IPL 2024: It was costly for Rasikh Salam to get his eyes exposed, he was reprimanded severely, even the captain could not save him

गुजरातविरुद्धच्या सामन्यात दिल्ली कॅपिटल्सचा वेगवान गोलंदाज रसीख सलाम दार याला जोरदार फटकारले आहे. गुजरातविरुद्धच्या सामन्यात विकेट घेतल्यानंतर रसिकने आक्रमकपणे सेलिब्रेशन केले होते. रसिक सलाम हा आयपीएल आचारसंहितेच्या कलम २.५ नुसार दोषी आढळला आहे.

    नवी दिल्ली : गुजरात टायटन्सविरुद्ध IPL 2024 सामन्यात विकेट घेतल्यावर आक्रमक सेलिब्रेशन केल्याबद्दल दिल्ली कॅपिटल्सचा वेगवान गोलंदाज रसीख सलाम दारला फटकारण्यात आले आहे. त्याला लागोपाठ साई किशोरने दोन षटकार ठोकल्यानंतर तिसऱ्या चेंडूवर त्याने साई किशोरला क्लिनबोल्ड केले होते, यानंतर त्याने ज्या पद्धतीने रिअॅक्शन दिली होती, ते पाहून कोणालाही ते न रुचणार होते. त्याचे डोळ्यांचे हावभाव सांगत होते, हेच कॅमेऱ्यात कैद झाल्यानंतर त्याला जोरदार फटकार लावण्यात आली आहे.
    ४४ धावांत तीन बळी
    यादरम्यान, रसिक हा आयपीएल आचारसंहितेच्या कलम 2.5 अंतर्गत लेव्हल 1 गुन्ह्यासाठी दोषी आढळला होता, जो दुसऱ्या खेळाडूला चिथावणी देणारी भाषा किंवा कृती किंवा हावभाव वापरण्याशी संबंधित आहे. रसिकने चार षटकांत ४४ धावांत तीन बळी घेतले.
    ऋषभ पंतची शानदार फलंदाजी
    या सामन्यात दिल्लीकडून कर्णधार ऋषभ पंतने शानदार फलंदाजी केली. पंतने 88 धावांसाठी 43 चेंडू खेळले. या डावात त्याने षटकारही मारला. पंतच्या दमदार फलंदाजीमुळे दिल्लीचा संघ निर्धारित 20 षटकांत 224 धावा करण्यात यशस्वी ठरला.
    गुजरातविरुद्धच्या या सामन्यात अष्टपैलू अक्षर पटेलला फलंदाजीसाठी बढती देण्यात आली. अक्षरनेही संपूर्ण जबाबदारी स्वीकारून आपल्या संघाला सुरुवातीच्या धक्क्यातून सोडवलेच शिवाय उत्कृष्ट अर्धशतकी खेळीही खेळली. अक्षर पटेलने 43 चेंडूत 66 धावा केल्या. याशिवाय ट्रिस्टन स्टब्सने 26 धावांचे योगदान दिले.