भारतात ११५७ तास इंटरनेट बंद, जगाचं झालंय एवढ्या हजार कोटींचे नुकसान; वाचून तुम्हालाही बसेल धक्का

२०२१ या वर्षात २०२० च्या तुलनेत ३६ टक्के अधिक इंटरनेट शटडाऊन (Internet Shutdown) झाले आहे. २०२१ मध्ये जगभरात ३०,००० तास इंटरनेट बंद (Closed) होते. त्याच्या प्रभावाबद्दल बोलायचे झाल्यास, यामुळे $ ५.४५ अब्ज किंवा सुमारे ४०,३०० कोटी रुपयांचे नुकसान झाले.

    नवी दिल्ली: आपल्या सर्वांना माहित आहे की, जगातील सर्व देशांमध्ये इंटरनेट अनेक वेळा बंद (Internet Shutdown) केले जाते. यामागे काही कारणे आहेत, त्यातील काही सुरक्षेशी (Security) संबंधित आहेत. त्याचबरोबर काही वेळा तांत्रिक अडचणीमुळे (Technical Problems) इंटरनेट बंद करावे लागते. वर्षभरात किती इंटरनेट शटडाऊन झाले आणि त्याचा काय परिणाम झाला याचा अहवाल प्रत्येक वर्षाच्या शेवटी प्रसिद्ध केला जातो.

    अशा परिस्थितीत २०२१ हे वर्ष संपलं असताना आता २०२१ चा अहवालही समोर आला आहे. २०२१ या वर्षात २०२० च्या तुलनेत ३६ टक्के अधिक इंटरनेट शटडाऊन (Internet Shutdown) झाले आहे. २०२१ मध्ये जगभरात ३०,००० तास इंटरनेट बंद होते. त्याच्या प्रभावाबद्दल बोलायचे झाल्यास, यामुळे $ ५.४५ अब्ज किंवा सुमारे ४०,३०० कोटी रुपयांचे नुकसान झाले.

    भारताची स्थिती काय होती, येथे जाणून घ्या

    भारतात इंटरनेट शटडाऊनबद्दल बोलायचे झाले तर ते १,१५७ तास बंद होते. या यादीत भारत तिसर्‍या क्रमांकावर आहे ज्यांना इंटरनेट बंद झाल्यामुळे सर्वाधिक फटका बसला आहे. आता जर आपण नुकसानीच्या आकडेवारीबद्दल बोललो, तर ते $ ५८२.८ दशलक्ष किंवा सुमारे ४,३०० कोटी रुपये होते. या अहवालाची माहिती व्हर्च्युअल प्रायव्हेट नेटवर्क (VPN) आधारित वेबसाइट Top10VPN द्वारे प्राप्त झाली आहे. भारतीय बाजारपेठेबद्दल बोलायचे झाले तर, येथे इंटरनेट बंद झाल्यामुळे ५९ दशलक्ष लोक प्रभावित झाले आहेत. नवी दिल्लीतील शेतकरी आंदोलनादरम्यान सर्वाधिक काळ इंटरनेट बंद करण्यात आले होते.

    हा देश प्रथम क्रमांकावर आहे :

    २०२१ मध्ये जगभरात सुमारे ४८ कोटी लोक इंटरनेट बंद झाल्यामुळे प्रभावित झाले. जर आपण वार्षिक पातळीबद्दल बोललो, तर त्यात ८० टक्के वाढ झाली आहे. जर आपण संपूर्ण जगाबद्दल बोललो तर, या कालावधीत २१ देशांमध्ये ५० मोठे इंटरनेट खंडित झाले आहेत. यामध्ये ७५ टक्के इंटरनेट आउटेज या देशांच्या सरकारने केले आहे.

    या यादीत म्यानमार पहिल्या क्रमांकावर आहे. येथे या वर्षी इंटरनेट बंद झाल्यामुळे $२.८ बिलियन किंवा सुमारे २०,७०० कोटी रुपयांचे नुकसान झाले आहे. इंटरनेट बंद झाल्यामुळे सुमारे २२ दशलक्ष लोक प्रभावित झाले आहेत. त्याच वेळी, जर आपण दुसऱ्या क्रमांकाबद्दल बोललो तर नायजेरिया त्यावर आहे. येथे १०.४ कोटी प्रभावित झाले आहेत. नुकसानीबद्दल बोलायचे तर येथे सुमारे ११,१०० कोटी रुपयांचे नुकसान झाले आहे.