व्होडाफोन-आयडियाच्या प्रीपेड ग्राहकांसाठी महत्त्वाची बातमी, ‘ही’ सेवा 22 जानेवारीला होणार बंद

व्होडाफोन-आयडिया (Vodafone-Idea)कंपनीने आपल्या प्रीपेड ग्राहकांसाठी अलर्ट जारी केला आहे. कंपनी खरंतर आपल्या ग्राहकांना संदेश पाठवत आहे की, त्यांची प्रीपेड सेवा 13 तासांसाठी बंद राहणार आहे.

    देशातील तिसरी सर्वात मोठी टेलिकॉम कंपनी व्होडाफोन- आयडिया (Vodafone-Idea) ने आपल्या ग्राहकांसाठी मोठी बातमी दिली आहे.  सगळ्यांना माहिती आहे की कंपनी आधीच मोठ्या कर्जाखाली दबली आहे. आता कंपनीने आपल्या प्रीपेड ग्राहकांसाठी अलर्ट जारी केला आहे. कंपनी खरंतर आपल्या ग्राहकांना संदेश पाठवत आहे की, त्यांची प्रीपेड सेवा 13 तासांसाठी बंद राहणार आहे. मिळालेल्या माहितीनुसार, 22 जानेवारी रोजी रात्री 8 वाजल्यापासून ही सेवा बंद राहणार आहे. या दरम्यान व्होडाफोन- आयडिया ग्राहक फोन रिचार्ज करू शकणार नाहीत.

    हा संदेश पाठवून कंपनीने प्रीपेड ग्राहकांना अलर्ट जारी करत आहे. कंपनीच्या संदेशात असे म्हटले आहे की प्रीपेड रिचार्ज सुविधा 22 जानेवारी रोजी रात्री 8 वाजल्यापासून बंद होईल. ही सेवा 13 तास बंद राहणार असून दुसऱ्या दिवशी 23 जानेवारी रोजी सकाळी 9.30 नंतर सुरू होणार आहे. कंपनीने हा संदेश आपल्या सर्व प्रीपेड वापरकर्त्यांना त्यांच्या मोबाईलवर हिंदी आणि इंग्रजी या दोन्ही भाषांमध्ये पाठवला आहे.

    वास्तविक, या काळात कोणत्याही ग्राहकाला कोणतीही अडचण येऊ नये, अशी कंपनीची इच्छा आहे. त्यामुळे आधीच अलर्ट करण्यात येत आहे. तुम्ही जर Vodafone-Idea चा प्रीपेड नंबर वापरत असाल आणि तुमचे रिचार्ज संपणार असेल, तर आजच रिचार्ज करा. अन्यथा 13 तास तुम्हाला कोणता त्रास व्हायला नको.

    व्होडाफोन आयडिया मोठ्या कर्जाच्या ओझ्याखाली दबली आहे. कंपनीची आर्थिक स्थिती अत्यंत बिकट झाली आहे. परवाना शुल्कही भरण्यात कंपनी अपयशी ठरली आहे. परवाना शुल्क सरकारला भरता न आल्याने कंपनीला परवाना रद्द करण्याची अडचण निर्माण झाली आहे. कंपनीला परवाना शुल्क म्हणून 780 कोटी रुपये भरायचे होते पण व्होडाफोन-आयडिया केवळ 78 कोटी रुपये देऊ शकली आहे. अडचणींचा सामना करत असलेल्या वोडाफोन-आयडियाने आतापर्यंत 5G सेवाही सुरू केलेली नाही.