Sayaji Shinde: पाली सायडोंगर येथील ग्रामस्थांनी आपल्या जमिनीच्या रक्षणासाठी एकजुटीने उभे राहावे, असे आवाहन अभिनेते आणि पर्यावरणप्रेमी सयाजी शिंदे यांनी केले आहे. जमीन वाचवण्यासाठी ग्रामस्थांनी एकत्र राहून संघर्ष करण्याचा संदेश त्यांनी दिला.
रायगडचे पालकमंत्री भरतशेठ गोगावले यांनी शुक्रवारी महाड तालुक्याचा दौरा केला. यावेळी त्यांनी थेट शेतकऱ्यांच्या बांधावर पोहोचून भातशेतीची पाहणी केली. शेतकऱ्यांसोबत जमिनीवर मांडीला मांडी लावून भाकरी-पिठल्याचा घास घेत त्यांच्या अडचणी जाणून घेतल्या.
Uran Khopta Bridge: जुन्या खोपटा पुलाच्या दुरुस्तीचे काम आता अंतिम टप्प्यात आले आहे. आनंदाची बातमी म्हणजेच दिवाळीत हा पूल वाहतुकीसाठी खुला होणार आहे. याबाबत सार्वजनिक बांधकाम विभागाकडून माहिती देण्यात आली आहे.
रायगड माध्यमिक शिक्षण विभागात भ्रष्ट कारभार सुरु असल्याचा आरोप ज्येष्ठ नेते तथा माजी आमदार पंडित पाटील यांनी केला आहे. माध्यमिक शिक्षणाधिकारी महारुद्र नाळे यांची स्वतंत्र 'एसआयटी' नेमून चौकशी करावी, त्यांना तात्काळ सेवेतून निलंबित करावे, अशी मागणी त्यांनी केली आहे.
कृषी विभागाच्या अहवालानंतर 'दुष्काळसदृश' यादीत महाडचा समावेश करण्यात आला आहे. आता तालुक्यातील १८८ गावांमध्ये शेती नुकसानीचे पंचनामे करण्याची प्रक्रिया अंतिम टप्प्यात आहे.
कर्जतमध्ये सरकारच्या पाणी अडवण्याच्या धोरणावर प्रश्नचिन्ह निर्माण झाले आहे. बेकरे पूल येथे आठ नळपाणी योजना अवलंबून असलेल्या सिमेंट बंधाऱ्याला अद्याप झडपा लावलेल्या नसल्याने ग्रामस्थांनी नाराजी व्यक्त केली आहे.
CIDCO : सिडकोने नवी मुंबईतील आपल्या कार्यक्षेत्रात 15 टक्के पाणीकपात लागू केली आहे. 2 नोव्हेंबरपासून प्रत्येक नोडमध्ये आठवड्यातून 24 तास पाणीपुरवठा बंद राहणार आहे. जाणून घ्या नोडनिहाय वेळापत्रक.
भीमाशंकर महामार्गाचे काम गेल्या २० वर्षापासून रखडले आहे. याचे कारण म्हणजेच वन विभागाने घाटातील रस्ते कामाला परवानगी नाकारली होती. मग आता टोरंटसाठी धरण बांधायला परवानगी कशी देण्यात आली, असा सवाल सामाजिक कार्यकर्ते उदय पाटील यांनी उपस्थित केला आहे.
खोपोली शहरातील जुन्या भाजी मार्केट परिसरातकचऱ्याची समस्या मार्गी लावण्यासाठी मोठा खर्च करून उभारलेली कचरा प्रक्रिया यंत्रणा उभारण्यात आली होती. मात्र आता ही यंत्रणा धूळखात पडली आहे. त्यामुळे अनेक प्रश्न उपस्थित झाले आहेत.
गुरुवारी, २९ ऑक्टोबर रोजी नगरपंचायत कार्यालय सभागृहात सभेच्या पीठासन अधिकारी तथा नगराध्यक्ष शर्मिला सुर्वे यांनी विशेष सभा बोलाविली होती. जागतिक बँक सहाय्यित माणगाव नगरपंचायतीसाठी एमयुडब्लूआरइपी अंतर्गत भुयारी गटार योजना राबविण्याबाबत निर्णय घेण्यासाठी सभा आयोजित केली होती.
Torrent Project: टोरंट प्रकल्पावरून विरोधाची भूमिका अधिक तीव्र झाली आहे. आरपीआय आठवले गटाने या प्रकल्पाला विरोध दर्शवत, हा प्रकल्प आम्हाला नको असून राज्यात कुठेही घेऊन जा, अशी भूमिका मांडली आहे. तसेच, आधी ९० हजार झाडे लावा आणि त्यानंतरच इकडे या, अशी मागणी आरपीआयचे नरेंद्र गायकवाड यांनी केली आहे.
शेतकरी कामगार पक्षाच्या राज्य मुख्य प्रवक्त्या चित्रलेखा पाटील यांनी टोरंट पॉवरच्या प्रस्तावित जलविद्युत ऊर्जा साठवण प्रकल्पाविरोधात जोरदार आवाज उठवला आहे. चित्रलेखा पाटील म्हणाल्या की, सह्याद्रीवर कुऱ्हाडीचा घाव घालून निसर्ग नष्ट करण्याचे काम हे सरकार करत आहे.
