१९८० मध्ये दोन्ही संघांमध्ये पहिला एकदिवसीय सामना खेळला गेला. या सामन्यात फक्त भारतीय संघ विजयी झाला होता.
भारत आणि ऑस्ट्रेलिया : वनडे विश्वचषक २०२३ ची स्पर्धा शेवटच्या टप्प्यात आली आहे. वनडे वर्ल्ड कपचा अंतिम सामना १९ नोव्हेंबर रोजी अहमदाबादमधील नरेंद्र मोदी स्टेडियमवर रंगणार आहे. भारत आणि ऑस्ट्रेलिया यांच्यातील एकदिवसीय क्रिकेटमधील १५१ वा सामना असणार आहे. १९८० मध्ये दोन्ही संघांमध्ये पहिला एकदिवसीय सामना खेळला गेला. या सामन्यात फक्त भारतीय संघ विजयी झाला होता. भारताच्या संघाने हा सामना ६६ धावांनी जिंकला. मात्र, त्यानंतरही कांगारूंचा वरचष्मा राहिला. आतापर्यंत झालेल्या सामन्यांमध्ये ऑस्ट्रेलियन संघाने 83 सामने जिंकले आहेत, तर भारतीय संघाने ५७ सामने जिंकले आहेत. १० सामनेही अनिर्णित राहिले आहेत. काय आहेत या १५० एकदिवसीय सामन्यांची खास आकडेवारी, जाणून घ्या…
१. सर्वोच्च सांघिक धावसंख्या : भारत-ऑस्ट्रेलिया वनडे सामन्यांमध्ये सर्वोच्च धावसंख्या करण्याचा विक्रम भारतीय संघाच्या नावावर आहे. २०२३ च्या विश्वचषकापूर्वी टीम इंडियाने इंदूर वनडेमध्ये ऑस्ट्रेलियाविरुद्ध ५ विकेट्स गमावून ३९९ धावा केल्या होत्या.
२. सर्वात कमी सांघिक धावसंख्या : हा लाजिरवाणा विक्रमही भारताच्या नावावर आहे. जानेवारी १९८१ मध्ये खेळल्या गेलेल्या सिडनी एकदिवसीय सामन्यात भारतीय संघ अवघ्या ६३ धावांत गारद झाला होता.
३. सर्वात मोठा विजय : फेब्रुवारी २००४ मध्ये खेळल्या गेलेल्या सिडनी एकदिवसीय सामन्यात ऑस्ट्रेलियाने भारतीय संघाचा २०८ धावांनी पराभव केला.
४. सर्वात रोमांचक विजय : ऑक्टोबर १९८७ मध्ये चेन्नई येथे झालेल्या एकदिवसीय सामन्यात ऑस्ट्रेलियन संघाने रोमहर्षक पद्धतीने एका धावेने विजय मिळवला होता.
५. सर्वाधिक धावा : महान फलंदाज सचिन तेंडुलकर येथे अव्वल स्थानावर आहे. भारत-ऑस्ट्रेलिया वनडे सामन्यात त्याने एकूण ३०७७ धावा केल्या आहेत.
६. सर्वाधिक शतके : येथेही सचिन तेंडुलकर पहिल्या क्रमांकावर आहे. त्याने ऑस्ट्रेलियाविरुद्ध ९ वनडे शतके झळकावली आहेत.
८. सर्वाधिक षटकार : हिटमॅन रोहित शर्मा या बाबतीत आघाडीवर आहे. आतापर्यंत त्याने ऑस्ट्रेलियाविरुद्ध ८४ षटकार ठोकले आहेत.
८. सर्वाधिक विकेट्स : माजी ऑस्ट्रेलियन वेगवान गोलंदाज ब्रेट लीने भारताविरुद्ध ३२ सामन्यांमध्ये ५५ विकेट घेतल्या आहेत.
९. सर्वोत्तम गोलंदाजी खेळी : माजी भारतीय फिरकी गोलंदाज मुरली कार्तिकने ऑक्टोबर २००७ मध्ये झालेल्या वानखेडे वनडेमध्ये ऑस्ट्रेलियाविरुद्ध केवळ २७ धावा देऊन ६ बळी घेण्याचा चमत्कार केला.
१०. विकेटच्या मागे सर्वाधिक बाद : ऑस्ट्रेलियन दिग्गज अॅडम गिलख्रिस्टच्या नावावर ७९ बाद आहेत. त्याने ७३ झेल आणि ६ स्टंपिंग केले आहेत.
Loading ...