कोरोनावर गुळवेल ठरतेय अमृत; ग्रामीण भागात वनस्पतीला मोठी मागणी

कोरोनाचा संसर्ग झपाट्याने वाढत असताना ग्रामीण भागासह शहरातही गुळवेल या वनस्पतीला मोठ्या प्रमाणात मागणी वाढली आहे.

    संजय बयस
    शिरपूर जैन (Shirpur Jain).  कोरोनाचा संसर्ग झपाट्याने वाढत असताना ग्रामीण भागासह शहरातही गुळवेल या वनस्पतीला मोठ्या प्रमाणात मागणी वाढली आहे. गुळवेल ही वनस्पती शरीराची रोगप्रतिकारक शक्ती वाढविण्यास मदत करीत असल्यामुळे, कोरोना संसर्ग टाळण्यासाठी अनेक कुटुंब गुळवेलचा काढा घेण्यास पसंती दर्शवित आहेत. त्यामुळे गुळवेल वनस्पतीला सध्या मोठ्या प्रमाणात मागणी वाढली आहे.

    गुळवेलाचा काढा सेवन केल्याने ताप, सर्दी, खोकला, डोकेदुखी, थंडी, मळमळ, मुळव्याध, सांधेदुखी, आम्लपित्त, पोटदुखी, मधुमेह आटोक्यात येतो. असे जाणकारांकडून सांगितले जाते. त्याचप्रमाणे डेंग्यू, चिकनगुनिया, स्वाइन फ्लू यासारख्या आजारावर गुळवेल गुणकारी असल्यामुळे शहरातील व ग्रामीण भागात त्याची मागणी वाढत आहे. ग्रामीण भागात कडुनिंबाच्या झाडावर व आंब्याच्या झाडावर गुळवेल ही वनस्पती मोठ्या प्रमाणात वाढलेली दिसून येते. विशेषकरून कडुनिंबाच्या झाडावरील गुळवेलाला मोठी मागणी आहे.

    या वेलीची ओळख ग्रामीण भागातील जाणकार व्यक्तींनाच आहे. कोरोनाचा संसर्ग वाढल्यापासून अनेक कुटुंब गुळवेलचा काढा सेवन करीत आहेत. काहीजण या वेलीचे छोटे-छोटे तुकडे करून रात्री पाण्यात भिजत ठेवतात व ते पाणी सकाळी उपाशी पोटी सेवन करतात. तर काही कुटुंब या वेलीचे तुकडे पाण्यात टाकून ते पाणी उकळून काढा स्वरूपात पितात. गुळवेल हा एक रान भाजीचा प्रकार मानला जातो. या गुणकारी अमृतमय गुळवेल वनस्पतीची कोरोना काळात चांगलीच मागणी वाढली आहे. गुळवेलमुळे प्रतिकारशक्ती वाढते, दाब कमी होतो.

    मलेरिया, टाइफाईड आजारावर फायदेशीर, पोटाच्या समस्या दूर होतात. मधुमेहावर गुणकारी, दम, खोकला व कफ कमी होतो. लहान मुलांची स्मरणशक्ती वाढते. त्यामुळे गुळवेल बहुगुणी वनस्पती मानली जाते. कोरोनाकाळात ही वनस्पती अमृत ठरत असल्याचे जाणकारांकडून सांगितले जात असून या वनस्पतीची मागणीही मोठ्या प्रमाणात वाढली असल्याचे दिसून येत आहे.