“तो जबरदस्त फलंदाज आहे, पण फलंदाजीच्या….”; केएल राहुलला T20 World Cup मधून बाहेर ठेवण्याचे रोहित आणि आगरकर यांनी सांगितले कारण; वाचा सविस्तर

भारतीय क्रिकेट संघाचा कर्णधार रोहित शर्माने केएल राहुलबद्दल सांगितले की, त्याला टी-20 विश्वचषक संघात का स्थान देण्यात आले नाही. मुख्य निवडकर्ता अजित आगरकर यांच्यासोबतच्या पत्रकार परिषदेत राहुलची निवड न करण्याबाबतच्या प्रश्नाला रोहितने उत्तर दिले.

    मुंबई : टीम इंडियाचा कर्णधार रोहित शर्मा आणि मुख्य निवडकर्ता अजित आगरकर यांनी आयसीसी टी-20 विश्वचषकासंदर्भात मुंबईत पत्रकार परिषद घेतली. पत्रकार परिषदेत रोहित शर्माला अनेक कठीण प्रश्न विचारण्यात आले, ज्यामध्ये प्रथम केएल राहुलची संघात निवड का करण्यात आली नाही, असा प्रश्न विचारण्यात आला. केएल राहुलची विश्वचषकात निवड का झाली नाही, याचे सविस्तर उत्तर रोहितने दिले.
    फलंदाजीच्या रन्सवरील दर्जामुळे……
    अजित आगरकर म्हणाला, ‘संजू सॅमसन गेल्या काही काळापासून मधल्या फळीत चांगली फलंदाजी करत आहे. ऋषभ पंत पाचव्या क्रमांकावर चांगली कामगिरी करत आहे, पण केएल आयपीएलमध्ये त्याच्या संघासाठी जास्त फलंदाजी करतो. तो जबरदस्त फलंदाज आहे, पण फलंदाजी दर्जा क्रममध्ये फिट न बसल्यामुळे त्याला स्थान मिळू शकले नाही. कर्णधार रोहित शर्माही अजित आगरकरशी पूर्णपणे सहमत होता.
    टी-20 संघाच्या कर्णधारपदावरही प्रश्न
    पत्रकार परिषदेत रोहित शर्माला टी-20 संघाच्या कर्णधारपदावरही प्रश्न विचारण्यात आला. रोहित शर्मा म्हणाला, हा जीवनाचा एक भाग आहे. हे माझ्यासाठी नवीन आहे. मी स्वतः अनेक कर्णधारांच्या हाताखाली खेळलो आहे. कर्णधारपद येत-जाते. ही काही नवीन गोष्ट नाही.
    हार्दिक पांड्याला कर्णधारपद का देण्यात आलं नाही
    T20 वर्ल्ड कपमध्ये हार्दिक पांड्याला कर्णधारपद का देण्यात आलं नाही हे अजित आगर यांनी सांगितलं. तो म्हणाला, ’50 षटकांच्या विश्वचषकात रोहित शर्माकडे उत्कृष्ट कर्णधारपद होते. त्यामुळेच या स्पर्धेतही त्याच्याकडे संघाचे नेतृत्व करण्याची जबाबदारी देण्यात आली आहे. आम्ही हार्दिक पांड्यालाही मानले पण रोहित हा महान खेळाडू आहे.
    खेळपट्टी पाहून प्लेइंग इलेव्हनचा होणार निर्णय
    विश्वचषकातील खेळपट्टी आणि परिस्थिती लक्षात घेऊन संघ संयोजन आणि प्लेइंग इलेव्हन ठरवले जाईल, असे कर्णधार रोहित शर्मा आणि अजित आगरकर यांनी स्पष्टपणे सांगितले आहे. यावर सध्या तिथे गेल्याशिवाय उत्तर देता येणार नाही.