डिव्हाईन टाइड्स' (Divine Tides) या अल्बमसाठी सर्वोत्कृष्ट इनसर्विव्ह अल्बम (Best Innersive Audio) या कॅटेगरीत पुरस्कार मिळाला आहे.
भारतीय संगीतकार रिकी केज (Ricky Kej) यांनी पुन्हा एकदा भारताच नाव जगभरात उंचावलं आहे. लॉस एंजेलिसमधील क्रिप्टो डॉट कॉम एरिना येथे यंदाचा 65 वा ग्रॅमी पुरस्कार सोहळा नुकताच पार पडला आहे. संगीत क्षेत्रातील सर्वात मोठा पुरस्कार मानल्या जाणाऱ्या ग्रॅमी पुरस्कारावर त्यांनी पुन्हा एकदा आपलं नाव कोरलं आहे. त्यांच्या ‘डिव्हाईन टाइड्स’ (Divine Tides) या अल्बमसाठी सर्वोत्कृष्ट इनसर्विव्ह अल्बम (Best Innersive Audio) या कॅटेगरीत पुरस्कार मिळाला आहे. रिकी केज यांनी तिसऱ्यांदा हा ग्रॅमी पुरस्कार पटकावला आहे.
Indian music composer Ricky Kej bags 3rd Grammy award
“Just won my 3rd Grammy Award. Extremely grateful, am speechless! I dedicate this Award to India”, tweets Ricky Kej
(Pic credits: Ricky Kej) pic.twitter.com/qUPKKDaW4y
— ANI (@ANI) February 6, 2023
रिकी केज यांनी चाहत्याचें मानले आभार
ग्रॅमी पुरस्कार पटकावल्यानंतर रिकी केज यांनी खास पोस्ट शेअर करत चाहत्यांना आनंदाची बातमी दिली आहे. रिकी केज यांनी ट्रॉफीसोबतचा फोटो शेअर करत लिहिलं आहे,”कृतज्ञता व्यक्त करतो. माझा तिसरा ग्रॅमी पुरस्कार”. रिकी यांच्या पोस्टवर चाहत्यांनी शुभेच्छांचा वर्षाव केला आहे.
रिकी केज कोण आहे?
रिकी केज हा भारतातील एक लोकप्रिय संगीतकार आहे. त्याने जगभरातील 20 पेक्षा जास्त देशांमधील 100 पुरस्कांरांपेक्षा अधिक पुरस्कार जिंकले आहेत. भारताचा युवा आयकॉन म्हणूनदेखील त्याला सन्मानित करण्यात आले आहे. रिकीने आता ग्रॅमी पुरस्काराच्या माध्यमातून देशाचे नाव जगभरात उंचावल आहे. चाहत्यांसह सेलिब्रिटीही त्यांच अभिनंदन करताना दिसत आहे.
या वर्षी जिंकला पहिला पुरस्कार
प्रसिद्ध संगीतकार रिकी केज यांनी 2015 मध्ये त्यांच्या ‘विंड्स ऑफ संसार’ या अल्बमसाठी पहिल्यांदा हा पुरस्कार जिंकला. 2015 मध्ये हा सन्मान मिळाल्यानंतर, रिकीला पुन्हा एकदा 2022 मध्ये ‘डिव्हाईन टाइड्स’ अल्बमसाठी ‘बेस्ट न्यू एज अल्बम’ श्रेणीत स्टीवर्ट कोपलँडसोबत ग्रॅमी पुरस्कार मिळाला.
