MI vs LSG Playing 11 : IPL 2023 चा एलिमिनेटर लखनऊ सुपर जायंट्स आणि मुंबई इंडियन्स यांच्यात खेळला जाणार आहे. या सामन्यात पराभूत होणारा संघ साखळीतून बाहेर पडेल. मुंबई मोठ्या बदलांसह सामन्यात उतरू शकते. जाणून घ्या या सामन्यात दोन्ही संघांची प्लेइंग इलेव्हन कशी असेल.
LSG vs MI Playing 11 : IPL 2023 चा एलिमिनेटर लखनऊ सुपर जायंट्स आणि मुंबई इंडियन्स (LSG vs MI) यांच्यात खेळला जाणार आहे. हा सामना चेन्नईच्या एमए चिदंबरम स्टेडियमवर होणार आहे. मुंबईसाठी सनरायझर्स हैदराबाद विरुद्धच्या अंतिम साखळी सामन्यात ऑस्ट्रेलियन अष्टपैलू कॅमेरून ग्रीनने शानदार शतक झळकावले. मुंबईच्या फलंदाजांना त्यांची लय सापडली असून अशा परिस्थितीत लखनऊच्या गोलंदाजांचा मार्ग सोपा होणार नाही. लखनऊ सुपर जायंट्सला मुंबईच्या फलंदाजांना रोखायचे असेल तर 14 सामन्यांत 16 बळी घेऊन संघाचा सर्वात यशस्वी गोलंदाज असलेला लेगस्पिनर रवी बिश्नोईला मोठी भूमिका बजावावी लागेल. लखनऊची गोलंदाजी आणि मुंबईच्या फलंदाजीच्या कामगिरीवर या सामन्याचा चॅम्पियन ठरवला जाईल.
कशी असेल मुंबईची प्लेइंग इलेव्हन?
मुंबई इंडियन्सच्या प्लेइंग इलेव्हनमध्ये फारसा बदल अपेक्षित नाही. रोहित शर्मासोबत ईशान किशन डावाची सुरुवात करताना दिसणार आहे. तिसऱ्या क्रमांकावर कॅमेरून ग्रीन आणि चौथ्या क्रमांकावर सूर्यकुमार यादव उतरू शकतात. या सामन्यात टिळक वर्मा प्लेइंग इलेव्हनमध्ये सामील होऊ शकतात. गेल्या सामन्यात तो प्रभावशाली खेळाडूंच्या यादीत होता. निहाल वढेरा आणि टीम डेव्हिड देखील संघात आहेत. पियुष चावला पुन्हा एकदा गोलंदाजीत महत्त्वाची भूमिका बजावू शकतो. वेगवान गोलंदाजांमध्ये जेसन बेहरेनडॉर्फसह आकाश मधवाल आणि ख्रिस जॉर्डनवर जबाबदारी असेल.
मुंबई इंडियन्स संभाव्य प्लेइंग इलेव्हन : रोहित शर्मा (क), इशान किशन (w), कॅमेरॉन ग्रीन, सूर्यकुमार यादव, नेहल वढेरा, टिम डेव्हिड, कुमार कार्तिकेय, ख्रिस जॉर्डन, पीयूष चावला, जेसन बेहरेनडॉर्फ, आकाश मधवाल.
सबस्टीट्यूट खेळाडू : रमणदीप सिंग, विष्णू विनोद, ट्रिस्टन स्टब्स, हृतिक शोकीन, तिलक वर्मा.
लखनौची प्लेइंग इलेव्हन?
लखनौ सुपर जायंट्सने गेल्या सामन्यात सलामीवीर म्हणून करण शर्माला मैदानात उतरवले होते. तो पुन्हा एकदा क्विंटन डी कॉकसोबत ओपनिंग करताना दिसणार आहे. तिसऱ्या क्रमांकावर प्रेरक मंकड आणि त्यानंतर मार्कस स्टॉइनिसला खेळवण्याचा निर्णय घेण्यात आला आहे. मधल्या फळीत कर्णधार कृणाल पंड्याला साथ देण्यासाठी निकोलस पूरन आणि आयुष बडोनी असतील.
संघाची गोलंदाजी फळीही सज्ज दिसत आहे. वेगवान गोलंदाजीत मोहसीन खान, यश ठाकूर आणि नवीन उल हक असतील. खेळपट्टीतील फिरकी मदत करू शकते. अशा परिस्थितीत रवी बिशोई यांच्यासोबत कृष्णप्पा गौतम जबाबदारी घेऊ शकतात. कृणाल पांड्याही फिरकी गोलंदाजी करेल.
लखनऊ सुपर जायंट्स प्लेइंग इलेव्हन : क्विंटन डी कॉक (विकेटकीपर), करण शर्मा, प्रेरक मंकड, मार्कस स्टॉइनिस, निकोलस पूरन, कृणाल पांड्या (क), आयुष बडोनी, कृष्णप्पा गौतम, रवी बिश्नोई, नवीन-उल-हक, मोहसिन खान.
प्रभावशाली खेळाडू: काइल मेयर्स, यश ठाकूर, डॅनियल सॅम्स, अमित मिश्रा, दीपक हुडा.
Loading ...