राज्यात २०,१३१ नवे कोरोना रुग्ण

मुंबई :राज्यात २०,१३१ नवीन कोरोना(corona) रुग्णांची नोंद झाली असून कोरोनाबाधित रुग्णांची संख्या ९,४३,७७२ झाली आहे. राज्यात २,४३,४४६ ऍक्टिव्ह रुग्ण आहेत. राज्यात ३८० कोरोनाबाधित रुग्णांच्या मृत्यूंची नोंद झाली असून मृतांची संख्या २७४०७ वर पोहोचली आहे. सध्या राज्यातील मृत्यूदर २.९ टक्के एवढा आहे.

राज्यात(state) ३८० कोरोनाबाधित रुग्णांच्या मृत्यूंची नोंद झाली आहे. यामध्ये मुंबई ४२, ठाणे १०, नवी मुंबई मनपा १, मीरा भाईंदर मनपा ३, रायगड २, पनवेल मनपा १, नाशिक १९, अहमदनगर ९, जळगाव १६, पुणे ५५, पिंपरी चिंचवड मनपा १३, सोलापूर १२, सातारा १६, कोल्हापूर २५, सांगली २८, औरंगाबाद ७, लातूर ४, उस्मानाबाद १, नांदेड ९, नागपूर ५६, अन्य २ यांचा समावेश आहे. नोंद झालेल्या ३८० मृत्यूंपैकी २५६ मृत्यू हे मागील ४८ तासातील तर ९४ मृत्यू हे मागील आठवडयातील आहेत. उर्वरित ३० मृत्यू हे एक आठवडयापेक्षा अधिक कालावधीपूर्वीचे आहेत. हे ३० मृत्यू पुणे ७, कोल्हापूर ७, औरंगाबाद ४, नाशिक २, सातारा २, ठाणे २, अमरावती १, धुळे १, जळगाव १, नागपूर १, उस्मानाबाद १ आणि रत्नागिरी १ असे आहेत. आज १३,२३४ रुग्ण बरे होऊन घरी, राज्यात आजपर्यंत एकूण ६,७२,५५६ करोना बाधित रुग्ण बरे होऊन घरी. यामुळे राज्यातील रुग्ण बरे होण्याचे प्रमाण ७१.२६ टक्के एवढे झाले आहे.

आजपर्यंत तपासण्यात आलेल्या ४७,८९,६८२ प्रयोगशाळा नमुन्यांपैकी ९,४३,७७२ (१९.७ टक्के ) नमुने पॉझिटिव्ह आले आहेत. सध्या राज्यात १५,५७,३०५ व्यक्ती होमक्वारंटाईनमध्ये आहेत तर ३८,१४१ व्यक्ती संस्थात्मक क्वारंटाईनमध्ये आहेत.