आशियाई खेळात भारत विरुद्ध बांग्लादेश सामन्यामध्ये भारताच्या संघाने बांग्लादेशला ९६ धावांवर गुंडाळलं

९७ धावांच्या लक्ष्याचा पाठलाग करताना भारताची सुरुवात खूपच खराब झाली. गेल्या सामन्यात शतक झळकावणारा यशस्वी जैस्वालने खाते न उघडता बाद झाला.

    आशियाई खेळ २०२३ : हांगझो आशियाई क्रीडा स्पर्धेमध्ये पुरुष क्रिकेटच्या पहिल्या उपांत्य फेरीमध्ये भारताच्या संघाने बांग्लादेशचा ९ गडी राखून पराभव केला. त्याचबरोबर भारताच्या संघाने फायनलमध्ये धडक मारली असून भारताच्या संघाला किमान रौप्य पदक निश्चित आहे. फायनलमध्ये भारताचा सामान अफगाणिस्तान आणि पाकिस्तान यांच्यातील विजेत्याशी होणार आहे. या सामन्यामध्ये बांग्लादेशने प्रथम फलंदाजी करत नऊ गड्यांच्या मोबदल्यात ९६ धावा केल्या होत्या. भारताच्या संघाने १ विकेट गमावून ९७ धावा केल्या आणि सामना जिंकला.

    भारताने आशियाई क्रीडा २०२३ च्या उपांत्य फेरीच्या सामन्यात बांग्लादेशचा नऊ गडी राखून पराभव करत अंतिम फेरीत प्रवेश केला आहे. यामुळे टीम इंडियाचे किमान रौप्य पदक निश्चित आहे. अंतिम फेरीत भारताचा सामना अफगाणिस्तान आणि पाकिस्तान सामन्यातील विजेत्याशी होणार आहे. या सामन्यात भारतीय कर्णधार रुतुराज गायकवाडने नाणेफेक जिंकून प्रथम गोलंदाजी करण्याचा निर्णय घेतला. बांगलादेशची सुरुवात खूपच खराब झाली आणि पहिली विकेट १८ धावांवर पडली. यानंतर बांग्लादेश संघ नियमित अंतराने विकेट्स गमावत राहिला आणि ९६ धावांवर बाद झाला.

    बांग्लादेशकडून झाकीर अलीने सर्वाधिक नाबाद २४ धावा केल्या. परवेझ हुसेनने २३ धावांचे योगदान दिले. या दोघांशिवाय फक्त रकीबुल हसन (१४ धावा) दुहेरी आकडा पार करू शकला. बांग्लादेशचे सात फलंदाज दुहेरी आकडा गाठू शकले नाहीत. दोन फलंदाजांना खातेही उघडता आले नाही. सात आणि एका धावेदरम्यान पाच फलंदाज बाद झाले. भारताकडून रवी साई किशोरने तीन बळी घेतले. वॉशिंग्टन सुंदरने दोन गडी बाद केले.

    ९७ धावांच्या लक्ष्याचा पाठलाग करताना भारताची सुरुवात खूपच खराब झाली. गेल्या सामन्यात शतक झळकावणारा यशस्वी जैस्वालने खाते न उघडता बाद झाला. मात्र, त्यानंतर टिळक वर्मा आणि ऋतुराज गायकवाड यांनी स्फोटक पद्धतीने धावा केल्या. चौथ्या षटकातच भारताची धावसंख्या ५० धावांपर्यंत पोहोचली. टिळकने नवव्या षटकात आपले अर्धशतक पूर्ण केले आणि टीम इंडिया विजयाच्या उंबरठ्यावर होती. भारताने ९.२ षटकात एक विकेट गमावून ९७ धावा केल्या आणि सामना जिंकला. टिळक वर्मा २६ चेंडूत ५५ धावा आणि ऋतुराज गायकवाड २६ चेंडूत ४० धावा करून नाबाद राहिला. बांगलादेशकडून रिपन मोंडलने एकमेव विकेट घेतली.