दुखापतग्रस्त हार्दिक पांड्याच्या अनुपस्थितीत सूर्याला स्पर्धेतील दोन सामन्यांमध्ये संधी मिळाली, ज्याचा त्याने चांगला फायदा घेतला.
श्रेयस अय्यर आणि सूर्यकुमार यादव : श्रेयस अय्यर विश्वचषक २०२३ मध्ये टीम इंडियासाठी फार काही चांगली कामगिरी करू शकला नाही, त्यासाठी संघाने मधल्या फळीतील फलंदाज म्हणून त्याच्यावर विश्वास व्यक्त केला होता. स्टार फलंदाज सूर्यकुमार यादवने केवळ एका डावात संघाला दाखवून दिले की तो स्पर्धेत का उपयुक्त ठरू शकतो. लखनौच्या अवघड खेळपट्टीवर इंग्लंडविरुद्ध खेळल्या गेलेल्या सामन्यात सूर्याने ४९ धावांची शानदार खेळी केली आणि भारताला २२९ धावांपर्यंत मजल मारता आली.
दुखापतग्रस्त हार्दिक पांड्याच्या अनुपस्थितीत सूर्याला स्पर्धेतील दोन सामन्यांमध्ये संधी मिळाली, ज्याचा त्याने चांगला फायदा घेतला. तर श्रेयस अय्यर या स्पर्धेत जवळपास अपयशी ठरला आहे. १ अर्धशतकाच्या मदतीने त्याने या स्पर्धेत २२.३३ च्या सरासरीने केवळ १३४ धावा केल्या आहेत. ऑस्ट्रेलियाविरुद्धच्या स्पर्धेतील पहिल्या सामन्यात अय्यर खाते न उघडता पॅव्हेलियनमध्ये परतला. टीम इंडिया आपला पुढचा सामना श्रीलंकेविरुद्ध गुरुवार, २ नोव्हेंबर रोजी मुंबईतील वानखेडे स्टेडियमवर खेळणार आहे, ज्यामध्ये हार्दिक पांड्याचे पुनरागमन अपेक्षित आहे. अशा परिस्थितीत हार्दिकच्या पुनरागमनानंतर सूर्याला प्लेइंग इलेव्हनमधून वगळले जाईल, अशी अटकळ बांधली जात होती. पण, आता श्रेयस अय्यरचा खराब फॉर्म पाहता तो कदाचित रिलीज होऊ शकतो.
संघासाठी शेवटच्या षटकांत झटपट धावा काढण्याची क्षमताही सूर्याकडे आहे, हा आणखी एक प्लस पॉइंट ठरू शकतो. एकदिवसीय सामन्यांमध्ये सूर्याचे आकडे काही खास नसले तरी संघाचा त्याच्यावर विश्वास आहे. सूर्याने टी-२० आंतरराष्ट्रीय सामन्यात संघासाठी अनेक शानदार खेळी खेळल्या आहेत. त्याच्या एकदिवसीय आकडेवारीबद्दल बोलायचे तर, सूर्याने आतापर्यंत ३२ एकदिवसीय सामन्यांच्या ३० डावांमध्ये ४ अर्धशतकांच्या मदतीने ७१८ धावा केल्या आहेत. अय्यरचे एकदिवसीय क्रिकेटमधील आकडे सूर्यापेक्षा बरेच चांगले आहेत हे उल्लेखनीय. मात्र, त्याचा अलीकडचा फॉर्म खूपच खराब आहे, त्यामुळे श्रीलंकेविरुद्धच्या पुढील सामन्यात त्याला प्लेइंग इलेव्हनमधून वगळण्यापेक्षा सूर्यकुमार यादवला प्राधान्य दिले जाऊ शकते.
Loading ...