स्थानिक प्रशासनाच्या म्हणण्यानुसार, आग इतकी भीषण होती की लोक त्यापासून वाचण्यासाठी छतावरून उड्या मारू लागले. त्यामुळे दोघांचा मृत्यू झाला, तर ४-५ जणांचे पाय मोडले. पॉईपेट येथील ग्रँड डायमंड सिटी हॉटेलच्या कॅसिनोमध्ये रात्री 11.30 च्या सुमारास आग लागली. हा थायलंडचा सीमावर्ती भाग आहे. अपघाताच्या वेळी जवळपास 400 लोक तिथे उपस्थित होते.
नवी दिल्ली – कंबोडियामध्ये गुरुवारी एका कॅसिनोला भीषण आग लागली असून त्यात आतापर्यंत २५ जणांचा मृत्यू झाला आहे. अधिकाऱ्यांचे म्हणणे आहे की पायऱ्यांखाली आणि खोल्यांमधून काही मृतदेह बाहेर काढण्यात आले आहेत. जवळपास 22 तास बचावकार्य सुरू आहे. आणखी मृतदेह सापडण्याची शक्यता आहे.
स्थानिक प्रशासनाच्या म्हणण्यानुसार, आग इतकी भीषण होती की लोक त्यापासून वाचण्यासाठी छतावरून उड्या मारू लागले. त्यामुळे दोघांचा मृत्यू झाला, तर ४-५ जणांचे पाय मोडले. पॉईपेट येथील ग्रँड डायमंड सिटी हॉटेलच्या कॅसिनोमध्ये रात्री 11.30 च्या सुमारास आग लागली. हा थायलंडचा सीमावर्ती भाग आहे. अपघाताच्या वेळी जवळपास 400 लोक तिथे उपस्थित होते.
या अपघातात सुमारे 70 जण जखमी झाले आहेत. आग कशामुळे लागली हे कळू शकले नाही. प्रशासन त्याची चौकशी करत आहे. स्थानिक मीडियानुसार, या हॉटेलमधील अनेक लोक थायलंडचे होते. बचाव पथकाने घटनास्थळी 700 जणांना वाचवले. एएफपी या वृत्तसंस्थेने दिलेल्या माहितीनुसार, काही जखमींना थायलंडच्या सा को को प्रांतातील रुग्णालयात पाठवण्यात आले आहे.
अधिकाऱ्यांनी सांगितले की, हॉटेल प्रशासन कक्ष आणि लिफ्टसाठी इलेक्ट्रिक सिस्टम वापरते. इमारतीला आग लागली तेव्हा वीजपुरवठा खंडित झाला आणि यंत्रणा काम करणे बंद झाली. यामुळे लोक आपापल्या खोलीत कैद झाले आणि आगीत जळून गेले. रेस्क्यू टीमला खोल्यांमध्ये 7 मृतदेह सापडले आहेत.
