकानात प्रवेश केला, कपाटातून चाकू घेतला आणि लोकांना चाकूने मारहाण करण्यास सुरुवात केली. ग्राहकांनी त्याला रोखण्याचा प्रयत्न केल्याचे सांगण्यात येत आहे. यावेळी पोलिसांनी हल्लेखोराला अटक केली. मीडिया रिपोर्ट्सनुसार, एका व्यक्तीने सुपरमार्केट कॅरेफोरमधून चाकू घेतला आणि त्यानंतर त्याने ग्राहकांवर हल्ला केला. घटनेच्या वेळी उपस्थित असलेल्या प्रत्यक्षदर्शींनी सांगितले की, हल्लेखोराने हल्ला केला, तेव्हा एकच गोंधळ उडाला आणि चेंगराचेंगरी झाली. सुरुवातीला आम्हाला काहीच समजले नाही. त्यानंतर काही वेळाने शॉपिंग सेंटरमध्ये एक व्यक्ती चाकूने हल्ला करत असल्याचे समजले. हे ऐकून आम्ही सगळे घाबरलो. गुरुवारी संध्याकाळी ५:३० वाजता ही घटना घडली. फुटबॉलपटू मेरीची प्रकृती ठीक आहे. मात्र चार जणांची प्रकृती चिंताजनक असल्याचे सांगण्यात येत आहे. एकूण सहा जणांवर हल्ला झाल्याचे समजते.

आर्सेनलने फुटबॉलपटू पाब्लो मारीवरील हल्ल्यासंदर्भात एक निवेदन जारी केले आहे. ते म्हणाले की पाब्लोच्या सहकाऱ्यांशी बोललो आहोत. त्यांची प्रकृती आता ठीक आहे. त्यांना रुग्णालयात दाखल केले आहेत. त्याच्यावर उपचार सुरू आहेत. पाब्लो आणि त्या भीषण घटनेतील इतर पीडितांसाठी आम्ही शोक व्यक्त करतो.

भारतात (Team India) सुरु असलेल्या फिफा (FIFA) महिला अंडर-१७ फुटबॉल विश्वचषक स्पर्धेत (Football World Cup) काल भारत विरुद्ध ब्राझील (India Vs Brazil) असा फुटबॉलचा सामना खेळवण्यात आला होता. मात्र इतर दोन सामन्यांप्रमाणे भारताला तिसऱ्या सामन्यातही पराभव झाला असून या पराभवासह भारताचं या स्पर्धेतील आव्हान संपुष्टात आलं आहे. ब्राझीलविरुद्ध काल खेळण्यात आलेल्या अखेरच्या गट सामन्यात (India vs Brazil) भारताला ५-० ने पराभव स्वीकारावा लागला.

भारताविरुद्ध गट सामन्यात ब्राझीलनं सुरुवातीपासूनचं चांगली कामगिरी केली होती. ब्राझीलनं अधिक वेळ चेंडू आपल्या ताब्यात ठेवला आणि भारताला गोलच्या दिशेनं एकच शॉट मारता आला. पण ब्राझीलने डझनाहून अधिक शॉट मारून स्पर्धेतील आपले आव्हान अभाधित ठेवले. आपल्या वेग आणि क्षमतेनं भारतीय बचावफळीला सतत अडचणीत आणणाऱ्या ब्राझीलची फुटबॉल पटू अॅलिननं ब्राझीलसाठी दोन गोल केले. तिने ४० व्या आणि ५१ व्या मिनिटाला गोल केले. याशिवाय, बदली खेळाडू लॉरानंही दोन गोल केले. तिनं ८६ व्या आणि ९३ व्या मिनिटाला गोल करून संघाला चांगली लीड मिळवून दिली.

फिफा महिला अंडर-१७ फुटबॉल विश्वचषक स्पर्धेच्या ‘अ’ गटात भारताचा सर्वप्रथम सामना बलाढ्य संघ अमेरिकाशी झाला. या सामन्यात भारताला ८-० नं पराभव स्वीकारावा लागला. त्यानंतर मोरोक्कोविरुद्ध खेळण्यात आलेल्या दुसऱ्या सामन्यातही मोरोक्कोनं ३-० ने भारतीय संघावर मात केली. त्यानंतर ब्राझीलनंही अखेरच्या गट सामन्यात भारताला ५-० अशी धुळ चारली. अशा प्रकारे भारतीय संघ आपल्या गटात शेवटच्या स्थानावर राहिला.

पॅरिस : ‘बलॉन डी’ओर (Ballon d’or) पुरस्काराची घोषणा झाली असून पॅरिसमध्ये रात्री उशिरा पुरस्कार प्रदान सोहोळा पार पडला. पुरुष फुटबॉलपटूमध्ये फ्रान्सच्या करीम बेन्झिमाला पुरस्कार मिळाल्यानंतर बार्सिलोना फुटबॉल संघाची कर्णधार अलेक्सिया पुटेलासनं सलग दुसऱ्यांदा बेस्ट महिला फुटबॉलपटूचा मान पटकावून नवा विक्रम रचला आहे. सलग दोनदा हा सन्मान मिळवणारी ती पहिली महिला फुटबॉलपटू आहे.

