Google ची मोठी घोषणा! Gemini AI अ‍ॅप आता macOS साठी लाँच, मॅक यूजर्सना मिळणार जबरदस्त फीचर्स

गूगलने macOS साठी जेमिनी एआयचे नेटिव अ‍ॅप लाँच करून मॅक यूजर्ससाठी मोठी सुविधा आणली आहे. या अ‍ॅपमुळे यूजर्सना डेस्कटॉपवरच जलद आणि स्मार्ट एआय अनुभव मिळणार असून स्पर्धा आणखी तीव्र होणार आहे.

Google ची मोठी घोषणा! Gemini AI अ‍ॅप आता macOS साठी लाँच, मॅक यूजर्सना मिळणार जबरदस्त फीचर्स

Follow Us:

Follow Us:

• जेमिनी अ‍ॅप macOS साठी नेटिव स्वरूपात लाँच झाले असून फ्री टियरसह सर्व यूजर्ससाठी उपलब्ध आहे.
• “ऑप्शन+ स्पेस” शॉर्टकट, विंडो शेअरिंग आणि फाइल सपोर्टसारखी प्रगत फीचर्स देण्यात आली आहेत.
• Apple सोबतच्या पार्टनरशिपनंतर हे अ‍ॅप लाँच झाले असून, यामुळे AI स्पर्धा अधिक तीव्र होणार आहे.

आता घरबसल्या शोधा तुमच्या जवळील अधिकृत आधार केंद्र, हे नेविगेशन प्लेटफॉर्म्स करणार मदत! अशी आहे सोपी पद्धत

जेमिनी आता मॅकवर देखील उपलब्ध

सोशल मीडिया प्लॅटफॉर्म एक्सवर शेअर करण्यात आलेल्या पोस्टमध्ये, गुगलचे सिईओ सुंदर पिचाई यांनी मॅक डिव्हाईससाठी गुगलचे एआय चॅटबोट जेमिनी सादर करत असल्याची घोषणा केली आहे. त्यांनी सांगितलं आहे की, याचे सुरुवातीचे वर्जन कंपनीचे एजेंटिक प्लॅटफॉर्म अँटीग्रॅव्हिटीचा वापर करून तयार करण्यात आले होते आणि याचा प्रोटोटाइप काहीच दिवसांत तयार करण्यात आला होता. हे चॅटबॉट ॲप सर्व समर्थित भाषा आणि देशांमध्ये उपलब्ध आहे. हा अ‍ॅप वापरण्यासाठी यूजर्सच्या डिव्हाईसमध्ये macOS Sequoia (15.0) किंवा त्याहून नवीन वर्जन अपडेटेड असणं गरजेचं आहे. (फोटो सौजन्य – Pinterest)

जेमिनीचा macOS साठीचा नेटिव्ह डेस्कटॉप अनुभव अनेक फीचर्ससह येतो. यूजर्सना कोणत्याही स्क्रीनवर अ‍ॅप पटकन उघडता यावे यासाठी, एआय चॅटबॉट ‘ऑप्शन + स्पेस’ शॉर्टकटला सपोर्ट करणार आहे. एका ब्लॉग पोस्टमध्ये, कंपनीने स्पष्ट केले आहे की, या शॉर्टकटमुळे यूजर्सना प्रत्येक वेळी एआय चॅटबॉटची मदत घेण्यासाठी वेगळी विंडो उघडण्याची गरज भासणार नाही.

विंडो शेयरिंगची सुविधा उपलब्ध

जेमिनी अ‍ॅपमध्ये विंडो शेयरिंगची सुविधा देखील उपलब्ध आहे. यूजर्स ब्राउझरमधील किंवा दुसऱ्या ॲपमधील कोणतीही उघडलेली विंडो गूगलच्या चॅटबॉटसोबत शेअर करू शकतात आणि चॅटबॉट त्या विंडोमधील मजकूर त्वरित समजून त्यानुसार प्रतिसाद देतो. हे फीचर लोकल फाइल्सना देखील सपोर्ट करते. त्यामुळे, यूजर्स फाइल स्वतः अपलोड न करता कामाच्या अहवालाबद्दल किंवा एखाद्या गुंतागुंतीच्या डॉक्यूमेंटबद्दल प्रश्न विचारू शकतात. याव्यतिरिक्त, सबस्क्रिप्शन असलेले यूजर्स नॅनो बनाना प्रो (Nano Banana Pro) वापरून प्रतिमा शेअर करू शकतात आणि वेओ 3.1 (Veo 3.1) वापरून व्हिडिओ तयार करू शकतात.

पावरफुल चिपसेट आणि तगडी बॅटरी… नव्या स्मार्टफोनसह या कंपनीने केली कमाल, ग्राहकांची पसंती मिळणार?

पार्टनरशिपच्या 3 महिन्यानंतर अ‍ॅप लाँच

अ‍ॅपल आणि गुगल यांच्यामध्ये काही महिन्यांपूर्वीच पार्टनरशिपची घोषणा करण्यात आली होती. या पार्टनरशिपच्या 3 महिन्यानंतर हे अ‍ॅप लाँच करण्यात आले आहेत. या पार्टनरशिपअंतर्गत, आयफोन निर्माता कंपनीला गूगलचे एक विशेष जेमिनी मॉडेल वापरून ॲपल फाउंडेशन मॉडेल्सच्या (AFM) पुढील पिढीला शक्ती देता येईल. हे मॉडेल सिरीच्या अधिक सक्षम आणि पर्सनलाइज्ड वर्जनलाही शक्ती देईल, जी या वर्षाच्या अखेरीस लॉन्च होण्याची अपेक्षा आहे.

Web Title: Google launches gemini ai app for macos brings powerful desktop experience to mac users tech news marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com