जोरदार वाऱ्याने वाळूला दिलं असं रुप आणि फोटो झाले इंटरनेटवर व्हायरल

ही घटना अमेरिकेतील मिशिगन लेक (Lake Michigan) जवळ घडली. किंबहुना सोसाट्याच्या वाऱ्यामुळे तलावाच्या काठावर 'विचित्र आकृत्या' तयार झाल्या होत्या.

    निसर्गापेक्षा मोठा कलाकार नाही. कारण निसर्ग अशा काही गोष्टी निर्माण करतो, ज्या बघून माणसांचाही गोंधळ होतो की ते कसे घडले. हवा कधी उष्ण, कधी थंड असते. मात्र, त्याचा वेग वाढला की तो जीवघेणाही ठरतो. मात्र, वाऱ्यांच्या अप्रतिम कारागिरीची छायाचित्रे सोशल मीडियावर व्हायरल होत आहेत, ती पाहून काहींना बुद्धिबळातील प्यादे आठवले.

    अमेरिकेतील आहे प्रकरण

    ही घटना अमेरिकेतील मिशिगन लेकजवळ (Lake Michigan) घडली. किंबहुना सोसाट्याच्या वाऱ्यामुळे तलावाच्या काठावर ‘विचित्र आकृत्या’ तयार झाल्या होत्या. फोटोग्राफर जोशुआ नोविकीने हे अप्रतिम दृश्य कॅमेऱ्यात कैद केले आहे. सोशल मीडियावर फोटो शेअर झाल्यानंतर हे प्रकरण व्हायरल झाले. लोकांना प्रश्न पडला होता की हे आकृत्या हवेतून कशा बनवल्या गेल्या?

    जेव्हा वाऱ्याने साचलेल्या वाळूला स्पर्श केला

    हा फोटो सोशल मीडियाच्या वेगवेगळ्या प्लॅटफॉर्मवर शेअर केला जात आहे. @Nature_Is_Lit या ट्विटर हँडलने मंगळवार, ११ जानेवारी रोजी हे चित्र शेअर करत लिहिले, ‘मिशिगन सरोवराच्या किनाऱ्यावरील साचलेल्या वाळूमध्ये जोरदार वाऱ्यांनी ‘विचित्र आकार’ बनवले.’ या फोटोला ४१ हजारांहून अधिक लाईक्स आणि ५,८७१ रिट्विट्स मिळाले आहेत.

    वाळूतून तयार झाली बुद्धिबळातील प्यादी?

    हे विचित्र आकार कसे तयार झाले?

    मीडिया रिपोर्ट्सनुसार, जेव्हा जोरदार वाऱ्याने तलावाच्या काठावरील साचलेल्या वाळूला स्पर्श होतो तेव्हा हे विचित्र आकार तयार होतात. ही प्रक्रिया नद्या ज्या प्रकारे जमीन कापून खोरे बनवतात तशीच आहे. मात्र, वाळूच्या बाबतीत ही प्रक्रिया जलद होते. कारण वाऱ्याचा वेग जितका जास्त असेल तितक्या आकृत्या मोठ्या होतात आणि अर्थातच, ही रचना काही दिवस टिकून राहते आणि नंतर पडते.