african girl gave birth to 10 children

गोसियामी थमारा सिटहोल (Gosiame Thamara Sithole) नावाच्या एका महिलेने एकाच वेळी तब्बल १० मुलांना जन्म दिला आहे (South African woman Gosiame Thamara Sithole gives birth to record 10 babies at once).

    आजपर्यंत जुळी किंवा तिळी मुलं जन्माला आल्याचं आपण अनेकदा बघितलं असेल पण एखाद्या स्त्रीने एकाचवेळी १० मुलांना जन्म(Woman Gave Birth To 10 Children) दिल्याचे आपण कधी ऐकले आहे का? दक्षिण आफ्रिकेत असेच एक प्रकरण समोर आले आहे. हा एक नवा विश्वविक्रम(Record of giving birth to 10 children) स्थापित झाला आहे. गोसियामी थमारा सिटहोल (Gosiame Thamara Sithole) नावाच्या एका महिलेने एकाच वेळी तब्बल १० मुलांना जन्म दिला आहे (South African woman Gosiame Thamara Sithole gives birth to record 10 babies at once).

    गोसियामी थमारा सिटहोल या ३७ वर्षीय महिलेने एकाचवेळी सात मुले आणि तीन मुलींना जन्म दिला आहे. गर्भधारणेदरम्यान, डॉक्टरांनी त्यांना म्हटले होते की, तुम्हाला ६ मुले होऊ शकतात. मात्र जेव्हा ७ जून रोजी गोसियामीचे ऑपरेशन झाले, तेव्हा त्यांनी एकूण १० मुलांना जन्म दिला होता. गोसियामी म्हणतात की, त्यांना आठ मुले होऊ शकतात असे त्यांच्या नवऱ्याला वाटत होते. आपल्या सर्व मुलांना निरोगी पाहून कुटुंबातील सर्व सदस्य आनंदी झाले आहेत.


    गरोदरपणात जेव्हा गोसियामी डॉक्टरांकडे गेल्या तेव्हा डॉक्टरांनी म्हटले की, असे वाटते की तिच्या पोटात ६ मुले आहेत. तेव्हा त्यांनी गोसियामी यांना फार काळजी घ्यायला सांगितले. डॉक्टरांना माहित होते की, थोडासाही निष्काळजीपणा सगळ्या मुलांसाठीच धोकादायक ठरू शकतो. एक काळ असाही आला होता की, गोसियामी खूप आजारी पडल्या होत्या. त्या म्हणाल्या की, गर्भधारणेदरम्यान त्यांना खूप वेदना सहन कराव्या लागल्या, परंतु त्यांच्या मनात फक्त एकच गोष्ट सुरु होती की, आपली सगळी मुले निरोगी जन्मली पाहिजेत.

    गोसियामीची सर्व मुले पूर्णपणे निरोगी आहेत. परंतु, सध्या त्यांना काही दिवस इनक्यूबेटरमध्ये राहावे लागणार आहे. मलऑनलाईनच्या अहवालानुसार, गोसियामीची गर्भधारणा नैसर्गिकरित्या झाली होती. गर्भधारणेदरम्यान तिला बर्‍याच समस्यांचा सामना करावा लागला होता. तिच्या पाय आणि कंबरेमध्ये नेहमीच वेदना होत. त्यांना माहित होते की, एखादी चूक देखील त्यांच्या मुलांसाठी धोकादायक ठरू शकते. तथापि, सर्वकाही व्यवस्थित झाले आणि आज गोसियामी एका गर्भधारणेत सर्वाधिक मुलांना जन्म देणाऱ्या जगातील पहिल्याच महिला ठरल्या आहेत.

    यापूर्वी हा विक्रम मोरोक्कोच्या माली येथील हलीमा सिसी नावाच्या महिलेने केला होता. हलीमा यांनी ९ मुलांना जन्म दिला होता. यात पाच मुली आणि चार मुले यांचा समावेश आहे. मात्र, गोसियामी यांनी अवघ्या एका महिन्यातच हलीमा सिसीचा विक्रम मोडीत काढला आहे.