कोरोनावरील प्रभावी लसीसाठी धाडसी प्रयोग, कोरोनामुक्त झालेल्यांच्या शरीरात सोडणार कोरोनाचे विषाणू, होणार हे फायदे

सध्या कोरोनावरील लसीचे दोन डोस घेतल्यानंतरही नागरिकांना कोरोनाची लागण होत असल्याचं दिसून आलंय. लसीकरण झालेल्यांना लागण झाल्यावर त्यांच्यावर होणारा परिणाम हा इतरांच्या तुलनेत कमी असला तरी अशी लागणच होऊ नये, यासाठी प्रयत्न सुरू आहेत. लसीची परिणामकारकता वाढवण्यासाठी ऑस्क्फर्डकडून एक अनोखा प्रयोग केला जातोय. 

    गेल्या वर्षभरापासून जगभरात थैमान घालणाऱ्या कोरोनावर जगातील अनेक देशांनी लसी शोधल्या आहेत. भारतातही दोन लसींची निर्मिती झाली असून जगातील वेगवेगळ्या देशांनी कोरोनावरील लस शोधली आहे. आता ही लस अधिक परिणामकारक होण्यासाठी प्रयत्न सुरू आहेत.

    सध्या कोरोनावरील लसीचे दोन डोस घेतल्यानंतरही नागरिकांना कोरोनाची लागण होत असल्याचं दिसून आलंय. लसीकरण झालेल्यांना लागण झाल्यावर त्यांच्यावर होणारा परिणाम हा इतरांच्या तुलनेत कमी असला तरी अशी लागणच होऊ नये, यासाठी प्रयत्न सुरू आहेत. लसीची परिणामकारकता वाढवण्यासाठी ऑस्क्फर्डकडून एक अनोखा प्रयोग केला जातोय.

    सूत्रांनी दिलेल्या माहितीनुसार प्रयोग करणाऱ्या शास्त्रज्ञांना ६४ स्वसंयसेवकांची गरज आहे. हे स्वयंसेवक १८ ते ३० वयोगटातले असावेत आणि याअगोदर त्यांना कोरोना होऊन गेलेला असावा, अशी शास्त्रज्ञांची अट आहे. या स्वयंसेवकांच्या शरीरात कोरोनाचा वुहान स्ट्रेन सोडण्यात येणार आहे. २०१९ मध्ये वुहानमध्ये सापडलेला हा पहिला स्ट्रेन आहे.

    हा स्ट्रेन शरीरात टाकल्यानंतर स्वयंसेवकांना १७ दिवस क्वारंटाईन करण्यात येईल. त्यानंतर काही दिवसांनी रिपोर्ट येऊन त्यात नवी निरीक्षणे समोर येतील. कोरोनावर अधिक परिणामकारक लस तयार करण्यासाठी या प्रयोगाचा उपयोग केला जाणार आहे. रुग्णांच्या रोगप्रतिकारक शक्तीचा अंदाजही या प्रयोगातून येणार आहे. मात्र यामुळे स्वयंसेवकांच्या जीवाला धोका निर्माण होण्याची शक्यतादेखील वर्तवण्यात आलीय.