Rohit Sharma and Ravindra Jadeja VIDEO
Rohit Sharma and Ravindra Jadeja VIDEO

Rohit Sharma and Ravindra Jadeja VIDEO : भारतीय कर्णधार रोहित शर्मा त्याच्या बम्बया टपोरी शैलीसाठी ओळखला जातो. रोहितची ही शैली विश्वचषक २०२३ मध्ये दक्षिण आफ्रिकेविरुद्धच्या सामन्यातही पाहायला मिळाली. जडेजाच्या डीआरएस घेण्याच्या आग्रहाबाबत रोहितने आपली खास प्रतिक्रिया दिली आणि VIDEO व्हायरल झाला आहे.

    कोलकाता : विराट कोहलीच्या ४९व्या शतकाच्या जोरावर ईडन गार्डन्सवर झालेल्या विश्वचषक २०२३ च्या महत्त्वाच्या सामन्यात दक्षिण आफ्रिकेविरुद्ध भारताने ३२६ धावा केल्या. मोहम्मद सिराजने पहिल्याच षटकात क्विंटन डी कॉकची मोठी विकेट घेतली, त्यानंतर मोहम्मद शमी आणि रवींद्र जडेजाने फलंदाजीसाठी कठीण असलेल्या खेळपट्टीवर दक्षिण आफ्रिकेची फलंदाजी उद्ध्वस्त केली. अखेरीस टीम इंडियाने हा सामना २४३ धावांच्या मोठ्या फरकाने जिंकला. दक्षिण आफ्रिकेचा संघ १०० धावाही करू शकला नाही आणि ८६ धावांवर सर्वबाद झाला. या सामन्यात जडेजाने ५ विकेट्स घेतल्या. जडेजाने रोहितला रिव्ह्यू घेण्यसाठी तयार करतानाच एक व्हिडिओ व्हयरल झाला आहे ज्यामध्ये रोहितची रिऍक्शन भन्नाट आहे.

    जडेजाच्या चेंडूवर अपील

    दक्षिण आफ्रिकेच्या डावाच्या १३व्या षटकात हेनरिक क्लासेनने रवींद्र जडेजाचा चेंडू स्वीप करण्याचा प्रयत्न केला. चेंडू त्याच्या बॅटला चुकवून पॅडवर आदळला आणि एलबीडब्ल्यूसाठी जोरदार अपील करण्यात आले. गोलंदाज जडेजाला फलंदाज बाद झाल्याचा पूर्ण विश्वास होता. तो रोहित शर्माकडून डीआरएससाठी आग्रह करू लागला. तर यष्टीरक्षक केएल राहुल फारसा उत्साही दिसत नव्हता.

    भारतीय कर्णधार रोहित शर्मा त्याच्या टपोरी शैलीतील खास कमेंट्स आणि वन लाइनर्ससाठी खूप प्रसिद्ध आहे. रोहितचे हे रूप पत्रकार परिषदेपासून मैदानापर्यंत पाहायला मिळाले. डीआरएस घेण्यापूर्वी रोहित म्हणाला- जसा काय हाच एक फलंदाज आहे. रोहितने जडेजाल केलेलं हे विधान स्टंप माइकवरून ऐकायला आलं. असे म्हटल्यानंतर रोहितने डीआरएससाठी संकेत दिला.

    डीआरएस घेतल्यानंतर भारतीय संघाला झाला फायदा

    रोहितला ही रिऍक्शन देताना पाहून वाटले की तो रिव्ह्यू घेणार नाही, पण रोहितने जडेजावर विश्वास दाखवला. कॉमेंट्री करणाऱ्या हर्षा भोगले यांनाही हसू आवरता आले नाही. डीआरएस भारतीय संघाच्या बाजूने आला आणि क्लासेनला परतावे लागले.भन्नाट फॉर्मात असलेला क्लासेन केवळ एक धाव करत बाद झाला.

    …मग याला विकेट मिळते

    सामन्यानंतर जडेजाच्या या रिव्ह्यूबद्दल रोहित शर्माला विचारले असता, रोहित म्हणाला, ‘हा (जडेजा) प्रत्येक सामन्यात बोलत असतो आऊट आहे आऊट आहे आणि मग रिव्ह्यू घेतो आणि याला विकेट मिळते.’
    सामन्यात काय घडलं
    नाणेफेक जिंकून प्रथम खेळताना भारतीय संघाने ५ विकेट गमावत ३२६ धावा केल्या. विराट कोहलीने १०१ धावांची खेळी केली. श्रेयस अय्यरने ७७ धावा केल्या. कर्णधार रोहित शर्मा, सूर्यकुमार यादव आणि रवींद्र जडेजा यांनी १५० पेक्षा जास्त स्ट्राइक रेटने वेगवान खेळी खेळल्या. दक्षिण आफ्रिकेचा डाव अवघ्या ८३ धावांवर आटोपला. जडेजाने ५ फलंदाज बाद केले.