आगा बाबवं! जपानच्या रुबी रोमन द्राक्षांनी खाल्ला भाव, पटकावलाय जगातील सर्वात महागडं फळ होण्याचा मान; अवघ्या एका घडाची किंमत आहे १० लाख रुपये

जगभरात (World) विविध प्रकारची फळे आहेत आणि त्यांची किंमत देखील लोकांना आश्चर्यचकित करते, परंतु जपानमध्ये (Japan) या फळांच्या किंमतीमुळे एक विश्वविक्रम बनला आहे आणि ते जगातील सर्वात महाग फळ असल्याचा मानही पटकावला आहे. जपानच्या रुबी रोमन द्राक्षात हा फरक आहे, जी सामान्य द्राक्षांपेक्षा आकाराने मोठी आहेत.

    नवी दिल्ली : फळे खाणे (Eats Fruits) नेहमीच फायदेशीर (Beneficial For Health) मानले गेले आहे, जरी कधीकधी त्या आवडत्या फळाची किंमत इतकी जास्त असते (Price Is So High) की लोकांना ते खरेदी करण्यापूर्वी दोनदा विचार करावा लागतो. असेच एक फळ सध्या त्याच्या किमतीमुळे भलंतच चर्चेत आहे. हे जगातील सर्वात महागडे फळ पाहून तुमच्या तोंडाला पाणी सुटेल.

    ही रसाळ द्राक्षे आहेत ज्यांना त्यांच्या लाल रंगामुळे जपानमध्ये (Japan) रुबी रोमन द्राक्षे (Ruby Roman Grapes) म्हणतात. या फळाच्या किमतीमुळे जागतिक विक्रमाची नोंद झाली असून जगातील सर्वात महागडे फळ असं बिरुद त्याला मिळालं आहे. किमतीमुळे याला वर्ल्ड रेकॉर्ड बुकमध्येही (World Record Book) स्थान मिळाले आहे. जपानमध्ये, रुबी रोमन द्राक्षांचा घड २०२० मध्ये लिलावात $ 12,000 (सुमारे ९.७६ लाख रुपये) मध्ये विकला गेला आहे.

    बातमीनुसार, या घडातील प्रत्येक द्राक्षाची किंमत सुमारे ३० हजार रुपये आहे. द फायनान्शिअल एक्सप्रेसने वृत्त दिले आहे की हे रुबी रोमन द्राक्ष ह्योगो प्रांतातील अमागासाकी येथील सुपरमार्केटमध्ये विकले गेले. वास्तविक या फळाला नेहमीच महागड्या फळांच्या श्रेणीत ठेवण्यात आले असून हे फळ फक्त सुपर मार्केटमध्येच उपलब्ध आहे. त्याच्या उच्च किंमतीबद्दल जपानमध्येही चिंता व्यक्त करण्यात आली आहे.

    कौतुक आणि घनिष्ठ नातेसंबंधांचे प्रतिक म्हणून मित्र आणि कुटुंबीयांना फळे भेट देण्याची जपानमधील परंपरा आहे. आपल्या प्रियजनांना अशी फळे कशी भेटवस्तू दिली जाऊ शकतात हे त्यात नमूद केले आहे.

    दोन वर्षांपासून प्रीमियम ग्रेडमध्ये फळांची एकही बॅच आढळली नाही

    जपानी सुपरमार्केट अनेकदा दोष असलेली किंवा योग्य आकाराची नसलेली फळे विकत नाहीत. गुणवत्ता मानकांची पूर्तता सुनिश्चित करण्यासाठी फळे जपानमध्ये कठोर तपासणी प्रक्रियेतून जातात. सुपीरियर, स्पेशल सुपीरियर आणि प्रीमियम अशा तीन श्रेणींमध्ये द्राक्षे योग्यरित्या वर्गीकृत आहेत. प्रीमियम म्हणून पात्र होण्यासाठी, द्राक्षे परिपूर्ण असणे आवश्यक आहे. अहवाल सूचित करतो की, २०२१ मध्ये रोमन द्राक्षांच्या फक्त दोन बॅच प्रीमियम ग्रेड म्हणून निर्धारित केल्या गेल्या होत्या, तर २०१९ आणि २०२० मध्ये कोणीही पात्र ठरले नाही.