आतापर्यंतच्या सामन्यांमध्ये गुजरातचा संघ राजस्थानवर भारी, जाणून घ्या हेड टू हेड रेकॉर्ड

अहमदाबादच्या ऐतिहासिक नरेंद्र मोदी स्टेडियमवर प्रथमच आयपीएल खेळणारी गुजरात टायटन्स आणि 14 वर्षांनंतर आयपीएलच्या अंतिम फेरीत पोहोचलेले राजस्थान ट्रॉफीसाठी आमनेसामने येणार आहेत.

    नवी दिल्ली : अहमदाबादच्या ऐतिहासिक नरेंद्र मोदी स्टेडियमवर प्रथमच आयपीएल खेळणारी गुजरात टायटन्स आणि 14 वर्षांनंतर आयपीएलच्या अंतिम फेरीत पोहोचलेले राजस्थान ट्रॉफीसाठी आमनेसामने येणार आहेत.क्वालिफायर 1 मध्ये राजस्थानचा 7 गडी राखून पराभव करून गुजरात संघ फायनलमध्ये  पोहोचला, तर राजस्थान संघाने क्वालिफायर 1 मध्ये RCB विरुद्ध 7 गडी राखून आरामदायी विजय नोंदवत क्वालिफायर 1 गमावल्यानंतर दुसऱ्यांदा अंतिम फेरी गाठली.
    दोन्ही संघ साखळी टप्प्यात गुणतालिकेत प्रथम आणि द्वितीय क्रमांकावर होते, यावरून असे दिसून येते की दोन्ही संघांकडे चांगले फलंदाज आणि गोलंदाज तसेच उत्कृष्ट फिनिशर आहेत. राजस्थानमध्ये, शिमरॉन हेटमायर फिनिशर म्हणून आहे, तर गुजरातमध्ये राहुल तेओटियाने संघाला स्वबळावर विजय मिळवून दिला आहे. गुजरातने प्रथमच आयपीएल खेळताना ज्या प्रकारचे क्रिकेट खेळले ते वाखाणण्याजोगे आहे.
    राजस्थान आणि गुजरात यांच्यात सामना 
    या मोसमात हे दोन्ही संघ दोनदा भिडले आहेत आणि दोन्ही वेळा गुजरात टायटन्सने विजय मिळवला आहे. साखळी टप्प्यात दोन्ही संघांमध्ये फक्त एकच सामना झाला होता तर दुसरा सामना प्लेऑफचा होता जो 24 मे रोजी खेळला गेला होता.
    गुजरात आणि राजस्थान लीग टप्प्यात
    साखळी फेरीत, दोन्ही संघ डीवाय पाटील स्टेडियमवर आमनेसामने आले जेथे गुजरातने राजस्थानचा 37 धावांनी पराभव केला. या सामन्यात हार्दिक पांड्याने 87 धावांची खेळी करत राजस्थानसमोर 193 धावांचे लक्ष्य ठेवले होते, त्याला प्रत्युत्तर देताना राजस्थानचा संघ 9 विकेट गमावून केवळ 155 धावाच करू शकला. या सामन्यात लकी फर्ग्युसनने 3 बळी घेतले.
    क्वालिफायर 1 मध्ये गुजरात आणि राजस्थान
    क्वालिफायर 1 मध्ये हे दोन्ही  संघ दुसऱ्यांदा आमनेसामने आले होते जिथे गुजरातने राजस्थानचा 7 गडी राखून पराभव करून अंतिम फेरीत प्रवेश केला. या सामन्यात गुजरातसमोर 189 धावांचे लक्ष्य होते. येथे विजयाचा हिरो ठरला डेव्हिड मिलर, त्याने 38 चेंडूत 68 धावा करून विजय मिळवला. विजयासाठी आवश्यक असलेल्या शेवटच्या षटकात त्याने 3 षटकार मारत 16 धावा केल्या.
    आता अंतिम सामन्यात दोन्ही संघ तिसऱ्यांदा आमनेसामने येणार आहेत. या सामन्यात राजस्थानचा संघ मागील दोन पराभवांचा बदला घेण्याचा प्रयत्न करेल पण उत्कृष्ट फॉर्मात असलेल्या गुजरातसमोर ते सोपे नसेल.