शुक्रवार, 28 ऑगस्ट 2026
सौजन्य फोटो - सोशल मिडीया
बेकायदेशीरपणे देशी दारू विक्री होत असल्याचा आरोप
मिळालेल्या माहितीनुसार, विकास सोलंके याचे गावाजवळच बिअर बारचे दुकान आहे. गुरुवारी रात्री डांभुर्णी येथील काही तरुण या बारमध्ये गेले होते. तेथे बिअर बारमध्ये बेकायदेशीरपणे देशी दारूची विक्री होत असल्याचा आरोप करत संबंधित तरुणांनी मोबाईलमध्ये व्हिडिओ चित्रीकरण करण्यास सुरुवात केली. यावरून तरुण आणि विकास सोलंके यांच्यात जोरदार वाद झाला.
घाबरवण्यासाठी केला होता हवेत गोळीबार
व्हिडिओ चित्रीकरणावरून झालेल्या या वादाचा राग मनात धरून सोलंके याने संबंधित तरुणांना घाबरवण्यासाठी डांभुर्णी येथे जाऊन हवेत गोळीबार केल्याचा आरोप आहे. मद्यप्राशन केलेल्या अवस्थेत असलेल्या सोलंके याने जवळील गावठी कट्ट्यातून गोळी झाडल्याचे पोलिसांच्या तपासात समोर आले आहे. गोळीबारामुळे परिसरात एकच खळबळ उडाली. त्यामुळे तरुणांमध्ये भीतीचे वातावरण निर्माण झाले होते.
पोलिसांनी घेतले सरपंचला ताब्यात
घटनेची माहिती मिळताच यावल पोलिसांनी तातडीने तपास सुरू केला. पोलिसांनी रात्रभर शोध घेत शुक्रवारी पहाटे विकास सोलंके याला ताब्यात घेतले. त्याच्याकडून देशी बनावटीचा कट्टा, एक जिवंत काडतूस आणि गोळीबारानंतरची रिकामी पुंगळी जप्त करण्यात आली आहे. घटनास्थळी मोबाईल फॉरेन्सिक व्हॅनच्या पथकानेही पाहणी करून आवश्यक पुरावे गोळा केले.
Nashik Crime News: हक्कसोड पत्रावरून भावाचा टोकाचा निर्णय; बहिणीच्या घरी भाच्याची हत्या
काही महीन्यापुर्वीच विकत घेतला होता गावठी कट्टा
दरम्यान, पोलिसांच्या तपासात सोलंके याने हा गावठी कट्टा सुमारे तीन महिन्यांपूर्वी एका अज्ञात व्यक्तीकडून खरेदी केल्याची माहिती समोर आली आहे. हा कट्टा कोणी विकला, त्याचा पुरवठा कुठून झाला आणि या प्रकरणात आणखी कोणाचा सहभाग आहे का, याचा तपास पोलिसांकडून केला जात आहे.
या प्रकरणी यावल पोलीस ठाण्यात संबंधित कलमांनुसार गुन्हा दाखल करण्यात आला आहे. घटनेनंतर गावात सध्या शांतता असून परिस्थिती नियंत्रणात असल्याचे पोलीस अधीक्षक श्रीकांत धिवरे यांनी सांगितले. दरम्यान, सरपंचासारख्या लोकप्रतिनिधीकडूनच सार्वजनिक ठिकाणी अशाप्रकारे गोळीबार झाल्याने परिसरात चर्चेला उधाण आले आहे. पोलिसांकडून या प्रकरणाचा पुढील तपास सुरू आहे.
