मोठी बातमी! वर्कलोडमुळे ढसाढसा रडल्या ‘या’ देशाच्या PM, म्हणाल्या ‘आता बास…पुढच्या चार वर्षांचा कारभारच नको..’

न्यूझीलंडमध्ये मजूर पक्षाचे सरकार आहे. जेसिंडा आर्डर्न यांनी राजीनामा जाहीर केल्यानंतर नवीन नेता निवडण्यासाठी रविवारी पक्षांतर्गत मतदान होणार आहे. पक्षाच्या नेत्याची निवड झालेली व्यक्ती पुढील सार्वत्रिक निवडणुकीपर्यंत पंतप्रधान असेल. आर्डर्न यांचा नेता म्हणून कार्यकाळ ७ फेब्रुवारी रोजी संपणार आहे.

    वेलिंग्टन : वयाच्या ३७ व्या वर्षी पंतप्रधान झालेल्या न्यूझीलंडच्या सर्वात तरुण पंतप्रधान जेसिंडा आर्डर्न (Jacinda Ardern is New Zealand’s youngest Prime Minister) यांनी आपल्या पदाचा राजीनामा (Resigns) जाहीर केला आहे. त्या पुढील महिन्यात पद सोडणार आहे. राजीनामा जाहीर करताना जेसिंडा रडल्या. त्या पुढची निवडणुकही लढवणार नाहीत. जेसिंडा यांनी फेब्रुवारीमध्ये राजीनामा देणार असल्याची घोषणा (Announcement) केली होती. सहा वर्षे न्यूझीलंडच्या पंतप्रधान (Prime Minister of New Zealand) राहिलेल्या जेसिंडा यांनी आपण निवडणूक लढवणार नसल्याचे सांगितले. माझ्यावर राजीनामा देण्याची वेळ आली आहे, असे त्यांनी आपल्या मजूर पक्षाच्या सदस्यांना सांगितले. न्यूझीलंडमध्ये १४ ऑक्टोबर रोजी सार्वत्रिक निवडणुका होणार आहेत. पुढे वाचा संपूर्ण बातमी…

    जेसिंडा आर्डर्न म्हणाल्या, “मी आणखी चार वर्षे न्यूझीलंडचे नेतृत्व करण्यास सक्षम नाही.” अश्रू रोखून जॅसिंडा म्हणाल्या, “पंतप्रधान म्हणून साडेपाच वर्षे कठीण गेली आहेत. मी देखील माणूस आहे. आता मला वेगळं होण्याची गरज आहे. मला माहित आहे की, या निर्णयानंतर खूप चर्चा होईल. राजीनाम्याचा निर्णय.” काय होते ‘खरे’ कारण. कारण एकच आहे की सलग सहा वर्षे मोठी आव्हाने पेलून मी खचले आहे. मी सुद्धा माणूस आहे. राजकारणी माणूसच आहेत. जेवढं शक्य होतं तेवढं मी केलं, करू शकले. आता माझ्यासाठी निरोप घेण्याची वेळ आली आहे.”

    न्यूझीलंडमध्ये मजूर पक्षाचे सरकार (Labour Party Government In New Zealand)  आहे. जेसिंडा आर्डर्न यांनी राजीनामा जाहीर केल्यानंतर नवीन नेता निवडण्यासाठी रविवारी पक्षांतर्गत मतदान होणार आहे. पक्षाच्या नेत्याची निवड झालेली व्यक्ती पुढील सार्वत्रिक निवडणुकीपर्यंत पंतप्रधान असेल. आर्डर्न यांचा नेता म्हणून कार्यकाळ ७ फेब्रुवारी रोजी संपणार आहे. १४ ऑक्टोबर २०२३ रोजी सार्वत्रिक निवडणुका होणार आहेत.

    न्यूझीलंड मजूर पक्ष आगामी निवडणुकीत जिंकेल असा विश्वास आर्डर्न यांनी व्यक्त केला. न्यूझीलंडचे उपपंतप्रधान आणि अर्थमंत्री ग्रँट रॉबर्टसन यांनी सांगितले आहे की ते पुढील कामगार नेत्याच्या पदासाठी लढण्याचा प्रयत्न करणार नाहीत. राजकीय समालोचक बेन थॉमस म्हणाले की आर्डर्नची घोषणा आश्चर्यकारक होती. ती आजही देशाची सर्वात आवडती पंतप्रधान मानली जाते. २०२० च्या निवडणुकीच्या तुलनेत त्यांच्या पक्षाचा पाठिंबा कमी झाला असला तरी.

    Jacinda Ardern यांचा जन्म २६ जुलै १९८० रोजी हॅमिल्टन, न्यूझीलंड येथे झाला. त्याचे वडील रॉस आर्डर्न पोलिस अधिकारी होते. जेसिंडाने वयाच्या १८ व्या वर्षी राजकारणात प्रवेश केला. त्यांनी माजी पंतप्रधान हेलन क्लार्क यांच्या कार्यालयात सहाय्यक म्हणून काम केले. त्यानंतर टोनी ब्लेअर यांच्या सरकारमध्ये धोरण सल्लागार म्हणून काम करण्यासाठी त्या ब्रिटनमध्ये गेल्या. २००८ मध्ये त्या खासदार म्हणून निवडून आल्या आणि मार्च २०१७ मध्ये लेबर पार्टीच्या उपनेत्या झाल्या. २०१७ मध्ये, वयाच्या ३७ व्या वर्षी, त्या न्यूझीलंडच्या सर्वात तरुण पंतप्रधान बनल्या.

    जेसिंडा आर्डर्न या पंतप्रधानपदाची धुरा सांभाळत आई बनणाऱ्या जगातील दुसऱ्या पंतप्रधान ठरल्या. क्राइस्टचर्च मशिदीत झालेल्या गोळीबारानंतर जेसिंडा आर्डर्न यांनी न्यूझीलंडचा ताबा घेतला. कोरोना महामारीच्या काळात चांगले काम केल्यामुळे त्यांना जगभरात प्रसिद्धी मिळाली.