Published Nov 13, 2024
By Harshada Jadhav
Pic Credit - pinterest
लग्नकार्य किंवा एखादा कार्यक्रमचे आमंत्रण द्यायला आपण एखाद्याच्या घरी जातो.
या कार्यक्रमांसाठी पत्रिका देखील छापल्या जातात. काही पत्रिकांमध्ये आमंत्रण तर काही पत्रिकांमध्ये निमंत्रण लिहीलेलं असतं.
आमंत्रण आणि निमंत्रण हे दोन शब्द एकाच अर्थाने बऱ्याचदा वापरले जातात.
दोन्ही शब्द एकसारखेच वाटत असले तरी या दोन्ही शब्दांचा अर्थ वेगळा आहे.
जेव्हा एखाद्या कार्यक्रमात वेळेत उपस्थित राहण्याचे बंधन नसते, त्याला आमंत्रण असं म्हणतात.
निमंत्रण म्हणजे ज्या कार्यक्रमांमध्ये वेळेवर उपस्थित राहणं बंधनकारक असतं.
ज्या कार्यक्रमांसाठी आमंत्रित केलं जात, त्यांची रुपरेषा ठरलेली नसते. तर ज्या कार्यक्रमांसाठी निमंत्रित केलं जात, त्यांची रुपरेषा ठरलेली असते
वाढदिवसाची पार्टी किंवा लग्नाचे रिसेप्शन ही आमंत्रणाची उदाहरण ठरू शकतात. अशा कार्यक्रमांमध्ये मुहूर्ताला विशेष महत्व नसतं.
लग्न समारंभ किंवा मुंज इत्यादी कार्यक्रमावेळी निमंत्रण दिलं जातं. कारण असे कार्यक्रम मुहूर्तावर होणं गरजेचं असतं.
निमंत्रण विशेष असतं. ते आपल्या जवळच्या व्यक्तिंना आणि प्रियजनांना दिलं जातं.