Published March 14, 2025
By Mayur Navle
Pic Credit - iStock
आज देशभरात वायू प्रदूषण झपाट्याने वाढत आहे. याचा परिणाम आपल्या आरोग्यावर देखील होऊ शकतो. ते कसं? चला जाणून घेऊया.
प्रदूषित हवेत असलेले धूलिकण आणि विषारी वायू श्वासोच्छ्वासाच्या समस्यांना कारणीभूत ठरतात.
प्रदूषणामुळे रक्तवाहिन्या आकुंचित होतात, ज्यामुळे उच्च रक्तदाब, हृदयविकाराचा झटका आणि स्ट्रोकचा धोका वाढतो.
धूर, कार्बन मोनॉक्साईड आणि इतर प्रदूषकांमुळे डोळ्यांची जळजळ, पाणी येणे आणि दृष्टीदोष निर्माण होऊ शकतो.
त्वचेवर रॅशेस, ऍलर्जी, कोरडेपणा आणि अकाली वृद्धत्व यांसारख्या समस्या निर्माण होतात.
प्रदूषणामुळे शरीराची रोगप्रतिकारशक्ती कमी होते, ज्यामुळे सर्दी, खोकला आणि इतर संसर्गजन्य आजार होण्याची शक्यता वाढते.
गरोदरपणात वायु प्रदूषणामुळे अपुऱ्या वाढीचे बाळ जन्माला येणे, गर्भपात होणे किंवा मुलांमध्ये जन्मजात व्यंग निर्माण होण्याचा धोका वाढतो.
प्रदूषित हवेतील घातक रसायने फुफ्फुसात साचून कर्करोगाचा धोका निर्माण करू शकतात.