ऑनलाईन शाळेला उन्हाळी सुट्टी आता अभ्यासालाही बुट्टी – राज्यातील शाळांना १ मे पासून सुट्टी जाहीर, १४ जूनला नवे शैक्षणिक वर्ष होणार सुरु

राज्यातील प्राथमिक, माध्यमिक, उच्च माध्यमिक शाळांना १ मे पासून सुट्टी जाहीर(summer holidays from 1st may) करण्यात आली आहे. यावर्षी १ मे ते १३ जून असा हा सुट्टीचा कालावधी असणार आहे.

    राज्यातील वाढत्या कोरोना संसर्गाच्या पार्श्वभूमीवर सुरू असलेल्या ऑनलाईन शाळांना आता सुट्टी जाहीर करण्यात आलेली आहे. राज्यातील प्राथमिक, माध्यमिक, उच्च माध्यमिक शाळांना १ मे पासून सुट्टी जाहीर(summer holidays from 1 may) करण्यात आली आहे. यावर्षी १ मे ते १३ जून असा हा सुट्टीचा कालावधी असणार आहे.

    यामुळे शिक्षक व विद्यार्थ्यांना आता ऑनलाइन शाळेतून सुट्टी मिळाली आहे. तसेच, नवीन शैक्षणिक वर्ष १४ जूनपासून सुरू होणार आहे. तर विदर्भातील तापमान लक्षात घेता. २८ जून पासून शाळा सुरू होणार आहेत.

    शिक्षण संचालनालयामार्फत दरवर्षी शैक्षणिक वर्षातील सुट्यांची निश्चिती करण्यात येते. त्यानुसार सुट्याबाबत खालील सूचना आपण जिल्ह्यातील सर्व मान्यताप्राप्त शासकीय, अशासकीय प्राथमिक माध्यमिक व उच्च माध्यमिक शाळा, कनिष्ठ महाविद्यालये व सैनिक शाळा यांना द्याव्यात, असे शिक्षण संचालक, माध्यमिक व उच्च माध्यमिक यांनी कळवले आहे.

    यानुसार १ मे २०२१ ते १३ जून २०२१ पर्यंत उन्हाळी सुट्टीचा कालावधी असणार आहे. तसेच, पुढील शैक्षणिक वर्ष २०२१-२२ मध्ये सोमवार १४ जून २०२१ रोजी शाळा सुरू करण्यात याव्यात आणि विदर्भातील तापमान विचारात घेता उन्हाळ्याच्या सुट्टीनंतर सोमवार २८ जून २०२१ रोजी शाळा सुरू होतील, असे सांगण्यात आलं आहे.