गुरुवार, 15 ऑक्टोबर 2026
(फोटो सौजन्य-AI एआय)
महाराष्ट्राच्या ऑटोमोबाईल क्षेत्रासाठी मोठी बातमी समोर आली आहे. ह्युंदाई मोटर इंडियाने पुण्यातील तळेगाव मॅन्युफॅक्चरिंग प्लांटचे 14 ऑक्टोबर 2026 रोजी उद्घाटन केले. मुख्यमंत्री देवेंद्र फडणवीस यांच्या उपस्थितीत झालेल्या या कार्यक्रमाला ह्युंदाई मोटर ग्रुपचे कार्यकारी अध्यक्ष ईसुन चुंग उपस्थित होते. कंपनी या प्लांटमध्ये 11,000 कोटी रुपयांपर्यंत गुंतवणूक करण्याची योजना आखत आहे. विशेष म्हणजे, या प्रकल्पात पेट्रोल इंजिन असलेल्या कारसोबत हायब्रिड कारचेही प्रोडक्शन करता येणार आहे.
2030 पर्यंत प्रोडक्शन कॅपसिटी 3.20 लाखांवर
सध्या तळेगाव प्लांटची वार्षिक प्रोडक्शन कॅपसिटी 1.70 लाख वाहनांची आहे. कंपनीचे उद्दिष्ट 2030 पर्यंत ही कॅपसिटी वाढवून 3.20 लाख वाहनांपर्यंत नेण्याचे आहे. चेन्नई प्लांटची वार्षिक कॅपसिटी 8.24 लाख वाहनांची असल्याने, विस्तार पूर्ण झाल्यानंतर भारतातील दोन्ही प्लांटची एकत्रित कॅपसिटी 11.44 लाख वाहनांपर्यंत पोहोचू शकते. यामुळे देशांतर्गत मागणी पूर्ण करण्यासोबतच निर्यात वाढवण्यास मदत होऊ शकते.
नवीन ह्युंदाई व्हेन्यूचे प्रोडक्शन पुण्यात
ह्युंदाई व्हेन्यूचे प्रोडक्शन तळेगाव प्लांटमध्ये विशेष स्वरूपात केले जात आहे. ही एसयूव्ही भारतातील कस्टमरसोबत आंतरराष्ट्रीय मार्केटलाही पुरवली जाणार आहे. कंपनीचे उद्दिष्ट व्हेन्यूची निर्यात 35 पेक्षा जास्त देशांमध्ये वाढवण्याचे आहे. याशिवाय, या प्लांटमध्ये वर्षाला 1.50 लाख इंजिन तयार करण्याची कॅपसिटी असलेली स्वतंत्र सुविधाही आहे.
AI आणि डिजिटल टेक्नोलॉजीचा वापर
तळेगाव प्लांटमध्ये ह्युंदाईचे E-Forest डिजिटल मॅन्युफॅक्चरिंग प्लॅटफॉर्म वापरण्यात आले आहे. AI आधारित गुणवत्ता तपासणी, ऑटोमेटेड डिफेक्ट डिटेक्शन आणि प्रेडिक्टिव्ह मेंटेनन्ससारख्या टेक्नोलॉजीमुळे प्रोडक्शन प्रक्रियेवर लक्ष ठेवता येते. डिजिटल सिम्युलेशन आणि ऑगमेंटेड रिअॅलिटीचा वापर नियोजन व कर्मचाऱ्यांच्या ट्रेनिंगसाठी केला जातो. त्यामुळे प्रोडक्शन प्रक्रियेची कार्यक्षमता वाढवण्यास मदत होऊ शकते.
महाराष्ट्रात रोजगार आणि पुरवठादारांना चालना
ह्युंदाईच्या माहितीनुसार, महाराष्ट्रात कंपनीचे 55 सप्लायर पार्टनर्स आहेत. या पुरवठादारांनी राज्यात जवळपास 4,600 कोटी रुपयांची गुंतवणूक केली आहे. त्यांच्या नेटवर्कमुळे 18,000 पेक्षा जास्त रोजगाराच्या संधी निर्माण झाल्या आहेत. कंपनीने भारतात 30 वर्षे पूर्ण केली असून, देशांतर्गत जवळपास 1 कोटी प्रवासी वाहनांची विक्री आणि 40 लाख वाहनांच्या निर्यातीचा टप्पाही गाठला आहे.
एकंदरीत, तळेगाव प्लांटचा विस्तार महाराष्ट्राच्या ऑटोमोबाईल उद्योगासाठी महत्त्वाचा ठरू शकतो. वाढणारी प्रोडक्शन कॅपसिटी, नवीन टेक्नोलॉजी आणि निर्यातीची योजना यामुळे राज्यातील रोजगार व वाहननिर्मिती क्षेत्राला चालना मिळण्याची अपेक्षा आहे.
प्रश्न 1: ह्युंदाईचा नवीन प्लांट कुठे सुरू झाला आहे?
उत्तर: ह्युंदाई मोटर इंडियाचा नवीन मॅन्युफॅक्चरिंग प्लांट महाराष्ट्रातील पुण्याजवळील तळेगाव येथे सुरू झाला आहे.
प्रश्न 2: ह्युंदाई तळेगाव प्लांटमध्ये किती गुंतवणूक करणार आहे?
उत्तर: कंपनी या प्लांटमध्ये 11,000 कोटी रुपयांपर्यंत गुंतवणूक करण्याची योजना आखत आहे.
प्रश्न 3: तळेगाव प्लांटची प्रोडक्शन कॅपसिटी किती असेल?
उत्तर: सध्या वार्षिक कॅपसिटी 1.70 लाख वाहनांची आहे. ती 2030 पर्यंत 3.20 लाख वाहनांपर्यंत वाढवण्याचे कंपनीचे उद्दिष्ट आहे.
