टेबल टेनिसमध्ये साथियानने पटकावले कांस्यपदक

    इंग्लंड मधील बर्लिंगहम येथे सुरु असलेल्या राष्ट्रकुल क्रीडा स्पर्धेत (Commonwealth Games 2022) भारताचा टेबल टेनिसपटू साथियान गणसेकरनने (Sathiyan Gnanasekaran) कांस्य पदक पटकावून भारताच्या शिरपेचात मनाचा तुरा रोवला आहे. टेबल टेनिसमध्ये साथियानच्या रूपाने भारताने दुसरे कांस्यपदक जिंकले आहे.
    भारताचा टेबल टेनिसपटू साथियान गणसेकरनने इंग्लंडच्या पॉल ड्रंकहॉलचा ४-३ असा पराभव करत टेबल टेनिस पुरूष एकेरीचे कांस्य पदक (Bronze Medal) जिंकले आहे.

    साथियान आणि पॉल यांच्यातील हा कांस्यपदकासाठीचा सामना चांगलाच अटीतटीचा झाला. पण योग्य वेळी आक्रमक खेळ दाखवत साथियानने आघाडी कायम ठेवली. पॉलनेही कडवी झुंज दिल्याने सामना ३-३ अशा स्थितीत आला होता. पण अखेरच्या राऊंडमध्ये साथियानने आक्रमक खेळ दाखवत अगदी रोमहर्षकपणे ११-९ ने विजय मिळवत सामना जिंकला. साथियानने ४-३ (११-९, ११-३, ११-५, ८-११, ९-११, १०-१२, ११-९) अशा फरकाने विजय मिळवला.