एकूणच, अफगाणिस्तानातील भयंकर परिस्थितीमुळे पुरुष आणि स्त्रिया दोघांसाठी अत्यंत उपासमार आणि कुपोषणाच्या घटनांमध्ये वाढ झाली आहे आणि विधवा स्त्रिया आणखी दारिद्र्यात ढकलल्या जात आहेत.
तालिबानने (taliban ) देशाचा ताबा घेतल्यापासून अफगाणिस्तानला (afghanistan) संकट वाढतचं चालली आहे. तालिबान कधी कोणता नवा फतवा काढणार याचा काही नेम नसतो. एका वेगळ्याच दहशतीमध्ये इथले लोकं जगत असतात. आता पुन्हा या तालिबान्यांमुळे येथील नागरिकांना संकटांचा सामना करावा लागत आहे. अफगाणिस्तामध्ये गरिबी वाढली असुन येथील महिलांवर भीक मागण्याची वेळ आली आहे.2018 मध्ये 72 टक्के लोकसंख्येच्या तुलनेत किमान 97 टक्के लोक गरिबीत जगत असल्याचा अंदाज आहे. तालिबानने अलीकडेच आंतरराष्ट्रीय आणि राष्ट्रीय संस्थांमध्ये काम करणाऱ्या महिलांवर आणि सार्वजनिक ठिकाणी महिलांच्या हालचालींवर घातलेल्या बंदीमुळेही महिलांना रोजगार मिळणे कठीण झाले आहे. याचा परिणाम म्हणजे अफगानिस्तामध्ये महिलांचे हाल होतं असुन गरिबी आणि कुपोषण वाढल्याचं निर्दशनास आलं आहे.
कमी शिक्षित स्त्रियांना औपचारिक आणि अनौपचारिक काम उपलब्ध होते, ज्यात घरगुती कामे, भाकरी भाजणे, कपडे धुणे, स्नानगृहे साफ करणे आणि मुलांची काळजी घेणे आणि ग्रामीण समुदायांमध्ये लहान गुरे पाळणे आणि गहू, मका आणि भाज्या पिकवणे हे काम होते. येथील एक महिला जमिलाने सांगीतलं की, मागील सरकारच्या काळात त्यांच्या कुटुंबाला शहीद आणि अपंग मंत्रालयाकडून मासिक पगार मिळत होता. हे मंत्रालय सैन्यातून निवृत्त झालेल्या किंवा लढाईत शहीद झालेल्यांच्या कुटुंबीयांना मासिक पगार देत असे, जेणेकरून त्यांच्याकडे भाकरी घेण्यासाठी पुरेसा पैसा असेल. तालिबान सरकारने पगार रोखून धरला. आम्ही गमावलेले प्रियजन शहीद होते यावर त्यांचा विश्वास नाही. माझ्या मुलाचीही शहरातील म्युनिसिपल ऑफिसला लागून असलेल्या पार्किंगमध्ये नोकरी होती. अनेक दिव्यांग असे काम करायचे. मात्र माझ्या मुलासह अशा सर्वांचे काम हिसकावून घेण्यात आले. या पार्किंग भागात तालिबानने आपली माणसे तैनात केली होती. आमच्याकडे फार कमी पर्याय शिल्लक आहेत. आजकाल एक शेजारी माझ्या मुलाला शहरातील एका पुलाखाली भीक मागायला सोडतो आणि संध्याकाळी घरी घेऊन येतो. त्याला मिळणार्‍या नाण्यांमुळे आपण दुप्पट रोटी विकत घेऊ शकतो फक्त दुसऱ्या दिवसापर्यंत टिकून राहण्यासाठी. जमिलाही त्याला अपवाद नाही. सामाजिक संपर्क नसल्यामुळे त्यांच्या खायचे वांधे होत आहेत.
तालिबानने महिलांवर घातले निर्बंध
तालिबानने महिलांसाठी माध्यमिक आणि विद्यापीठ-स्तरीय शिक्षणावर बंदी घातली आणि महिलांना महरम (जवळचा पुरुष नातेवाईक) शिवाय प्रवास करण्याची परवानगी न देणारे आदेश जारी केले. तालिबानने सर्व सौंदर्य सलून, सार्वजनिक स्नानगृहे आणि महिलांसाठी क्रीडा केंद्रे आणि रोजगाराची महत्त्वाची क्षेत्रे बंद करण्याचे आदेश दिले. एकूणच, अफगाणिस्तानातील भयंकर परिस्थितीमुळे पुरुष आणि स्त्रिया दोघांसाठी अत्यंत उपासमार आणि कुपोषणाच्या घटनांमध्ये वाढ झाली आहे आणि विधवा स्त्रिया आणखी दारिद्र्यात ढकलल्या जात आहेत.
Loading ...