electricity bill fired

सामान्य नागरिक हे अव्वाच्या सव्वा आलेले वीज बिल भरू शकत नाही. त्यामुळे सरकारने ३०० युनिटपर्यंत वीज बिल माफ केले पाहिजे. तसेच १ एप्रिल २०२०२ रोजी झालेली वीजदरवाढ रद्द झाली पाहिजे. यासाठी मराठी भारती संघटनेने आज महाराष्ट्रात ठिकठिकाणी लोकांच्या आक्रोशाला वाचा फोडली असून वीज बिलाची होळी केली.

कल्याण : वाढत्या कोरोनाच्या महामारीत सारा देश होरपळून निघाला असताना जनतेला अनेक समस्यांना सामोरे जावे लागत आहे. अशात दारात आलेले अव्वाच्या सव्वा वीज बिल सामान्य जनतेची गळचेपी करीत आहे. गेले अनेक दिवस मराठी भारती संघटना या विरोधात लढत आहे. याचाच एक भाग म्हणून आज संपूर्ण महाराष्ट्रात अनेक विभागात हे आंदोलन करण्यात आले, त्यात लोकांनी वीज बिलाबद्दल आपला जो काही रोष आहे तो मांडला असल्याचे संघटनेच्या अध्यक्षा अॅड. पूजा बडेकर यांनी सांगितले.

सामान्य नागरिक हे अव्वाच्या सव्वा आलेले वीज बिल भरू शकत नाही. त्यामुळे सरकारने ३०० युनिटपर्यंत वीज बिल माफ केले पाहिजे. तसेच १ एप्रिल २०२०२ रोजी झालेली वीजदरवाढ रद्द झाली पाहिजे. यासाठी मराठी भारती संघटनेने आज महाराष्ट्रात ठिकठिकाणी लोकांच्या आक्रोशाला वाचा फोडली असून वीज बिलाची होळी केली.  त्यावेळी नागरिकांनी वीज बिलाने वाढविलेला असंतोष व्यक्त केला. जोगवा मागून पोट भरणाऱ्या वर्गाला आपली व्यथा मांडताना अश्रू अनावर झाले. आमच्या डोळ्यातलं पाणी सरकारला दिसत नाही का ? असा सवाल मराठी भारतीच्या अध्यक्षा पूजा बडेकर यांनी विचारला असून लवकरात लवकर मागण्या मान्य झाल्या नाहीत तर आणखी तीव्र आंदोलन करू असा इशारा संघटनेच्या कार्यध्यक्षा विजेता भोनकर यांनी दिला आहे.

महाराष्ट्रात मुंबई, कल्याण, भिवंडी, विरार, नालासोपारा, पालघर, शिवडी, रे रोड, घाटकोपर, नेरुळ, उल्हासनगर, हिंगोली, सोलापूर, पुणे, भोर या अनेक विभागांमध्ये आज वीज बिलांची होळी करण्यात आली. संघटनेचे पदाधिकारी आशिष गायकवाड, राकेश सुतार, अनिल हाटे यांनी वेगवेगळ्या विभागांचे नेतृत्व केले असल्याचे प्रवक्ता सोनल सावंत यांनी सांगितले.