Back-to-back Women’s Ballon d’Or, Alexia Putellas !#ballondor pic.twitter.com/UygJYBwyS9

— Ballon d’Or #ballondor (@francefootball) October 17, 2022

पुटेलासच्या नेतृत्वाखाली बार्सिलोनानं ३० पैकी ३०सामने जिंकून स्पॅनिश लीग जिंकली. यादरम्यान ती टॉप स्कोरर ठरली. तिने आपल्या संघाला चॅम्पियन्स लीगच्या अंतिम फेरीतही पोहचवले आहे. महिला गटात हा पुरस्कार सलग दुसऱ्यांदा जिंकणारी अलेक्सिया पुटेलास ही पहिली महिला फुटबॉलपटू ठरली आहे. आतापर्यंत कोणत्याही महिला फुटबॉलपटूला हा पुरस्कार सलग दुसऱ्यांदा जिंकता आला नव्हता. ‘बलॉन डी’ओर सर्वोत्कृष्ट महिला पुरस्कार मिळाल्यानंतर अलेक्सिया पुटेलासवर सर्वस्थरातून कौतुकाचा वर्षाव केला जात आहे.

जगप्रसिद्ध असलेल्या फ़ुटबाँल खेळात सर्वोत्तम कामगीरी करणाऱ्या फुटबॉलपटूला देण्यात येणारा मानाचा ‘बलॉन डी’ओर (Ballon d’Or Award) पुरस्कार यंदा फ्रान्सचा स्टार खेळाडू करीम बेन्झिमा (Karim Benzema) याने मिळवला आहे. वर्षभरात सर्वोत्तम खेळ करणाऱ्या फुटबॉलपटूला दिला जाणाऱ्या या पुरस्कारासाठी ३० खेळाडूं मधून करीम बेन्झिमाची निवड करण्यात आली आहे. यासह १९९८ नंतर पहिल्यांदाच फान्सच्या खेळाडूला हा पुरस्कार पटकावण्याचा मान मिळाला आहे.

बेन्झिमाने चॅम्पियन्स लीगमध्ये कमाल कामगिरी होती तसेच यंदाच्या वर्षी ४६ सामन्यात त्याने ४४ गोल केले आहेत. विशेष म्हणजे गेली बरीच वर्षे फुटबॉल जगतावर राज्य करणाऱ्या मेस्सी, रोनाल़्डो अशा दिग्गजांना बेन्झिमाने मागं टाकलं आहे. बेन्झिमाने मिळवलेल्या या यशानंतर जगभरातून त्याच्यावर शुभेच्छांचा वर्षाव होत असून त्याचा क्लब रिअल माद्रीदनेही त्याला बऱ्याच पोस्टमधून शुभेच्छा दिल्या आहेत.

"https://twitter.com/hashtag/BALLONDOR">#BALLONDOR!#RealFootball pic.twitter.com/cniYeQoTGt

— Real Madrid C.F. (@realmadrid) October 17, 2022

फुटबॉल जगतातील एक आघाडीचा देश असणाऱ्या फ्रान्सने २०१८ चा फिफा विश्वचषकही पटकावला होता. त्यांच्याकडे कायमच स्टार खेळाडू असूनही बलॉन डी ओर हा मानाचा पुरस्कार गेली कित्येक वर्षे त्यांच्या खेळाडूला मिळाला नव्हता. फ्रान्सचा जादूगार फुटबॉ़लर जिदाने याने १९९८ मध्ये हा पुरस्कार मिळवला होता, ज्यानंतर मात्र एकाही फ्रेंच खेळाडूला ही कमाल करता आली नाही. अखेर यंदाचा हा २०२२ चा बलॉन डी ओर मिळवत बेन्झिमाने इतिहास रचला आहे.

भुवनेश्वर : सध्या भारतात १७ वर्षांखालील फिफा महिला फुटबॉल विश्वकरंडक स्पर्धा रंगली आहे. काल भारत विरुद्ध मोरोक्को या दोन संघांमध्ये मध्ये झालेल्या या सामन्यात मोरोक्कोने भारताचा ३-० ने पराभव केला आहे. भारताचा या स्पर्धेतील सलग दुसरा पराभव झाला असून भारताच्या विश्वकरंडकातील बाद फेरीच्या आशा संपुष्टात आल्या आहेत.

सामन्याच्या पूर्वार्धात भारताने मोरोक्कोला गोल करण्यापासून रोखले. एल मदानीने ५१ व्या मिनिटाला पेनल्टीवर गोल करत मोरोक्कोला आघाडी मिळवून दिली. यास्मिन जौहिरने ६२ व्या मिनिटाला गोल करत मोरोक्कोला २-० अशी आघाडी मिळवून दिली. त्यानंतर भारताच्या बचावफळीने चांगली लढत दिली आणि मोरोक्कोच्या आक्रमक फळीला गोल करण्यापासून रोखले. मोरोक्कोला भारताच्या बचावफळीमुळे ९१ व्या मिनिटालाच गोल करता आला. चेरीफने ९१ व्या मिनिटाला गोल करत मोरोक्कोने विजय मिळवला.

मोरोक्को संघटित खेळाडूंना तब्बल २० वेळा भारताच्या गोलपोस्टच्या दिशेने बॉल मारता आला ; तर भारतीय खेळाडूंनी फक्त तीन वेळाच मोरोक्कोच्या गोलपोस्टच्या दिशेने बॉल मारला. सामन्याच्या ६२ टक्के वेळ बॉल मोरोक्कोच्या ताब्यात होता.