मंगळवार, 20 ऑक्टोबर 2026
(फोटो सौजन्य-X)
रेल्वे भरती प्रकोष्ठ (RRC), ईस्टर्न रेल्वे (ER), कोलकाता यांच्याकडून ३,११५ एक्ट अपरेंटिस पदांसाठी भरती प्रक्रिया जाहीर करण्यात आली आहे. ही भरती जाहिरात क्र. RRC-ER/Act Apprentices/2025-26 अंतर्गत घेण्यात येणार आहे. यासाठी ITI उत्तीर्ण उमेदवार पात्र आहेत. ऑनलाईन अर्ज प्रक्रिया 14 ऑगस्ट 2025 पासून सुरू होणार असून 13 सप्टेंबर 2025 रात्री 11:59 वाजेपर्यंत अर्ज करता येणार आहे. अर्ज RRC च्या अधिकृत वेबसाइट rrcer.org वर सादर करावा लागेल.
या भरतीसाठी अर्ज शुल्क सामान्य, ओबीसी आणि EWS वर्गासाठी ₹100 ठेवण्यात आले आहे, तर SC/ST/PWD आणि महिला उमेदवारांसाठी शुल्क माफ करण्यात आले आहे. अर्ज करताना शुल्काचे भरणे फक्त ऑनलाईन माध्यमातून (नेट बँकिंग, डेबिट कार्ड, क्रेडिट कार्ड) करता येणार आहे.
पदाचे नाव आहे अ‍ॅक्ट अपरेंटिस आणि एकूण 3115 पदे उपलब्ध आहेत. अर्ज करणाऱ्या उमेदवारांनी संबंधित ट्रेडमध्ये ITI उत्तीर्ण असणे अनिवार्य आहे. वयोमर्यादेच्या दृष्टीने, किमान वय 15 वर्षे आणि कमाल वय 24 वर्षे आहे. वयाची गणना 13 सप्टेंबर 2025 या तारखेनुसार केली जाईल. आरक्षित प्रवर्गातील उमेदवारांना सरकारी नियमानुसार वयोमर्यादेत सवलत दिली जाईल.
या भरती प्रक्रियेमध्ये कोणतीही लिखित परीक्षा किंवा मुलाखत घेण्यात येणार नाही. निवड 10वी व ITI गुणांच्या आधारे मेरिट लिस्ट तयार करून केली जाईल. निवडीची प्रक्रिया चार टप्प्यांमध्ये होईल. गुणांवर आधारित मेरिट यादी, कागदपत्र पडताळणी, वैद्यकीय तपासणी, आणि शेवटी अंतिम निवड यादी प्रसिद्ध केली जाईल.
अर्ज करण्यासाठी उमेदवारांनी प्रथम rrcer.org या वेबसाइटला भेट द्यावी. तेथे “Act Apprentice Recruitment 2025” या भरतीचे नोटिफिकेशन काळजीपूर्वक वाचावे. त्यानंतर “Apply Online” लिंकवर क्लिक करून रजिस्ट्रेशन करून Login करावे. अर्ज फॉर्म भरताना सर्व माहिती अचूक भरावी, आवश्यक दस्तावेज, फोटो व सही अपलोड करावी. शुल्क लागू असल्यास भरून, अर्ज सबमिट करावा आणि त्याची प्रिंट कॉपी जतन करून ठेवावी.
ही संधी रेल्वे मध्ये करीअर करू इच्छिणाऱ्या तरुणांसाठी खूपच मौल्यवान आहे. सरकारी नोकरीमध्ये स्थिरता, भविष्यातील सुरक्षितता आणि उत्तम वेतन असते. त्यामुळे पात्र उमेदवारांनी संधी गमावू नये.
