जर्मनीकडून गतविजेत्या पोर्तुगालचा धुव्वा ; दोन गोल पडले महागात

पोर्तुगालचा स्टार फुटबॉलपटू ख्रिस्तियाने रोनाल्डो याने गोल झळकावला आणि संघाला १ गोलची आघाडी मिळवून दिली. मात्र त्यानंतर केलेल्या चुका अंगाशी आल्या. सामन्याच्या ३५ व्या मिनिटाला पोर्तुगालच्या रुबेन डायसने स्वगोल केल्याने जर्मनीला १-१ ने बरोबरी साधता आली.

    यूरो कप २०२० स्पर्धेतील खडतर अशा ‘फ’ गटातील सामन्यात जर्मनीने गतविजेत्या पोर्तुगालचा धुव्वा उडवला. या सामन्यात पोर्तुगालला दोन स्वगोल महागात पडले. त्यामुळे जर्मनीने पोर्तुगालचा ४-२ ने पराभव केला. पहिल्या सामन्यात मिळालेल्या विजयानंतर पोर्तुगालचा आत्मविश्वास दुणावला होता. मात्र जर्मनीविरुद्धच्या सामन्यात केलेल्या चुका पोर्तुगालला भोवल्या.

    पोर्तुगालचा स्टार फुटबॉलपटू ख्रिस्तियाने रोनाल्डो याने गोल झळकावला आणि संघाला १ गोलची आघाडी मिळवून दिली. मात्र त्यानंतर केलेल्या चुका अंगाशी आल्या. सामन्याच्या ३५ व्या मिनिटाला पोर्तुगालच्या रुबेन डायसने स्वगोल केल्याने जर्मनीला १-१ ने बरोबरी साधता आली.

    हे सुद्धा वाचा

    ही चूक कमी होती की काय?

    ३९ व्या मिनिटाला राफेल गुरेरोने तोच कित्ता गिरवला आणि स्वगोल झाला. यामुळे जर्मनीला पहिल्या सत्रात १ गोलची आघाडी मिळाली. यानंतर पोर्तुगाल संघावर दडपण आलं आणि बरोबरी साधण्यासाठी धडपड सुरु झाली.