उत्तर कोरियामध्ये २ वर्षांनंतर आढळला कोरोनाचा पहिला रुग्ण, किम जोंग-उन यांनी दिल्या कडक सूचना

दोन वर्षांत प्रथमच, गुरुवारी डेमोक्रेटिक पीपल्स रिपब्लिक ऑफ कोरिया (DPRK) मध्ये कोविड-19 संसर्गाची पुष्टी झाली. कोरियन सेंट्रल न्यूज एजन्सीने (KCNA) ही माहिती दिली.

    दोन वर्षांत प्रथमच, गुरुवारी डेमोक्रेटिक पीपल्स रिपब्लिक ऑफ कोरिया (DPRK) मध्ये कोविड-19 संसर्गाची पुष्टी झाली. कोरियन सेंट्रल न्यूज एजन्सीने (KCNA) ही माहिती दिली. येथील माध्यमांनी सांगितले की, रविवारी राजधानीतील रुग्णांच्या गटाकडून नमुने गोळा करण्यात आले आणि त्यांची चाचणी घेण्यात आली, ज्यामध्ये कोरोना संसर्गाच्या ओमिक्रॉन प्रकाराची पुष्टी झाली आहे. त्यांनतर येथे सर्वात गंभीर राष्ट्रीय आणीबाणी म्हणून जाहीर करण्यात आले आहे.

    तत्पूर्वी, उत्तर कोरियाच्या अधिकृत वृत्तसंस्थेने वृत्त दिले की, तपासणीच्या निकालांमध्ये राजधानी प्योंगयांगमधील अनेक लोकांना कोरोना विषाणूच्या ‘ओमिक्रान’ स्वरूपाची लागण झाल्याचे आढळून आले आहे. एजन्सीने सांगितले की किमने सत्ताधारी कोरियन वर्कर्स पार्टीच्या पॉलिटब्युरोची बैठक बोलावली, ज्यात संसर्गविरोधी निर्बंध कडक करण्याचा निर्णय घेतला.

    कोरोनाव्हायरसच्या उद्रेकानंतर त्यांनी आपल्या सर्व सीमा बंद केल्या आणि जवळपास दोन वर्षांपासून सर्व व्यापारी आणि पर्यटकांना देशात प्रवेश करण्यास बंदी घातली. दक्षिण कोरियात अण्वस्त्रे आणि क्षेपणास्त्र कार्यक्रमांमुळे आधीच अमेरिकेच्या निर्बंधांना तोंड देत असलेली देशाची अर्थव्यवस्था कोरोना व्हायरसशी संबंधित निर्बंधांमुळे आणखी अडचणीत आली होती.