शनिवार, 17 ऑक्टोबर 2026
Bikes चा खरा राजा कोण? Honda च्या वर्चस्वामध्ये, या चार भारतीय कंपन्या ठरल्या विजयी
Best-Selling Motorcycle Brands of 2025 News Marathi: २०२५ च्या ऑटोमोबाईल डेटाने पुन्हा एकदा सिद्ध केले आहे की आशियाई कंपन्या जागतिक दुचाकी बाजारात वर्चस्व गाजवत आहेत. नुकत्याच प्रसिद्ध झालेल्या एका अहवालानुसार (मॅकडोनाल्ड आणि SIAM नुसार) जगभरात बाईक्स आणि स्कूटर्सच्या मागणीत प्रचंड वाढ झाली आहे. चला तर मग २०२५ मधील अव्वल कामगिरी करणाऱ्या कंपन्यांवर एक नजर टाकूया….
जपानी कंपनी होंडा २०.२ दशलक्ष युनिट्सच्या विक्रीसह यादीत अव्वल आहे. हा आकडा दुसऱ्या क्रमांकावरील कंपनीपेक्षा जवळपास चार पटीने जास्त आहे, जो होंडाची जागतिक पोहोच आणि विश्वास दर्शवतो.
भारतीय कंपन्यांनीही टॉप-१० यादीत आपली मजबूत पकड कायम ठेवली आहे. हीरो मोटोकॉर्प ५९ लाख युनिट्सच्या विक्रीसह दुसऱ्या क्रमांकावर आहे. टीव्हीएस मोटर्स आणि बजाज अनुक्रमे ३७ लाख आणि ३३ लाख युनिट्सच्या विक्रीसह पाचव्या आणि सहाव्या क्रमांकावर आहेत. क्लासिक बाईक शौकिनांमध्ये लोकप्रिय असलेल्या रॉयल एनफिल्डनेही ११ लाख विक्रीसह टॉप-१० मध्ये आपले स्थान मिळवले आहे.
भारतात खिशाला परवडणारी सर्वात स्वस्त 350cc बाईक कोणती? किंमत फक्त 1.37 लाखांपासून सुरु
या बदलत्या काळात, याडिया (४५ लाख) सारख्या इलेक्ट्रिक दुचाकी कंपन्यांनी चौथे स्थान पटकावून सर्वांना आश्चर्यचकित केले आहे. हाओजु (१९ लाख) आणि झोंगशेन (१० लाख) सारखे चायनीज ब्रँड्स त्यांच्या परवडणाऱ्या किमती आणि युटिलिटी सेगमेंटमुळे खूप लोकप्रिय झाले आहेत.
जेव्हा हॉबी आणि रेसिंग बाईक्सचा विचार केला जातो, तेव्हा कावासाकी (५ लाख), केटीएम (३७ लाख) आणि बीएमडब्ल्यू मोटरराड (२२ लाख) यांनी प्रीमियम सेगमेंटमध्ये आपली प्रतिष्ठा कायम ठेवली आहे. त्यांची विक्रीची आकडेवारी फार जास्त नसली तरी, ब्रँड व्हॅल्यूच्या बाबतीत ते आघाडीवर आहेत.
भारतीय दुचाकी बाजारासाठी फेब्रुवारी महिना उत्तम ठरला. या महिन्यात वाहन कंपन्यांनी जोरदार विक्री नोंदवली. SIAM (सोसायटी ऑफ इंडियन ऑटोमोबाईल मॅन्युफॅक्चरर्स) ने शुक्रवारी अहवाल दिला की, फेब्रुवारी २०२६ मध्ये उद्योगाने विक्रमी विक्री नोंदवली. दुचाकी बाजारात ३५.२ टक्क्यांची वाढ दिसून आली. र्व कंपन्यांनी मिळून एकूण १,८७१,४०६ युनिट्सची विक्री केली. गेल्या वर्षी फेब्रुवारीमध्ये कंपन्यांनी १,३८४,६०५ युनिट्सची विक्री केली होती. श्रेणीनुसार, स्कूटरच्या विक्रीत ४२.३ टक्क्यांनी वाढ झाली असून, कंपन्यांनी ७२९,७७४ युनिट्सची विक्री केली.
मोटरसायकलच्या विक्रीत ३०.८ टक्क्यांनी वाढ झाली असून, कंपन्यांनी एकूण १,०९६,५३७ युनिट्सची विक्री केली. हीरो मोटोकॉर्पने सर्वाधिक दुचाकी विकल्या. कंपनीने फेब्रुवारी २०२६ मध्ये एकूण ४५७,८२६ युनिट्सची विक्री केली. ४.३१ लाख युनिट्सची विक्री करून होंडा टू-व्हीलर्स दुसऱ्या क्रमांकावर आली. ही आकडेवारी किरकोळ विक्रीवर आधारित आहे.
