Rape-on-Small-girl

माचिसचे अंगावर चटके देऊन चिमुरडीच्या गुप्तांगावर मेणबत्तीच्या चटके देत तिला धमकावून चिमुरडीसोबत कुकर्म करणाऱ्या मुंब्र्यामधील सावत्र बापाचा भांडाफोड स्थानिक महिलांनी केला.

ठाणे :  माचिसचे अंगावर चटके देऊन चिमुरडीच्या गुप्तांगावर मेणबत्तीच्या चटके देत तिला धमकावून चिमुरडीसोबत कुकर्म करणाऱ्या सावत्र बापाचा भांडाफोड स्थानिक महिलांनी केला.(mumbra police arrested man who tortured his daughter by candle fire) पीडित चिमुरडीच्या आईच्या तक्रारीवरून पोलिसांनी मुंब्रा पोलीस ठाण्यात नराधम सावत्र बापाच्या विरोधात भा.दं.वि. कलम ३७६, ३२३, ५०६ (२), बाल न्याय अधिनियम कलम ७५, पोस्को ४, ६, ८, १०, १२ अन्वये गुन्हा दाखल करून अटक करण्यात आल्याची माहिती वरिष्ठ  पोलीस ठाण्याचे वरिष्ठ पोलीस निरीक्षक मधुकर कड यांनी दिली.

मुंब्र्यातील रशीद कंपाऊंड येथील भाड्याच्या घरात  ४४ वर्षीय नराधम आपली पत्नी आणि सहा वर्षीय सावत्र मुलीसोबत रहात होता. मुलीची आईबाहेर जाताच नराधम सावत्र बाप पीडित मुलीला अमानुष मारहाण करून तिला धमकावत होता. तिला माचिसचे चटके आणि तिच्या गुप्तांगावर मेणबत्तीचे चटके देऊन तिच्यावर जबरदस्तीने अत्याचार करण्यात येत होता. जीवे ठार मारण्याची धमकी दिल्यामुळे चिमुरडीने कुणालाच काही सांगितले नाही. तब्बल सहा महिने हा प्रकार हा प्रकार सुरु होता.

अखेर हा प्रकार आसपासच्या महिलांना समजला. त्यांनी त्या चिमुरडीला विश्वासात घेऊन तिच्याकडून माहिती घेतल्यानंतर महिलांना धक्काच बसला. त्यांनी पीडित मुलीच्या आईला मुंब्रा पोलीस ठाण्यात तक्रार करण्यास पाठविले. पोलिसांनी गुन्हा दाखल केला आणि आरोपी नराधमाला अटक केली.  चिमुरडीला उपचारासाठी रुग्णालयात दाखल केले. सहाय्यक पोलिस निरीक्षक एम. आर. शिंदे यांनी गुन्हा दाखल केला. सहाय्यक पोलीस निरीक्षक बोरसे यांनी घटनास्थळी भेट देऊन पाहणी केली. स्थानिक महिलांनी या नराधमावर कडक कारवाईची मागणी केली आहे.

याबाबत आम्हाला कुणकुण लागली होती. मात्र शेजारी पोलीस ठाण्यात चकरा कोण मारणार म्हणून वाच्चता करीत नव्हती. पण आमच्या कानावर आल्यानंतर आम्ही चिमुरडीला विश्वासात घेऊन माहिती घेतली. तिच्या शरीरावर चटक्याचे व्रण दिसले. त्यानंतर आम्ही मुंब्रा पोलीस ठाण्यात तक्रारीसाठी चिमुरडीच्या आईला पाठविले.

- स्थानिक महिला , रशीद कंपाउंड, मुंब्रा

पीडित मुलीच्या आईने आमच्याकडे तक्रार केली. प्रकरणाची गंभीरता पाहून आम्ही आरोपीला ताब्यात घेऊन त्याच्यावर पॉक्सो अंतर्गत गुन्हा दाखल केला आहे. पुढील कारवाईसाठी त्याला न्यायालयात हजार केले आहे. अधिक तपास सुरु आहे.

- मधुकर कड, वरिष्ठ पोलीस निरीक्षक, मुंब्रा पोलीस ठाणे