चीनचे तैवानवर व्यापारी निर्बंध; पेलोसींच्या भेटीने नाराजी

पेलोसींच्या भेटीमुळे तैवान सामुद्रातील शांतता आणि स्थिरता गंभीरपणे खराब होत आहे. तैवानचे स्वातंत्र्य शोधणाऱ्या फुटीरतावादी शक्तींना चुकीचा संकेत पाठवत आहे, असे बीजिंगकडून सांगण्यात आले आहे. अमेरिकेच्या या निर्णयामुळे चिडलेल्या चीनने पेस्ट्री, शिजलेल्या पदार्थ आणि मिठाईचे उत्पादन करणाऱ्या अनेक तैवानी कंपन्यांवर आर्थिक निर्बंधांसह आयात निर्बंध जाहीर केले. मंगळवारी, चीनने तैवानच्या अनेक खाद्य कंपन्यांच्या उत्पादनांची आयात तात्पुरती थांबवली आहे.

    बीजिंग : अमेरिकेन संसदेच्या अध्यक्षा नॅन्सी पेलोसी (Nancy Pelosi) यांच्या तैवान भेटीमुळे नाराज (Taiwan Visit) झालेल्या चीनने (China) बुधवारी बेटावरील नैसर्गिक वाळूची निर्यात (Exports Of Natural Sand) थांबवण्याची घोषणा केली. बीजिंगच्या (Beijing) सततच्या सुरक्षा धोक्यांना न जुमानता यूएस हाऊस स्पीकर नॅन्सी पेलोसी मंगळवारी तैवानमध्ये आल्या. पेलोसी यांची भेट एक चीन तत्त्वाचे आणि चीन-अमेरिका संयुक्त निवेदनातील (China-USA Joint Statement) तरतुदींचे गंभीर उल्लंघन असल्याचे बीजिंगने म्हटले आहे.

    पेलोसींच्या भेटीमुळे तैवान सामुद्रातील शांतता आणि स्थिरता गंभीरपणे खराब होत आहे. तैवानचे स्वातंत्र्य शोधणाऱ्या फुटीरतावादी शक्तींना चुकीचा संकेत पाठवत आहे, असे बीजिंगकडून सांगण्यात आले. पेलोसी मंगळवारी ताइपेमध्ये उतरल्यानंतर लगेचच त्यांनी तैवानच्या लोकशाहीला पाठिंबा देण्याच्या वचनबद्धतेची पुष्टी केली. ही भेट कोणत्याही प्रकारे स्वशासित बेटावरील संयुक्त राज्याच्या धोरणाच्या विरोधात नाही, असे पेलोसी म्हणाल्या.

    अमेरिकेच्या या निर्णयामुळे चिडलेल्या चीनने पेस्ट्री, शिजलेल्या पदार्थ आणि मिठाईचे उत्पादन करणाऱ्या अनेक तैवानी कंपन्यांवर आर्थिक निर्बंधांसह आयात निर्बंध जाहीर केले. मंगळवारी, चीनने तैवानच्या अनेक खाद्य कंपन्यांच्या उत्पादनांची आयात तात्पुरती थांबवली. तसेच, काळ्या यादीत टाकलेल्या कंपन्यांमध्ये चहाची पाने, सुकामेवा, मध, कोको बीन्स आणि भाज्यांचे उत्पादक आणि सुमारे ७०० मासेमारी जहाजांमधील कॅच यांचा समावेश असल्याची पुष्टी सीओएने केली आहे.