पाकिस्तानने गाढवांची निर्मिती करण्यासाठी उभारला पहिला कारखाना, जाणून घ्या चीनला लाखो जनावरांची गरज का आहे?

चीन आणि इतर देशांमध्ये गाढवांची मागणी वाढत आहे, म्हणून हा कारखाना उभारण्यात आला आहे. पंजाब सरकारला या देशांना गाढवे निर्यात करायची आहेत. प्रजननकर्त्यांनी शेतात त्यांचे काम सुरू केले आहे. चीन आपल्या देशात गाढवांची देशांतर्गत मागणी पूर्ण करू शकत नाही, तर जगातील सर्वात मोठ्या गाढवांच्या प्रजननकर्त्यांपैकी एक म्हणून ओळखला जातो.

    इस्लामाबाद : निर्यातीसाठी गाढवांची पैदास करणे ही एक व्यावसायिक कल्पना आहे जी अनेक लोकांना ‘नापसंत’ वाटू शकते. मात्र, पाकिस्तानच्या पंजाब सरकारने ही कल्पना अंमलात आणली आहे. सरकारने यासाठी एक योजना आणली आहे आणि ओकारा शहरात गाढवांचे पहिले ‘प्रजनन फार्म’ उभारले आहे. एका मीडिया रिपोर्टमध्ये दावा करण्यात आला आहे की, पंजाब सरकार गाढवांच्या काही उत्तम जातींची पैदास करण्याची योजना आखत आहे.

    सरकारला करायची आहे गाढवांची निर्यात

    अहवालात म्हटले आहे की, चीन आणि इतर देशांमध्ये गाढवांची मागणी वाढत आहे, म्हणून हा कारखाना उभारण्यात आला आहे. पंजाब सरकारला या देशांना गाढवे निर्यात करायची आहेत. प्रजननकर्त्यांनी शेतात त्यांचे काम सुरू केले आहे. चीन आपल्या देशात गाढवांची देशांतर्गत मागणी पूर्ण करू शकत नाही, तर जगातील सर्वात मोठ्या गाढवांच्या प्रजननकर्त्यांपैकी एक म्हणून ओळखला जातो. आता प्रश्न असा आहे की, चीन एवढ्या मोठ्या प्रमाणात गाढवांचे करते काय?

    लाखो गाढवांचे चीन करते काय?

    बरेच लोक मानतात की, चिनी गाढवाचे मांस खातात, म्हणून चीनमध्ये त्यांची मागणी जास्त आहे. २०१९ मध्ये गार्डियनचा एक अहवाल सुचवितो की, चीन पारंपारिक औषधांमध्ये गाढवांच्या कातडीच्या वापरासाठी या प्राण्यांची हत्या करत आहे. अहवालात म्हटले आहे की, २०१९ पासून पुढील पाच वर्षांत जगातील अर्धी गाढवे नष्ट होतील. इजियाओ नावाच्या जिलेटिनवर आधारित पारंपारिक औषधाची मागणी पूर्ण करण्यासाठी चीनला वर्षाला ४.८ दशलक्ष गाढवांची गरज आहे.

    गाढवांची संख्या होईल अर्धी

    असा अंदाज होता की, या वेगाने जगातील ४४ दशलक्ष गाढवांची लोकसंख्या पुढील पाच वर्षांत निम्मी होईल. १९९२ पासून चीनमध्ये गाढवांची संख्या ७६ टक्क्यांनी घटली आहे. गार्डियन्सच्या अहवालानुसार गाढवांची घटती लोकसंख्या रोखण्यासाठी ब्रिटीश Donkey Sanctuary ने फार्मला पाठिंबा दिला आहे.