बाळ येण्याच्या आंनदात महिलेनं दिली भव्य पार्टी, ऐन पार्टी रंगात असताना पाहुण्यांसमोर कोसळलं विमान, व्हिडिओ व्हायरल!

पार्टी सुरू असताना फुलांची, रंगाची उधळण करण्यासाठी हे प्लेन आणलं होता. मात्र, प्लेन अनियंत्रीत होऊन कोसळलं. त्याचा व्हिडिओ रविवारी सोशल मीडिया प्लॅटफॉर्म X वर शेअर करण्यात आला आहे.

    सोशल  मीडियावर रोज अनेक व्हिडीओ व्हायरल (Social Media Viral Video) होतात. लोकं आंनदाच्या क्षणांना दुप्पट करण्यासाठी अनेकदा पार्टी देतात. अशा पार्टीचे व्हिडीओही व्हायरल होतात. मात्र, दुर्देवाने अशा पार्टीमध्ये दुर्घटना घडतानाही दिसतात. सध्या एका जोडप्याने दिलेल्या पार्टीचा एक व्हिडीओ व्हायरल होत आहे. ज्यामध्ये प्लेन क्रॅश झाल्याचं दिसत आहे. मेक्सिकोमध्ये एका जोडप्याने जेंडर रिव्हल पार्टीचे (gender reveal party) आयोजन केलं होतं, जिथे मोठ्या संख्येने लोक आले होते. पार्टीदरम्यान स्टंट सादर करताना अचानक प्लेन क्रॅश झाल्याची घटना घडली आहे. रविवारी सोशल मीडिया प्लॅटफॉर्म X वर शेअर करण्यात आला आहे.

    नेमकं काय घडलं?

    न्यूयॉर्क पोस्टच्या वृत्तानुसार, पार्टीत प्लेन क्रॅश होण्याची ही घटना मेस्किकोमधील आहे. एका कपलने Gender Reveal Party आयोजीत केली होती. त्यांच्यावर फुलांची आणि रंगाची उधळण करण्यासाठी प्लेनही आणण्यातं आलं होत. ठरल्या प्रमाणे प्लेनने रंग भरुन उड्डाण घेतलं. कपलच्या डोक्यावरुन रंगांची उधळण करण्यात येत होती. त्यावेळी हे प्लेन अंनियंत्रित होऊन खाली कोलळलं.  या घटनेनंतर अधिकाऱ्यांना पायलट ढिगाऱ्यात सापडला. त्याला रुग्णालयात नेण्यात आले, तेथे त्याला मृत घोषित करण्यात आलं.

    Gender Reveal Party वर आक्षेप

    हा व्हिडीओ व्हायरल झाल्यानंतर Gender Reveal Party वादाच्या भोवऱ्यात अडकली आहे.  एका युझरने म्हटले आहे की, ‘या लिंग सांगणारी पार्टी आयोजीत केल्याने अनेकदा दुर्घटना घटल्या आहेत. आणखी एका युजरने म्हटले की, ‘वैमानिकाची अजिबात पर्वा न करता कॅमेरा ज्या प्रकारे जोडप्याकडे वळवला गेला ते दुःखद आहे.’

    यापूर्वीही अनेक अपघात झाले आहेत

    जेंडर रिव्हल पार्टीमध्ये लोक त्यांच्या न जन्मलेल्या मुलाचे लिंग उघड करतात. याआधीही जेंडर रिव्हल पार्ट्यांमुळे मोठे अपघात झाले आहेत. सन 2020 मध्ये कॅलिफोर्नियाच्या जंगलात यामुळे आग लागली होती. जे 10,000 एकर जमिनीवर पसरले आहे. तर दुसऱ्या एका पार्टीत फटाके आणि बेशिस्त उत्सवामुळे झाडांना आग लागली. 2019 मध्ये, ऑस्ट्रेलियातील एका जोडप्याने उत्साहाच्या भरात त्यांची कार जाळली. त्यामुळे आता लोकंही या पार्टीच्या विरोधात बोलू लागले आहेत.